სიახლეები

ნაციონალურმა მოძრაობამ 103-ე უბანი მეორე ტურში მოიგო

30.06.2014 • 1414
ნაციონალურმა მოძრაობამ 103-ე უბანი მეორე ტურში მოიგო

 

 

 

 

 

 

დღეს 30 ივნისს „ნაციონალური მოძრაობის“ ბათუმის მერობის კანდიდატმა გიორგი დიასამიძემ პარტიის ოფისში ბრიფინგი გამართა, სადაც განაცხადა რომ 103-ე საარჩევნო უბანზე  ქართულ ოცნებას 30 ხმით მოუგეს. 

 

 

მეორე ტურში გამარჯვებული კანდიდატი მარინე ჩიხლაძეა, თუმცა ის ბათუმის საკრებულოს წევრი მაინც ვერ გახდება, რადგან სხვა უბნების მონაცემების მიხედვით, მისი ოპონენტი „ქართული ოცნებიდან“ თემურ ყურაშვილი ლიდერობს.

 

 

ამის მიუხედავად, ნაციონალური მოძრაობა აცხადებს, რომ ეს წარმატება მნიშვნელოვანია:  „ჩვენ მოვახერხეთ ჩვენი ხმების და ამომრჩევლის ხმების დაცვა. მოვახერხეთ ის რომ არ მომხდარიყო გაყალბება. ეს ტენდენცია გაგრძელდება მთელ ბათუმში და ასეთი იქნება შემდეგი მეორე ტურიც“ – განაცხადა გიორგი დიასამიძემ

 

 

მისივე ინფორმაციით, ნაციონალურ მოძრაობას მეორე ტურისთვის ზედმეტი ძალისხმევა არ დაუხარჯავს: „ეს არის გარკვეულწილად ქართული ოცნების დამსახურებაც, რადგან როგორც ჩანს მოაბეზრა ამომრჩეველს თავი მობილიზაციით. ჩვენ დამკვირვებლების მობილიზაცია გავაკეთეთ მხოლოდ, რადგან   პირველი ტური წარმოადგენდა  არა არჩევნებს არამედ სპეცოპერაციას“. 

გადაბეჭდვის წესი


ასევე: