ბათუმის სპორტული ცენტრის დირექტორმა თანამდებობა დატოვა

ბათუმის მერიის ინფორმაციით, „ბათუმის სპორტული ცენტრის“ დირექტორმა უჩა აბრამიშვილმა თანამდებობა დატოვა და მის მოვალეობას სულხან აბულაძე შეასრულებს. ის ამ დრომდე აჭარის განათლებისა და სპორტის სამინისტროს სპორტის დეპარტამენტის პირველი მოადგილის პოზიციას იკავებდა.

სულხან აბულაძე დღეს, 26 იანვარს, ბათუმის მერმა, გიორგი ცინცაძემ წარუდგინა თანამშრომლებს, როგორც მოვალეობის შემსრულებელი.

უჩა აბრამიშვილი აჭარის განათლების სამინისტროს ახალგაზრდობის რეგიონული ცენტრის დირექტორის მოადგილედ დაინიშნა – ეს ინფორმაცია მან „ბათუმელებს“ თავად დაუდასტურა.

მერიის ინფორმაციით, დღეს, შეხვედრის ფარგლებში განიხილეს სპორტული ცენტრის მიმდინარე საქმიანობა, სამწვრთნელო და სასწავლო მიმართულებები, ასევე, სამომავლო გეგმები, რაც ინფრასტრუქტურის განვითარებასა და სპორტული სექციების გაძლიერებას საჭიროებს.

ამავე დროს, ბათუმის მერიაში რეორგანიზაციის პროცესი გრძელდება. კანონის შესაბამისად, რიგ თანამდებობებზე მერიას კონკურსის გამოცხადება მოუწევს, რიგ თანამდებობაზე კი მერი თავისი გადაწყვეტილებით ნიშნავს ხელმძღვანელებს.

რამდენიმე მუნიციპალური ორგანიზაციის ხელმძღვანელების შეცვლის შესახებ გასულ კვირას გავიგეთ.

მერს ჯერ კიდევ არ დაუნიშნავს ახალი ვიცე-მერი, ეს თანამდებობა ბათუმის მერიაში ვაკანტურია.

ბათუმის მერმა, გიორგი ცინცაძემ რეორგანიზაცია 9 იანვარს გამოაცხადა.

ფოტო: ბათუმის მერი გიორგი ცინცაძე, უჩა აბრამიშვილი და სულხან აბულაძე.

„ოცნების“ კოორდინატორი უსახლკაროების აქციაზე: „ძალიან უსამართლო ქვეყანაა“

მოქალაქეებს, რომლებიც ამბობენ, რომ უსახლკაროები არიან, „ოცნების“ მთავრობიდან არავინ შეხვედრია. საპროტესტო აქციაზე გოგოლის ქუჩა #11 ბ-ში მოქალაქეები 25 იანვარს, საღამოს 8 საათზე შეიკრიბნენ და ღამის ორამდე დარჩნენ.

ამ მისამართზე მილიონერ ოზთურქის მიერ აშენებული კორპუსებია, რომლებიც ახლა უკვე სახელმწიფოს საკუთრებაა. ბიზნესმენს სახელმწიფომ ეს ქონება მასთან გაფორმებული საპროცესო შეთანხმების ფარგლებში ჩამოართვა.

მოქალაქეები წლების განმავლობაში უფუნქციოდ დატოვებული და დაკეტილი კორპუსების უსახლკარო ოჯახებისთვის გადაცემას ითხოვენ. ამ მოქალაქეებს შორის ძირითადად სოციალურად დაუცველი ადამიანები არიან: შშმ პირები, შემწეობაზე დამოკიდებული ადამიანები, ძალადობის მსხვერპლი ქალები, მარტოხელა დედები… ისინი აცხადებენ, რომ მათ დიდ ნაწილს ქირის გადახდა, ან ბინის შეძენა დამოუკიდებლად არ შეუძლია. წლებია ბათუმში ეს ადამიანები მთავრობის ყურადღებას ითხოვენ და საპროტესტო აქციებს მართავენ.

„41 წელია ქუჩაში ვარ შშმ შვილთან ერთად, ჩემი შვილი დაბადებიდან შშმ პირია, მარტოხელა დედა ვარ… ვითხოვ, შემხვდეს ბათუმის მერი, მაგრამ არ მხვდება. N რაოდენობის განაცხადი მაქვს დატოვებული ყველგან, რეაგირება – ნული. ეს მთავრობა მარტო საკუთარი თავისთვის ზრუნავს… თუ რამეს იტყვი, მოგიგზავნიან „შავი გაგების“ ხალხს და გაშინებენ, ჩემთანაც იყო ასეთი შემთხვევა, ახლა საუბარი არ მინდა…,“ – ამბობს მზიური ბალაძე, აქციის ერთ-ერთი მონაწილე.

„შემწეობით ვიხდი ბინის ქირას, სადაც ნესტია და მორიელები დადიან, ჩემი შვილი მარტოხელა დედაა, შვილიშვილი დიაბეტია, 25 წელია ნაქირავებში ვარ,“ – გვითხრა დალი თებიძემ. ისიც წლებია მონაწილეობს უსახლკაროების საპროტესტო აქციებში.

დალი თებიძე გვიყვება, რომ წლების წინ ძმასთან ერთად ცხოვრობდა, მაგრამ სოფელში მდებარე სახლი მეწყერსაშიშ ზონაში აღმოჩნდა. ოჯახს ბინა ქედის სოციალურ სახლში მისცეს. დალი თებიძე ამბობს, რომ ბინა საკმარისი არაა ამდენი ადამიანისთვის:

„იმ ბინაშია ჩემი ეპილეფსიანი ძმა და მისი ოჯახი… მე ჩემს შვილთან და შვილიშვილებთან ერთად ბათუმში, ნაქირავებში ვარ. ჩემმა შვილმა განცხადება დაწერა ბათუმის მერიაში, მაგრამ უთხრეს, მრავალშვილიანი უნდა იყოო. ორი შვილი ჰყავს, რჩენა არ უნდათ?

ამ თვის შემწეობა და პენსიაც ქირაში გადავიხადე, კომუნალურების ჩათვლით 700 ლარი გამოვიდა, სასადილოთი ვსარგებლობ, მაგრამ დიაბეტიან შვილიშვილს რომ „ნაბეღლავი“ ვუყიდო, მაგის ფულიც არ მრჩება“, – აღნიშნა დალი თებიძემ „ბათუმელებთან“.

ამ აქციაზე არიან ეკომიგრანტებიც. მაგალითად, თინა ანთაძე ხულოს სოფელ გელაძეებიდანაა. ამბობს, რომ მის სახლთანაც ჩამოწვა მეწყერი და იქ ცხოვრება საშიშია. ოჯახს ხულოს მერია ქირის ფულს უხდის, მაგრამ ეს საკმარისი არაა ბათუმში ბინის საქირავებლად. ეკომიგრანტ ოჯახებს სახელმწიფო ასევე 50 ათას ლარს სთავაზობს. „რა უნდა ვიყიდოთ ამ ფასად? გვიყიდონ თვითონ და ჩვენ ვიცხოვრებთ“ – ამბობდნენ წუხელ აქციაზე გამოსული ეკომიგრანტები.

„ოჯახში 4 შშმ პირი მყავს, მომხედავი არავინაა. სოციალურს ვიღებთ, პენსიაა და ამით გაგვაქვს თავი, თუ გატანა ჰქვია,“ – ამბობს  თინა ანთაძე.

ვესაუბრეთ აქციაზე გამოსულ მოქალაქესაც, რომელიც „ოცნების“ კოორდინატორია:

„ეს რა ქვეყანაში ვცხოვრობთ? ძალიან უსამართლო ქვეყანაა, უსამართლობაა, ამაზე ვაწერ ხელს… როგორ შეიძლება მოქალაქეს არ შეხვდეს უმაღლესი საბჭოს თავმჯდომარე? რატომ არის მაშინ თავმჯდომარე?… მე ისევ „ოცნების“ მხარდამჭერი ვარ, სად წავიდე აბა?“ – გვითხრა იზოლდა ჯაბნიძემ.

იზოლდა ჯაბნიძის 10-სულიან ოჯახს სახლი აქვს თამარის დასახლებაში – მის მეზობლად შენდება ხელოვნური კუნძული. რამდენიმე წლის წინ იზოლდას ეზოში და ნავთობპროდუქტების ნარჩენებმა დაიწყო გამოჟონვა – ამ ტერიტორიაზე ნავთობგადამამუშავებელი ქარხნის ძველი მილებია დარჩენილი. იზოლდა ჯაბნიძის სახლ-კარი სპეციალისტებმა შეამოწმეს და დაიწერა დასკვნა, რომ მის სახლში ცხოვრება საფრთხის შემცველია.

„აჭარის ეკონომიკის ყოფილმა მინისტრმა, ჯაბა ფუტკარაძემ 60 კვადრ. მეტრი ბინა შემოგვთავაზა სანაცვლოდ, აქ გადადითო, ამ დროს მე მაქვს 220 კვადრატული მიწა და 120 კვადრატი სახლია. რა თქმა უნდა, არ დავთანხმდი.

ეს მოხდა 2024 წლის არჩევნების წინ. მას შემდეგ არაფერი შეცვლილა. პირიქით, ორი თვის წინ შეღებილი კედლები სულ გაშავდა, სახლი ავარიულ მდგომარეობაშია.

არავინ არ მხვდება მთავრობაში. მაგათ უწიგნური ვგონივარ. მაგათზე მეტი განათლება მაქვს, ეს იცოდნენ… „ოცნების“ კოორდინატორი ვარ დღეს ისევ, გასაგები არ არის ეს, მაგრამ რა ვქნა?“ – კითხულობს იზოლდა ჯაბნიძე.

გოგოლის ქუჩა 11 ბ-ში შეკრებილი უსახლკაროები 26 იანვარს, ღამის 2 საათზე დაიშალნენ. მათთან ხელისუფლებიდან არავინ გამოჩენილა. ადგილზე მობილიზებული იყო მხოლოდ პოლიცია.

უცნობია, ამ ეტაპზე როდის და რა ფორმით განაგრძობენ საპროტესტო აქციას უსახლკაროები. აქციის რამდენიმე მონაწილემ დღეს „ბათუმელებს“ უთხრა, რომ ისინი დღეს არალეგიტიმური უმაღლესი საბჭოს დეპუტატებთან აპირებენ შეხვედრას.

„ბათუმელები“ 24 იანვარს ესაუბრა ამ კორპუსში თვითნებურად შესულ მარინა მსხალაძეს. მისი თქმით, კიდევ რამდენიმე ოჯახი შევიდა ოზთურქისთვის ჩამორთმეულ კორპუსში დაახლოებით 10 დღის წინ. ამ ბინებში არც წყალია და არც შუქი. ამის მიუხედავად, მარინა მსხალაძე ამბობდა, რომ ის ბინის დატოვებას არ აპირებს.

დღეს, 26 იანვარს, მარინა მსხალაძის ტელეფონის ნომერი გამორთულია. უცნობია, რჩება თუ არა ვინმე ამ დროისთვის კორპუსებში.

რა ბედი ეწევა ოზთურქისთვის ჩამორთმეულ კორპუსებს? – 24 იანვარს „ბათუმელებს“ ამ თემაზე „ბათუმელებს“ უპასუხეს, რომ „საკითხი განხილვის და გადაწყვეტის პროცესშია“. დღეს ბათუმის მერიის პრესცენტრში ინფორმაციის მოწოდებას დაგვპირდნენ და მას მიღებისთანავე გაგაცნობთ.

სოციალურად დაუცველი უსახლკაროები წლებია ბათუმში მთავრობის ყურადღებას ითხოვენ და საპროტესტო აქციებს მართავენ, მაგრამ ამ კატეგორიის ადამიანებისთვის არანაირი პროგრამა არ შეუქმნიათ. მათი საცხოვრებელი პირობები და რეალური ქონებაც კი რომელიმე სახელმწიფო უწყებიდან არავის შეუსწავლია.

„ოცნების“ მთავრობა წლების განმავლობაში აიგნორებდა უსახლკარო ადამიანებს, მაგალითად, „ოცნების ქალაქში“, კრიტიკულ ეტაპზე კი, 2022 წელს „ოცნებამ“ სოციალურად დაუცველი ადამიანები საარჩევნო სქემაში ჩართო: „ოცნების ქალაქის“ მაცხოვრებლები თვითმმართველობის წინა არჩევნებზე მასობრივად დაარეგისტრირეს ბათუმში და დაჰპირდნენ ბინების გადაცემას, თუ „ქართულ ოცნებას“ დაუჭერდნენ მხარს.

2022 წლის 2 აპრილის შუალედური არჩევნების ბედი პრაქტიკულად „ოცნების ქალაქმა“ გადაწყვიტა – მას შემდეგ, რაც ბათუმის საკრებულოს ოპოზიციონერი წევრი, ნუგზარ ფუტკარაძე გარდაიცვალა და ეს ფაქტი დღემდე გამოუძიებელია, შუალედური არჩევნები ჩატარდა. საბოლოოდ, „ოცნების ქალაქის“ გამოყენებით ბათუმის საკრებულოში უმრავლესობა „ქართულმა ოცნებამ“ მოიპოვა. 

