Tag Archives: პოლიტიკა

ნაციონალურმა მოძრაობამ ბათუმის 103-ე საარჩევნო უბანზე, მეორე ტურში გაიმარჯვა. თუმცა, საკრებულოში თავიანტი კანდიდატის გაყვანა მაინც ვერ შეძლო, რადგან მათ ოლქის 11 უბნიდან, მხოლოდ ერთ უბანზე შეძლეს საკმარისი ხმების დაგროვება. 

„ქართული ოცნების“ ბათუმის მერობის კანდიდატი გიორგი ერმაკოვი დღეს ბათუმში „ნაციონალური მოძრაობის“ წევრების მიერ გამართულ ბრიფინგს პასუხობს და აცხადებს, რომ ის  და მისი პოლიტიკური გუნდი ყოველგვარ ძალადობას ემიჯნება, „მათ შორის 21 ივლისს ლევან ტეტემაძის მიმართ განხორციელებულ ძალადობრივ ქმედებასაც“. 

 ლეიბორისტული პარტიის აჭარის ორგანიზაციის ხელმძღვანელი, დავით რობაქიძე ადგილობრივი თვითმმართველობის არჩევნებზე სხვადასხვა ოლქებში დაფიქსირებული საარჩევნო დარღვევების გამო, აჭარის პროკურატურას მიმართავს. მისი  განცხადებით, 2014 წლის 15 ივნისს ჩატარებული თვითმმართველობის არჩევნების დროს ცალკეულ საარჩევნო უბნებში მასობრივად ჰქონდა დარღვევებს ადგილი. 

„ნაციონალური მოძრაობის“ წევრები ბათუმში პარტიის აქტივისტის ლევან ტეტემაძის ცემის ფაქტს კიდევ ერთხელ გამოეხმაურენ და განაცხადეს, რომ  ხელისუფლება  პოლიტიკურ ოპონენტებზე ანგარიშსწორებას  ახალისებს. პარტიის ბათუმის ოფისში ამ თემაზე განცხადება მიხეილ მაჭავარიანმაც გააკეთა:

„ვინ ხარ შენ მართლა, რა დღეში ხარ“, „პოემას წერ?“ „დარბის ჭიაყელასავით“, „ვისი გაზრდილი ხარ, სად ხარ გაზრდილი?“ „პოლი ხომ არ გაქვს მოკრასკული, სახლში წასვლა არ გინდა?“, „გაჩერდი ნუ ხმაურობ, ხელი გვეშლება“ „ასე არ შეიძლება, მომავალი წინ გაქვს“- ამ და სხვა მსგავსი შინაარსის განცხადებებს ბათუმის 30-ე საარჩევნო უბანზე კომისიის წევრები ძირითადად „საქართველოს იურისტთა ასოციაციის“ დამკვირვებლის მიმართ აკეთებდნენ. კომისიის წევრებთან ხმამაღალი საუბარი „სამართლიანი არჩევნების“ დამკვირვებელსაც მოუწია. კომისიის თავმჯდომარე ამ ორი ორგანიზაციის სხვა დამკვირვებლებით ჩანაცვლებას, ბათუმის #79-ე ოლქის თავმჯდომარისგან ითხოვდა.

პროპორციული სიით ბათუმის საკრებულოში „ქართული ოცნება“ 42,5 პროცენტით, ანუ შვიდი მანდატით იქნება წარმოდგენილი, სულ (19590 ხმა); „ნაციონალური მოძრაობას“ სამი მანდატი ექნება (8643 ხმა),  „პატრიოტთა ალიანსმა“ კი ორი მანდატის მოპოვება შეძლო (4548 ხმა). 

ბათუმის საოლქო საარჩევნო კომისიის იურისტის, მალხაზ ბოლქვაძის განცხადებით, ბათუმის მეხუთე ოლქში  არჩევნები ხელმეორედ ჩატარდება, რადგან უბანზე შედეგები ვერ დაჯამდა.  მეორე ტური 29 ივნისს უნდა გაიმართოს.

ამ ოლქში „ქართული ოცნების“ მაჟორიტარობის კანდიდატი თემურ ყურაშვილი 600 ხმით ლიდერობს.  

ქედის საოლქო საარჩევნო კომისიის თავმჯდომარის, ალი ნაკაშიძის ინფორმაციით, შედეგების მიხედვით,  გამგებლის თანამდებობას „ქართული ოცნების“ კანდიდატი დავით დუმბაძე დაიკავებს. მან არჩევნებზე ხმების 52-ი პროცენტი მიიღო.  ნინო ბურჯანაძის პარტიის მიერ დასახელებულმა კანდიდატმა ზურაბ ავალიანმა კი  ხმების 22,64 პროცენტი მიიღო. 

