ბათუმელები
ბათუმის საზღვაო აკადემიის 50 კურსდამთავრებული, ბოლო 15 წლის განმავლობაში, გახდა შორეული ნაოსნობის კაპიტანი. ამ ფაკულტეტზე წელს 300 სტუდენტი სწავლობს. ბათუმის სახელმწიფო საზღვაო აკადემიაში იცვლება გენდერული ტენდენციებიც _ კაპიტნის კარიერისთვის საზღვაო აკადემიაში ორი გოგონა ემზადება. რა გზის გავლა უწევთ გემთწამყვანობის მსურველებს და რა შემთხვევაში შეიძლება დაკარგონ კაპიტნობის უფლება? ამ დეტალებზე ბათუმის საზღვაო აკადემიის რექტორი, ირაკლი შარაბიძე გვესაუბრა.
ერთი წლის წინ ბათუმის შოთა რუსთაველის სახელმწიფო უნივერსიტეტის პროფესორ-მასწავლებლებისა და სტუდენტების ინიციატივით დაფუძნდა სტუდენტთა მხარდაჭერის ფონდი, რომლის მიზანი სოციალურად დაუცველი სტუდენტების სწავლის საფასურის დაფინანსება, სტიპენდიებით უზრუნველყოფა და მათი დასაქმების ხელშეწყობა იყო. მოძიებული რესურსებით – ერთი წლის განმავლობაში 30 ათასი ლარი – უკვე დაფინანსდა 77 სტუდენტი.
საქართველოს განათლებისა და მეცნიერების სამინისტრო ახალ პროექტს – ,,პროფესიული ორიენტაციისა და კარიერის დაგეგმვის პროგრამას’’ იწყებს, რომლის მიხედვით, საბაზო და საშუალო საფეხურის დამამთავრებელი კლასების მოსწავლეებს, პროფესიებსა და დასაქმების პერსპექტივებზე გაკვეთილები ჩაუტარდებათ. ახალი პროექტი 2014 წლიდან ამოქმედდება.
<!** Image 1 align="left" width="300" height="512" >
„ეს ინიციატივა გაჩნდა ერთი წლის წინ, როცა მთავრობის თავმჯდომარე არჩილ ხაბაძესთან ერთად ვიყავით თურქეთში. ეს იყო პირველი ვიზიტი. მაშინ დავსვით საკითხი მათ გადაემზადებინათ ჩვენი ექიმები. თანამშრომლობა შედგა ჩვენსა და ბაჰჩეშეჰირის უნივერსიტეტს შორის. 16-ზე მეტი აპლიკაცია შემოვიდა. როცა პროექტის შემდგომი ეტაპი იქნება, ჩვენ თანმიმდევრულად ჩავრთავთ ყველა ახალგაზრდას მასში“, – განაცხადა შეხვედრისას აჭარის ჯანდაცვის მინისტრმა, ნუგზარ სურმანიძემ.
სამედიცინო სფეროში კადრების თურქეთში მომზადების ინიციატორი ნუგზარ სურმანიძეა.
ახალგაზრდა მედიკოსებს აჭარის ჯანმრთელობისა და სოციალური დაცვის მინისტრი ნუგზარ სურმანიძე, განათლებისა და სპორტის მინისტრი გიორგი თავამაიშვილი და უმაღლესი საბჭოს ჯანმრთელობის დაცვისა და სოციალურ საკითხთა კომისიის თავმჯდომარე ჯემალ ფუტკარაძე შეხვდნენ. მათ გზა დაულოცეს, წარმატებები უსურვეს და სამახსოვრო საჩუქრად თითოეულ მათგანს „ვეფხისტყაოსანი“ გადასცეს.
„გახარებული ვარ ამ პროექტით, რადგან ჩემთვის ძალიან მნიშვნელოვანია. შერჩევის სხვადასხვა ეტაპი გავიარე. საბუთების მიღება, გასაუბრება, საბუთების განხილვა. ყველაფერს გავაკეთებ იმისთვის, რომ წარმატებას მივაღწიო“, – აღნიშნა ფატმა შერვაშიძემ. ის თბილისის სახელმწიფო უნივერსიტეტის სამედიცინო ფაკულტეტზე სწავლობდა.