მაშინ არჩევნებში, „ოცნების ქალაქის“ ამ სქემის გამოყენების შედეგად, ბათუმის საკრებულოს თავმჯდომარე სწორედ რამაზ ჯინჭარაძე გახდა, რომელიც მანამდე ჯანდაცვის მინისტრის მოადგილე იყო და დევნილებთან და ეკომიგრანტებთან მუშაობის გამოცდილება ჰქონდა. დღეს რამაზ ჯინჭარაძე „ოცნების“ არალეგიტიმური უმაღლესი საბჭოს დეპუტატია.

ამ თემაზე:

როგორ დააღწია თავი პატიმრობას და სად წავიდა ოზთურქი? – „1 მილიონი ლარი ბიუჯეტში ჯარიმის სახით“

 

 

Anti-Corruption Agency Employee Found Dead in Car from Gunshot Wound

On January 26, in Tbilisi, an employee of the State Security Service’s Anti-Corruption Agency was found dead.

According to the Prosecutor’s Office, the deceased had sustained a gunshot wound.

“An Anti-Corruption Agency employee was found this morning in their car with a gunshot wound. During the inspection of the scene, a firearm, which the deceased had with them, and a note, found on the passenger seat, were recovered,” the Prosecutor’s Office said in a statement.

The identity of the deceased is not yet known.

According to the State Security Service, the employee arrived at work in the morning and was later found dead in their vehicle.

“What is currently known and confirmed by our staff is that the employee arrived at work early in the morning, apparently took a firearm, left the premises, and was later found dead in their car,” the State Security Service told the government-affiliated channel Rustavi 2.

A criminal investigation has been opened under Article 115 of the Criminal Code, which pertains to incitement to suicide.

“My Would-Be Assassin Was Held Below My Cell”: Givi Targamadze Released After Seven Months in Prison

Former Georgian lawmaker Givi Targamadze was released from prison on January 26 after serving a seven-month sentence for refusing to appear before the so-called Tsulukiani Commission, established by the Georgian Dream–controlled parliament to “investigate crimes of the previous government,” a process critics say is being used to justify the banning of political parties.

Speaking to journalists after his release, Targamadze said his freedom was overshadowed by the fact that many others remain behind bars. “I would have been happiest if I were the last to leave prison,” he said, adding that those still detained have already proven their resilience and deserve, above all, good health.

Targamadze described imprisonment of dozens of protesters, journalists and opposition politicians as “the price of fighting for freedom,” stressing that society must not retreat despite repression. He warned that halting resistance would only raise the cost, pointing to Iran and Ukraine as examples:

“This is the price of fighting for freedom, and it’s not easy. Sometimes it’s even tragic. But fortunately, the price we are paying now is not irreversible, whether it’s two years, one year, several months, or even days in prison. This is the price right now. What’s important is that people are not refusing to pay it and are not stopping. Because if we stop now, that price will automatically rise – to the level we see today in Iran, and even more so in Ukraine. So this price must be paid, unfortunately, no matter how heavy it is”.

Asked about his political future, Targamadze said he is ready to contribute “wherever needed,” though he does not currently represent any party leadership. He said he plans to share ideas through consultations, including with opposition figure Zurab Japaridze.

Targamadze also criticized the legitimacy of the Tsulukiani Commission, calling it cynical to summon him while he is a key witness in the case against Russia at The Hague. He noted that during his imprisonment he was held in proximity to individuals connected to the 2016 car bombing attempt on his life. He described the situation with a note of irony:

“I had to spend time in a rather original environment, as you can imagine. Below my cell was a man serving a sentence for attempting to assassinate me – the person who blew up my car. Nearby was someone who, back in the day, worked in the State Security Service and helped block the investigation into that bombing. Later, others joined us – Romeo Mikautadze, Juansher Burchuladze, then Grigol Liluashvili. And finally, even my ‘neighbor’ Irakli Garibashvili couldn’t wait – he could have waited until February, but wanted to feel closer to me, so he became my neighbor here (in prison) for a while. We’re not kept in the same space for long, but that’s fine… Now I’ll hold the line on the streets, and he’ll hold the line in here,” Targamadze said.

Targamadze  noted that despite years of threats, arrests, and political pressure, he remains committed to continuing the fight “for freedom, for our families, and for our country.”

The former MP survived that assassination attempt just days before the 2016 parliamentary elections, though five bystanders were seriously injured. While the authorities identified the alleged perpetrator, the organizers of the attack were never officially named.

The high-profile bombing of Givi Targamadze’s car occurred just days before the 2016 parliamentary elections, near the United National Movement’s office. At the time, Targamadze was a leading figure in the party and a member of parliament. He had just left the party office and entered his Skoda vehicle with his driver when, seconds after the car started moving, an explosive device planted in the rear of the vehicle was detonated remotely.

Targamadze and his driver miraculously survived, suffering only concussion and minor injuries, as the blast wave was largely absorbed by the rear of the car.

Five pedestrians were seriously injured in the explosion, one of them critically.

Shortly after the blast, the Interior Ministry and the Prosecutor’s Office declared the case solved. According to investigators, the direct perpetrator was former Interior Ministry employee Darcho Khechuaishvili, who fled the scene and was later sentenced in absentia to 18 years in prison. Prosecutors released surveillance footage showing Khechuaishvili following Targamadze.

Khechuaishvili’s relative, Boris Chagunava, was arrested on charges of aiding and abetting and illegal possession of weapons; he later entered into a plea agreement.

Targamadze accused Russian special services and the then-government of Georgia (Georgian Dream)of orchestrating the attack to destabilize the country ahead of elections. The authorities, for their part, claimed the explosion may have been a provocation benefiting the opposition. The investigation never identified those who ordered the attack, focusing only on the alleged perpetrator.

In September 2024, it was reported that Darcho Khechuaishvili, who had been wanted for years, was detained for illegally crossing Georgia’s border after entering the country from Russia.

Opposition Leader Giorgi Vashadze Leaves Prison After Serving Seven-Month Sentence

სუსთან თანამშრომელი გარდაცვლილი იპოვეს – პროკურატურა

დღეს, 26 იანვარს, თბილისში, სუს-ის ანტიკორუფციული სააგენტოს თანამშრომელი გარდაცვლილი იპოვეს.

პროკურატურის ინფორმაციის თანახმად, გარდაცვლილს ცეცხლსასროლი იარაღით ჰქონდა ჭრილობა მიყენებული.

„ანტიკორუფციული სააგენტოს თანამშრომელი დღეს დილით საკუთარ ავტომანქანაში ცეცხლსასროლი იარაღით მიყენებული ჭრილობით გარდაცვლილი იპოვეს. შემთხვევის ადგილის დათვალიერებისას ამოღებულია ცეცხლსასროლი იარაღი, რომელიც გარდაცვლილს თან ჰქონდა და წერილი, რომელიც გვერდითა სავარძელზე იქნა ნანახი,“ – ნათქვამია პროკურატურის განცხადებაში.

ჯერჯერობით უცნობია გარდაცვლილის ვინაობა.

სუს-ის კომენტარის მიხედვით, მათი თანამშრომელი დილით სამსახურში მივიდა, შემდეგ კი ის მანქანაში გარდაცვლილი იპოვეს.

„რაც იკვეთება ახლა და ვიცით თანამშრომლებისგან – ის ადრე მოვიდა დილით სამსახურში, როგორც ჩანს, აიღო იარაღი, გავიდა სამსახურის ტერიტორიიდან და თავის ავტომანქანაში იპოვეს გარდაცვლილი”, – ეს ინფორმაცია სახელმწიფო უსაფრთხოების სამსახურმა სამთავრობო ტელეარხ „რუსთავი 2-ს“ მიაწოდა.

გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

კახა ბექაურმა კომუნიკაციების კომისია დატოვა

კახა ბექაურმა საქართველოს კომუნიკაციების ეროვნული კომისიის თავმჯდომარის პოსტი დატოვა. მას უფლებამოსილების ვადა ამოეწურა.

ბექაური კომუნიკაციების ხელმძღვანელის პოსტს 9 წლის განმავლობაში, 2 ვადით იკავებდა. ის კომუნიკაციების კომისიის წევრად 2014 წელს აირჩიეს, 2017 წლიდან კი თავმჯდომარე გახდა.

კახა ბექაური კომუნიკაციის კომისიის თავმჯდომარეობის პარალელურად ბიზნესსაქმიანობას ეწეოდა. ის ფლობს 33%-იან წილს სუპერმარკეტების ქსელ „ორ ნაბიჯში“.

ბოლო დეკლარაცია კახა ბექაურს 2025 წლის 30 მაისს აქვს ჩაბარებული. ბექაური ერთ-ერთი ყველაზე მაღალანაზღაურებადი საჯარო მოხელე იყო საქართველოში. ის ხელფასის სახით თვეში 16 ათას ლარს იღებდა.

დეკლარაციის მიხედვით, კახა ბექაური და მისი მეუღლე, ეკა ბერიძე, ფლობენ 21 ბინას, 14 მიწის ნაკვეთს, 7 ავტომობილს, 4 ძვირადღირებულ მაჯის საათს და 5 ცეცხლსასროლ იარაღს.

კახა ბექაური კომისიის თავმჯდომარის გარდა, წევრიც იყო.

ბექაური კომუნიკაციების კომისიის წევრის პოზიციაზე გოგა გულორდავამ ჩაანაცვლა.

გოგა გულორდავა კომუნიკაციების კომისიის წევრად სადავო პარლამენტმა დაამტკიცა და კანონით, ის მომდევნო 6 წლის განმავლობაში  იმუშავებს ამ პოზიციაზე.

Comcom-ის ვებგვერდზე გამოქვეყნებული ოფიციალური ბიოგრაფიის თანახმად, კომუნიკაციების კომისიის წევრობამდე, გოგა გულორდავა 2 წლის განმავლობაში ტელეკომპანია „იმედში“ ფინანსური მონიტორისა და აუდიტის პოზიციას იკავებდა. 2020 წლიდან 2025 წლამდე იყო  საქართველოს სახელმწიფო ელექტროსისტემაში გენერალური დირექტორის მრჩეველი, შემდგომ კი, ამავე უწყებაში, შიდა აუდიტის დირექტორი.

2016-2020 წლებში გოგა გულორდავა იყო საქართველოს პარლამენტის წევრი, ხოლო 2013-2016 წლებში – წალენჯიხის მუნიციპალიტეტის გამგებელი.

აჭარის პროექტების მართვის კომპანიას ახალი უფროსი ჰყავს, ყოფილი დირექტორი კი მერიაში გადაიყვანეს

აჭარის პროექტების მართვის კომპანიის  დირექტორად გოჩა გაბრუშიძე დანიშნეს, მანამდე ის ამ ორგანიზაციაში იურისტად მუშაობდა.

აჭარის ფინანსთა და ეკონომიკის მინისტრის, ედნარ ნატარიძის ბრძანების მიხედვით, გოჩა გაბრუშიძის ხელფასი 8000 ლარი იქნება.

აჭარის პროექტების მართვის კომპანია აჭარის მთავრობის მიერ დაფუძნებული ორგანიზაციაა. კომპანია აჭარის ფინანსთა და ეკონომიკის სამინისტრო დაქვემდებარებაში მუშაობს და მაღალბიუჯეტიანი საპროექტო-სამშენებლო პროექტების შესყიდვა- განხორციელებაზე მუშაობს.

დოკუმენტების მიხედვით, კომპანიის ყოფილმა ხელმძღვანელმა, ბაქარ ჩიტაიამ თანამდებობა საკუთარი განცხადების საფუძველზე დატოვა – ის ბათუმის მერიაში გადავიდა სამუშაოდ.

ჩიტაიამ ბათუმის მერიის ერთ-ერთი ყველზე მაღალბიუჯეტიანი ორგანიზაცია, საქალაქო ინფრასტრუქტურისა და კეთილმოწყობის სამმართველო ჩაიბარა. ეს თანამდებობა აკაკი ბერიძემ დატოვა გასულ წელს, თუმცა ამ დრომდე დირექტორის მოვალეობას მოადგილე ასრულებდა.

ამავე დროს, ბათუმის მერიაში რეორგანიზაციის პროცესი გრძელდება. კანონის შესაბამისად, რიგ თანამდებობებზე მერიას კონკურსის გამოცხადება მოუწევს, რიგ თანამდებობაზე კი მერი თავისი გადაწყვეტილებით ნიშნავს ხელმძღვანელებს.

რამდენიმე მუნიციპალური ორგანიზაციის ხელმძღვანელების შეცვლის შესახებ გასულ კვირას გავიგეთ.

მერს ჯერ კიდევ არ დაუნიშნავს ახალი ვიცე-მერი, ეს თანამდებობა ბათუმის მერიაში ვაკანტურია.

ბათუმის მერმა, გიორგი ცინცაძემ რეორგანიზაცია 9 იანვარს გამოაცხადა.

_______________

ფოტოზე: ბაქარ ჩიტაია, გოჩა გაბრუშიძე

ბიზნესების მხარდასაჭერად, 270 მლნ ლარი თიბისის ADB-სგან

თიბისიმ აზიის განვითარების ბანკისგან 270 მლნ ლარის ფინანსური რესურსი მოიზიდა, რომელიც საქართველოში, მიკრო, მცირე და საშუალო ბიზნესებისთვის (MSME) ფინანსებზე ხელმისაწვდომობის ზრდას და მწვანე დაფინანსების გაძლიერებას მოხმარდება.

