Tag Archives: პოლიტიკა

 

 

ბათუმის საკრებულოს თავმჯდომარის პირველმა მოადგილემ ჯუმბერ კახიძემ, რომელიც „ნაციონალური მოძრაობის“ წევრია, დღეს გამართულ ბრიფინგზე დახuრული კომერციული ობიექტების სია წარმოადგინა და აჭარის ფინანსთა და ეკონომიკის სამინისტროს მოუწოდა, რომ შეესწავლა ამ ობიექტების დახურვის მიზეზი. მან დღევანდელ ბრიფინგზე რეგიონში ტურისტების შემცირებაზეც გააკეთა აქცენტი.

 

 

წარმოდგენილ სიაში ათი კაფე-ბარი და რესტორანი, თექვსმეტი მაღაზია და შვიდი სხვადასხვა ტიპის კომერციული ობიექტია დასახელებული.
აჭარის ფინანსთა და ეკონომიკის სამინისტროს პრესსამსახურის განცხადებით, აღნიშნულ ინფორმაციას სამინისტრო გადაამოწმებს.

 

 

<!** Image 1 align="" width="300" height="300" >

ბიძინა ივანიშვილს ეშინია აქციების, – ამის შესახებ ჟურნალისტებს „ერთიანი ნაციონალური მოძრაობის“ გენერალურმა მდივანმა ვანო მერაბიშვილმა ბათუმში პარტიის წევრებთან შეხვედრამდე განუცხადა.

 

<!** Image 1 align="left" width="300" height="511" >

როგორც ვანო მერაბიშვილმა აღნიშნა, დღიდან ნაციონალური მოძრაობა პარტიის სამომავლო გეგმებთან დაკავშირებით, იწყებს შეხვედრებს. მისივე განმარტებით, „ნაციონალური მოძრაობა“ იწყებს აქტიურ კამპანიას, რათა მოსახლეობასთან ერთად იმსჯელონ ქვეყანაში შექმნილი მდგომარეობის შესახებ. ამასთან, მერაბიშვილის განცხადებით, ნაცმოძრაობა იქნება ძალიან აქტიური და პრემიერ-მინისტრს სწორედ ეს აშინებს.

„ჩვენ ვიქნებით ძალიან აქტიური და ივანიშვილს ეს ძალიან აშინებს, მას ეშინია აქციების, მას აშინებს, რომ ნაცმოძრაობის აქციაზე უამრავი ადამიანი მოვა, ივანიშვილს ეშინია დემოკრატიის, სწორედ ამას უკავშირდება მის მიერ ბოლო დროს გაკეთებული განცხადებებები“, – განაცხადა მერაბიშვილმა.

დღესვე, ვანო მერაბიშვილი, საქართველოს პარლამენტის უმცირესობის წევრთან მიხეილ მაჭავარიანთან ერთად სამტრედიასა და ბაღდადში გამართავს შეხვედრებს.

<!** Image 1 align="middle" alt="ბათუმის მერი ჯემალ ანანიძე და ბათუმის საკრებულოს თავმჯდომარე ირაკლი ჩავლეიშვილი" sub="ბათუმის მერი ჯემალ ანანიძე და ბათუმის საკრებულოს თავმჯდომარე ირაკლი ჩავლეიშვილი" width="600" height="435" >

არასამთავრობო ორგანიზაციების ნაწილის განცხადებით, ბათუმის ახალი მერი კონკურსის წესით უნდა შეირჩეს. ამისთვის კი სპეციალური კომისია უნდა შეიქმნას, რომელიც დაადგენს იმ კრიტერიუმებს, რასაც მომავალი მერი უნდა აკმაყოფილებდეს. ბათუმის საკრებულოს თავმჯდომარის, ირაკლი ჩავლეიშვილის განცხადებით, კომისიის შექმნა დროში გაწელილი პროცესია, რამაც შესაძლებელია მერიის მუშაობაში სრული კოლაფსი გამოიწვიოს. 

<!** Image 1 align="left" alt="გიორგი თავართქილაძე" sub="გიორგი თავართქილაძე" width="300" height="277" >

სამაგიეროდ, აჭარის ფინანსთა და ეკონომიკის მინისტრის, გიორგი თავართქილაძის გადადგომას ადასტურებენ აჭარის მთავრობაში. როგორც გაირკვა, არჩილ ხაბაძემ დღეს დააკმაყოფილა ყოფილი მინისტრის განცხადება გადადგომასთან დაკავშირებით.