სწავლების პერიოდი სამ და მეტ წელს მოიცავს, რადგან ხანგრძლივობა დამოკიდებულია სპეციალობაზე. ნუგზარ სურმანიძის თქმით, წლიური სწავლის საფასურს – დაახლოებით 16 ათას დოლარს ბაჰჩეშეჰირის უნივერსიტეტი იღებს. ახალგაზრდა მედიკოსები ასევე უზრუნველყოფილი იქნებიან ბინითა და დღეში ორჯერადი კვებით.
პროექტის გაგრძელება მომავალშიც იგეგმება. წელს პროექტით შემდეგი სტუდენტები ისარგებლებენ:
1. მერი თევზაძე – რადიოლოგია
2. შორენა ბერიძე – მეან-გინეკოლოგია
3. ფატმან შერვაშიძე – მეან-გინეკოლოგია
4. ირაკლი ოქროპირიძე – კარდიოქირურგია
5. გურამ ჩახვაძე – ნეიროქირურგია
6. მარიტა გორგოშაძე – კარდიოქირურგია
7. გიორგი კერესელიძე – ორთოპედია, ტრამვატოლოგია
8. ვლადიმერ ბაზიაშვილი – ნეიროქირურგია
გამოცდილება, მომზადების დონე, ინტელექტი, პირადი თვისებები, ხასიათი, კომპეტენტურობა, განწყობა და განსაკუთრებული უნარები – ეს ის კრიტერიუმებია, რასაც სკოლის დირექტორობის მსურველების აზრით, დირექტორობის კანდიდატი კონკურსის მეორე ეტაპზე, ანუ გასაუბრებაზე უნდა აკმაყოფილებდნენ. გასაუბრება სკოლის დირექტორობის კანდიდატებთან უკვე შედგა, ვინ გადალახა გასაუბრების ეტაპი, ამის თაობაზე საქართველოს განათლებისა და მეცნიერების სამინისტროში აცხადებენ რომ გასაუბრების შედეგები უახლოეს მომავალში იქნება ცნობილი: „ახლა წინ გვაქვს აპელაციის ეტაპი“.
<!** Image 2 align="left" width="360" height="360" >
რატომ გაძლიერდა რეპეტიტორების ინსტიტუტი და უკავშირდება თუ არა ეს ხარვეზებს ეროვნულ სასწავლო გეგმაში?- სკოლის პედაგოგები აცხადებენ, რომ ეროვნული სასწავლო გეგმა და სახელმძღვანელოები ერთმანეთთან შეუსაბამობაშია, სამინისტრო კი ეროვნული სასწავლო გეგმის ხარვეზებს აღიარებს და მის ცვლილებას გეგმავს.
„ბობ მარლი ამბობდა, ინდივიდუალიზმი არის ყველაზე მთავარი ადამიანში და ყველა უნდა ცდილობდეს შავ-თეთრი მასიდან გამორჩევასო. ჩემი ცხოვრების სტილს მისი მუსიკა მკარნახობს და ეს შტრიხები ჩემს ჩაცმულობაშიც აისახება“ _ გვეუბნება პირველი საჯარო სკოლის მეათეკლასელი მარიტა. მის მაისურზე, რაც სკოლაში აცვია, მისი საყვარელი მომღერალია გამოსახული.
განათლების სამინისტროს გადაწყვეტილებით, მცირეკონტინგენტიან სკოლებში, ე.წ კლას-კომპლექტები შეიქმნა, სადაც სხვადასხვა საფეხურის რამდენიმე კლასია გაერთიანებული. პედაგოგებს ერთ საგაკვეთილო დროში, ორ ან ზოგ შემთხვევაში სამი კლასის მოსწავლებთან უწევთ მუშაობა. როგორ მუშაობენ კლას-კომპლექტები და რა პრობლემის წინაშე დგანან მცირეკონტინგენტიანი სკოლები? ამ პრობლემის გაგებას „ბათუმელები“ ქედის მუნიციპალიტეტის მაგალითზე შეეცადა.