ფინანსური რესურსის ძირითადი ნაწილი მიკრო, მცირე და საშუალო საწარმოების მხარდაჭერისკენ იქნება მიმართული. 20% ქალი მეწარმეების გაძლიერებას, ხოლო 30% – მწვანე ინვესტიციების დაფინანსებას მოხმარდება.

„კერძო სექტორის გაძლიერება ADB-ის ერთ-ერთი მთავარი პრიორიტეტია, განსაკუთრებით – მიკრო, მცირე და საშუალო საწარმოების, რომლებიც საქართველოს ეკონომიკის საყრდენს წარმოადგენენ. მზად ვართ, ხელი შევუწყოთ მათ ზრდას, განვითარებას და ფინანსებზე წვდომის გაუმჯობესებას. თიბისი ჩვენი ხანგრძლივი პარტნიორია და ვიმედოვნებთ, რომ ახალი თანამშრომლობა საქართველოში გრძელვადიან, მდგრად და ინკლუზიურ ეკონომიკურ ზრდას უზრუნველყოფს”, – განაცხადა ADB-ის საქართველოს წარმომადგენლობის დირექტორმა, ლესლი ბეარმან ლამმა.

„ვაფასებთ ADB-სთან ჩვენს მრავალწლიან პარტნიორობას და მათ უწყვეტ მხარდაჭერას. აღნიშნული ტრანზაქცია კიდევ უფრო გააძლიერებს ჩვენს თანამშრომლობას და შესაძლებლობას მოგვცემს, მიკრო, მცირე და საშუალო საწარმოებისათვის გრძელვადიანი ფინანსური რესურსის ხელმისაწვდომობა გავზარდოთ. MSME სექტორის, ქალი მეწარმეებისა და მწვანე ინვესტიციების მხარდაჭერა სრულად შეესაბამება ჩვენს სტრატეგიას და მნიშვნელოვან წვლილს შეიტანს ქვეყნის ეკონომიკურ განვითარებაში’’, – განაცხადა თიბისის გენერალურმა დირექტორმა, ვახტანგ ბუცხრიკიძემ.

ADB საქართველოს მხარდამჭერია 2007 წლიდან და ქვეყნის განვითარების ერთ-ერთი უდიდესი მულტილატერალური პარტნიორია. ADB-ის მიერ საქართველოსთვის გაცემული სესხების, გრანტებისა და ტექნიკური დახმარების ჯამური ოდენობა 5 მილიარდ დოლარს აჭარბებს, საიდანაც დაახლოებით 1 მილიარდი კერძო სექტორისთვისაა გამოყოფილი. ADB-ის საქართველოსთან თანამშრომლობის ხუთწლიანი სტრატეგია მიზნად ისახავს, ქვეყანას დაეხმაროს მწვანე და ინკლუზიურ რეგიონულ კარიბჭედ განვითარებაში, ხელი შეუწყოს სახელმწიფო და კერძო სექტორში ინვესტიციების განხორციელებას, რეფორმებს, ცოდნის გაღრმავებას, კლიმატგამძლე ინფრასტრუქტურის აშენებასა და რეგიონულ ინტეგრაციას.

ოქროს ფასი კვლავ გაიზარდა

ოქროს ფასი კვლავ იზრდება გლობალურ ბაზარზე – „ბიბისი“ წერს, რომ ოქროს ფასმა პირველად გადააჭარბა 5 000 დოლარს ერთ უნციაზე, რითაც გაგრძელდა ოქროს ფასის ისტორიული ზრდა, რის შედეგადაც ძვირფასი ლითონის ფასები 2025 წელს 60%-ზე მეტით გაიზარდა.

ფასის ზრდა მოხდა აშშ-სა და ნატოს შორის გრენლანდიის გამო დაძაბულობის ზრდის ფონზე, რაც ფინანსური და გეოპოლიტიკური გაურკვევლობის შესახებ მზარდ შეშფოთებას იწვევს – წერს „ბიბისი“.

გამოცემის ცნობით, ოქროს ფასების ზრდას ასევე შეუწყო ხელი უკრაინასა და ღაზაში მიმდინარე ომებმა, ასევე ვაშინგტონის მიერ ვენესუელის პრეზიდენტის, მადუროს დაპატიმრებამ.

გაიზარდა ვერცხლის ფასიც და პირველად გადააჭარბა 100 დოლარს უნციაზე. ამავე დროს, ვერცხლის ფასი გასულ წელს თითქმის 150% პროცენტით გაიზარდა.

ოქრო და სხვა ძვირფასი ლითონები, ტრადიციულად, უსაფრთხო აქტივებად ითვლება გაურკვეველი პოლიტიკური სიტუაციის დროს.

 

გივი თარგამაძემ საპატიმრო დატოვა – „არ ვართ იმ მდგომარეობაში, რომ მარცხისთვის ვიყოთ მზად“

7-თვიანი პატიმრობის შემდეგ გივი თარგამაძემ დღეს, 26 იანვარს, საპატიმრო დატოვა. ის პატიმრობაში იმყოფებოდა „ქართული ოცნების“ პარლამენტში შექმნილი თეა წულუკიანის კომისიაზე გამოუცხადებლობის გამო.

გივი თარგამაძეს ციხესთან ახლობლები და ოჯახის წევრები დახვდნენ.

„გული მეთანაღრება იმაზე, რომ მე გამოვედი და ამდენი ხალხი რჩება საპატიმროებში. ნამდვილად ბედნიერი ვიქნებოდი, მე რომ ბოლო გამოვდიოდე და ყველა გამოსული რომ იყოს, მაგრამ, სამწუხაროდ, ჩვენ ვერ ვწყვეტთ ამას. ჯანმრთელობას ვუსურვებ ამ ხალხს, მხნეობა და გამძლეობა აქვთ და დაამტკიცეს ეს.

მადლიერება მინდა გამოვხატო იმ ადამიანების მიმართ, ვინც ეს თვეები მგულშემატკივრობდა, განსაკუთრებით ჩემ ოჯახს ედგა გვერდში. ჩემი ცოლიც და შვილებიც მებრძოლი გოგოები არიან ნამდვილად, მაგრამ უთქვენოდ ბევრად გაუჭირდებოდათ და ამის გამო მადლიერი ვარ. მიყვარხართ ყველა.

მე ვხედავ ჩემს თავს ამ ბრძოლაში, ნებისმიერ ადგილზე სადაც საჭირო იქნება. წლების განმავლობაში მქონდა შანსი, რომ მოვხვედრილიყავი რუსულ ან ბელორუსულ ციხეში, მზად ვიყავი ამ ყველაფრისთვის, ამიტომ ყველაფერ გავაკეთე, რომ უკეთეს ფორმაში ვყოფილიყავი – ფიზიკურადაც და მორალურადაც.

ცოტა ორიგინალურ გარემოში მომიწია ჯდომა – ჩემ ქვემოთ იჯდა ადამიანი, რომელიც სასჯელს იხდის ჩემი მკვლელობის მცდელობისთვის, ანუ ამაფეთქა. სადღაც გვერდზე იჯდა ადამიანი, რომელიც ამ აფეთქების საქმის ბლოკირებას აკეთებდა სუს-იდან თავის დროზე, მერე ესენიც შემოგვიერთდნენ [რომეო მიქაუტაძე, ჯუანშერ ბურჭულაძე, გრიგოლ ლილუაშვილი].

მე პარტიულ ლიდერშიფს არ წარმოვადგენ, მაგრამ კონსულტაციები იქნება, ჩემს იდეებს მივაწვდი. მართლა ობობას ველაპარაკებოდი მთელი 7 თვე და ამიტომ ვერავის ჭკუის სწავლებას ვერ დავუწყებ. ჯერ ადამიანებთან დავილაპარაკებ, გავერკვევი ზუსტად რა და როგორ ხდება.

ეს [პატიმრობა] არის ამ თავისუფლებისთვის ბრძოლის ფასი და რთულია, არ არის მარტივი, ზოგ შემთხვევაში ტრაგიკულიცაა, მაგრამ არა – გამოუსწორებელი. ძალიან მნიშვნელოვანია, რომ ამ ფასის გადახდაზე ხალხი უარს არ ამბობს და ამის გამო არ ჩერდება – თუ ახლა გაჩერდები, ეს ფასი აიწევს ავტომატურად იმ ნიშნულზე, რასაც ახლა ირანში და კიდევ უფრო უკრაინაში ვხედავთ.

ეს ფასი გადასახდელია სამწუხაროდ. თან ახლა არ ვართ იმ მდგომარეობაში, რომ მარცხისთვის ვიყოთ მზად. დღეს ბევრად მოწყვლადია ეს რეჟიმი“, – განაცხადა გივი თარგამაძემ ჟურნალისტებთან.

________________________________

ფოტოზე: კადრი TV„ფორმულას“ ვიდეომასალიდან.

„აშშ-ის უსაფრთხოების გარანტიების დოკუმენტი 100%-ით მზად არის“ – ზელენსკი

უკრაინის პრეზიდენტმა ვოლოდიმირ ზელენსკიმ განაცხადა, რომ აშშ-ის უსაფრთხოების გარანტიების შესახებ დოკუმენტი 100 პროცენტით მზადაა ხელმოწერისთვის.

„დოკუმენტი 100 პროცენტით მზადაა. ველოდებით ჩვენი პარტნიორების მიერ მზაობას, თარიღსა და ადგილს, ხელის მოსაწერად“.

მისი თქმით, შეთანხმება უნდა რატიფიცირდეს აშშ-ის კონგრესისა და უკრაინის უმაღლესი რადას მიერ.

ზელენსკიმ ხაზი გაუსვა უსაფრთხოების გარანტიების ევროპულ ნაწილსაც.

„უკრაინისთვის უსაფრთხოების მეორე გარანტია არის ევროპული უსაფრთხოების გარანტიები, „მსურველთა კოალიცია“ და რაც მთავარია, ევროკავშირში წევრობა. ეს არის ეკონომიკური უსაფრთხოების გარანტიები უკრაინისთვის. ჩვენ გვინდა 2027 წელი; ჩვენ ვსაუბრობთ კონკრეტულ თარიღზე, როდესაც უკრაინა მზად იქნება“, – განაცხადა მან 25 იანვარს, პრესკონფერენციაზე.

მისი თქმით, უკრაინას სურს ომის დასრულების შეთანხმებაში ევროკავშირში გაწევრიანების კონკრეტული თარიღი იყოს მითითებული, რათა ყველა მხარემ დაიცვას ეს შეთანხმება.

 

რუსეთის და უკრაინის სამხედრო დანაკარგები ომში – 26 იანვარი

უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 26 იანვრამდე პერიოდში, რუსეთის არმიის საბრძოლო დანაკარგი არის:

  • ცოცხალი ძალა – დაახლოებით 1 235 060 ადამიანი [გასულ დღე-ღამეში +1 020. ამ მონაცემებში შედის როგორც დაღუპულები ასევე დაჭრილები]
  • ტანკი – 11 608 ერთეული [+3]
  • ჯავშანტექნიკა – 23 951 ერთეული [+1]
  • საარტილერიო სისტემა – 36 644 ერთეული [+32]
  • MLRS – 1 626 ერთეული [+2]
  • საზენიტო საბრძოლო სისტემა – 1 286 ერთეული [+0]
  • თვითმფრინავი – 434 ერთეული [+0]
  • ვერტმფრენი – 347 ერთეული [+0]
  • უპილოტო საფრენი აპარატის ოპერატიულ-ტაქტიკური დონე – 115 813 ერთეული [+917]
  • ფრთოსანი რაკეტა [ჩამოაგდეს] – 4 205 ერთეული [+0]
  • გემი/ნავი – 28 ერთეული [+0]
  • წყალქვეშა ნავი – 2 ერთეული [+0]
  • მანქანები და საწვავის ავზები – 75 906 ერთეული [+147]
  • სპეცტექნიკა – 4 051 ერთეული [+1]

უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.

უკრაინის სამხედრო დანაკარგებზე ინფორმაცია ჯერ არ განუახლებია რუსეთს.

რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2026 წლის 26 იანვრამდე პერიოდში სულ განადგურებულია უკრაინის:

  • 670 თვითმფრინავი
  • 283 ვერტმფრენი
  • 111 126 უპილოტო საფრენი აპარატი
  • 646 საზენიტო სარაკეტო სისტემა
  • 27 324 ტანკი და სხვა ჯავშანტექნიკა
  • 1 651 მრავალჯერადი სარაკეტო გამშვები
  • 32 845 საველე არტილერია და ნაღმმტყორცნი
  • 52 846 სპეციალური სამხედრო მანქანა

ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.

ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.

—

რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.

ამავე თემაზე:

“მოდით, დავასრულოთ ეს „ზაზუნას დღე“ – ზელენსკის მიმართვა ევროპელებს დავოსიდან

 

მთავარი ფოტო: უკრაინის გენშტაბი/facebook

FIFA-მ ბათუმის დინამოს სატრანსფერო შეზღუდვა არ მოუხსნა

FIFA-მ ბათუმის „დინამოს“ მიმართ სატრანსფერო შეზღუდვა კვლავ ძალაში დატოვა. ინფორმაციას ამის შესახებ ბათუმის „დინამო“ ავრცელებს.

