Tag Archives: ჯანმრთელობა

მსოფლიო ჯანდაცვის ორგანიზაციის ინფორმაციით, სისხლში წითელი უჯრედების ნაკლებობა, იგივე ანემია მსოფლიო მოსახლეობის 24%-ს, ანუ 1620 მილიონ ადამიანს აღენიშნება. ანემია ყველაზე ხშირად სკოლამდელი ასაკის ბავშვებშია გავრცელებული და ოფიციალური სტატისტიკით ამ დაავადებით 1-4 წლამდე ასაკის ბავშვების 25%-ია დაავადებული. იაშვილის სახელობის ბავშვთა ცენტრალური საავადმყოფოს ონკო-ჰემატოლოგი, პედიატრი თამარ კვაჭაძე ამბობს, რომ ანემია საქართველოს ბავშვთა პოპულაციაშიც ხშირია და მისი გამომწვევი ერთ-ერთი მთავარი მიზეზი არასრულფასოვანი კვებაა. როგორ უნდა ამოვიცნოთ ანემიის ნიშნები და რა სახის საკვებია რეკომენდებული ანემიის პროფილაქტიკისთვის, ამ და სხვა კითხვებზე თამარ კვაჭაძემ უპასუხა. 

ბოლო ოფიციალური მონაცემებით, საქართველოში დაახლოებით 100 ათასი ფსიქიკური ან ქცევითი აშლილობების მქონე ადამიანია რეგისტრირებული. ადამიანის უფლებათა ცენტრის ინფორმაციით კი, ეს რიცხვი რეალურად გაცილებით უფრო დიდია. ფსიქიკური პრობლემების მქონე მოქალაქეთა არაზუსტი სტატისტიკის ერთ-ერთი მიზეზი სოციალური სტიგმაა. იმის გამო, რომ ფსიქიატრიული კლინიკის პაციენტებს ხშირად „გიჟებად“ მოიხსენიებენ, ბევრი ერიდება ფსიქიატრიული სერვისით სარგებლობას. ამის გამო კი მათი მდგომარეობა დღითი დღე უფრო მძიმდება.

34 წლის მაია კ. ამბობს, რომ ექიმს ქრონიკული სიცხეებითა და საერთო სისუსტით მიმართა. გამოკვლევის შემდეგ ექიმმა მას სავარაუდო დიაგნოზი დაუსვა და მკურნალობა დაუნიშნა. მდგომარეობის გაუარესების შემდე, თერაპევტმა იგი ალერგოლოგთან გადაამისამართა. დიაგნოზი ვერც ალერგოლოგმა დასვა და პაციენტი ისევ სხვა ექიმთან გადაამისამართა. ოთხ ექიმთან რამდენიმეთვიანი უშედეგო გამოკვლევებისა და მკურნალობის შემდეგ, მაია თბილისში, ნაცნობ პროფესორთან მივიდა, რომელმაც მას სახსრის ანთების ზუსტი დიაგნოზი დაუსვა და უმკურნალა კიდეც. მაია კ. ამბობს, რომ დიაგნოზის ძიებაში მან საკმაოდ დიდი თანხა დახარჯა, თუმცა წერილობითი დიაგნოზი არც ერთი ექიმისგან არ მიუღია.

21 წლის თ.მ. გინეკოლოგთან პირველ ვიზიტს შიშით იხსენებს. ამბობს, რომ დიდი სტრესი გადაიტანა, როცა ექიმმა დაჟანგულ სავარძელზე სტერილური საფარი დაუგო, სტერილური ხელთათმანის ყიდვა კი თავად პაციენტს დაავალა. თ.მ. ამბობს, რომ მან პროცედურის შესახებ არაფერი იცოდა და გინეკოლოგმა, ნაცვლად შეპირებული „მხოლოდ ვიზუალური შემოწმებისა“, ნაცხის ანალიზიც დაუკითხავად აუღო – „გინეკოლოგთან პირველად ვიყავი და წარმოდგენა არ მქონდა, როგორ უნდა გავესინჯე. მეშინოდა, ექიმს კი არაფერი აუხსნია. მე მის პროფესიონალიზმს არ ვაყენებ შეურაცხყოფას, საკმაოდ ცნობილი ექიმია, უბრალოდ, მინდოდა აეხსნა, რას აპირებდა და როგორ. გარემო კი მინიმუმ სუფთა მაინც უნდა იყოს“, – ამბობს თ.მ.