<!** Image 1 align="middle" alt="1-3 კლასების კლას-კომპლექტი, მახუნცეთის საჯარო სკოლაში" sub="1-3 კლასების კლას-კომპლექტი, მახუნცეთის საჯარო სკოლაში" width="360" height="360" >
განათლების სამინისტრომ საჯარო სკოლებს საშტატო განრიგი განუსაზღვრა. სამინისტრომ სკოლებს იმ პირთა ვინაობაც დაუკონკრეტა, ვინც შტატგარეშედ შეიძლება დაიქირაოს სკოლამ. დირექტორები აცხადებენ, რომ ისინი მწირი შემოსავლების გამო ვერ ახერხებენ იმ კადრების დასაქმებას, რომლებიც მათი აზრით, სკოლისთვის აუცილებელია. უქმნის თუ არა სამინისტროს რეკომენდაციები სკოლის მენეჯმენტს პრობლემას და რას ფიქრობენ დირექტორები სკოლის დეცენტრალიზაციაზე? ამ საკითხზე „ბათუმელებთან“ საჯარო სკოლის დირექტორებმა ისაუბრეს
<!** Image 4 align="" alt="თამთა კვარაცხელია. მე-16 საჯარო სკოლის დირექტორი" sub="თამთა კვარაცხელია. მე-16 საჯარო სკოლის დირექტორი" width="360" height="360" >
ბათუმის საჯარო სკოლებში მოსწავლეთა თვითმმართველობის არჩევნები მიმდინარეობს, რამდენიმე სკოლაში არჩევნების შედეგები უკვე ცნობილია. რის შეცვლას ელიან მოსწავლეები ახალი თვითმმართველობებისგან და რა პრობლემებს ხედავენ სკოლაში? სკოლის ლაბორატორია, ბუფეტი, სპორტული დარბაზები, დისკუსია ბავშვთა უფლებებზე – ამ საკითხებს „ბათუმელების“ მიერ გამოკითხული მოსწავლეები პრიორიტეტად ასახელებენ.
<!** Image 3 align="middle" alt="პირველი საჯარო სკოლის თვითმმართველობა" sub="პირველი საჯარო სკოლის თვითმმართველობა" width="360" height="360" >
მიმდინარე წელს, საქართველოს თითქმის ყველა სკოლა, ახალ დირექტორს აირჩევს. როგორც საქართველოს განათლების სამინისტროში აცხადებენ, დღეს მოქმედ ყველა არჩეულ დირექტორს, კანონით დადგენილი ექვსწლიანი ვადა გაუვიდა. დირექტორობის მსურველთა ნაწილს, 2011 წელს აქვს სერტიფიცირება გავლილი, ნაწილმა კი მიმდინარე წელს მიიღო ტესტირებაში მონაწილეობა.
საქართველოს განათლების სამინისტროს ინფორმაციით, 2013 წლის ტესტირებაში, მთელი ქვეყნის მასშტაბით 3300 კონკურსანტმა მიიღო მონაწილეობა. აქედან, 100 კონკურსანტი ტესტირებაზე არ გამოცხადდა, 52 პროცენტი კი ჩაიჭრა, მიუხედავად იმისა რომ საკონკურსო ბარიერი წინა წლებთან შედარებით დაწეული იყო. შემდეგი ეტაპი ითვალისწინებს გასაუბრებას, თუმცა ამ დროისთვის ცნობილი არ არის მეორე ეპატის ჩატარების დრო. „ალბათ ერთი თვის განმავლობაში იქნება“-აცხადებენ განათლების სამინისტროში.
