Batumelebi | დარღვევები სტუდენტური თვითმმართველობის არჩევნებზე დარღვევები სტუდენტური თვითმმართველობის არჩევნებზე – Batumelebi
RU | GE  

დარღვევები სტუდენტური თვითმმართველობის არჩევნებზე

 

ბათუმის შოთა რუსთაველის უნივერსიტეტში სტუდენტური თვითმმართველობის არჩევნები მიმდინარეობს.  

 

 

საარჩევნო უბნები დილის ცხრა საათზე უნდა გახსნილიყო, თუმცა კენჭისყრა 20 წუთის დაგვიანებით დაიწყო. შეფერხების მიზეზი სიები გახდა, იმ სართულზე სადაც საარჩევნო უბანია გახსნილი, სიები გამოკრული არ იყო, ცესკოს თავმჯდომარე ნინო გალოგრე ამბობს რომ სიები გაკრული იყო, თუმცა ისინი ჩამოხიეს.  

 

ამ დროისათვის არჩევნებში მონაწილე სტუდენტთა აქტივობა საკმაო მაღალია, თუმცა პრობლემა შეიქმნა სიებთან დაკავშირებით. აუცილებელი გახდა დამატებითი სიები, რადგან სტუდენტთა საკმაოდ დიდი ნაწილი სიაში არ აღმოჩნდა.

 

სტუდენტს, რომელიც სიაში არ აღმოჩნდება, სამდივნოდან უწევს სტუდენტობის დამადასტურებელი ცნობის წარმოდგენა, მხოლოდ ამის შემდეგ ეძლევა მას  ხმის მიცემის საშუალება.

 

ადამ მახარაძე სოციალურ მეცნიერებთა, ბიზნესისა და სამართალმცოდნეობის ფაქულტეტის დეკანი: „სიები დღესაც ჩამოვუტანეთ, ახლაც გამოვაკარით, ცესკოს კითხეთ რატომ არ არის ზუსტი სიები!“

 

შეცდომებია საარჩევნო ბიულეტენებშიც. ამ დროისთვის ორი კანდიდატი აცხადებს, რომ ბიულეტენში შეცდომითაა მითითებული მისი სახელი და გვარი. მარინა ბერაძე ნაცვლად ბიულეტენში წერია მარინა ბერიძე, ხოლო მეგი ვერძაძის ნაცვლად ნინო ვერძაძე.

 

მეგი ვერძაძე, მენეჯმენტის I კურსი: „სიაში ვწერივარ როგორც ნინო ვერძაძე, შესაბამისად ჩემი ამომრჩევლები ვერ მაძლევენ ხმას, რეგისტრაცია გავლილი მაქვს, საჩივარს ვწერ, არ მჭირდება მე ჩასწორებული სიები, სტუდენტთა დიდმა ნაწილმა ხმა უკვე მისცა, მე ვერ დავდგები და ვერ ვიყვირებ, რომ ვერძაძე მეგის ნაცვლად ვერძაძე ნინოთი ვწერივარმეთქი. განცხადების გაკვრით პრობლემას ვერ მომიგვარებენ, ამომრჩევლები კედლებზე ყურებას არ დაიწყებენ. მე მჭირდება ნორმალური არჩევნები, არჩევნები დარღვევით მიმდინარეობს.“

 

 

ნეტგაზეთის მასალების სხვა გამოცემებში გადაბეჭდვის წესი
ქეთი ლაბაძე