დღეს დილით პრემიერ-მინისტრი ირაკლი ღარიბაშვილი აჭარაში იმყოფებოდა. მან გონიოში ბავშვებს ბავშვთა საერთაშორისო დღე მიულოცა.
დღესვე, ირაკლი ღარიბაშვილი ოფიციალური ვიზიტით ბერლინში გაემგზავრა.
პრემიერ-მინისტრის პრესსამსახურის ცნობით, ის გერმანიის კანცლერმა მიიწვია.
ვიზიტის ფარგლებში საქართველოს პრემიერ-მინისტრი გერმანიის კანცლერს ხვალ შეხვდება.
შეხვედრის ერთ-ერთი ძირითადი საკითხი ევროკავშირთან მოსალოდნელი ასოცირების ხელშეკრულება იქნება.