ჯანდაცვის მსოფლიო ორგანიზაციის (ჯანმო) 2014 წლის ანგარიშის მიხედვით, ბაქტერიების ანტიბიოტიკებისადმი რეზისტენტულობა კარგა ხანია რაც მომავლის პრობლემა აღარ არის. მათი ცნობით, ეს პროცესი უკვე მთელს მსოფლიოში მიმდინარეობს: „თუ სასწრაფო ზომები და კოორდინირებული ქმედებები არ იქნება მიღებული, სამყარო პოსტანტიბიოტიკური ეპოქისკენ მიექანება, რომელშიც იმ ზოგად ინფექციებსა და უმნიშვნელო ტრავმებს, რომლებიც ათეული წლების მანძილზე განკურნებადი იყო, შესაძლოა ისევ ლეტალური შედეგები მოჰყვეს“, – ნათქვამია ანგარიშში.

რა არის ართროზი, რომელსაც ხშირად მოიხსენიებენ როგორც “მარილების დაგროვება”, დაავადების რა გამომწვევი მიზეზები არსებობს და რა მეთოდებით შეიძლება ართროზის მკურნალობა, ამის შესახებ გვესაუბრა ექიმი რევმატოლოგი იზოლდა აბუსელიძე. 

იმის გამო, რომ საკუთარი პრობლემები ნაკლებად პრობლემურად ეჩვენებათ, ადამიანები ფსიქოლოგთან მისვლას არ ჩქარობენ და თავიანთი პრობლემებით გარბიან ყველასთან, იქნება ეს მეგობარი, ნათესავი თუ თანამშრომელი – ოღონდ
არა სპეციალისტთან. როდის უნდა მივმართოთ ფსიქოლოგს და როგორ შეუძლია სპეციალისტს დახმარება, ამის შესახებ კლინიკური ფსიქოლოგი და არტ-თერაპევტი, ირმა კვაჭაძე გვესაუბრა.

სასუნთქი სისტემის დაავადებათა შორის ყველაზე გავრცელებული მწვავე ბრონქიტია და პულმონოლოგ თეონა მსხალაძის თქმით, იგი ექიმთან მიმართვიანობის მიზეზის პირველ ხუთეულში შედის. მისივე თქმით, მწვავე ბრონქიტის შემთხვევების 80-85% შემოდგომა-ზამთრის პერიოდში ვითარდება, რადგანაც დაავადების განვითარება კლიმატური პირობების გაუარესებასთან და რესპირაციული ვირუსული ინფექციების გავრცელებასთან არის დაკავშირებული.

კარდიოქირურგი ბუბა კალანდაძე იტალიაში 22-წლიანი სამედიცინო მოღვაწეობის შემდეგ ბათუმის რეფერალურ ჰოსპიტალში კარდიოქირურგიულ ოპერაციებს იტალიელ კოლეგებთან ერთად წარუძღვება.

შაკიკი, რომელიც მსოფლიო მოსახლეობის ათ პროცენტს აწუხებს, სამჯერ უფრო ხშირია ქალებში, ვიდრე მამაკაცებში. ზოგჯერ დაავადებას თან ახლავს წინასწარი სიმპტომები, რომლის ამოცნობითაც შესაძლოა შეტევა საერთოდ აიცილო თავიდან. შეტევამდელ სიმპტომებს  აურა ჰქვია, თუმცა დაავადება შესაძლოა აურის გარეშეც მიმდინარეობდეს. „შესაძლოა პაციენტი ნახევარი საათით ადრე ნათელ წერტილებს ან/და ხაზებს ხედავდეს. ასეთ დროს პაციენტი ტკივილის დაწყებამდე იღებს ექიმის მიერ დანიშნულ მითითებებს და მედიკამენტს. ამით შეიძლება შეტევა საერთოდ აიცილო თავიდან“, – ამბობს ნევროლოგი ირმა ხვიჩია.