 

ფინანსთა სამინისტროს პრეს-სამსახურში ამ ინფორმაციას არ ადასტურებენ. პრეს-სამსახურის ხელმძღვანელის, იური ფენის განმარტებით, მინისტრის გადადგომის შესახებ ინფორმაცია სიმართლეს არ შეესაბამება და გიორგი თავართქილაძე სამსახურეობრივი მივლინებით თბილისში იმყოფება.

 

რამდენიმე თვიანი საქმიანობის შემდეგ გიორგი თავართქილაძემ საზოგადოებას თავი სკანდალური განცხადებით დაამახსოვრა, როცა მან თქვა, რომ წელს აჭარაში 40 მილიარდი დოლარის ინვესტიცია განხორციელდება.

 

გიორგი თავართქილაძის მიერ სამსახურიდან წასვლის შესახებ განცხადების დაწერის თაობაზე ინფორმაცია ორი კვირის წინ გავრცელდა. თუმცა, მაშინ ყოფილი მინისტრი ამ ინფორმაციას კატეგორიულად უარყოფდა.

 

ამ ეტაპზე გიორგი თავართქილაძესთან დაკავშირება ვერ ხერხდება.

 

დღემდე მედიაში არაერთხელ დაიწერა გიორგი თავართქილაძისა და არჩილ ხაბაძის ახლო ურთიერთობაზეც – არჩილ ხაბაძე ყოფილი მინისტრის მეჯვარე იყო.

 

„ბათუმელების“ ინფორმაციით, ფინანსთა და ეკონომიკის მინისტრად ყოფილი მინისტრის პირველი მოადგილის, დავით ბალაძის კანდიდატურა განიხილება, რომელიც უკვე შეუდგა მოვალების შესრულებას.

<!** Image 1 align="left" alt="რობერტ ჩხაიძე" sub="რობერტ ჩხაიძე" width="300" height="418" >

ბათუმის ყოფილმა მერმა, ამჟამად აჭარის უმაღლესი საბჭოს „ფრაქცია ნაციონალური მოძრაობის“ თავმჯდომარემ, რობერტ ჩხაიძე, აჭარის მთავრობა იმაში დაადანაშაულა, რომ გუშინ, 3 მარტს გამართულ შეხვედრაზე, სადაც მთავრობის თავმჯდომარემ 4 თვის ანგარიშის წარადგინა, „ნაციონალური მოძრაობა“ არ მიიწვია.

ქალაქის ყოფილი მერის განცხადებით, აჭარის მთავრობას არ სურდა, რომ შეხვედრაზე მწვავე კითხვები დაესვათ, სწორედ ამიტომ შეხვედრაზე „ნაციონალური მოძრაობა“ მიზანმიმართულად არ მიიწვიეს.

როგორც რობერტ ჩხაიძემ აღნიშნა, ახალი ხელისუფლების ერთ-ერთი მთავარი დაპირება გამჭვირვალობა და საზოგადოებასთან მუდმივი კომუნიკაცია იყო, თუმცა, მისი თქმით, ეს დაპირება, ისევე როგორც სხვა დაპირებები არ სრულდება.

როგორც „ბათუმელებს“ აჭარის მთავრობის პრესსამსახურის ხელმძღვანელმა ნათია სირაბიძემ განუცხადა, გუშინდელ შეხვედრაზე რობერტ ჩხაიძის მიწვევა ტექნიკურად ვერ მოხერხდა, რადგან შეხვედრის მონაწილეებს ტელეფონის საშუალებით უკავშირდებოდნენ, რობერტ ჩხაიძის ტელეფონი კი გამორთული იყო.

შეგახსენებთ, გუშინ აჭარის მთავრობის თავმჯდომარემ არჩილ ხაბაძემ საზოგადოებას ოთხი თვის საქმიანობის ანგარიში ბათუმის ხელოვნებისა და მუსიკის ცენტრში წარუდგინა.