„ლეიბორისტული პარტიის“ აჭარის ორგანიზაციის ხელმძღვანელი დავით რობაქიძე აცხადებს, რომ თარხან-მოურავის პარტია „საქართველოს პატრიოტთა ალიანსი“, ამომრჩევლებს USAID -ის ჰუმანიტარულ საკვებს ურიგებს. დავით რობაქიძე ამბობს, რომ  აღნიშნული ფაქტი ამომრჩევლის მოსყიდვაა და აპირებს, რეაგირებისთვის ცენტრალურ საარჩევნო კომისიას მიმართოს

„ერთიანი ნაციონალური მოძრაობის“ ბათუმის ოფისის თავმჯდომარე გიორგი კირთაძე გუშინ მომხდარ ინციდენტს ბრიფინგით გამოეხმაურა და ფაქტს „ხელისუფლების მხრიდან ორგანიზებული“ უწოდა.

ბათუმში, ახმეტელის ქუჩაზე მოსახლეობასთან შეხვედრის დროს “ნაციონალური მოძრაობის” ლიდერებსა და რამდენიმე მოქალაქეს შორის ფიზიკური დაპირისპირება მოხდა. გიორგი ბარამიძე, გიგა ბოკერია და გიგი უგულავა ბათუმში, მათი პარტიის მაჟორიტარობის კანდიდატის, ირაკლი თავართქილაძის საარჩევნო კამპანიაში მონაწილეობდნენ. 

„ნაციონალური მოძრაობის“ ბათუმის მაჟორიტარობის კანდიდატი, ირაკლი თავართქილაძე, ბათუმის საკრებულოს თავმჯდომარეს, ირაკლი ჩავლეიშვილს ადმინისტრაციული რესურსის გამოყენებაში სდებს ბრალს და მოუწოდებს, რომ თანამდებობიდან გადადგეს:

თვითმმართველობის არჩევნებში მონაწილეობის მისაღებად ბათუმის 79-ე ოლქში დამოუკიდებელი, უპარტიო კანდიდატი თერთმეტმა საინიციატივო ჯგუფმა დაარეგისტრირა. მათ შორის ყოფილი მინისტრი, სამინისტროებისა და ბათუმის მერიის სამსახურების ყოფილი თანამშრომლები და მმართველი პარტიის სიაში ვერ მოხვედრის გამო გაბრაზებულებიც არიან.  

დღეს, 19 მაისს, აჭარის მთავრობის თავმჯდომარემ არჩილ ხაბაძემ კოალიციის მიერ დასახელებული მაჟორიტარობის და პროპორციული სიის კანდიდატები წარადგინა. არჩილ ხაბაძის განცხადებით, კანდიდატები დამსახურების ნიშნით შეირჩა. 

მაჟორიტარობის კანდიდატები:

ძველი ბათუმის უბანში კენჭს იყრის საკრებულოს მოქმედი თავმჯდომარე, „რესპუბლიკელი“ ირაკლი ჩავლეიშვილი. რუსთაველის უბანზე „თავისუფალი დემოკრატების“ კანდიდატი კობა ჩხეიძე იბრძოლებს, რომელიც ბოლოს აჭარის მთავრობაში მუშაობდა. ჯავახიშვილის უბანშიც „რესპუბლიკელი“ თემურ ყურაშვილია წარდგენილი. ის წინა მოწვევის საკრებულოს წევრი იყო. აღმაშენებლის ოლქში „ქართული ოცნების“ ბათუმის ორგანიზაციის ხელმძღვანელი ლაშა სირაბიძეა წარდგენილი. 

აეროპორტი-გონიო-კახაბერის ბათუმზე შემოერთებულ ტერიტორიაზე კი ირაკლი მიქელაძე იბრძოლებს. ხიმშიაშვილის ქუჩაზე მდებარე ოლქში ვაჟა რამიშვილია წარდგენილი, ბაგრატიონის ოლქში – ექიმი თეიმურაზ ორაგველიძე, ბონი-გარადოკი-ბარცხანის ოლქში – იურისტი ლევან კინწურაშვილი, თამარის დასახლებაში კი „თავისუფალი დემოკრატების “ წევრი, ჯაბა ბერიძე. ურეხი-ხელვაჩაურის ბათუმზე შემოერთებულ ოლქში  თემურ ბასილაძეა წარდგენილი.

