ბათუმელები
ბათუმის საკრებულოში სხდომა ხმაურით მიმდინარეობს. „ნაციონალური მოძრაობის“ წარმომადგენელმა გიორგი კირთაძემ ქალაქის მერს გიორგი ერმაკოვს გერმანული პროექტის KFW პროექტის შეფერხების და მერიის სამსახურებიდან სპეციალისტების გათავისუფლების გამო უსაყვედურა. პროექტის ფარგლებში ბათუმის წყლისა და კანალიზაციის რეაბილიტაცია ხორციელდება. მერი და საკრებულოს წევრები ერთმანეთს ევროპული ვოიაჟების გამო საყვედურობენ.
დღეს ათ ნოემბერს, საქართველოს დევნილთა და განსახლების მინისტრი, სოზარ სუბარი, ჩაქვში მცხოვრებ დევნილებს შეხვდება. როგორც აჭარის ჯანდაცვის პრესსამსახურში აცხადებენ, მინისტრი ჩაქვში მცხოვრებ დევნილებს საცხოვრებელ ფართებს საკუთრებაში გადასცემს.
აჭარის უმაღლესი საბჭოს ჯანმრთელობის დაცვისა და სოციალურ საკითხთა კომისიის თავმჯდომარე ჯემალ ფუტკარაძე, აჭარის მაღალმთიანეთის ენერგო სისტემაში შექმნილ მდგომარეობას საგანგაშოს უწოდებს და „ენერგო პრო ჯორჯიასა“ და ადგილობრივი ხელისუფლების მესვეურებს შესაბამისი ზომების ოპერატიულად გატარებისაკენ მოუწოდებს. ჯემალ ფუტკარაძემ ბრიფინგის ჩანაწერი, უმაღლესი საბჭოს ვებ-გვერდზე დღეს გამოაქვეყნა.
დღეს 27 ოქტომბერს, „პრესკაფეში“, სახალხო დიპლომატიის ფარგლებში ქართულ-აფხაზურ საკითხებზე შეხვედრა გაიმართა. შეხვედრაში საქართველოში მცხოვრები ის სამი აფხაზი ბავშვიც მონაწილეობდა, რომლებიც სახალხო დიპლომატიის ფარგლებში ავსტრიასა და სლოვაკეთში მცხოვრებ აფხაზ და ოს ბავშვებს შეხვდნენ.
დღეს 27 ოქტომბერს, ბათუმის საკრებულოში მიწის აღიარების კომისიის პირველი სხდომა გაიმართა. ახალ საკრებულოში აღიარების კომისია, ახლახანს შეიქმნა. მიწის აღიარების საკითხზე კომისიაში უკვე 800-მდე განცხადებაა შესული.
უკრაინამ ბათუმში საკონსულო დახურა. როგორც უკრაინის საპატიო კონსულმა ალექსანდრე აკიმოვმა აღნიშნა, საკონსულოს დახურვა ფინანსურ პრობლემებს უკავშირდება. კონსული დღეს, აჭარის მთავრობის თავმჯდომარეს, არჩილ ხაბაძეს შეხვდა და მუშაობის შედეგები შეაჯამა.
დღეს აჭარის მთავრობის თავმჯდომარემ არჩილ ხაბაძემ გამოსახლებულ ეკომიგრანტებთან დაკავშირებით კომენტარი გააკეთა. არჩილ ხაბაძის განცხადებით, წალკაში ჩასახლებული ეკომიგრანტებისთვის მხოლოდ რამდენიმე სახლის შეძენა იგეგმება.
საქართველოს პრემიერ-მინისტრი ირაკლი ღარიბაშვილი 16 ოქტომბერს, ბათუმში, დასავლეთ საქართველოს მუფთს, ჯემალ პაქსაძეს და მუსლიმებს შეხვდა. ქართველი მუსლიმები ქობულეთში მუსლიმური პანსიონის ფუნქციონირების და ბათუმში ახალი მეჩეთის მშენებლობის დაწყების საკითხზე პრემიერ-მინისტრის გადაწყვეტილებას ელოდნენ. შეხვედრას აჭარის მთავრობის თავმჯდომარე, არჩილ ხაბაძეც ესწრებოდა.