ბათუმის მასწავლებლის სახლის ძირითადი ფუნქცია მასწავლებელთა და სკოლის ადმინისტრაციის პროფესიული განვითარება-გადამზადება იქნება. მასწავლებლის სახლის ადგილობრივი ტრენერების მოსამზადებლად კონკურსი უკვე გამოცხადდა. ტრენერობის სურვილი 280-მა კანდიდატმა გამოთქვა. რეგიონში მასწავლებლის სახლის მნიშვნელობაზე, განვითარებასა და შესაძლებლობებზე „ბათუმელებს“ აჭარის განათლების ფონდის ხელმძღვანელი, ირაკლი თავბერიძე ესაუბრა:
<!** Image 1 align="left" alt="ირაკლი თავბერიძე" sub="ირაკლი თავბერიძე" width="300" height="576" >
ბათუმის შოთა რუსთაველის სახელმწიფო უნივერსიტეტი აკადემიური თანამდებობების დასაკავებლად გამოცხადებული კონკურსის შედეგებს აქვეყნებს. დოკუმენტის მიხედვით, უნივერსიტეტში ამჟამად დაკავებულია 216 აკადემიური თანამდებობა. კონკურსის კრიტერიუმების დაკმაყოფილება ვერ შეძლო 83 აპლიკანტმა.
უნივერსიტეტის რექტორის, ალეკო ბაკურიძის განცხადებით, დარჩენილია 6 ვაკანტური ადგილი. უნივერსიტეტის აკადემიური საბჭო უახლოეს დღეებში გადაწყვეტს, თუ როდის გამოცხადდება კონკურსი ვაკანტური ადგილების დასაკავებლად.
შეგახსენებთ, რომ კონკურსის შედეგებს სასამართლოში დაახლოებით 30 აპლიკანტი ასაჩივრებს.
ბათუმის უნივერსიტეტში სულ 261 აკადემიური თანამდებობაა. აქედან უნივერსიტეტს კონკურსი გამოცხადებული ჰქონდა 222 თანამდებობაზე. კონკურსანტთა რაოდენობა კი 305 იყო.
ფიზიკის სწავლების და სამეცნიერო კვლევის კონცეპცია სწავლების სამივე საფეხურზე შოთა რუსთაველის სახელმწიფო უნივერსიტეტში.
მასწავლებელთა სასერტიფიკაციო გამოცდების შედეგების მიხედვით, გამოცდაზე გასულ პედაგოგთა უმრავლესობამ ბარიერი ვერ გადალახა. განათლების სფეროში მომუშავე სპეციალისტები მიზეზებზე საუბრისას ამბობენ, რომ ეს შედეგები მასწავლებელთა მოუმზადებლობის, ტესტების სირთულისა და განათლების სისტემის არათანმიმდევრულობის ერთობლივი შედეგია.
რით იყო განპირობებული ის შედეგი, რომელიც 2013 წლის მასწავლებელთა სასერტიფიკაციო გამოცდებზე აჩვენეს პედაგოგებმა? განათლების სფეროში დასაქმებულები რამდენიმე მიზეზს ასახელებენ.
მისი სამზარეულოს კარადაში ჭურჭლის ნაცვლად წიგნები აწყვია, სამზარეულოს მაგიდაზე – საგამოცდო ტესტები. მისი სადარბაზოს კედლები წარწერებითაა აჭრელებული, ყოფილი მოსწავლეები სიყვარულს უხსნიან. “ნინო მას ძალიან გვიყვარხართ…“ , „გვიყვარხართ ძალიან, ძალიან“. „არ იცოდეს მარჯვენამ შენმამ რას აკეთებს მარცხენა შენი,“ – ამ პრინციპით ცხოვრობს ქართულის მასწავლებელი ნინო სურმანიძე და ამბობს, რომ არ უკვირს ასეთი დიდი სიყვარული.
