მთავრობის გადაწყვეტილებით, 1-ელი ივლისიდან ქვეყანა ტურისტებისთვის გაიხსნება და აქ ჩამოსულ სტუმრებს უსაფრთხო გარემოს შესთავაზებენ – ამის შესახებ დღეს მთავრობის სხდომაზე პერმიერ-მინისტრმა გიორგი გახარიამ ისაუბრა. დღევანდელ სხდომაზე ტურიზმის გახსნის გეგმა წარადგინეს.
სხდომას ესწრებოდა აჭარის მთავრობის თავმჯდომარე თორნიკე რიჟვაძეც. სხდომის დასრულების შემდეგა ჟურნალისტებმა კითხვები მასაც დაუსვეს.
ერთ-ერთი შეკითხვა პლაჟზე დისტანცირების შესახებ იყო, რაზეც თორნიკე რიჟვაძემ უპასუხა, რომ მთავრობა ამ მიმართულებით „რბილ ზედამხედველობას“ განახორციელებს.
„ეპიდემიოლოგების მოსაზრების მიხედვით, ზღვის წყალი არ არის ინფიცირების გადამტანი და ეს არის საკმაოდ საიმედო პროგნოზი. რაც შეეხება დისტანციის დაცვას, დარწმუნებული ვარ, ჩვენი მოქალაქეები, ასევე ტურისტები, მათივე უსაფრთხოებისთვის მაქსიმალურად შეეცდებიან ამის დაცვას და, რა თქმა უნდა, რბილი ზედამხეველობის ნაწილში ამას დავაკვირდებით“, – განაცხადა თორნიკე რიჟვაძემ.