ფეხბურთის ასოციაციათა საერთაშორისო ფედერაციამ – FIFA-მ ბათუმის „დინამოს“ სატრანსფერო შეზღუდვა გასულ წელს დაუწესა. ეს შეზღუდვა 2025 წლის პირველი ივნისიდან, 2026 წლის ივნისამდეა ძალაში.

სატრანსფერო შეზღუდვის დაწესების მიზეზი ბათუმის „დინამოს“ ყოფილი ფეხბურთელების  მხრიდან FIFA-ში შეტანილი საჩივრებია. საფეხბურთო კლუბს ფეხბურთელების დავალიანება ჰქონდა.

„2025 წლის დეკემბრიდან, დინამოს სააქციო საზოგადოება დბ 1923-ის მმართველობაში გადასვლისთანავე, ახალი მენეჯმენტის პირობებში, FIFA-სა და საქართველოს ფეხბურთის ფედერაციის სადისციპლინო კომიტეტში არსებული ყველა დავალიანების შესწავლისა და დაფარვის პროცესი დაიწყო.

კლუბს სატრანსფერო შეზღუდვა FIFA-ს მხრიდან საფეხბურთო კლუბ “ანკარაგუჩუს”, ასევე ფეხბურთელების: კირილო მელიჩენკოს, მესი ბიატუმუსოკას, გიტის პაულაუსკასის, ვანდერსონ სილვას, ედმუნდ არკო-მესასა და ალექს სანტოსის მიმართვის საფუძველზე აქვს დაწესებული.

აღსანიშნავია, რომ ვანდერსონ სილვას შემთხვევაში FIFA-მ სადისციპლინო სანქცია გამოიყენა, რაც ერთ-ერთ ყველაზე მძიმე სასჯელს წარმოადგენს.

თურქულ კლუბთან და თითოეულ ზემოაღნიშნულ ფეხბურთელთან მორიგების აქტი გაფორმდა, რის საფუძველზეც, 2026 წლის 20 იანვრის მონაცემებით, დავალიანებები სრულადაა დაფარული.

ახალი მენეჯმენტის პირობებში, FIFA-ს სატრანსფერო შეზღუდვის მოხსნა ერთ-ერთი უმნიშვნელოვანესი საკითხია, თუმცა მიუხედავად დავალიანებების სრულად დაფარვისა, 2026 წლის 21 იანვრის მონაცემებით, მსოფლიო ფეხბურთის მმართველმა ორგანომ, ბათუმის დინამოს მიმართ სატრანსფერო შეზღუდვა კვლავაც ძალაში დატოვა.

ბათუმის დინამო აქტიურ რეჟიმში მუშაობს ყველა შესაბამის ჯგუფთან და ორგანიზაციასთან, რათა ახალი მენეჯმენტის პირობებში, კლუბის კეთილსინდისიერი დამოკიდებულება მოსარჩელე მხარეებისა თუ სამართლიანი თამაშის წესების მიმართ FIFA-ს მხრიდან კიდევ ერთხელ შეფასდეს, რაც არსებული გადაწყვეტილების გადახედვის იმედს გვიტოვებს,“ – ნათქვამია ბათუმის „დინამოს“ განცხადებაში, რომელიც დღეს, 25 იანვარს გავრცელა.

კლუბის ინფორმაციით, სატრანსფერო შეზღუდვის მიუხედავად, ბათუმის “დინამოს”  27 ფეხბურთელი ეროვნული ლიგის 2026 წლის სეზონისათვის თურქეთში, ანტალიაში, აქტიურად ემზადება.

ამავე თემაზე:

„დინამო ბათუმს“ ამჯერად 1 ლარად ყიდიან ინვესტიციის ჩადების პირობით – ვინ იქნება მყიდველი

„ივანიშვილმა ქართული სახელმწიფოს ნაცვლად მიიღო პატარა სოფელი“ – აშშ-ს ვიცე-პრეზიდენტი სომხეთსა და აზერბაიჯანს ეწვევა

„სომხეთ-აზერბაიჯანს შორის სამშვიდობო პროცესი რადიკალურად ცვლის ვითარებას არა მარტო კავკასიის რეგიონში, არამედ კავკასია-ცენტრალური აზიის მიმართულებით. ყველაზე სამწუხარო ის არის, რომ საქართველო ნელ-ნელა კარგავს თავის ფუნქციას რეგიონშიც… ეს ნიშნავს იმას, რომ ბიძინა ივანიშვილმა თავისი პროექტი წარმატებით განახორციელა – ქართული სახელმწიფოს ნაცვლად მიიღო პატარა სოფელი, რომლის მამასახლისობასაც თავს არ ანებებს,“ – მიიჩნევს პოლიტოლოგი ლელა ჯეჯელავა. მას სამხრეთ კავკასიაზე ვესაუბრეთ, სადაც საქართველო არათუ ლიდერი, არამედ არც კი ახსენებენ.

სომხეთსა და აზერბაიჯანს კი, თებერვალში აშშ-ის ვიცე-პრეზიდენტი ეწვევა.

„…რაც შეიძლება მალე უნდა დავაღწიოთ თავი ამ პატარა სოფლის ფუნქციას და დავიბრუნოთ ჩვენი გეოპოლიტიკური ფუნქცია. შესაბამისად, აქტიურად გამოვხატოთ ჩვენი სტრატეგიული ინტერესები რეგიონში და არა მარტო რეგიონში, სხვათა შორის… როდესაც საუბრობენ იმაზე, რომ ბიძინა ივანიშვილის „ქართული ოცნების“ პოლიტიკა არის მრავალპოლუსიანი, ეს არის დიდი სიცრუე. „ქართული ოცნების“ პოლიტიკა არის მხოლოდ ჩიხური პოლიტიკა…. ამ ჩიხიდან ვიღაც გამოგვიყვანს, როგორც ჩამოწერილ ვაგონს, ან არა და გამოვალთ ჩვენით, როგორც კვლავ ფუნქციონირებადი, გეოპოლიტიკური სუბიექტი,“ – ამბობს ლელა ჯეჯელავა.

„ბათუმელებმა“ პოლიტოლოგ ლელა ჯეჯელავასთან ინტერვიუ ჩაწერა:

  • ქალბატონო ლელა, ტრამპი ამბობს, რომ თებერვალში ვიცე-პრეზიდენტი ვენსი ეწვევა სომხეთს და აზერბაიჯანს. მას ამჯერადაც არ უხსენებია საქართველო. რას ნიშნავს ეს ამბავი ჩვენთვის?

საქართველო არა მარტო ტრამპის პოსტში არ არის ნახსენები, არამედ, ალბათ კარგად ჩასაფრებულები უნდა ვიყოთ: ახალი პოლიტიკური რუკები თუ გამოვა, ვართ თუ არა ისევ ზედ, როგორც სახელმწიფო მონიშნული.

ეს ნიშნავს იმას, რომ ბიძინა ივანიშვილმა თავისი პროექტი წარმატებით განახორციელა – ქართული სახელმწიფოს ნაცვლად მიიღო პატარა სოფელი, რომლის მამასახლისობასაც თავს არ ანებებს. აი, ახლა ვკითხულობდი ზუსტად ერთი „ქოცის“ კომენტარს, რომელიც, სხვათა შორის, ინტელექტუალური ადამიანია, რომ უნდა გვიხაროდეს თურმე ის, რომ არავის არ ვახსოვართ, უკრაინა რომ ახსოვთ და სომხეთი რომ ახსოვთ, ეს არის ცუდიო, სომხეთმა ომი წააგო და უკრაინა საშინელ დღეშიაო. ასე აზროვნებს ინტელექტუალური „ქოცი“, სამწუხაროდ. მათ არ იციან ერთი რამ: როდესაც არავის არ ახსოვხარ, როგორც სახელმწიფოს არავინ არ განგიხილავს. შესაბამისად, განგიხილავენ, როგორც ტერიტორიას.

ეს უკვე ნიშნავს იმას, რომ ყველაფერი დაკარგული გაქვს, დაწყებული სუვერენიტეტიდან, დამთავრებული საზღვრებით და აბსოლუტურად ყველაფრით, იმიტომ, რომ არ გყავს პარტნიორი, არ გაქვს სტრატეგია, გეოპოლიტიკური ინტერესები. მაშინ რა არის სახელმწიფო?

  • მე-3 პრეზიდენტი მიხეილ სააკაშვილი ციხიდან გამოეხმაურა ალიევის განცხადებას საქართველოზე გამავალი სატრანზიტო მარშრუტის შესაძლოა შეიცვალოს. „ალიევის განცხადება ანგრევს ყველაფერს, რასაც მივაღწიეთ 90-იან და 2000-იან წლებში, როგორც ქვეყანამ,“ – წერს მიხეილ სააკაშვილი. თქვენი აზრით, რა ეტაპზე გადადის საქართველოს ურთიერთობა აზერბაიჯანთან? 

რასაკვირველია, სომხეთ-აზერბაიჯანს შორის სამშვიდობო პროცესი რადიკალურად ცვლის ვითარებას არა მარტო კავკასიის რეგიონში, არამედ კავკასია-ცენტრალური აზიის მიმართულებით. ყველაზე სამწუხარო ის არის, რომ საქართველო ნელ-ნელა კარგავს თავის ფუნქციას რეგიონშიც.

საერთოდ წინააღმდეგი ვარ, რომ ქვეყნის ფუნქცია განიხილებოდეს, მხოლოდ, როგორც დერეფანი ან მილსადენი. ეს არის მხოლოდ ფუნქციის რეალიზაციისთვის საშუალება და არა ფუნქცია, მაგრამ, სამწუხაროდ, ახლა ამასაც ვკარგავთ.

რასაკვირველია, ჩვენ არ ვმონაწილეობთ არცერთ მნიშვნელოვან გეოპოლიტიკურ პროექტში, რომელიც ახლა რეგიონში იწყება. შესაბამისად, არ გვაქვს ჩვენი ადგილი და როლი აქ მონიშნული. ამაში სრულიად ვეთანხმები საქართველოს მესამე პრეზიდენტს, რომელიც თავისი მმართველობის პერიოდში – რა პრეტენზიებიც არ უნდა გვქონდეს მის მიმართ – საქართველო იყო რეგიონის ლიდერი ქვეყანა, პოლიტიკურად ლიდერი ქვეყანა და ამაში ეჭვს ვერავინ შეიტანს. ეს ჩვენი უახლესი ისტორიაა.

ამიტომაც, ბუნებრივია, რაც შეიძლება მალე უნდა დავაღწიოთ თავი ამ პატარა სოფლის ფუნქციას და დავიბრუნოთ ჩვენი გეოპოლიტიკური ფუნქცია. შესაბამისად, აქტიურად გამოვხატოთ ჩვენი სტრატეგიული ინტერესები რეგიონში და არა მარტო რეგიონში, სხვათა შორის.

  • თუმცა ეს ალტერნატიული კორიდორი არ ქმნის საფრთხეს საქართველოსთვისო – ამბობს „ოცნების“ პრემიერი, ირაკლი კობახიძე. მისი თქმით, შვიდჯერ არის გაზრდილი გასული ხუთი წლის განმავლობაში ტვირთების მოცულობა შუა დერეფანში.

„ქართული ოცნების“ ხელმძღვანელების განცხადებების კომენტირება არ მიმაჩნია სწორად – ეს ადამიანები ამბობდნენ, რომ მათ გუნდში არ არსებობდა კორუფცია [გაიხსენეთ კობახიძის განცხადებები], ეს ადამიანები ამბობდნენ იმას, რომ არ არსებობს მაღალი ფასნამატი საქართველოში, ეს ადამიანები ამბობდნენ იმას, რომ ამერიკის შეერთებულ შტატებს და ევროპას უფრო მეტად სჭირდება საქართველო, ვიდრე საქართველოს სჭირდება ევროკავშირი, ან შეერთებული შტატები. მითხარით ახლა, შესაძლებელია, ამ ყველაფრის მერე კიდევ ერთ, მორიგ აბსურდზე კომენტარი ვაკეთოთ?

ბუნებრივია, ყველა ის პროცესი, რომელიც რეგიონში ვითარდება, ამ მდგომარეობაში მყოფი საქართველოსთვის სერიოზული საფრთხეა – საქართველო საბოლოოდ დაკარგავს თავის გეოპოლიტიკურ ფუნქციას და ამის გარეშე ქვეყანა შეუძლებელია რომ არსებობდეს.

ჩვენ ასევე არ ვიცით, რა მოხდება ირანთან დაკავშირებით. თუ ირანში ვითარება რადიკალურად შეიცვალა, მერე საერთოდ სხვა მდგომარეობა იქნება, რადგან ირანი უმოკლესი გზაა ტვირთებისთვის. ასე რომ, კიდევ ერთხელ ვამბობ: ამ ძალიან რთულ და გარდამტეხ პერიოდში, როდესაც მთლიანად ირღვევა ძველი სოციალურ-პოლიტიკური პარადიგმა და უნდა შეიქმნას ახალი, უნდა ვიყოთ განსაკუთრებით პროაქტიულები, უნდა გვქონდეს ურთიერთობები პარტნიორებთან, რომ ყველა შესაძლო სცენარის განვითარებაში საქართველო მზად იყოს თავისი ინტერესების რეალიზებისთვის.