სტატისტიკის მიხედვით, დედამიწის მოსახლეობის 90% ჰერპესვირუსის უბრალო ფორმით არის ინფიცირებული. დერმატოლოგ ნატალია შავდიას თქმით, ჰერპესვირუსი ორგანიზმში მოხვედრის შემდეგ სამუდამოდ რჩება იქ და მისგან დამცველი ძალების შესუსტებისთანავე ბუშტუკოვანი გამონაყრით ვლინდება. 

ორსულ პაციენტ დ.ხ-ს სისხლდენის გამო ექოსკოპიის გადაღება სასწრაფოდ დასჭირდა. მიუხედავად იმისა, რომ ექიმს წინასწარ შეუთანხმდა ურიგოდ მიღებაზე, კლინიკაში მისულს მაინც რამდენიმე საათი რიგში მოუწია დგომა. ცოცხალი რიგები აჭარის თითქმის ყველა სამედიცინო დაწესებულებაში, ჯერ კიდევ რეგისტრატურასთან იწყება. მას შემდეგ, რაც პაციენტი გადახდის ქვითარს აიღებს და ექთანს გადასცემს, იგი ექიმის კაბინეტთან მდგარ რიგში გადაინაცვლებს, სადაც ლოდინის რეჟიმში შესაძლოა რამდენიმე საათიც კი დაჰყოს.

სასწრაფო დახმარების სადგურში გამოძახების რაოდენობა ზაფხულობით იზრდება. თუ აქამდე სასწრაფო დახმარების სადგურში დღეში საშუალოდ 240 ზარი ფიქსირდებოდა, სეზონზე ეს მაჩვენებელი 300-მდეა გაზრდილი. ამის გამო ბათუმის მერიამ სასწრაფო დახმარების 13 ძირითად ბრიგადას სექტემბრამდე კიდევ სამი ბრიგადა დაუმატა. რა სახის ძირითადი და სეზონური შემთხვევების გამო იძახებენ სასწრაფო დახმარებას და რამდენი ბრიგადა ემსახურება ქალაქს, ამ და სხვა კითხვებს ბათუმის სასწრაფო დახმარების სადგურის დირექტორის მოადგილემ ბადრი პაქსაძემ უპასუხა.

დენტალური იმპლანტაცია ორთოპედიული სტომატოლოგიის განშტოებაა, რომელიც ედენტულიზმის, ანუ უკბილობის მკურნალობას ემსახურება. თუ ტრადიციული ორთოპედიული კონსტრუქციების გამოყენებისას (ფიქსირებული ან მოსახსნელი პროთეზი) შესაძლებელია კბილის მხოლოდ იმ ნაწილის აღდგენა, რაც ჩანს, ანუ მხოლოდ გვირგვინის, იმპლანტაციის დროს ხდება კბილის შეძლებისდაგვარად სრულიად აღდგენა, ანუ იმპლანტი არის კბილის ფესვის ანალოგი, ხოლო მასზე კი კბილის გვირგვინი (კბილი) მაგრდება.

მიიჩნევა რომ ვეგეტარიანიზმი და ვეგანიზმი – ცხოვრების ჯანსაღი წესის ნაწილია, თუმცა ფაქტია, რომ ხორცისა და ცხოველური წარმოშობის პროდუქტებზე უარის თქმა, ორგანიზმში სხვადასხვა საჭირო ნივთიერების დეფიციტს წარმოშობს. ენდოკრინოლოგი ნინო ჯიქურაულის თქმით, ამ დეფიციტის შევსება სხვა პროდუქტების ხარჯზე, სრულად ვერ ხერხდება.