ბათუმის შოთა რუსთაველის უნივერსიტეტის ოცდაათზე მეტი სტუდენტი გაცვლითი პროგრამით ევროპის სხვადასხვა უნივერსიტეტში სწავლობს. უნივერსიტეტიდან უცხოეთში წასვლა „ტემპუსისა“ და „ერაზმუს მუნდუსის“ გაცვლითი პროგრამით შეიძლება. პროგრამაში გამარჯვების წინაპირობა უცხო ენის ცოდნა და მაღალი აკადემიური მოსწრებაა.
<!** Image 1 align="left" width="300" height="350" >
როგორ შევურჩიოთ და მივაწოდოთ სწორად ლიტერატურა? რომელ ასაკშია რეკომენდებული ამა თუ იმ ლიტერატურული ნაწარმოების წაკითხვა? – ამ კითხვებს მშობლები ხშირად სვამენ. მშობლების კიდევ ერთი თავსატეხი შვილების თავისუფალი დროიდან წიგნისთვის გამოყოფილი დროის დეფიციტია, მაშინ როცა ბავშვს უამრავი გასართობი აქვს, მათ შორის კომპიუტერი და ტელევიზორი, სულ უფრო ნაკლებ დროს უთმობს წიგნს. ხშირად წიგნის კითხვა ბავშვისთვის უფრო მოვალეობაა, ვიდრე სასიამოვნო პროცესი. ზაფხული ის დროა, როცა ბავშვებს ყველაზე მეტი დრო აქვთ კითხვისთვის.
<!** Image 1 align="left" alt="ანანო დიასამიძე" sub="ანანო დიასამიძე" width="300" height="513" >
საზღვაო სასწავლო ცენტრი ანრი შ.პ.ს „განათლება“ – კონკურენტუნარიანი განათლებით აღჭურვილი მოსწავლის აღზრდა რეპეტიტორის გარეშე! „განათლება“ დაარსდა 2001 წელს. სკოლაში გაძლიერებულად ისწავლება ინგლისური ენა და მათემატიკა. ასევე, მოსწავლეებსა და მათს მშობლებს ვთავაზობთ დამატებითი სააღმზრდელო და სასწავლო მომსახურების პაკეტს, რომელიც ითვალისწინებს დღის მეორე ნახევარში გაკვეთილების მომზადებას, ერთჯერად სრულფასოვან კვებას, სხვადასხვა ინტელექტუალურ–შემეცნებით …
განათლების სამინისტროს მიერ მოწოდებული ინფორმაციის თანახმად აჭარაში 4100 მოსწავლე მიიღებს ატესტატს, აქედან 3200 სრული ზოგადი განათლების, 730 საბაზო განათლების, 150 სერთიფიკატს (მოისმინა).
სკოლის პედაგოგიური საბჭო სკოლის მართვის ერთ-ერთი რგოლია, რომლის წევრები სკოლის მასწავლებლები არიან. საბჭოს წევრობის უფლება აქვს ყველა მასწავლებელს, რომელიც კონკრეტულ სკოლაში მუშაობს და სარგებლობს ხმის უფლებით. პედაგოგიური საბჭო სამი წლის ვადით ირჩევს თავმჯდომარეს და მდივანს, რომელიც წარმართავს საბჭოს სხდომებს.
„ბატონო ალიოშა, თუ შეიძლება გამოიარეთ სოციალების კორპუსში, მეოთხე სართულზე, 434-ე აუდიტორიასთან და თქვენ დაინახავთ, დაინახავთ რა სუნი გეცემათ ტუალეტის, სადაც შესვლა შეუძლებელია. იქნებ დაამონტაჟოთ გამწოვები ან აეროზოლები, ისეთი სუნია, რომ ფანჯრებიც თავისით იღება. ტუალეტის სუნის გამო ცხვირის პოლიპები გადაკეტილი გვაქვს, ჩვენ კი მივეჩვიეთ მაგრამ, სტუმართან შევრცხვებით.“
ბათუმის შოთა რუსთაველის უნივერსიტეტში შუალედური გამოცდები საპროტესტო აქციით დაიწყო. სტუდენტთა ნაწილი აპროტესტებს გამოცდების ფოიეში ჩატარებას, ისინი ითხოვენ გამოცდები აუდიტორიებში ჩატარდეს.
