Batumelebi | „ნაციონალური მოძრაობა“ ადმინისტრაციული რესურსის გამოყენებაზე განცხადებას აკეთებს „ნაციონალური მოძრაობა“ ადმინისტრაციული რესურსის გამოყენებაზე განცხადებას აკეთებს – Batumelebi
RU | GE  

„ნაციონალური მოძრაობა“ ადმინისტრაციული რესურსის გამოყენებაზე განცხადებას აკეთებს

 

დღეს 19 მაისს, „ნაციონალური მოძრაობის“ წევრმა ნოდარ დუმბაძემ, მედიასთან გამართულ ბრიფინგზე  ხელისუფლების მხრიდან წინასაარჩევნოდ ადმინისტრაციული რესურსის გამოყენებაზე განცხადება გააკეთა

 

ნოდარ დუმბაძის თქმით, 10 აპრილიდან ბათუმის მერიის საწყობებში, 200 ცალი სკამი და 150 ერთეული ფანჩატური ინახება, რომელიც მაღლივი შენობების შიდა ეზოებისთვის  „ამხანაგობებს“ უნდა გადასცემოდა.

 

 

„მერია დღემდე არ ანაწილებს სკამებს და ფანჩატურებს, რადგან დავალებას ელოდებიან ქართული ოცნების შტაბიდან. ასევე, მოვუწოდებ გიორგი ერმაკოვსა და ირაკლი ჭეიშვილს, თავი დაანებონ ადმინისტრაციული რესუსრსის გამოყენებას“-აცხადებს ნოდარ დუმბაძე.

 

 

აიპი „ბათუმის კორპუსის“ დირექტორის არმაზ ვარშალომიძის განცხადებით,   ეზოების კეთილმოწყობის თონისძიებების ფარგლებში შეძენილია 200 ერთეული სკამი და 135 ცალი ფარჩატური. „აქედან 77 ცალი სკამი უკვე გადაცემულია ეზოებისთვის, ზოგიც სკვერებშია განთავსებული. დარიგება მოხდება წლის განმავლობაში, მოთხოვნიდან გამომდინარე. მაღლივი კორპუსების ეზოებზე ერთი სკამია გათავლისწინებული,  იტალიურ ეზოებს კი  მაცხოვრებელთა რაოდენობის მიხედვით გადაეცემა. ფანჩატურები კი მხოლოდ ეზოებზეა გათვალისწინებული და სკვერში არ განთავსდება“. 

  

 

 სკამები და ფანჩატურები საქართველოშია დამზადებული, მათ შესყიდვაზე თვითმმართველობის ბიუჯეტიდან მთლიანობაში ასი ათას ლარზე მეტი დაიხარჯა.  

ნეტგაზეთის მასალების სხვა გამოცემებში გადაბეჭდვის წესი
"ბათუმელები"