ზეგ, 15 ოქტომბერს, ბათუმის საკრებულო საკრებულოს წევრის უფლებამოსილების ხარჯის გაზრდაზე იმსჯელებს. ინიციატივა საკრებულოს წევრებს ეკუთვნით. საკითხის მხარდაჭერის შემთხვევაში საკრებულოს წევრის ყოველთვიური ანაზღაურება 1000-დან 1500 ლარამდე გაიზრდება.
არჩილ ხაბაძის დეიდა ნარგიზ ჩელებაძე, რომელსაც, როგორც ქობულეთის ბაღების გაერთიანების დირექტორი ამბობდა, სოფელ კვირიკეს ახალაშენებულ ბაღში მასწავლებლის პოზიციაზე ჰქონდა განცხადება შეტანილი, ბაღის გამგედ დანიშნეს. ბაღების გაერთიანების დირექტორი ია ხალვაში ამბობს, რომ ნარგიზ ჩელებაძე ამ პოზიციაზე უალტერნატივო იყო.
„საქართველოს რკინიგზამ“ გაავრცელა ინფორმაცია, რომ 2014 წლის 8 თვის მონაცემებით მისმა შემოსავალმა „ისტორიულ მაქსიმუმს მიაღწია და შეადგინა 335,1 მლნ. ლარი, რაც 9,3%-ით (28,6 მლნ. ლარი) მეტია 2013 წლის ანალოგიური პერიოდის მაჩვენებელზე“. მსგავსი მოგების მიუხედავად, რკინიგზამ ბათუმი-თბილისის „ღამის მატარებელის რეისი, როგორც ბათუმის მაჟორიტარი დეპუტატი ამბობს, სწორედ იმის გამო გააუქმა, რომ „ძვირი ჯდება“. საქართველოს რკინიგზაში საჭიროდ არ მიიჩნევენ მოქალაქეებს განუმარტონ, რატომ გააუქმეს აღნიშნული რეისი? ხომ არ გამართავენ რკინიგზის სადგურს ისე, რომ თბილისში შუაღამით ჩასულმა მგზავრებმა კომფორტულ გარემოში გაათიონ? ხომ არ გაიზრდება მგზავრობის ფასი? რატომ მიიღო საქართველოს რკინიგზამ ეს გადაწყვეტილება? – კითხვებზე პასუხის გაცემას თავი არ აარიდა პარლამენტარმა მურმან დუმბაძემ, რომელიც საკითხზე მეტ-ნაკლებად ინფორმირებულია.
დღეს საქართველოს ახალგაზრდა იურისტთა ასოციაციაში მიიღეს უზენაესმა სასამართლოდან შეტყობინება იმის შესახებ, რომ მესამე საფეხურის სასამართლო ინსტანციამ აჭარის უმაღლესი საბჭოს საჩივარი არ დააკმაყოფილა უსაფუძვლობის გამო. ამის მიუხედავად, უმაღლეს საბჭოში „ბათუმელებს“ განუცხადეს, რომ ისინი დავას უზენაეს სასამართლოში გააგრძელებენ. საქმე ეხება აჭარის ტელევიზიის ბორდის წევრების დანიშვნის საკითხს.
აჭარის მთავრობაში სტიქიის სალიკვიდაციო კომისია დღეს მეორედ შეიკრიბა. სხდომაზე აჭარის მუნიციპალიტეტებში სტიქიის შედეგად მიყენებული ზიანი განიხილეს.
დღეს 11:00 საათზე აჭარის მთავრობის აპარატში ამინდის კვლავ გაუარესების შედეგად სტიქიის შედეგების სალიკვიდაციო საგანგებო შტაბის სხდომა გაიმართა, რომელსაც მთავრობის თავმჯდომარის მოვალეობის შემსრულებელი ნუგზარ სურმანიძე ხელმძღვანელობდა. სხდომას აჭარის მთავრობის აპარატის უფროსი რუსლან ქორიძე, მერიის სამსახურების, საავტომობილო გზებისა და სამელიორაციო სისტემების მართვის დეპარტამენტისა და გარემოს დაცვის სამმართველოს წარმომადგენლები დაესწრნენ.