აჭარაში არსებული რესურსცენტრების ხელმძღვანელებისთვის აჭარის განათლების სამინისტრომ კონკურსის მეორე ტური ჩაატარა. კონკურსის შედეგების მიხედვით, ბარიერი მხოლოდ ორი რესურსცენტრის ხელმძღვანელმა გადალახა. ქედაში დურმიშხან შავიშვილმა ასიდან 77, ქობულეთში მადონა გოგიტიძემ ასიდან 53 ქულა აიღეს.
<!** Image 1 align="left" width="400" height="267" >
მასწავლებლის კვალიფიკაციის მისაღებად სასერთიფიკატო გამოცდის ჩაბარებაა საჭირო, თუმცა გამოცდის წარმატებით ჩაბარებაც კი არ არის დასაქმების გარანტია. საჯარო სკოლებში აცხადებენ, რომ ვაკანსია არა აქვთ.
ბათუმის შოთა რუსთაველის სახელმწიფო უნივერსიტეტის თვითმმართველობის თავმჯდომარის ვინაობა უკვე ცნობილია. თვითმმართველობის 87 წევრიდან 49 -მა ხმა სტუდენტური გაერთიანება “აპოლიტიკას” ლიდერს, ზურა მესხიძეს მისცა, 38-მა კი “ალტერნატიული ინიციატივას” ლიდერს გოჩა სურგულაძეს.
ბათუმის შოთა რუსთაველის უნივერსიტეტში სტუდენტური თვითმართველობის არჩევნები გაუქმებულ უბანზე განმეორებით ჩატარდა. შეგახსენებთ, რომ სოციალურ მეცნიერებათა, ბიზნესისა და სამართალმცოდნეობის ფაკულტეტის პირველ კურსზე არჩევნები ჩაიშალა ბიულეტენში დაშვებული შეცდომების გამო. საარჩევნო ბიულეტენში ორი კანდიდატის სახელი და გვარი შეცდომით იყო დაბეჭდილი.
<!** Image 2 align="" alt="ქეთი ლაბაძე" sub="ქეთი ლაბაძე" width="180" height="868" >
წინა საარჩევნო პროცესი
შვიდი თვეა ველოდები თვითმმართველობის არჩევნებს. თავიდან აჟიტირებული ვიყავი, ვფიქრობდი, რომ რაღაც კარგისკენ შეიცვლებოდა, თუმცა ბოლო დროს მომხდარმა ფაქტებმა ილუზიები დამიმსხვრია. თუმცა შეცვლით ბევრი რამ შეიცვალა, ასეთი კონკურენცია ბსუ-ს არ ახსოვს, თვითმმართველობის თავმჯდომარეობის კანდიდატობის სურვილი ოთხმა სტუდენტმა გამოთქვა (საფუძვლიანი ეჭვი მაქვს, რომ ეს ციფრი ერთ კვირაში უფრო გაიზრდება), როცა აქამდე ერთკანდიდატიანი არჩევნები ტარდებოდა, ერთი გუნდი იკავებდა ყველა მანდატს, თუ განსხვავებული აზრი მოხვდებოდა თვითმმართველობაში, ის ისე უხმაუროდ და უმტკივნეულოდ ტოვებდა თვითმმართველობას, აქაოდა არც ყოფილაო.
ბათუმის შოთა რუსთაველის უნივერსიტეტში სტუდენტური თვითმმართველობის არჩევნები მიმდინარეობს.
11 აპრილს, ბათუმის შოთა რუსთაველის უნივერისტეტში სტუდენტების ერთმა ჯგუფმა სტუდენტური თვითმმართველობის საარჩევნო კომისიის კარები აჭედა. მათ ასე გამოუცხადეს უნდობლობა კომისიას და უნივერსიტეტში 9 აპრილს მომხდარი ფაქტი გააპროტესტეს.