ლელა ჯეჯელავაბიძნ

როგორ უნდა ვიყოთ მზად ინტერესების რეალიზაციისთვის, როდესაც ქვეყანაში რამდენი წელია უსაფრთხოების ეროვნული კონცეფცია აღარ შექმნილა ახალი? რანაირად შეიძლება ეს შევძლოთ?

როდესაც საუბრობენ იმაზე, რომ ბიძინა ივანიშვილის „ქართული ოცნების“ პოლიტიკა არის მრავალპოლუსიანი, ეს არის დიდი სიცრუე. „ქართული ოცნების“ პოლიტიკა არის მხოლოდ ჩიხური პოლიტიკა. აქ ამის იქით აღარ არის გამოსავალი, ანუ ვართ უკვე ჩიხში. ამ ჩიხიდან ან ვიღაც გამოგვიყვანს, როგორც ჩამოწერილ ვაგონს, ან არა და გამოვალთ ჩვენით, როგორც კვლავ ფუნქციონირებადი, გეოპოლიტიკური სუბიექტი.

  • შეიძლება ამაში დაგვეხმაროს ჩვენი გეოპოლიტიკური მოცემულობა? არსებობს მოსაზრება, რომ საქართველოს გარეშე ვერ მიიღწევა პროგრესი სამხრეთ კავკასიაში. 

ძველი პარადიგმიდან ახალი პარადიგმის პროგნოზირება ყველაზე დიდი შეცდომაა. ის, რომ ჩვენი გეოპოლიტიკური მდგომარეობა არის უპირობო შესაძლებლობა იმისთვის, რომ ჩვენ მიმართ ინტერესი არსებობდეს, ასე არ ხდება. აქტიური იყო ინტერესი იმ ვითარებაში, როდესაც სომხეთ-აზერბაიჯანს შორის იყო კონფლიქტი, როდესაც თურქეთსა და სომხეთს შორის იყო კონფლიქტი, ირანის ისლამური რესპუბლიკა იყო სანქციების ქვეშ, საიდანაც ახლა შეიძლება გამოვიდეს.

ასე რომ, აქცენტი გეოპოლიტიკაზე ძველი გეოპოლიტიკური პარადიგმაა და ახალი სხვანაირად იკითხება. ძველი პარადიგმიდან ახლის პროგნოზირება აბსურდია.

  • ირანში ამ ეტაპზე ახერხებს რეჟიმი ძალაუფლების შენარჩუნებას? 

ვერ გეტყვით. ვხედავთ ძალიან სერიოზულ სამხედრო კომპონენტის კონცენტრაციას ირანის გარშემო, მაგრამ ამას აზრი არ ექნება, თუკი ამერიკელებს გარკვეული დასაყრდენი ქვეყნის შიგნით არ აქვთ. შესაძლოა, მიდის ელიტებთან მოლაპარაკებები და როგორი კონფიგურაცია დალაგდება, იმაზეა დამოკიდებული, გამოიყენებენ თუ არა სამხედრო კომპონენტს, რა ფორმით და რა მასშტაბით.

მარტო სამხედრო კომპონენტით ირანში არ გადაწყდება რეჟიმის საკითხი, თუ არ გაირკვა შიგნით ელიტების დისპოზიცია როგორია. როგორც ჩანს, ახლა ეს პროცესია.

  • რა გათვლებით მოქმედებს ივანიშვილი, თქვენი აზრით? ამჯერად კობახიძე დებატს გვთავაზობს…

კობახიძემდე ეს ივანიშვილმა თავისი უმცროსი ვაჟის პირით გვამცნო, „ქართული ოცნების“ ახალგაზრდულ შეკრებაზე, სადაც ცოტნე ივანიშვილმა გამოაცხადა, რომ მისთვის საინტერესო იქნებოდა განსხვავებული აზრის მქონე თანატოლებთან დისკუსია, ანუ ჯერ უფლისწულის საშუალებით შევიტყვეთ და მხოლოდ შემდეგ ვეზირმა გადმოიტანა დიდ პოლიტიკურ დისკურსში ეს საკითხი.

არ ვიცი, რა შეიძლება იყოს ჩვენთვის დისკუსიის თემა? თუკი ჩვენ ვართ შეთანხმებული იმაზე, რომ რეჟიმი არის რუსული, მისი ქმედების მოდელი არის ზუსტად ისეთი, როგორიც პუტინის რეჟიმისა, რაზე ვსაუბრობთ?

  • გამოსააშკარავებელი აღარაფერია, რადგან უკვე ტროტუარზე დგომისთვის აპატიმრებენ ადამიანებს? 

პუტინთან შეიძლება საუბარი მხოლოდ ქვეყნის დეოკუპაციაზე, ივანიშვილთან საუბარი შესაძლებელია მხოლოდ ტყვეების გამოშვებაზე, ასევე, მხოლოდ ახალი პირობებით ახალი არჩევნების დანიშვნაზე. ეს მათთვის არ არის დისკუსიის თემა. ამ საკითხს დისკუსია არ სჭირდება, ეს არის უპირობოდ შესასრულებელი. ამას სჭირდება პრესინგი, რომელიც პირიქით ამკაცრებს ამ თავის პოზიციას და აგროვებს მძევლებს – ჰგონია, როდესაც საქართველოს საკითხი გახდება პრიორიტეტული, ასეთ შემთხვევაში მას, რაც მეტი მძევალი ეყოლება დაგროვილი, მით უფრო მეტი ექნება სავაჭრო დასავლეთთან.

მაგრამ დასავლეთი მასთან არ ივაჭრებს. დასავლეთი ელაპარაკება ლუკაშენკოს პოლიტიკური პატიმრების გამოშვებაზე, დასავლეთი ლაპარაკობს ალიევთან, სადაც არ არის შესაშური დემოკრატია, მაგრამ არ ელაპარაკება ივანიშვილს. იმიტომ რომ ლუკაშენკოც და ალიევიც ორივე გახლავთ სახელმწიფოს ფორმალური მმართველი, რეალური მმართველები არიან და მათ უკან დგას სახელმწიფო თავისი ინსტიტუციებით.

  • გამორიცხავთ, რომ ივანიშვილის ხელისუფლებამ მიიღოს გარე ლეგიტიმაცია? 

ივანიშვილის ლეგიტიმაციას, როგორც ამ ქვეყნის არაფორმალური მმართველისას, მე გამოვრიცხავ. ივანიშვილთან შეთანხმებები აბსოლუტურად უსარგებლოა. მან არაერთგზის გადააგდო საერთაშორისო საზოგადოება, ასე შეუძლია გადააგდოს კვლავაც. ამიტომ ეს გამოცდილება უკვე ყველას აქვს და მასთან არანაირ შეთანხმებაზე ჩვენი პარტნიორები არ წავლენ.

როგორი ამინდი იქნება ორშაბათიდან ბათუმში

გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 25 იანვრის 21 საათიდან 26 იანვრის 21 საათამდე ბათუმსა და მთლიანად აჭარაში მოსალოდნელია ცვალებადი მოღრუბლულობა უმეტესად უნალექოდ.

იქროლებს ცვალებადი მიმართულების ქარი 10-15 მეტრი წამში.

ჰაერის ტემპერატურა სანაპირო ზოლში:

  • დღისით: 11 – 16 გრადუსი სითბო
  • ღამით: 3 -8 გრადუსი სითბო

მთიან მუნიციპალიტეტებში:

  • დღისით: 5 – 10 გრადუსი სითბო
  • ღამით: 0 – 3 გრადუსი ყინვა

მაღალმთიან ზონაში:

  • დღისით: 2 – 7 გრადუსი სითბო
  • ღამით: 7– 12 გრადუსი ყინვა

ზღვის ღელვა 2-3 ბალი იქნება, ზღვის წყლის ტემპერატურა +10 გრადუსია.

სინოპტიკოსების ცნობით, ბათუმში 27 და 28  იანვარს მოსალოდნელია უმეტესად უნალექო ამინდი.

 

გაუმართლებელმა შეზღუდვებმა უკიდურესად დაამძიმა მედიის მდგომარეობა სასამართლოებში – ქარტია

„ჟურნალისტური ეთიკის ქარტია „ქართული ოცნების” პარლამენტისგან მოითხოვს, გააუქმოს სასამართლოში მედიის მუშაობის შემზღუდავი ახლად მიღებული ნორმები, ხოლო პარალელურად, იუსტიციის უმაღლეს საბჭოს მოუწოდებს, მედიის წარმომადგენლებისათვის სასამართლოებში ჰუმანური სამუშაო პირობები უზრუნველყოს. ჟურნალისტებმა და ოპერატორებმა უნდა შეძლონ სასამართლოსთან დაკავშირებული ამბების გაშუქება ისე, რომ ამით რისკის ქვეშ არ დააყენონ თავიანთი ჯანმრთელობა და სიცოცხლე,“ – აღნიშნულია ჟურნალისტური ეთიკის ქარტიის მიერ გავრცელებულ განცხადებაში.

ჟურნალისტებს სასამართლო დარბაზებში ფოტოს და ვიდეოს გადაღება, ასევე აუდიოჩაწერა 2025 წლის ივნისში აუკრძალა ანტიკონსტიტუციუმა პარლამენტმა. ეს მას შემდეგ მოხდა, როცა სინდიდის პატიმრების, მათ შორის, მზია ამაღლობელის საქმეზე სასამართლო სხდომებზე ადვოკატებმა არაერთი ცრუ მოწმე ამხილეს. სიცრუეში ამხილეს პოლიციის მაღალჩინოსნებიც, ჟურნალისტებმა კი, ეს ამბავი საზოგადოებამდე მიიტანეს.

კანონში შესული ცვლილებებით ვიდეოს და ფოტოს გადაღება, ასევე აუდიო ჩაწერა აიკრძალა, როგორც სასამართლო სხდომათა დარბაზში, ისე სასამართლოების შენობებში, ეზოებში.

„ამ დროიდან მოყოლებული, მედიის წარმომადგენლები საათობით დგანან თბილისის საქალაქო სასამართლოს შესასვლელთან, სადაც ჟურნალისტებს ინტერვიუს ჩასაწერად გამოჰყავთ რეპონდენტები – ადვოკატები და პროკურორები, სასამართლო პროცესთან შემხებლობაში მყოფი სხვა პირები.

გაუმართლებელმა და დაუსაბუთებელმა შეზღუდვებმა უკიდურესად დაამძიმა მედიის მდგომარეობა სასამართლოებში. ჟურნალისტებსა და ოპერატორებს სასამართლოებიდან საზოგადოებამდე ინფორმაციის მისატანად წარმოუდგენელი ძალისხმევის გაღება უწევთ. შეუფასებელია მათი ერთგულება პროფესიის მიმართ და მათი თავდადება საზოგადოებრივი ინტერესისათვის.

თბილისის საქალაქო სასამართლომ არ იზრუნა ჟურნალისტებისა და ოპერატორებისთვის ელემენტარული სამუშაო პიროებების შექმნაზეც კი. მათ ღია ცის ქვეშ უწევთ მუშაობა პაპანაქება მზეში თუ აუტანელ ყინვაში, წვიმასა და ქარში,“ – აღნიშნულია ჟურნალისტური ეთიკის ქარტიის მიერ გავრცელებულ განცხადებაში.

მთავარი ფოტო: მზია ამაღლობელის საქმის განხილვის დღე ქუთაისის სააპელაციო სასამართლოში. 2025 წლის 11 ნოემბერი. ფოტო „ბათუმელების“ არქივიდან.

ბათუმში განზრახ მკვლელობის მცდელობაში ბრალდებული დააკავეს

ბათუმში განზრახ მკვლელობის მცდელობი მცდელობის ბრალდებით ერთი პირი დააკავეს. მას გამოძიება ოჯახის წევრის მიმართ დამამძიმებელ გარემოებაში დანაშაულის ჩადენას ედავება.

ბრალდებული უცხო ქვეყნის მოქალაქეა. სამართალდამცველებმა ნივთმტკიცებად ამოიღეს დანაშაულის ჩადენის იარაღი – დანა.

გამოძიების ვერსიით, „ბრალდებულმა, ბათუმში, მასთან არარეგისტრირებულ ქორწინებაში მყოფ პირს – 1991 წელს დაბადებულ უცხო ქვეყნის მოქალაქეს ქ.ი.- ს დანის გამოყენებით გულ-მკერდის არეში ჭრილობები მიაყენა. დაჭრილი მამაკაცი შესაბამისი სამედიცინო დახმარების გაწევის მიზნით კლინიკაში მოათავსეს,“ – აღნიშნულია შსს-ს მიერ დღეს, 25 იანვარს გავრცელებულ ინფორმაციაში.

გამოძიება სისხლის სამართლის კოდექსის 19-109- ე მუხლით მიმდინარეობს , რაც 16-დან 20 წლამდე ან უვადო თავისუფლების აღკვეთას ითვალისწინებს.

