„არასწორად მოხდა ხმების დათვლა და არჩევნების შედეგების განზრახ არასწორად შეჯამება, მოხდა საარჩევნო სიების და ოქმების გაყალბება. დარღვევები მოხდა ბათუმის 79-ე საარჩევნო ოლქში, ქობულეთის 81-ე, ხელვაჩაურის მე-80, შუახევის 83-ე და ხულოს 84-ე საარჩევნო ოლქებში. ხელვაჩაურის საარჩევნო ოლქში ოქმებზე ხელწერებია გაყალბებული. გარდა ამისა, წინასწარ მომზადებული ბიულეტენები ჩაყარეს“.
დავით რობაქიძე აცხადებს, რომ საარჩევნო დარღვევებთან დაკავშირებით, საჩივრები დაიწერა, თუმცა ბათუმის საოლქო საარჩევნო კომისიამ საჩივრები არ დააკმაყოფილა.
„ჩვენ არ გვაქვს იმის ფინანსური შესაძლებლობა, რომ ყველა დარღვევაზე სასამართლოს მივმართოთ. ამიტომ აჭარის პროკურატურაში შეგვაქვს ამ დარღვევების შესახებ არსებული დოკუმენტები და ის დაიწყებს გამოძიებას“, – აცხადებს დავით რობაქიძე.
ლეიბორისტული პარტიის წარმომადგენელი საოლქო საარჩევნო კომისიის სხვა გადაწყვეტილებასაც აპროტესტებს:
„ბათუმის 79-ე ოლქი აპირებს რამდენიმე დღეში ჩაატაროს არჩევნები 103-ე უბანზე მხოლოდ მაჟორიტარული წესით. ამბობს, რომ კანონი არ ავალდებულებს პროპორციული წესით არჩევნების ჩატარებას, ჩვენ კი მიგვაჩნია, რომ ეს არის უხეში დარღვევა კანონის, რადგან ხელისუფლებას უნდა, რომ ლეიბორისტული პარტია არ იყოს წარმოდგენილი ბათუმის საკრებულოში“.