შეხვედრას აჭარის ავტონომიური რესპუბლიკის მინისტრთა კაბინეტისა და უმაღლესი საბჭოს წევრები, ბიზნესმენები, პროფესორ-მასწავლებლები, სტუდენტები, მეცნიერები, ჯანდაცვის სფეროსა და საბანკო-საფინანსო ინსტიტუტების წარმომადგენლები და ფერმერები ესწრებოდნენ.

შეხვედრაზე აჭარის მთავრობის გაწეული საქმიანობა, პრიორიტეტები, აჭარის ავტონომიური რესპუბლიკის 2013 წლის ბიუჯეტით განსაზღვრული პროგრამები და რეგიონში განსახორციელებელი აქტივობების ძირითადი მიმართულებები განიხილეს.

<!** Image 1 align="left" alt="გელა დეკანაძე" sub="გელა დეკანაძე" width="300" height="576" >

ბათუმის მერიას უფლებები ჩამოერთმევა, – ამის შესახებ ბათუმის ვიცე-მერმა გელა დეკანაძემ განაცხადა.

როგორც ვიცე-მერმა დღევანდელ საგანგებო ბრიფინგზე აღნიშნა, რამდენიმე დღის წინ საკრებულოს თავმჯდომარემ ირაკლი ჩავლეიშვილმა საკრებულოს განცხადებით მიმართა, იმსჯელონ საკრებულოსათვის იმ უფლებების დაბრუნების შესახებ, რომელიც 2006 წელს იმჟამინდელმა თავმჯდომარემ გიორგი კირთაძემ შესაბამისი საკანონმდებლო ცვლილებების საფუძველზე მერიას გადასცა.
დეკანაძის შეფასებით, თუ ქალაქის საკრებულო ამ ინიციატივას მხარს დაუჭერს, მაშინ ქალაქს უუფლებო მერი ეყოლება და მას მხოლოდ სარეზერვო ფონდის განკარგვის უფლება ექნება.

„თუ ინიციატივას საკრებულოს წევრები მხარს დაუჭერენ, მაშინ ქალაქის მერს მხოლოდ სარეზერვო ფონდის განკარგვის შესაძლებლობა ექნება. ეს, ფაქტობრივად, მერიის უფუნქციოდ დატოვებას ნიშნავს. ვფიქრობ, ეს არასწორია და უზრუნველყოფილი უნდა იყოს უფლება-მოვალეობების გონივრულად დანაწილება“, – აცხადებს გელა დეკანაძე.

მისი თქმით, დღემდე ქალაქის მერს ჰქონდა შესყიდვებზე ნებართვის გაცემის უფლება, ზედამხედველობის, შენობა-ნაგებობების ექსპლუატაციაში შეყვანის, ასევე გარე რეკლამების განთავსების უფლება და ა.შ. სწორედ ამიტომ დღევანდელი ბრიფინგის მიზანია, აღნიშნულ ცვლილებებთან დაკავშირებით მოსახლეობას მიაწოდონ ინფორმაცია. საჭიროების შემთხვევაში მოქალაქეებმა არა მერიას, არამედ საკრებულოს რომ მიმართონ.

<!** Image 1 align="" alt="ჯუმბერ თავართქილაძე" sub="ჯუმბერ თავართქილაძე" width="300" height="600" >

გამგებლები და მერები პირდაპირი წესით უნდა აირჩეს, ამ ინიციატივით „საქართველოს ერთიანობის კავშირის“ კოორდინატორი ჯუმბერ თავართქილაძე გამოდის. როგორც ჯუმბერ თავართქილაძემ დემოკრატიული ჩართულობის ცენტრში გამართულ ბრიფინგზე განაცხადა, გაუმართლებელია, რომ მოქალაქეებს ქალაქის მერის არჩევა პირდაპირი წესით არ შეუძლიათ.
მისივე თქმით, მერის არჩევასთან ერთად ასევე მნიშვნელოვანია შეიცვალოს მაჟორიტარების არჩევის წესიც.

 

„მნიშვნელოვანია შეიცვალოს მაჟორიტარების არჩევნების წესი და ის 50+1 გახდეს. ეს ნიშნავს, რომ კანდიდატს გამარჯვებისათვის არჩევნებზე მოსული ამომრჩევლების 50% მეტმა უნდა დაუჭიროს მხარი“, – აღნიშნავს ჯუმბერ თავართქილაძე.