ახალი მონაცემები რუსეთის და უკრაინის სამხედრო დანაკარგებზე ომში – 25 იანვარი

უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 25 იანვრამდე პერიოდში, რუსეთის არმიის საბრძოლო დანაკარგი არის:

  • ცოცხალი ძალა – დაახლოებით 1 234 040 ადამიანი [გასულ დღე-ღამეში +1 020. ამ მონაცემებში შედის როგორც დაღუპულები ასევე დაჭრილები]
  • ტანკი – 11 605 ერთეული [+2]
  • ჯავშანტექნიკა – 23 950 ერთეული [+1]
  • საარტილერიო სისტემა – 36 612 ერთეული [+32]
  • MLRS – 1 624 ერთეული [+1]
  • საზენიტო საბრძოლო სისტემა – 1 286 ერთეული [+3]
  • თვითმფრინავი – 434 ერთეული [+0]
  • ვერტმფრენი – 347 ერთეული [+0]
  • უპილოტო საფრენი აპარატის ოპერატიულ-ტაქტიკური დონე – 114 896 ერთეული [+847]
  • ფრთოსანი რაკეტა [ჩამოაგდეს] – 4 205 ერთეული [+15]
  • გემი/ნავი – 28 ერთეული [+0]
  • წყალქვეშა ნავი – 2 ერთეული [+0]
  • მანქანები და საწვავის ავზები – 75 759 ერთეული [+115]
  • სპეცტექნიკა – 4 050 ერთეული [+0]

უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.

უკრაინის სამხედრო დანაკარგებზე ინფორმაცია განაახლა რუსეთმაც.

რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2026 წლის 25 იანვრამდე პერიოდში სულ განადგურებულია უკრაინის:

  • 670 თვითმფრინავი
  • 283 ვერტმფრენი
  • 111 017 უპილოტო საფრენი აპარატი
  • 646 საზენიტო სარაკეტო სისტემა
  • 27 302 ტანკი და სხვა ჯავშანტექნიკა
  • 1 651 მრავალჯერადი სარაკეტო გამშვები
  • 32 825 საველე არტილერია და ნაღმმტყორცნი
  • 52 754 სპეციალური სამხედრო მანქანა

ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.

ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.

—

რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.

ამავე თემაზე:

“მოდით, დავასრულოთ ეს „ზაზუნას დღე“ – ზელენსკის მიმართვა ევროპელებს დავოსიდან

რუსეთის ძალები კიევს ისევ თავს დაესხნენ

 

მთავარი ფოტო: უკრაინის გენშტაბი/facebook

რატომ აწყობს ივანიშვილს მზია ამაღლობელი ციხეში? – ინტერვიუ ზვიად ქორიძესთან

„მთავარი ამოცანა ჩვენი საზოგადოების არის ის, რომ რეალურად გაიაზროს, რა ფაზაში შედის ეს პროცესი და დაინახოს, რომ ეს არ არის რაღაც კარიკატურული ფორმა. ეს არის ნამდვილი დიქტატურა და ამ დიქტატურას ჩვენ მოვერევით მხოლოდ დიდი ერთობით… მზია ამაღლობელი და ნებისმიერი სინდისის პატიმარი გვახსენებს იმას, რომ დიქტატურას უნდა ვებრძოლოთ ყველგან, ყოველთვის და არ უნდა დავუშვათ მისი ბოლომდე სტრუქტურირება ამ სახელმწიფოში,“ – ამბობს ჟურნალისტი ზვიად ქორიძე. მას ვესაუბრეთ იმაზე, თუ რატომ აწყობს ისევ მზია ამაღლობელის ციხეში ყოფნა „ოცნების“ რეჟიმს, რა სარგებელს იღებს ივანიშვილი ამით?

„თუ შევხედავთ, განწყობა შარშანდელი იანვრიდან დღემდე არ შეცვლილა… მზია ამაღლობელი არის სტიმული ყველა მოქალაქისთვის, რომელსაც უნდა იცხოვროს თავისუფალ, დემოკრატიულ და ევროპულ საქართველოში. მისთვის, რა თქმა უნდა, მზია არის კურსორი, მზია არის კომპასი, ვექტორი – ისევე, როგორც ნებისმიერი სინდისის პატიმარი, რადგან ეს ადამიანები დღეს არიან ციხეში იმიტომ, რომ გამოვიდნენ ქუჩაში, როდესაც ბიძინა ივანიშვილმა მთელი საქართველოს სახელმწიფოებრივი ხომალდი შემოაბრუნა და ზურგით დააყენა ევროპასთან,“ – გვიყვება ზვიად ქორიძე.

რა ფასს იხდის და გადაიხდის ივანიშვილი მზია ამაღლობელის საჩვენებელი პატიმრობით? – „ბათუმელებმა“ ჟურნალისტ ზვიად ქორიძესთან ინტერვიუ ჩაწერა:

  • ბატონო ზვიად, თქვენი აზრით, რატომ აწყობს „ოცნებას“ მზია ამაღლობელი ციხეში? გასაგებია რატომაც დააპატიმრეს – ის კრიტიკულ მედიას წარმოადგენდა. დღეს რა გათვლებით აწყობს ივანიშვილს მზია ამაღლობელის ციხეში დატოვება, რა სარგებელს იღებს?

თუ შევხედავთ, განწყობა შარშანდელი იანვრიდან დღემდე არ შეცვლილა. გასაგებია აღიარებები, დაჯილდოებები ადამიანის უფლებათა დაცვის სფეროში განსაკუთრებით წლის ბოლოს იყო დიდი რაოდენობით, მაგრამ ეს ზუსტად იმ განწყობების შედეგი იყო, რაც საერთაშორისო თანამეგობრობას, დემოკრატიულ თანამეგობრობას ჰქონდა მზია ამაღლობელისადმი. შეიძლება, თავიდან ვიღაცებს გაუჭირდა სწორი ანალიზი, კადრმა შეიძლება უფრო იმოქმედა მათზე, ვიდრე შინაარსმა, მაგრამ როდესაც ისინი ჩასწვდნენ შინაარსს და გაიგეს, რაში იყო საქმე და რა მოხდა შარშან 11-12 იანვრის ღამეს ბათუმში, კითხვის ნიშანი არ ჰქონიათ ამ თემაზე და ისინი იმთავითვე მიიჩნევდნენ მზიას სინდისის პატიმრად.

მზია ამაღლობელის წინააღმდეგ წარმოებულ კამპანიას ჩვენი პარტნიორები მიიჩნევდნენ მედიის წინააღმდეგ, კრიტიკული აზრის წინააღმდეგ და თავისუფლების წინააღმდეგ მიმართულ ქმედებად.

ქვეყნის შიგნითაც იგივე განწყობებია. მაშინაც იყვნენ ადამიანები, „ქართული ოცნების“ მხარდამჭერები, რომლებიც ამბობდნენ: კარგი, ჰო, დაარტყა, მაგრამ ახლა ამხელა სასჯელი და პრესინგი ადამიანზე არ შეიძლება, მით უმეტეს ქალზე. მაგრამ ეს არაფერს არ ცვლიდა, რადგან მთავარია ის მაგისტრალური ხაზი, რაც არჩეული აქვს ბიძინა ივანიშვილს. ის ამ ხაზიდან არ უხვევს. ეს ხაზი არის დიქტატურა.

დიქტატურას აუცილებლად სჭირდება სინდისის პატიმრები – ნებისმიერი რაღაცის გამო შეიძლება ადამიანმა გამოთქვას პროტესტი, იმოქმედოს და ნებისმიერი დიქტატორი მიიყვანს ამ ადამიანებს სატუსაღომდე. ამიტომაც, სინდისის პატიმრები თან სდევს დიქტატურას. როცა ჩვენ ვსაუბრობთ სინდისის პატიმრებზე, უნდა წარმოვიდგინოთ, ვინ აქცევს მათ სინდისის პატიმრებად – რა თქმა უნდა, დიქტატურა. დიქტატურას არ აწყობს კრიტიკული მედია.

  • მაგრამ რა ფასს იხდის ან გადაიხდის „ოცნება“ მზია ამაღლობელის საჩვენებელი დასჯით?

„ოცნება“ ჩახარშა საკუთარ წვენში ბიძინა ივანიშვილმა. ამ „ოცნებისგან“ არაფერი არ გამოვა. ეს „ოცნება“ ასეთი იქნება, როგორიც არის. სამწუხაროდ, ეს არ არის ქართული საზოგადოების ოცნება, რომ ასეთი სახელმწიფო მიიღოს. ამ „ქართული ოცნების“, ამ პოლიტიკური, თუ რაღაც კრიმინალური ჯგუფის ინტერესია იზოლირებული, გამოკეტილი ქვეყანა. ასეთი ქვეყანა უნდა ბიძინა ივანიშვილს. ბიძინა ივანიშვილი საკუთარ დიქტატურას დემოკრატიულ თანამეგობრობაში, ან ნებისმიერი ტიპის ღია ურთიერთობებში ვერ დაამყარებს.

ბიძინა ივანიშვილისთვის დიქტატურა ხელმისაწვდომია მხოლოდ იზოლირებულ სახელმწიფოში. ის იქნება ჩაკეტილი გარე ურთიერთობებში და ის იქნება შიგნითაც ჩაკეტილი საზოგადოება. მხოლოდ ასეთ პირობებში შეძლებს ის, გაამყაროს ბოლომდე თავისი ავტორიტარული ძალაუფლება. ხვალ და ზეგ შეიძლება ესეც აღარ დასჭირდეს და მოიშოროს ან სხვანაირად გარდაქმნას.

მთავარია, რომ ამ ადამიანებმა – წინა ფორმაციის „ქართული ოცნების“ ჯგუფმა, დღევანდელი ფორმაციის თუ ხვალ რომ იქნება, იმ ფორმაციის „ოცნების“ დაჯგუფებამ ერთადერთი რამ უნდა შეასრულოს: ბიძინა ივანიშვილის ძალაუფლება უნდა განამტკიცონ და უნდა დაარწმუნონ ის, რომ მის დიქტატურას არანაირი საფრთხე არ ემუქრება.

დააკვირდით, არც ფიქრობს ბიძინა ივანიშვილი, რომ რაიმე ტიპის ჰუმანიზმი, სამართლიანობა, თუნდაც ანგარიშიანობა უნდა გამოიყენოს ამ ადამიანების მიმართ.

  • მათ შორის, პოლიტიკურ ფასსაც არ გაუწიოს ანგარიში, რის გადახდაც უწევს ივანიშვილის იგივე „მზია ამაღლობელის საქმისთვის“?

რა თქმა უნდა. ივანიშვილმა იცის, რომ ის დემოკრატიულ თანამეგობრობასთან შედის წინააღმდეგობაში, მაგრამ მას ასე ურჩევნია.

ჩვენ ასე არ უნდა დავინახოთ, რომ ბიძინა ივანიშვილი იმიტომ არის გაბრაზებული, რომ ის დაასანქცირეს, რომ მან თითქოსდა მოიგო რაღაც საქმეები საბანკო ორგანიზაციებთან, მაგრამ ფულს არ აძლევენ და ამის გამო ახლა მათ ევაჭრება. ივანიშვილმა ზუსტად იცოდა, რას გააკეთებდა საქართველოში, რისთვისაც მან ძალაუფლება ხელში ჩაიგდო. აი ეს მოუტანდა მას ასეთი ტიპის შედეგებს.

ის თვალთმაქცობდა, შემდეგ გადავიდა უკანა პლანზე, ფარდის მიღმა: მე რა შუაში ვარ, ხელისუფლებაში ხომ არ ვარ, მაგრამ ბოლოს თვითონვე იძულებული გახდა, რომ არ დაემალა, ის არის დიქტატორი ამ ქვეყანაში. 2023 წლის აპრილში ივანიშვილი ღიად გამოვიდა, თავისი ფაშისტური, ავტორიტარული სიტყვა წარმოთქვა და ღიად უთხრა მთელ სამყაროს: მე ვარ აქ დიქტატორი, ისე მოვაწყობ საქართველოს, როგორც მინდა.

ამის შემდეგ იწყება ზუსტად რუსული კანონების კასკადი, არა მხოლოდ ერთი, მეორე, მესამე, მეოთხე და ასე შემდეგ, მთელი ეს საკანონმდებლო ბაზა, რომელიც არის დაფუძნებული რუსული ტიპის ავტორიტარიზმზე, ჩაკეტილობაზე, იზოლაციონიზმზე, ანტიევროპულობაზე, ანტიდასავლურობაზე. ამ ბრძოლაში ვინც დადგება მის წინააღმდეგ, ის ყველას გაწირავს, ყველას გამოკეტავს საპყრობილეში.

უკვე ადამიანებს იჭერს იმის გამო, რომ ისინი დგანან ტროტუარზე. მნიშვნელობა არა აქვს, ტროტუარზე ვაპროტესტებ თუ ვდგავარ. თანაც, ყველაზე ფართო, ორმხრივი მიმართულებით სამოძრაო, უზარმაზარი ტროტუარია ხომ პარლამენტთან? აი, იმ ტროტუარზე დგომის გამო ადამიანები მიდიან საპყრობილეში. ხვალ რომ დაიჭერენ მეორედ, განმეორებით, უკვე სისხლის სამართლის გზით წავლენ ისინი საპყრობილეში. ეს უკვე რეალური სახეა.

