დღეს, 19 მაისს, აჭარის მთავრობის თავმჯდომარემ არჩილ ხაბაძემ კოალიციის მიერ დასახელებული მაჟორიტარობის და პროპორციული სიის კანდიდატები წარადგინა. არჩილ ხაბაძის განცხადებით, კანდიდატები დამსახურების ნიშნით შეირჩა.
მაჟორიტარობის კანდიდატები:
ძველი ბათუმის უბანში კენჭს იყრის საკრებულოს მოქმედი თავმჯდომარე, „რესპუბლიკელი“ ირაკლი ჩავლეიშვილი. რუსთაველის უბანზე „თავისუფალი დემოკრატების“ კანდიდატი კობა ჩხეიძე იბრძოლებს, რომელიც ბოლოს აჭარის მთავრობაში მუშაობდა. ჯავახიშვილის უბანშიც „რესპუბლიკელი“ თემურ ყურაშვილია წარდგენილი. ის წინა მოწვევის საკრებულოს წევრი იყო. აღმაშენებლის ოლქში „ქართული ოცნების“ ბათუმის ორგანიზაციის ხელმძღვანელი ლაშა სირაბიძეა წარდგენილი.
აეროპორტი-გონიო-კახაბერის ბათუმზე შემოერთებულ ტერიტორიაზე კი ირაკლი მიქელაძე იბრძოლებს. ხიმშიაშვილის ქუჩაზე მდებარე ოლქში ვაჟა რამიშვილია წარდგენილი, ბაგრატიონის ოლქში – ექიმი თეიმურაზ ორაგველიძე, ბონი-გარადოკი-ბარცხანის ოლქში – იურისტი ლევან კინწურაშვილი, თამარის დასახლებაში კი „თავისუფალი დემოკრატების “ წევრი, ჯაბა ბერიძე. ურეხი-ხელვაჩაურის ბათუმზე შემოერთებულ ოლქში თემურ ბასილაძეა წარდგენილი.
პროპორციულ სიაში წარმოდგენილი კანდიდატები:
პირველი ნომრად აჭარის მთავრობის აპარატის უფროსი ირაკლი ჭიშვილია წარმოდგენილი „ქართული ოცნებიდან“. მეორე ნომერი – საკრებულოს რესპუბლიკელი წევრი ირაკლი ჩავლეიშვილია, მესამე ნომერი – ისეც „ოცნების“ წევრი თამაზ თურმანიძეა, მეოთხე – კობა ჩხეიძე, მეხუთე – თენგიზ აფხაზავა, „ოცნებიდან“; მეხუთე წევრად კონსერცატიულ პარტია წარმოდგენილი ჰყავს დიმიტრი დარჩია, რომელიც ბათუმის სამაშველო სამსახურის უფროსად მუშაობდა, ბათუმის დელფინარიუმის ხელმძღვანელი ნატალია ზოიძე კი სიაში მეშვიდეა. „ერთი ქალი გვყავს, მაგრამ ათ მამაკაცს უდრის“-განაცხადა მისი წარდგენისას არჩილ ხაბაძემ.
მერვე ნომერი პარტიის 0 „მრეწველობა გადაარჩენს საქართველოს“, წარმომადგენელი მამუკა ჯაშია, რომელიც აჭარის უმაღლესი საბჭოს წევრის, მაილო ჯაშის შვილია. მერცხრე ნომრად წარმოდგენილია ისევ „ოცნების“ კანდიდატი პარმენ მგელაძე, „ეროვნული ფორუმიდან“, რომელიც ყოფილი პროკურორია, შემდეგ კი აჭარის უმაღლესი საბჭოს კოლეგიალური სასამართლოს თავმჯდომარე იყო. სიის მეთერთმეტე წევრი ირაკლი ჯიჯავაძეა „ოცნებიდან“.
როგორც არჩილ ხაბაძემ განაცხადა, სიაში ნინო ბერაძე და ნატალია ძიძიგურიც იქნებიან წარმოდგენილი, რომლებიც მაჟორიტარებს ჩაანაცვლებენ.
„იმედი მაქვს, რომ ყველა ვიზეიმებთ 15 ივნისს ცხრა საათზე გამარჯვებას. 25-ვე ჩვენ უნდა ვიყოთ საკრებულოში წარმოდგენილი, რაც გავაკეთეთ ბოლო პერიოდში, ეს ამის საფუძველს იძლევა. კონკურენცია არის და ადვილი არ იქნება. მინიმუმ 70 პროცენტს მაინც ავიღებთ“ – განაცხადა ხაბაძემ.