ხვალიდან ბათუმში ისევ ელოდებიან ამინდის გაუარესებას. რეგიონული განვითარებისა და ინფრასტრუქტურის მინისტრი გიორგი შავლიაშვილი სტიქიის შედეგების გასაცნობად ბათუმში დღეს 22 სექტემბერს ჩამოვიდა.
მინისტრის განცხადებით, პრემიერ-მინისტრის დავალებით შექმნილია სპეციალური ჯგუფი, რომელიც როგორც სტიის გამოწვევ მიზეზებს, ასევე, ზარალის რაოდენობასაც შეისწავლის:
საქართველოს პრეზიდენტმა გიორგი მარგველაშვილმა დღეს ბათუმის რეფერალურ საავადმყოფოში, მეწყერის ჩამოწოლის შედეგად დაზიანებული მამაკაცი ამირან სამნიძე მოინახულა. მას, ექიმის განმარტებით, მენჯ-ბარძაყის დაზიანებები აქვს. დაზარალებული ამირან სამნიძე მაშველმა გადაარჩინა.
ადგილობრივ პოლიტიკურ ფოლკლორს, რომელიც რეგიონს გასცდა გაგრძელება ექნება – ამის შემდეგ შეიძლება პეტრემ გააცნობიეროს რომ პასუხისმგებლობა პავლესიცაა, რის შემდეგაც შესაძლოა ცვლილებები მივიღოთ აჭარის მთავრობაშიც. სავარაუდოდ გართულდება 2015 წლის ბოუჯეტის დამტკიცების პროცედურა. აჭარის მთავრობა არ არის იმდენად გამოცდილი რომ ამ უცნაურ მდგომარეობას კიდევ ორი წლის განმავლობაში გაუძლოს – ასე აფასებს არასმთავრობო ორგანიზაცია „თავისუფლება და დემოკრატიის“ გამგეობის წევრი ნინო ჩხეტია აჭარის მთავრობისა და უმაღლესი საბჭოს შესახებ პოლიტსაბჭოს გადაწყვეტილებას. მან „ბათუმელების“ კითხვებს უპასუხა.
დღეს, 10 სექტემბერს, ბათუმის დემოკრატიული ჩართულობის ცენტრში აჭარის მთავრობის საინვესტიციო პოლიტიკის დეპარტამენტის ყოფილმა უფროსმა, არასამთავრობო ორგანიზაცია „INVEST GUARD“-ის დამფუძნებელმა ჯემალ ბერიძემ იმ ინვესტიცების შესახებ ისაუბრა, რომლის განხორციელებაც, მისი თქმით, აჭარის მთავრობის მიზეზით ვერ მოხერხდა რეგიონში. ჯემალ ბერიძე ამბობს, რომ ამ ინვესტიციების ღირებულება ჯამში 1, 923, 290, 000 დოლარია.
დღეს, რვა სექტემბერს, აჭარის უმაღლესი საბჭოს ფრაქცია „ქართული ოცნებამ“ აჭარის მთავრობას უნდობლობა გამოუცხადა. უმაღლესი საბჭო მთავრობის გადადგომის მოთხოვნით ხელმოწერების შეგროვებას იწყებს.
„როდესაც ოფიციალურად და დასაბუთებულად მიიწვევენ მთავრობის თავმჯდომარეს უმაღლეს საბჭოში, მაშინ მიიღებს გადაწყვეტილებას მივიდეს თუ არა“, – განმარტავენ აჭარის მთავრობის პრესცენტრში უმაღლესი საბჭოს განცხადებაზე, რომ აპირებენ მთავრობის თავმჯდომარე არჩილ ხაბაძე მიიწვიონ უმაღლესი საბჭოში.
აჭარის უმაღლესი საბჭოს დეპუტატი, სულხან ღლონტი თავისი კოლეგის – ალექსანდრე ჩიტიშვილის განცხადებას აფასებს, რომელიც მან დღეს საგანგებო ბრიფინგზე გააჟღერა და არჩილ ხაბაძის მიმართ ფრაქცია „ქართული ოცნების“ მხრიდან შესაძლო უნდობლობის გამოცხადების პროცედურის დაწყებას უკავშირდებოდა. სულხან ლონტი თავისი კოლეგის მოსაზრებას არ იზიარებს.