ივანიშვილს ზუსტად ისე წარმოუდგენია მმართველობა, როგორც ამბობს. ის ხომ არ მალავს, არ თვალთმაქცობს – რასაც ფიქრობს, როგორი საქართველოც უნდა რომ შექმნას, ამაზე ის სხვადასხვა ინტერვიუში საუბრობს. ის მართლა ასე ფიქრობს, ასეთ ქვეყანას აწყობს და ამ ქვეყნის აუცილებელი ატრიბუტია სინდისის პატიმრები.

  • როგორ ეხმარება მზია ამაღლობელი წინააღმდეგობის პროცესს საქართველოში? როგორ ჩანს, ასევე, დასავლეთის თვალში „მზია ამაღლობელის საქმე“?

ყველაზე მთავარია ჩვენი თვალი, ჩვენი საზოგადოების განწყობები. რა თქმა უნდა, თითოეული ჩვენგანისთვის მზია არის გმირი, მზია არის მებრძოლი, გაუტეხელი და მართალი ადამიანი. ის არის სტიმული ყველა მოქალაქისთვის, რომელსაც უნდა იცხოვროს თავისუფალ, დემოკრატიულ და ევროპულ საქართველოში. მისთვის, რა თქმა უნდა, მზია არის კურსორი, მზია არის კომპასი, ვექტორი – ისევე, როგორც ნებისმიერი სინდისის პატიმარი, რადგან ეს ადამიანები დღეს იმიტომ არიან ციხეში, რომ გამოვიდნენ ქუჩაში მაშინ, როდესაც ბიძინა ივანიშვილმა მთელი საქართველოს სახელმწიფოებრივი ხომალდი შემოაბრუნა და ზურგით დააყენა ევროპასთან. ამიტომაც გამოვიდა ეს ხალხი ქუჩაში, გაუწიეს წინააღმდეგობა, ამას აპროტესტებდნენ და ამიტომ მოხვდნენ ისინი საპყრობილეში.

ჩვენი სინდისის პატიმრები ჩვენი საზოგადოების სინდისია.

ისინი თავისი მოსაზრებების გამო ისჯებიან და ამიტომ ჰქვიათ მათ სინდისის პატიმრები, ისინი არიან ჩვენი საზოგადოების სინდისი. ამ ადამიანებმა რეალურად საკუთარი თავი, თავისუფლება, საკუთარი უსაფრთხოება დადეს სასწორზე და ისინი დღეს იტანჯებიან ივანიშვილის პირად სატუსაღოში. ამიტომაც, ჩვენი საზოგადოების, თითოეული ჩვენგანისთვის  ძალიან მნიშვნელოვანია მათი აი ეს გაუტეხლობა, ეს სულისკვეთება და მეორე მხრივ თითოეულ ჩვენგანს გვაწუხებს მათი ბედი.

ყველამ კარგად უნდა გაიაზროს, რომ თუ ჩვენი მიზანი არის ბრძოლა დიქტატურის წინააღმდეგ და საქართველოს გათავისუფლება ამ იზოლაციონისტური დიქტატურისგან, მაშინ ეს ხვედრი შეიძლება ყველა მოქალაქეს დაემუქროს საქართველოში.

  • ვინც გააპროტესტებს და შეეწინააღმდეგება დიქტატურის დამყარებას? 

რა თქმა უნდა. ბიძინა ივანიშვილი სწორედ ასე უყურებს საქართველოს მოქალაქეებს – ის რაოდენობრივად გვთვლის, უყურებს იმას, თუ რა დასჭირდება, მაგალითად, ეკონომიკურად? მთლიანი შიდა პროდუქტის ამაღლებას დასჭირდება უფრო ცოტა მოსახლეობა – პირდაპირ გვეუბნება, წადით ამ ქვეყნიდან, არ არის თქვენი ადგილი ამ ქვეყანაში. ისედაც უნდა, რომ წავიდნენ განსაკუთრებით ახალგაზრდები – მათი სულისკვეთება არ მოსწონს, ხელს უშლის. რაც უფრო „დაბერებული“ იქნება ასაკობრივად ქართული საზოგადოება, მით მეტად მისი მორჩილი იქნება. შესაბამისად, ნაკლები რესურსების დახარჯვა მოუწევს ავტორიტარიზმზე. ივანიშვილი ამ ყველაფერს თვლის, ანგარიშობს.

ყველა ადამიანი ფიქრობს იმაზე, რომ აი, როცა კრიტიკული მომენტი დგება, ღირს ამის გამო წავიდეს ციხეში? იწყებს ფიქრს და ამბობს: მირჩევნია, საერთოდ წავიდე ამ ქვეყნიდან.

მთლიანობაში, ასე ყალიბდებოდა დიქტატურები. ახლა არის დიქტატურის სტრუქტურირების, ბოლომდე ჩამოყალიბების პროცესი, რაც არ უნდა ვაცადოთ ბიძინა ივანიშვილს. მან თუ ეს პროცესი დაძლია, გადავა შემდეგ ეტაპზე, უფრო რეაქციულ ქმედებებზე.

  • ამ პროცესში მას არ სჭირდება მინიმუმ საკუთარი ამომრჩევლის მხარდაჭერა? „მზია ამაღლობელის საქმეზე“ ივანიშვილის დაჯგუფება საუბრობდა იმაზე, რომ თითქოს მზია ამაღლობელი დავალებას ასრულებდა, მის მობილურ ტელეფონში კი, „ოცნების“ პროკურატურამ „დიფ სთეიტი“ ვერ იპოვა. 

რატომ ვუშვებთ ამ ვარიანტს, რომ ბიძინა ივანიშვილს დღეს ამომრჩეველი საერთოდ აინტერესებს?

ბიძინა ივანიშვილმა 2020-ის, განსაკუთრებით კი, 2024 წლის არჩევნებზე გვითხრა, რომ სულ არ მაინტერესებს მილიონი იქნებით, მილიონ-ნახევარი თუ ორი მილიონი, რამდენიც არ უნდა მიხვიდეთ არჩევნებზე, დავწერ იმ პროცენტს, რაც მე მინდაო.

ივანიშვილი საკუთარ ძალაუფლებას ამყარებს რეპრესიულ მანქანაზე. ვხედავთ, რომ დღეს მას ჰყავს პოლიცია, რომელიც ყველაფერზე მიდის – ნადირობს ქუჩაში ადამიანებზე. დღეს მას ჰყავს სუსი, რომელიც მიდის ყველაფერზე, რასაც დაავალებს დიქტატორი. დღეს მას ჰყავს სასამართლო, სადაც ყველა ტიპის უმსგავსო გადაწყვეტილებას აწერენ ხელს მოსამართლეები, უკვე ტროტუარზე დგომის გამო ადამიანებს უშვებენ საპატიმროში. ეს რეპრესიული მანქანა მას გამართული აქვს.

ივანიშვილმა უთხრა ქართულ საზოგადოებას: თუ დამჭირდება, თქვენს წინააღმდეგ გამოვიყენებ ქიმიურ იარაღს, თუ უფრო მეტად გამიჭირდება, მე თქვენ გესვრით – გესვრით არა სათამაშო ტყვიებს, არამედ ნამდვილ ტყვიებს, მოგკლავთ! ის ამას ამბობს.

მთავარი ამოცანა ჩვენი საზოგადოების არის ის, რომ რეალურად გაიაზროს, რა ფაზაში შედის ეს პროცესი და დაინახოს, რომ ეს არ არის რაღაც კარიკატურული ფორმა. ეს არის ნამდვილი დიქტატურა და ამ დიქტატურას ჩვენ მოვერევით მხოლოდ და მხოლოდ დიდი ნაციონალური ერთობით. ისეთი მერკანტილური, თუ ვიწრო პოლიტიკური გაანგარიშებები: აი, ამასთან ვიქნები, ამასთან არ ვიქნები – ეს ყველაფერი ხდება უკვე ფიქცია. აი, ასეთი პოლიტიკური მანიპულაციები ემსახურება მხოლოდ და მხოლოდ ამ დიქტატურის გაძლიერებას, მეტს არაფერს.

დღეს ჩვენ მზია და ნებისმიერი სინდისის პატიმარი გვახსენებს იმას, რომ დიქტატურას უნდა ვებრძოლოთ ყველგან, ყოველთვის და არ უნდა დავუშვათ მისი ბოლომდე სტრუქტურირება ამ სახელმწიფოში.

ყველა ტიპის დიქტატორს ჰყავს თავისი ადეპტები, მორჩილი ხალხი. საზოგადოებაში აუცილებლად იქნება რაღაც ნაწილი, რომელიც მორჩილია და დამყოლი, რომელმაც შეიძლება დაიჯეროს ისეთი ცრუპენტელური დაპირებებიც, რომ თურმე სუსი შევა სუპერმარკეტში და გაიაფდება პროდუქტები. ჩვენ უნდა დავინახოთ, რომ რეალურად ქვეყანაში იქნება დეფიციტი პროდუქტის, ამიტომ საჭიროა ამ პროდუქტების მარაგების ცოდნა.

დააკვირდით, რომელი უწყება დაინტერესდა – უსაფრთხოების საკითხებზე მომუშავე სტრუქტურა დაინტერესდა იმით, რომ დაადგინოს ქვეყანაში სურსათის მარაგები. ხვალ ალბათ რაღაც გარკვეულ ფიქსირებულ ფასებზე გადაიყვანს სავაჭრო ქსელებს, ზეგ შეიძლება რაღაც ფონდები შექმნას და დაიწყოს საუბარი იმაზე, როგორ გაანაწილოს, იმიტომ რომ ობიექტურად შეექმნება მას ეს პრობლემები, მაგრამ ის პროპაგანდისტული მედიით შეეცდება ბოლომდე დაარწმუნოს საზოგადოება, რომ ჩვენ გვებრძვის მთელი დასავლეთი, ასეთი მექანიზმებით უნდა მოვიჭიროთ ქამრები და გავუძლოთ, იმიტომ, რომ დასავლეთი გაგვანადგურებს, გაგვრყვნის და ასე შემდეგ. აი, ეს არის მისი მთავარი კონცეფცია.

ჩვენი ამოცანაა არა ის, რომ დავაკვირდეთ ამ პროცესებს, არამედ ვიბრძოლოთ, ვიბრძოლოთ იმისთვის, რომ ეს ქვეყანა გათავისუფლდეს დიქტატურისგან.

მოქალაქეებმაც, რომლებიც ხანდახან ქილიკობენ: არაფერს აზრი არ აქვს, აი, ნახე რა ცოტა ადამიანი დარჩა რუსთაველზე,  ბათუმში, ან ზუგდიდში მიტინგებზე… უფრო ცოტანი დარჩებიან, თუ უფრო მეტი ადამიანი დაიწყებს ასე საუბარს. პირიქით, დღეს მთავარი ამოცანა არის, რომ რაც შეიძლება მეტმა ადამიანმა გამოხატოს პროტესტი ღიად, გაუწიოს წინააღმდეგობა ღიად და, რა თქმა უნდა, ქვეყანა დააბრუნოს დემოკრატიული განვითარების კალაპოტში.

  • ივანიშვილს არ აინტერესებს არც სტრასბურგის სასამართლოში საქმის წაგება? ამის შანსი იზრდება, თანაც ევროსასამართლოს ყოფილმა პრეზიდენტმა კლუნების ფონდის ანგარიშში მზია ამაღლობელის სასამართლო პროცესის მონიტორინგის შესახებ თქვა, რომ „გამოვლინდა უფლებათა საერთაშორისო სტანდარტის მრავალი დარღვევა“. 

ივანიშვილი ყველაფერს ზომავს იმ საჭიროებით, რაც მას სჭირდება და არა იმით, შენ რა გჭირდება, მოქალაქეს. შენ, რა თქმა უნდა, გჭირდება ევროპის ადამიანის უფლებათა სასამართლო, როგორც მაღალი დემოკრატიული და სამართლიანი სტანდარტების სასამართლო. ეროვნული სასამართლოს გადაწყვეტილებებში თუ გეპარება ეჭვი, გაასაჩივრებ და იქ იპოვი სამართალს, მაგრამ ამისთვის სჭირდება ბიძინა ივანიშვილს ეს?

ყველა ეს ევროპული მექანიზმი, რა თქმა უნდა, ჩვენთვის სასარგებლოა, მოქალაქეებისთვის, საზოგადოებისთვის, მაგრამ დიქტატურას ყოველთვის აქვს იმის რესურსი, ამას არ გაუწიოს ანგარიში და არ შეასრულოს.

ამიტომაც, არის ჩვენთვის მნიშვნელოვანი ყველა ეს საგარეო ფაქტორი, მიღწევები გამოვიყენოთ, მაგრამ კიდევ ერთხელ უნდა გავუსწოროთ თვალი სიმართლეს და ვთქვათ, რომ ჩვენი ამოცანაა, ქვეყნის შიგნით ბრძოლით და თანამიმდევრული მოქმედებებით დავანგრიოთ დიქტატორული ვერტიკალი, რომელიც შექმნა ბიძინა ივანიშვილმა. ბიძინა ივანიშვილის დიქტატურა უნდა დაემხოს – აი, ეს უნდა იყოს ქართული საზოგადოების მთავარი მიზანი.