საქართველოში დაახლოებით ორასი თირკმელგადანერგილი პაციენტი ცხოვრობს, რომლებსაც ყოველდღიურად იმუნოსუპრესიული, ანუ იმუნიტეტის დამწევიმედიკამენტების გარკვეული რაოდენობა ესაჭიროებათ. წამლის თუნდაც ერთი მიღების გამოტოვების შემთხვევაში, ორგანიზმმა შეიძლება ტრანსპლანტატი მოიცილოს. ამ მედიკამენტებს პაციენტები სახელმწიფოსგან უფასოდ იღებენ, თუმცა მათ მისაღებად რეგიონებში მცხოვრებ პაციენტებს ყოველთვიურად თბილისში უწევთ ჩასვლა. ბათუმიდან თბილისამდე და პირიქით, პაციენტმა ან მისი ნდობით აღჭურვილმა პირმა 750-მდე კილომეტრი უნდა გაიაროს წამლის ასაღებად. 

როგორ ამოიცნობა ამა თუ იმ ვიტამინის ნაკლებობა ორგანიზმში ანუ ჰიპოვიტამინოზი და როგორ შევივსოთ ეს დანაკლისი? ამ და სხვა კითხვებზე “ბათუმელებს” ენდოკრინოლოგი შოთა ჯანჯღავა ესაუბრა.

საქართველოს შავი ზღვის სანაპიროზე სუბტროპიკული კლიმატია. ურეკი, ქობულეთი, ციხისძირი,  ბათუმი, სარფი და სხვა მცირე კურორტები ტერიტორიულად ერთმანეთის გვერდიგვერდაა, თუმცა ისინი მაინც განსხვავდებიან ერთმანეთისაგან. ამ განსხვავებებზე „ბათუმელებს“ ექიმი კურორტოლოგი ნელი ჭოხონელიძე ესაუბრა.   

საქართველოში დაახლოებით 18 000 ექთანი მუშაობს, რომელთა ხელფასიც საქართველოს ექთნების ასოციაციის მიერ დადგენილ ზღვარზე ორჯერ უფრო დაბალია. 

არტერიული ჰიპერტენზია – ანუ არტერიული წნევის მომატება, მსოფლიოში ერთ-ერთი ყველაზე გავრცელებული ქრონიკული დაავადებაა. ის შესაძლოა სხვადასხვა დაავადებებით იყოს განპირობებული ან ცალკე, იზოლირებულად ჩამოყალიბდეს და თავად გახდეს სხვა დაავადების მიზეზი. როდის, რა მიზეზებით იმატებს არტერიული წნევა და როგორ ვაკონტროლოთ იგი, ამის შესახებ ბათუმელებს კლინიკა „კარდიო სერვისი XXI“-ის დირექტორი,  კარდიოლოგი გოჩა აბაშიძე ესაუბრა.

მცდარი წარმოდგენების გამო, მამაკაცები ხშირად ოცნებობენ ნიმფომან ქალთან ურთიერთობაზე, რადგანაც არ იციან, თუ რა რთული და მტანჯველი პათოლოგია იმალება ქალის ამ დაუკმაყოფილებელი სექსუალური სურვილების მიღმა.

“ჯანმრთელობის კვლევის კავშირის” მიერ ჩატარებული კვლევის თანახმად, მედპერსონალის 35 პროცენტი ერთჯერად ხელთათმანებს არ იცვლის სხვადასხვა პაციენტის მომსახურებისას. მათ 70 პროცენტს არასოდეს გამოუყენებია სამედიცინო სათვალე. სამედიცინო დაწესებულებებში კი როგორც პაციენტის, ასევე ექიმის აივ/შიდსით და ვირუსული ჰეპატიტით დაავადების მაღალი რისკი არსებობს.