Batumelebi | ბათუმის მერობის კანდიდატი: „ბათუმში მეჩეთის მშენებლობის წინააღმდეგი ვარ“ ბათუმის მერობის კანდიდატი: „ბათუმში მეჩეთის მშენებლობის წინააღმდეგი ვარ“ – Batumelebi
RU | GE  

ბათუმის მერობის კანდიდატი: „ბათუმში მეჩეთის მშენებლობის წინააღმდეგი ვარ“

 

„თავისუფალ ჟურნალისტთა სახლის“ გადაცემას – „შეუზღუდავ სივრცე“, ბათუმის მერობის კიდევ ერთი კანდიდატი ნუგზარ ჩხაიძე სტუმრობდა.  ის „ლეიბორისტულმა პარტიამ“ წარადგინა.   ნუგზარ ჩხაიძემ გადაცემაში წინასაარჩევნო გზავნილები გაახმოვანა:

 

„ინფრასტრუქტურის მოწესრიგება, ხალხთან ურთიერთობის გაღრმავება, დასაქმება და ინდუსტრიის განვითარება“- ეს ნუგზარ ჩხაიძის წინასაარჩევნო დაპირებებია. გადაცემაში ასევე შეგიძლიათ მოისმინოთ, კანდიდატის შეხედულებები ბათუმში მეჩეთის მშენებლობის საკითხზე, ქალაქის ურბანულ განვითარებასა და ევროპასთან ინტეგრაციის საკითხებზე.   

 

მერობის კანდიდატი ნუგზარ ჩხაიძე

 

მერობის კანდიდატმა კითხვაზე,  –  რა შეიცვლება მერიაში იმ შემთხვევაში,  თუკი ის გახდება ქალაქის მერი, პასუხობს:   „მერიიდან  ის ადამიანები წავლენ, რომლებიც  ბრეჟნევის დროიდან იქ   მუშაობენ და   დიდი პროფესიონალები ისინი არ არიან. არაფერი არ გაუკეთებიათ. საერთოდ, ხალხი რომელსაც არ უნდოდა დამოუკიდებლობა ჩემს გვერდით არ იმუშავებს“.

 

 

ნუგზარ ჩხაიძე შეეხო ბათუმში მეჩეთის მშენებლობის თემასაც. იგი ამბობს, რომ ბათუმში მეჩეთის მშენებლობის წინააღმდეგია:

 

 

 „კატეგორიული წინააღმდეგი ვარ  ახალი მეჩეთის აშენების. მეჩეთების რაოდენობა საკმაოდ ბევრია, მე მგონი თურქეთში არ იქნება იმდენი მეჩეთი რამდენიც არის აჭარაში.  ეს არის საერთოდ თურქული სპეცსამსახურების მუშაობა.  გამოკითხვა ჩაატარა  თარხან მოურავმა,  ვიცი რომ 60 ათასი კაცი წინააღმდეგია მეჩეთის მშენებლობის. მე ვენდობი მის კვლევებს.  საზეიმო დღეებში ვერცერთი კონფეციას  ვერ დაიტევს ვერცერთი  ობიექტი. წარმოიდგინეთ ყველა მართმადიდებელი რომ მივიდეს,  ყველა პროტესტანტი რომ მივიდეს, დაიტევს ეკლესია?   აგერ პრეზიდენტი მარგველაშვილი ავიდა დუშეთში, რატო ქმნიან ძალით პრობლემას“.   

 

 

მერობის კანდიდატმა საკუთარი მოსაზრება გამოთქვა ანტიდისკრიმინაციულ კანონთან დაკავშირებითაც, მისი აზრით, ეს ხელოვნურად  გაზვიადებული თემაა.

 

 

„ რა საჭირო იყოს ეს, საერთოდ იგნორირება უნდა მოხდეს.  თუ ასე წავიდა,  მაშინ 30 ათასი ბრმა არის, მათზე რატომ არ იწერება კანონი? ყრუ მუნჯებზე რატო არ იწერება, ხო გამიგეთ?   ხომ იცით, კონკურსი რომ გამოუცხადეს და ეს ხალხი, საწყალი ხალხი დარჩა გარეთ“.

 

 

 

ნეტგაზეთის მასალების სხვა გამოცემებში გადაბეჭდვის წესი
ბესო ხოზრევანიძე (მოხალისე)