აჭარის უმაღლესი საბჭოს დეპუტატმა აჭარის მთავრობის თავმჯდომარის მიმართ შესაძლო უნდობლობის გამოცხადების საკითხზე დღეს გააკეთა განცხადება. აჭარის კონსტიტუცია ადგენს ნორმებს, რის შესაბამისადაც შეუძლია უმაღლეს საბჭოს ამ პროცედურის დაწყება.
თვითმმართველ ორგანოებში მაღალი თანამდებობები უკვე გადაინაწილეს. ახალი პოლიტიკური სურათის მიხედვით, კოალიცია „ქართულმა ოცნებამ“ გადაწყვეტილება მეტწილად პარტია „ქართული ოცნების“ სასარგებლოდ მიიღო. რეგიონში მოქმედი არასამთავრობო ორგანიზაციების წარმომადგენლები, რომლებიც მიმდინარე პროცესებს ყოველდღიურად აკვირდებიან, მიიჩნევენ, რომ „აჭარაში მმართველობა ერთპოლუსიანი აღარ არის.“
წუხელ აჭარის მთავრობის თავმჯდომარემ, არჩილ ხაბაძემ შემდეგ საკადრო ცვლილებებს მოაწერა ხელი მაია ივანიშვილი – თავისი ყოფილი მრჩეველი არჩილ ხაბაძემ აჭარის საარქივო სამმართველოს უფროსად დაინიშნა. ამ სამართველოში ხელმძღვანელის პოზიცია მას შემდეგ გათავისუფლად, რაც სამმართველოს ყოფილი ხელმძღვანელი გურამ სალაძე დააკავეს.
შპს „ ბათუმის ნავთობგადამამუშავებელი ქარხნის“ დირეტორი, ლევან ჯინჭარაძე დღეს პირველ საათზე ქარხნის შენობაში ბრიფინგს გამართავს. ინფორმაცია ბრიფინგის შესახებ მან სოციალური ქსელის „ფეისბუქის“ საკუთარ გვერდზე გამოაქვეყნა. ლევან ჯინჭარაძის ინფორმაციით ბრიფინგი მის შესაძლო გათავისუფლებას ეხება, რაშიც ის აჭარის მთავრობის თავმჯდომარეს და მის ოჯახს, კონკრეტულად კი არჩილ ხაბაძის მამას თამაზ ხაბაძეს ადანაშაულებს.
ძმა, ბიძა, ბიძაშვილი, მამიდაშვილი, მეჯვარე, თანაკურსელი – „ქართულ ოცნებასთან“ დაახლოებული პირების ნათესავებმა საკრებულოებში თანამდებობები გაინაწილეს. მათგან თითქმის ყველა უარყოფს, რომ ჯერ კოალიცია „ქართული ოცნების“ საარჩევნო სიაში და შემდეგ საკრებულოს მაღალ თანამდებობაზე ნათესავის ჩარევით მოხვდა.
პირველივე სამუშაო დღეს ბათუმის მერმა გიორგი ერმაკოვმა ბრიფინგი გამართა. ერმაკოვის თქმით, იმ 13-ი თანამდებობის პირიდან, რომლებმაც თვითმმართველობის შესახებ ახალი კოდექსის თანახმად არჩევნების შემდეგ თანამდებობები დატოვეს, ზოგიერთი ყოფილი ხელმძღვანელი თანამდებობაზე დაბრუნდება.
ბათუმის არჩეული მერი გიორგი ერმაკოვი უფლებამოსილების შესრულებას დღეს, 4 აგვისტოს შეუდგება. პირველივე სამუშაო დღეს ის საკადრო ცვლილებებს გეგმავს. ახალი კოდექსის მიხედვით არჩეული მერი თვითმმართველობის უმაღლესი საჯარო მოხელეა და მას გაზრდილი უფლებები ექნება. შეცვლილია ქალაქის მთავარი საფინანსო დოკუმენტის დამტკიცების წესიც.