თავართქილაძე ასევე მოითხოვს მაჟორიტარი კანდიდატის წარდგენა შეეძლოთ როგორც პოლიტიკურ პარტიებს, ასევე არასამთავრობო ორგანიზაციებსა და საინიციატივო ჯგუფს, იმ შემთხვევაში თუ კანდიდატი მასზე დაკისრებულ მოვალეობებს არ შეასრულებს, პოლიტიკურ პარტიებსა და საინიციატივო ჯგუფს მისი უკან გამოწვევის უფლება უნდა ჰქონდეთ.

დღეს ჯუმბერ თავართქილაძემ საარჩევნო ბარიერის დაწევის აუცილებლობაზეც ისაუბრა და აღნიშნა, რომ ბარიერის დაწევა პარტიებს პარლამენტში შესვლის საშუალებას მისცემს, რაც დემოკრატიული პროცესების განვითარებას ხელს შეუწყობს.

როგორც ერთიანობის კავშირის კოორდინატორი განმარტავს, ამ შემთხვევაში, თუ კოალიციაში შემავალი რომელიმე პარტია, მის ინიციატივას პარლამენტში არ შეიტანს, მაშინ ისინი კანონპროექტის ინიცირებისთვის ხელმოწერების შეგროვებას დაიწყებენ.

 

 

 

უსკოს დაკომპლექტების წესის შესახებ კანონპროექტი აჭარის უმაღლეს საბჭოს შენიშვნებით დაუბრუნდა. აჭარის მთავრობის იურიდიული დეპარტამენტის ხელმძღვანელი პარმენ ჯალაღონია იმ მიზეზებს განმარტავს, რის გამოც მთავრობის თავმჯდომარემ, არჩილ ხაბაძემ კანონპროექტს ხელი არ მოაწერა. 

ლელა დუმბაძე

აჭარის მთავრობის თავმჯდომარემ არჩილ ხაბაძემ უმაღლესი საბჭოს მიერ მიღებულ კანონპროექტს უსკოს (აჭარის უმაღლესი საარჩევნო კომისია) დაკომპლექტების წესის შესახებ ხელი არ მოაწერა. პროექტი შენიშვნებით უმაღლეს საბჭოს ოფიციალურად უკვე  გადაეგზავნა.

 <!** Image 1 align="" alt="კანონთან დაკავშირებულ შენიშვნებს არჩილ ხაბაძე წინა კვირას გაეცნო" sub="კანონთან დაკავშირებულ შენიშვნებს არჩილ ხაბაძე წინა კვირას გაეცნო" width="300" height="300" >

 

შენიშვნების დიდი ნაწილი არასამთავრობო ორგანიზაციებმა შეიმუშავეს. მას არჩილ ხაბაძე წინა კვირას გაეცნო. ახალი კანონპროექტის მიხედვით, უსკოს პოლიტიკური პარტიები და არასამთავრობო ორგანიზაციები აკომპლექტებენ, რასაც არ ეთანხმებიან არასამთავრობო ორგანიზაციები. მათი განცხადებით, ახალი კანონპოექტი პოლიტიკური ნიშნით და რეგლამენტის უხეში დარღვევით არის მიღებული.

 

 „მე რამდენადაც ვიცი, კანონი უკან დააბრუნა შენიშვნებით. რა შენიშვნებია ზუსტად არ ვიცი, ალბათ გადმოგზავნილი იქნება დილით ელექტრონული ვერსია და გავეცნობი. ვფიქრობ, არ არის ისეთი შენიშვნები, რომლის დაძლევა იქნება შეუძლებელი. ალბათ სარედაქციო მნიშვნელობის შენიშვნები იქნება“, – აცხადებს უმაღლესი საბჭოს იურიდიულ და საპროცესურო კომისიის თავმჯდომარე მედეა ვასაძე.

 

როგორც მედეა ვასაძე ამბობს, შენიშვნების ჩასასწორებლად, ერთ კვირაში რიგგარეშე პლენარული სხდომა უნდა დაიგეგმოს: „თუ შენიშვნები არის გასაზიარებელი, ეს ვადები იქნება საკმარისი, თუ არ არის გასაზიარებელი, მაშინ სხვა წესი არსებობს და ამ წესს გამოვიყენებთ. რეგლამენტის მიხედვით, უმაღლესი საბჭოს თავმჯდომარეს აქვს ამ კანონზე ხელის მოწერის უფლება და კანონი მაინც ამოქმედდება“.