დღეს 17 მაისს, ბათუმის მერობის კანდიდატი „ქართული ოცნებიდან“ გიორგი ერმაკოვი, ფერიის ეკლესიაში წავიდა წირვაზე დასაწრებად. ამის შესახებ ინფორმაცია ჟურნალსტებს მერობის კანდიდატის თანაშემწემ მიაწოდა.  დღის პირველი საათისთვის გიროგი ერმაკოვი ბათუმის საკათედრო ტაძარში მისვლასაც გეგმავს. მერობის კანდიდატს „ბათუმელებმა“ რამდენიმე კითხვა დაუსვა:

ბათუმის საკრებულოს თავმჯდომარის მოადგილემ, ჯუმბერ კახიძემ რომელიც ნაციონალური მოძრაობის წევრია, დღეს გამართულ ბრიფინგზე ჟურნალისტებთან განაცხადა, რომ ქართული ოცნების მიერ დასახელებული მერობის კანდიდატი გიორგი ერმაკოვი, ადმინისტრაციულ რესუსრს იყენებს. გიორგი ერმაკოვი ბათუმის მერის მოვალეობის შემსრულებელია „გია ერმაკოვი დაკავებული თანამდებობიდან უნდა გადადგეს, რადგან მერობის კანდიდატი მერის რანგში არ უნდა ესწრებოდეს მერიის პროგრამების განხორციელებას“- ეს განცხადება დღეს ბათუმის საკრებულოში ბათუმის საკრებულოს თავმჯდომარის მოადგილემ ჯუმბერ კახიძემ გააკეთა.

„ეროვნულმა ფორუმმა“, რომელიც კოალიცია „ქართულ ოცნების“ წევრია,  დღეს ქედაში რაიონული ორგანიზაციის ოფისი გაიხსნა.  პარტიის მხარდამჭერებს ქედის ოფისის თავმჯდომარედ რამაზ გოლომანიძე ეროვნული ფორუმის გენერალური მდივნის მოადგილემ  და აჭარის ორგანიზაციის თავმჯდომარემ დავით ანანიძემ წარუდგინა. 

აჭარის უმაღლესმა საბჭომ  სტილისტ-რედაქტორის თანამდებობის დასაკავებლად კონკურსი გასული წლის დეკემბერში გამოაცხადა. კონკურსის შედეგები ერთმა კონკურსანტმა გაასაჩივრა, რის შემდეგაც  საკონკურსო-საატესტაციო კომისიამ კონკუსის შედეგები ბათილად სცნო და აღნიშნულ ვაკანსიაზე მეორე ტური გამოაცხადა.  უმაღლესმა საბჭომ რამდენიმე დღის წინ პირველ კონკურსზე გამოცხადებული ვაკანსიები სხვა, ახალი ვაკანსიებით ჩაანაცვლა,  სტილისტ-რედაქტორის ვაკანსია  კი საერთოდ გააუქმა.   

„ქართული ოცნება-დემოკრატიული საქართველოს“ შუახევის რაიონულ ორგანიზაციას ახალი თავმჯდომარე ჰყავს. რაიონული ორგანიზაციის ყოფილი თავმჯდომარე ავთანდილ მახარაძე, საქართველოს პარლამენტის წინა მოწვევის დეპუტატმა ნოდარ ქარცივაძემ ჩაანაცვლა. ნოდარ ქარცივაძე „ქართული ოცნება- დემოკრატიული საქართველოს” აღმასრულებელი მდივანის, არმაზ ახვლედიანის  მამიდას შვილია.

დღეს  ბათუმის საკრებულოს სხდომაზე „ნაციონალური მოძრაობის“ წევრმა გიორგი კირთაძემ ბათუმის მერის მოვალეობის შემსრულებლის, გიორგი ერმაკოვის ლეგიტიმაციის საკითხი დააყენა. მისი განცხადებით, გიორგი ერმაკოვი, რომელიც მერის მოვალეობას საკრებულოს თავმჯდომარის ბრძანებით ასრულებს, ამავდროულად მერის პირველი მოადგილის მოვალეობის შემსრულებელიცაა.

ბათუმში „ნაციონალური მოძრაობის“ ოფისში პრაიმერი  მიმდინარეობს, რომლის შედეგებითაც პარტიის რეგიონალური ორგანიზაციის თავმჯდომარის ვინაობა გამოვლინდება.   

აჭარის მთავრობისა და უმაღლესი საბჭოს წევრები პრემიერ-მინისტრს თვითმმართველობის მოახლოებულ არჩევნებთან დაკავშირებით  შეხვდნენ. როგორც უმაღლესი საბჭოს წევრი ანზორ თხილაიშვილი „ბათუმელებთან“ საუბარში აცხადებს, ძირითადი საკითხი, რომელიც პრემიერთან განიხილეს, კოალიციაში შემავალი პარტიების კვოტები იყო.