დღეს ბათუმის საკრებულოში საკრებულოს განათლების, კულტურის, სპორტისა და ტურიზმის კომისიის ორგანიზებით სახელმძღვანელოს, „სასწავლო სააღმზრდელო პროგრამა ბაგა – ბაღებისათვის“, განხილვა გაიმართა.
ბათუმის შოთა რუსთაველის სახელმწიფო უნივერსიტეტის სტუდენტთა ნაწილმა აგრარული უნივერსიტეტისათვის ავტორიზაციის ჩამორთმევის თემაზე დისკუსია გამართა.
დღეს 2 სათზე ხელოვნებისა და მუსიკის ცენტრში ბათუმის რუსთველის უნივერსიტეტი ატარებს ღია კარის დღეს მე-12 კლასელებისთვის. ეს ამ აქციის დასკვნითი ეტაპია, მანამდე უნივერსიტეტის წარმომადგენლები შეხვედრებს სკოლებში მართავდნენ. „ჩვენ შევხვდით აჭარის, გურიისა და სამეგრელოს ყველა მე-12 კლასელს. გავაცანით უნივერსიტეტის საგანმანათლებლო და სოციალური, ასევე გაცვლითი პროგრამები და ყველა ის შესაძლებლობა, რასაც უნივერსიტეტი სთავაზობს სტუდენტებს“, – ამბობს ნინო დოლიძე, ბათუმის რუსთაველის უნივერსიტეტის საზოგადოებასთან ურთიერთობის სამსახურის ხელმძღვანელი.
ნინო დოლიძის ინფორმაციით, დღეს ხელოვნებისა და მუსიკის ცენტრში მე-12 კლასელებისთვის ლუკა ზაქარიაძე, თამუნა მიქელაძე, სოფო პაპუაშვილი და სხვები, ანუ ბათუმის უნივერსიტეტის ყოფილი და ამჟამინდელი სტუდენტები იმღერებენ.
ბათუმის რუსთაველის სახელმწიფო უნივერსიტეტში თვითმმართველობის არჩევნები 2013 წლის 27 მარტს ჩატარდება. საარჩევნო კომისია, რომლის თავმჯდომარედ სულხან დუმბაძე დაამტკიცეს, დაკომპლექტებულია ხუთი სტუდენტისაგან, რომლებიც ფაკულტეტების მიხედვით შეირჩნენ. განათლებისა და მეცნიერების ფაკულტეტს ნინო გალოგრე და ლანა ბურკაძე წარმოადგენენ, სოციალურ მეცნიერებათა ფაკულტეტს – თამილა გაბაიძე, ტურიზმის ფაკულტეტს – ნინო ხელაძე, ტექნოლოგიურს კი – სულხან დუმბაძე.
<!** Image 1 align="left" width="300" height="427" >
შოთა რუსთაველის უნივერსიტეტში მაღალი აკადემიური მოსწრების მქონე სტუდენტებისათვის პილოტირებული ჯგუფები გაიხსნება. სტუდენტებს ამ ჯგუფში თავად შეეძლებათ ლექტორის არჩევა. უნივერსიტეტის რექტორი, ალეკო ბაკურიძე სტუდენტებს დაჰპირდა, რომ მოთხოვნის შემთხვევაში ლექტორებს მოიწვევენ, რადგან უნივერსიტეტში პროფესორ-მასწავლებლების საკმარისი რაოდენობა არ არის და სტუდენტებს ამ მხრივ დიდი არჩევანი არ ექნებათ.
ეკა ბარამიძე
ქედის მუნიციპალიტეტში რამდენიმე საჯარო სკოლას სპორტდარბაზი არ აქვს, რის გამოც სპორტის გაკვეთილები მოსწავლეებს საკლასო ოთახებში ან სოფლის ყოფილი მაღაზიისა და თემის ადმინისტრაციულ შენობაში უტარდებათ.
