ბათუმში, კლინიკა „მედალფაში“ კორონავირუსით კიდევ ერთი პაციენტი გარდაიცვალა.
გარდაცვლილი, 81 წლის მამაკაცი, „ქობულეთის კლასტერიდან“ იყო. მას კორონავირუსი 9 აპრილს დაუდასტურდა.
საქართველოში კორონავირუსით გარდაცვლილთა რიცხვი 11-მდე გაიზარდა.
ეს აჭარაში ახალი კორონავირუსით გარდაცვალების მეორე შემთხვევაა. პირველი პაციენტი 18 აპრილს გარდაიცვალა, 73 წლის ქალი, რომლის ინფიცირებაც „ქობულეთის კლასტერს“ უკავშირდებოდა.
ბოლო მონაცემებით, კლინიკა „მედალფაში“ 13 პაციენტი მკურნალობს Covid19-ზე.
აჭარაში ჯამში 43 პირი განიკურნა კორონავირუსისგან.