 

„მე როგორც ვიცი, კანონი არ დაუბრუნებია. თუ შენიშვნები არის მიუღებელი, უმაღლეს საბჭოს შეუძლია არ გაითვალისწინოს და კანონი მაინც ამოქმედდეა“, – ამბობს იურიდიული კომისიის წევრი, გია მასალკინი. მისი თქმით, აღნიშნული კანონპროექტის მიმართ სენსიტიურია და საბოლოო პოზიციას კონსულტაციების შემდეგ დააფიქსირებს: 

„მე გავივლი კონსულტაციებს იმ პოლიტიკურ ჯგუფთან ერთად, რომელსაც წარმოვადგენ. თუმცა, ჩემი პოზიციაა, რომ ამ კანონის მიღებამ არ გამოიწვიოს გარკვეული სამართლებრივი ჩიხი და მკვეთრი შენიშვნები ვენეციის კომისიისგან“.

 

 

არჩილ ხაბაძის გადაწყვეტილება უცნობია დავით ბაციკაძესთვისაც. იგი ამბობს, რომ არასამთავრობოების შენიშვნები მისთვის ცნობილია: „ნაწილს ვეთანხმები, ნაწილს – არა. არჩილ ხაბაძეს რა შენიშვნები აქვს, არ ვიცი, ვნახავთ“.

შენიშვნებთან დაკავშირებით აჭარის მთავრობაში დღეს ბრიფინგს გამართავენ.

დღეს, 4 საათზე ჩანიშნულ რიგგარეშე სხდომაზე  ბათუმის საკრებულოს 12 წევრი საკრებულოს თავმჯდომარის, გიორგი კირთაძის იმპიჩმენტის საკითხის დაყენებას და მის ნაცვლად ირაკლი ჩავლეიშვილის არჩევას გეგმავს. გადაწყვეტილების მიღების შემთხვევაში გიორგი კირთაძე თვითმმართველობის შესახებ საქართველოს კანონის დარღვევის გამო და სამართლოანობის აღდგენის მოთხოვნით სასამართლოს  მიმართავს.   

 

მანანა ქველიაშვილი

 

დღეს ბათუმის მერი  ჯემალ ანანიძე ირანის ისლამური რესპუბლიკის კონსულს აჰმად რეზა არზჯანს შეხვდა.  შეხვედრაზე ბათუმისა და ირანის გუბერნიის, ოსთნის ქალაქ არაქთან დამეგობრების საკითხი  განიხლეს.

<!** Image 1 align="left" width="300" height="156" >

მორიგი საჯარო განხილვა გაიმართება 23 იანვარს, 17: 00 საათზე, ბათუმის შოთა რუსთაველის სახელობის უნივერსიტეტის სააქტო დარბაზში (ნინოშვილის ქ. 35) საკონსტიტუციო ცვლილების ორი პროექტის მორიგი სახალხო განხილვა გაიმართება.

 

 

ამის შესახებ ინფორმაციას განხილვის ორგანიზატორი – ეროვნულ დემოკრატიული ინსტიტუტი (NDI) ავრცელებს:

 

 

ორგანიზატორების მიერ გავრცელებული პრესრელიზის თანახმად, „საკონსტიტუციო ცვლილების პირველი პროექტი საქართველოს საკანონმდებლო ორგანოს ადგილსამყოფელს  ეხება; ხოლო მეორე პროექტი -პრეზიდენტის უფლებამოსილებებს. 

 

 

შეხვედრაზე საყოველთაო-სახალხო განხილვის საორგანიზაციო კომისიის წევრები საპარლამენტო უმრავლესობიდან, ოპოზიციური ფრაქციებიდან და არასამთავრობო ორგანიზაციებიდან დამსწრე საზოგადოებას საკონსტიტუციო ცვლილებების პროექტებს წარუდგენენ და  საკუთარ მოსაზრებებს გააცნობენ. შეხვედრას მოქალაქეები და არასამთავრობო ორგანიზაციების, მედიისა და პოლიტიკური პარტიების წარმომადგენლები დაესწრებიან“.

