11 მაისიდან საქართველოში კარანტინით გათვალისწინებული შეზღუდვების ნაწილი მოიხსნება, – გაიხსნება მაღაზიებიც, გარდა ტანსაცმლის და ფეხსაცმლის მაღაზიებისა. ამის შესახებ დღეს მთავრობის სხდომაზე პრემიერ-მინისტრმა გიორგი გახარიამ განაცხადა.
მთავრობის ინფორმაციით, პირველ ეტაპზე გაიხსნება მაღაზიები, რომლებსაც აქვთ შესასვლელი ქუჩის მხრიდან და ჯანდაცვის სამინისტროს რეკომენდაციებით გათვალისწინებულ უსაფრთხოების სტანდარტებს აკმაყოფილებენ.
კომენდანტის საათი შენარჩუნდება.