თბილისის საკრებულოს წევრის, ყოფილი ჟურნალისტის, ალეკო ელისაშვილის აზრით, მისი კოლეგები სახლიდან სამსახურში და პირიქით, პირადი მანქანებით უნდა დადიოდნენ. საკრებულოს ავტოპარკში კი უნდა იყოს მორიგე მანქანები, რომლებიც დეპუტატებს იმ შემთხვევაში მოემსახურება, თუ მათ სამსახურებრივ საქმეზე მოუწევთ გასვლა. ალეკოს აზრით, ხარჯები ამ გზით შემცირება. გარდა ამისა, მოხელეების ოჯახის წევრები სახელმწიფო მანქანებით ვეღარ ისარგებლებენ. რას ფიქრობენ ბათუმის საკრებულოს წევრები ალეკო ელისაშვილის ინიციატივაზე?!
2014 წლის იანვრიდან მაისის ჩათვლით პრემიის სახით განათლების, სოფლის მეურნეობის და ჯანდაცვის მინისტრებმა პრემიის სახით 8 160 ლარი მიიღეს. ფინანსთა და ეკონომიკის მინისტრმა დავით ბალაძემ კი 7 140 ლარის პრემია აიღო.
სამ საჯარო სამსახურში, ბოლო ხუთი თვის განმავლობაში 1 725 377 ლარი, სახელფასო დანამატის და პრემიის სახით გაიცა. აჭარის მთავრობის თავმჯდომარემ არჩილ ხაბაძემ ხუთ თვეში 8650 ლარი მიიღო პრემიის სახით, აჭარის უმაღლესი საბჭოს თავმჯდომარემ ავთანდილ ბერიძემ 15 000 ლარი, ადამიანის უფლებათა დაცვის კომისიის თავმჯდომარემ მედეა ვასაძემ – 11 750 ლარი. ბათუმის მერმა გიორგი ერმაკოვმა კი სამ თვეში 5 535 ლარი პრემია აიღო. „საერთაშორისო გამჭვირვალობა საქართველოს“ ინფორმაციით, აჭარის მთავრობაში, მერიასა და უმაღლეს საბჭოში, მაღალი პრემიების გაცემის მანკიერი ტენდენცია გრძელდება.
რა გამოცდილებით მოდის „ქართული ოცნების“ უმრავლესობა საკრებულოში, როგორია მათი შრომითი ბიოგრაფია და ქონებრივი მონაცემები. „ბათუმელები“ საკრებულოს ახალი მოწვევის წევრების მონაცემების შესწავლას აგრძელებს.
აჭარის უმაღლესმა საბჭომ 4 ივლისს უმაღლესი საბჭოს თავმჯდომარის, ავთანდილ ბერიძის ავტომანქანის – TOYOTA PRADO-ს შეკეთებაზე ტენდერი გამოაცხადა. გამოქვეყნებულ სატენდერო დოკუმენტაციაში აღნიშნულია, რომ შესყიდვა „დასტუკული“ ანუ დაზიანებული ძრავის შეკეთებაზე ცხადდებოდა:
შუახევის მუნიციპალიტეტში საკრებულოს თავმჯდომარე ვერ აირჩიეს, რადგან კოალიციის მიერ დასახალებელმა კანდიდატმა საკმარისი ხმები ვერ მიიღო.
დღეს ბათუმის საკრებულოს ახალი თავმჯდომარე, „ქართული ოცნების“ წარმომადგენელი ირაკლი ჭეიშვილი გახდა. ის მედიასთან საუბარში საკადრო ცვლილებებზე საუბრობს და აცხადებს, რომ საკადრო ცვლილებები საკრებულოს აპარატსაც შეეხება.
დღეს 8 ივლისს, „ნაციონალური მოძრაობამ“ პარტიის აქტივისტის, ლევან ტეტემაძის ცემის ფაქტთან დაკავშირებით კიდევ ერთი განცხადება გააკეთა და გამოძიება უმოქმედობაში დაადანაშაულა. ლევან ტეტემაძე, რომელსაც ცემის შემდეგად სახეზე მრავლობითი დაზიანებები აქვს მიღებული, აცხადებს, რომ გამოძიებას ის დღემდე არ დაუკითხავს და არც ტელეფონის ნომრით დაიტერესებულა, რომლის მეშვეობით მისი მისამართით ზარები განხორციელდა. ლევან ტეტემაძეს სახეზე მიყენებული დაზიანებების გამო, საუბარი უჭირს.