განხილვაზე დასწრება თავისუფალია.

ცაგო კახაბერიძე

 

სასწრაფოდ განსახორციელებელ ღონისძიებათა ჩამონათვალში, რომელთა ნუსხაც აჭარის უმაღლესი საბჭოს თავმჯდომარემ ბათუმის მერს ჯემალ ანანიძეს გადაუგზავნა, პირველ ნომრად მემედ აბაშიძის ძეგლის ადგილმდებარეობის განსაზღვრა- გადატანაა მითითებული. ავთანდილ ბერიძის წერილს დღეს ბათუმის საკრებულოს თავმჯდომარე გიორგი კირთაძე ბრიფინგით გამოეხმაურა და უმაღლესი საბჭოს თავმჯდომარე კომპეტენციის აღრევაში დაადანაშაულა.

<!** Image 1 align="left" alt="ხელვაჩაურის საკრებულოს სხდომა" sub="ხელვაჩაურის საკრებულოს სხდომა" width="600" height="750" >

ეთერ თურაძე

ხელვაჩაურის მუნიციპალიტეტის თანამშრომლებისგან შემოსული შეტყობინების თანახმად, ამ მუნიციპალიტეტში ლევან ლორთქიფანიძის დანიშვნისთანავე,  მუნიციპალიტეტის თანამშრომლები დაიბარეს და სამსახურიდან წასვლასთან დაკავშირებით განცხადების დაწერა მოსთხოვეს.

გურამ საფარიძემ გადადგომის შესახებ განცხადება დღეს დაწერა. ამის შესახებ ინფორმაციას „ბათუმელებთან“ ხელვაჩაურის საკრებულოს აპარატის უფროსი ნაირა მჟავანაძე ადასტურებს: „მისი განცხადება გადადგომის შესახებ დავარეგისტრირე და თავმჯდომარეს შევუტანე. განცხადებაში მიზეზებზე არაფერი უწერია, მაგრამ მე როგორც ვიცი სხვა სამსახურში გადადის. არ გამიგია, რომ მის მიმართ რაიმე ზეწოლა იყო ახლანდელი ხელისუფლებისგან“.

 

აჭარის ოთხი მუნიციპალიტეტის გამგებლებმა არჩილ ხაბაძის, აჭარის მთავრობის თავმჯდომარის მხრიდან ზეწოლაზე პირველად 5 ნოემბერს განაცხადეს. ცოტა ხნის წინ კი „ქართული ოცნების“ აქტივისტები ქობულეთის გამგეობის შენობაში შეიჭრნენ. 

 

გურამ საფარიძემ ნოემბრის ბოლო რიცხვებში „ბათუმელებს“ განუცხადა, რომ გადადგომას არ აპირებდა.  მას იმედი ჰქონდა, რომ „ნაცმოძრაობა“ თვითმმართველობის მორიგ არჩევნებამდე, ანუ 2014 წლამდე, „მმართველ ძალად დარჩება ხელვაჩაურში“. 

 

ზეწოლას გამორიცხავს ხელვაჩაურის საკრებულოს თავმჯდომარე მალხაზ ფარტენაძეც. მისი თქმით, ამ დილით ესაუბრა გამგებელს, რომელმაც უთხრა, რომ „თუ საჭირო დარჩა დაწერდა განცხადებას გადადგომაზე“. 

„ბათუმელების“ ინფორმაციით, ხელვაჩაურში ხვალისთვის დაგეგმილი საკრებულოს სხდომაზე ოპოზიცია გურამ საფარიძის გადაყენების საკითხის დასმას გეგმავდა. ხელვაჩაურის საკრებულოში ნაციონალური მოძრაობის ფრაქცია უკვე უმცირესობაშია.

გურამ საფარიძე სატელეფონო ზარებს არ პასუხობს. 

<!** Image 1 align="middle" alt="ხელვაჩაურის საკრებულოს თავმჯდომარე მალხაზ ფარტენაძე და ყოფილი გამგებელი გურამ საფარიძე " sub="ხელვაჩაურის საკრებულოს თავმჯდომარე მალხაზ ფარტენაძე და ყოფილი გამგებელი გურამ საფარიძე " width="400" height="370" >