ივანიშვილი პერიოდულად გვთავაზობს პოლიტიკურ მანიპულაციებს, ამჯერად გვეუბნება, რომ აი, ახლა ფასებს მოაწესრიგებს იმიტომ, რომ თურმე ნაცები არიან მოკალათებული სუპერმარკეტებში, საბოტაჟს ეწევიან და რომ თურმე დიალოგია საჭირო – რაღაც სოკრატეს პოზიციიდან გამოიყვანა კობახიძე. ეს ყველაფერი არის მისგან შემოთავაზებული სათამაშოები და ამ სათამაშოებს ჩვენ ავყვებით თუ არ ავყვებით – ეს არის ჩვენს სიმწიფეზე დამოკიდებული.

როგორ შეიძლება პოლიტიკურ დებატებზე ელაპარაკო მთავრობას, როდესაც იგივე მთავრობა აი, ამ პოლიტიკური დებატების შემოთავაზების მეორე დღეს ადამიანებს იჭერს და სვამს ციხეში ტროტუარზე დგომის გამო? გეუბნება, რომ ეს პოლიტიკური დიალოგი იმისთვის მჭირდება, რომ შენი ბრაზის ტემპერატურა დავწიო, შენი ბრძოლისუნარიანობის ტემპერატურა დავწიო, ცოტა დაგაბლაგვო და გითხრა, მოდი, ახლა ვითამაშოთ პოლიტიკანობა. მაგრამ პოლიტიკანობის თამაში, არჩევნების თამაში, ყველა მექანიზმი არის მის ხელში. ის, რა თქმა უნდა, ამ თამაშებს ყოველთვის მოიგებს.

ამიტომაც, როდესაც ვლაპარაკობთ ივანიშვილის დიქტატურაზე და მის წინააღმდეგ ბრძოლაზე, თუნდაც ჩვენი 35-წლიანი გამოცდილების სხვადასხვა ეტაპზე როგორ ვმოქმედებდით და როგორ ვაღწევდით წარმატებას ან როგორ ვმარცხდებოდით – ამას არ აქვს მნიშვნელობა, აღარ გამოგვადგება, იმიტომ, რომ ასეთი მოცემულობა ჩვენ არ გვქონია. დღეს ერთადერთი მხარდამჭერი და პოზიტიურად შემფასებელი ივანიშვილის დიქტატურის არის რუსეთის ხელისუფლება, რომელიც აქტიურად არც ერევა ამ პროცესებში – თითქოს არც ჩანს ამ პროცესებში. მხოლოდ მხარს უჭერს. რატომ? – იმიტომ, რომ მან ზუსტად იცის, რომ ასეთი იზოლაციონისტური, ავტორიტარული მმართველობის პირობებში საქართველო არის ძალიან კარგი და მისაღები ლუკმა რუსეთისთვის.

ასეთი საქართველო ვერ იპოვის დასავლურ ცივილიზაციაში თავის ადგილს და ის დარჩება, რა თქმა უნდა, რუსეთის საკბილო. ძალიან კარგად იცის რუსეთმა, რომ საქართველო იქნება ღარიბი, კორუმპირებული, გაუნათლებელი, ჩაკეტილი საზოგადოება, რომელსაც ეყოლება ივანიშვილი დიქტატორად.

ეს არის საუკეთესო პროექტი, რაც კი შეიძლება კრემლს ოდესმე მოეფიქრებინა საქართველოსთვის.

გალიფ ოზთურქს ბათუმში 9 კორპუსი ჩამოართვეს, რა ელის გოგოლის ქუჩაზე აშენებული ბინებს

ბიზსნესმენ გალიფ ოზთურქს, ბათუმში, გოგოლის ქუჩაზე უკანონოდ აშენებული საცხოვრებელი კორპუსები ჩამოართვეს. დღეს, 24 იანვარს, კორპუსებში ქონების მართვის სააგენტოს თანამშრომლები შევიდნენ დაცვის პოლიციასთან ერთად. პოლიცია კორპუსების დატოვებას სთხოვს რამდენიმე ადამიანს, ვინც აცხადებს, რომ ამ ბინებში უკვე ცხოვრობს.

მას შემდეგ, რაც ბიზნესმენ გალიფ ოზთურქს ნარკოდანაშაულის საქმეზე საპროცესო გაუფორმეს და 1 მილიონი ლარის სანაცვლოდ გაათავისუფლეს, ბათუმის საქალაქო სასამართლოში ბიზნესმენის წინააღმდეგ კიდევ ერთ საქმე დასრულდა საპროცესო შეთანხმებით. გალიფ ოზთურქს პროკურატურა ედავებოდა ფინანსური დანაშაულის ჩადენას.

ბათუმის საქალაქო სასამართლოს მოსამართლე ლევან ყოლბაიამ 2025 წლის 29 დეკემბრის განაჩენით დაადასტურა პროკურატურას და ოზთურქს შორის გაფორმებული საპროცესო შეთანხმება. უკანონო შემოსავლის ლეგალიზების [ფულის გათეთრება] საქმეზე ბიზნესმენს ამჯერად ორწლიანი თავისუფლების აღკეთა შეუფარდეს, რაც ჩაეთვალა პირობით.

ასევე, სახელმწიფომ ბიზნესმენს ჩამოართვა უძრავი ქონება ბათუმში, გოგოლის ქუჩა #11-ში. საუბარია იმ კორპუსებზე, რომელიც ოზთურქის კომპანიამ 2021 წელს უკანონოდ ააშენა და სახელმწიფოს მისთვის ხელი არ შეუშლია. მას შემდეგ, რაც „ოცნების“ მთავრობას ბიზნესმენთან ურთიერთობა დაეძაბა, ამ კორპუსების კანონიერებაზე დაიწყო ადმინისტრაციული დავა ბათუმის სასამართლოში.

ამჯერად, სისხლის სამართლის კოდექსის 52-ე მუხლი აამოქმედა პროკურატურამ ოზთურქის წინააღმდეგ, რაც ქონების უსასყიდლოდ ჩამორთმევას გულისხმობს. ოზთურქი ადვოკატი რობერტ გრიგალაშვილი „ბათუმელებთან“ განმარტავს, რომ ეს ქონება ოზთურქის ჩამოართვეს იმ ზიანის სანაცვლოდ, რაც პროკურატურის ვერსიით, ოზთურქიმ მიაყენა სახელმწიფოს და რაც დაახლოებით 23 მილიონი ლარად შეფასდა.

„ამას გარდა, ჯარიმა დაგვეკისრა 100 ათასი ლარი დამატებითი სასჯელის სახით,“ – ამბობს რობერტ გრიგალაშვილი „ბათუმელებთან“.

გოგოლის ქუჩა 11 ბ-ში მდებარე უძრავი ქონება საჯარო რეესტრის მონაცემებით უკვე სახელმწიფოს საკუთრებაა. რას უპირებს ამ ქონებას სახელმწიფო?

„საკითხი განხილვის და გადაწყვეტის პროცესშია“, – მხოლოდ ეს მოგვწერეს ბათუმის მერიის პრესცენტრიდან. უცნობია, რა ბედი ეწია სასამართლო დავას, როცა ბათუმის მერიამ კორპუსების აშენების შემდეგ თქვა, რომ კორპუსები უკანონოდ აშენდა.

  • გოგოლის 11-ში, უკანონო მშენებლობა ხელისუფლებამ 2021 წელს არ შეაჩერა. სხვადასხვა ჯგუფი, მათ შორის, უსახლკაროდ დარჩენილი ადამიანები პერიოდულად ითხოვენ ამ კორპუსების სოციალურად დაუცველი ოჯახებისთვის გადაცემას.

გოგოლის 11-ში უკვე ცხოვრობს რამდენიმე ოჯახი, მათ შორის, მარინა მსხალაძე:

„10 დღის წინ შემოვედი ამ კორპუსში ჩემი ერთ-ერთი შვილის ოჯახთან ერთად, წასასვლელი არსად გვაქვს, თუ მომკლავენ ისაა, მე არსად არ გავალ. არ შემოვუშვი დღეს პოლიციელები ჩემს ბინაში.

წყალიც არაა, მაგრამ მოვზიდე. გათბობა არც მანამდე მღირსებია… ნაქირავებში ვიყავით და ვეღარ ვიხდიდით ქირას. გათბობა არც იმ ნაქირავებში მქონია. როგორ ვარ იცით? სულ ვტირი, მიკვირს, ახლა რომ ვლაპარაკობ.

არ დაგიმალავთ: 6 შვილი მყავს და აქედან სამს მისცეს ბინა, ერთს „ოცნების ქალაქში“, ორს ხელვაჩაურში ჰქონდა სახლი და მაგისტრალი რომ ააშენეს, მაშინ მისცეს ბინები, ისეთი სივიწროვეა იმ ბინებში და იმდენი შვილიშვილი მყავს, ჩემი ადგილი არ არის. 65 წლის ქალი ვარ და 22 წელია ბინას ვითხოვ, მანამდე სადაც შევედი, ყველგან გამომაგდეს.

10 დღის წინ აქ შემოვიარე, არავის არ უთქვამს, შეგიძლია შეხვიდე მაქ და მიდიო, გარეთ არავინ იდგა, კარზევე იყო გასაღები, შემოვედი და დავრჩი… სხვებიც არიან, მაგრამ არ ვიცი არაფერი მათ შესახებ,“ – უთხრა „ბათუმელებს“ მარინა მსხალაძემ.

გოგოლის 11-ში აქვს ოფისი ორგანიზაციას „კორუფციასთან ბრძოლის საინფორმაციო ცენტრი“. ამ ორგანიზაციის ხელმძღვანელი მერაბ ღოღობერიძე ამბობს, რომ ოფისში შესვლის და დოკუმენტაციის, ასევე ტექნიკის გატანას უზღუდავენ:

„ვუთხარი, რომ უნდა მომცენ კანონით გათვალისწინებული ვადა 10 დღე, რასაც არ აკეთებენ.

კეთილი ნების საფუძველზე, ვიდრე ეს ქონება სახელმწიფოს ხელში გადავიდოდა, ოზთურქიმ მომცა ოფისის ფართი და ბინაც. მე 6 შვილი მყავს და წლებია ვითხოვ ბინას, როგორც მრავალშვილიანი ოჯახი,“ – ამბობს მერაბ ღოღობერიძე.

გოგოლის 11-ში რჩება დაცვის პოლიცია.

პატიმრობიდან გათავისუფლებული გალიფ ოზთურქი კი, საქართველოში რჩება და ბიზნესსაქმიანობას განაგრძობს. ის საქართველოს და თურქეთის მოქალაქეა.

ამ თემაზე:

როგორ დააღწია თავი პატიმრობას და სად წავიდა ოზთურქი? – „1 მილიონი ლარი ბიუჯეტში ჯარიმის სახით“

„ანტიკონსტიტუციურია“ – საია ტროტუარზე დგომისთვის მოქალაქეების დაპატიმრებაზე

საია ეხმაურება ტროატურზე დგომის გამო ადამიანების სამართალდამრღვევად ცნობას და მათ დაპატიმრებას.

„2026 წლის 23 იანვარს, ადამიანის უფლებების კრიზისული მდგომარეობა ახალ ნიშნულზე გადავიდა, როდესაც საქართველოს მოქალაქეები [დიმიტრი ჯამბურია, მიხეილ ზაქარეიშვილი, სანდრო მეგრელიშვილი, ნათია ჭავჭანიძე, ნუკრი კაკულია, ლუკა ნაგლიაშვილი, ანი ახმეტელი] საფეხმავლო გზაზე [ტროტუარზე] პროტესტის გამო სასამართლომ სამართალდამრღვევად სცნო. აღნიშნული გადაწყვეტილება, ფაქტობრივად, შეკრების თავისუფლებას იმთავითვე შეზღუდულ უფლებად აქცევს, შინაარსს აცლის მის ფუნდამენტს და არის ცალსახად ანტიკონსტიტუციური,“ – აღნიშნულია ახალგაზრდა იურისტთა ასოციაციის მიერ გავრცელებულ განცხადებაში.

საია ტროატუარზე დგომისთვის დაპატიმრებულ პირებს შორის იცავს დიმიტრი ჯამბურიას ინტერესებს. ამ საქმეშიც თბილისის საქალაქო სასამართლოს ევროსასამართლოს პრაქტიკაზე მიუთითებს, რაც საიას შეფასებოთ ფორმალურია: „ნაცვლად მათში მოცემული მსჯელობების საქმესთან მისადაგებისა, შემოიფარგლება მხოლოდ ზოგადი სტანდარტების საქმისგან აბსტრაჰირებული მითითებით. ევროსასამართლოს სტანდარტების ჭეშმარიტი მოხმობა თბილისის საქალაქო სასამართლოს საშუალებას არ მისცემდა, საქართველოს მოქალაქეები ადმინისტრაციულ სამართალდამრღვევად ეცნო მაშინ, როდესაც ისინი ტროტუარზე იმყოფებოდნენ პროტესტის გამოხატვის მიზნით“, – ვკითხულობთ განცხადებაში.

საიას შუამდგომლობა, რომ სასამართლომ საკონსტიტიცუო წარდგინებით მიემართა საკონსტიტუციო სასამართლოსთვის, თბილისის საქალაქო სასამართლომ არ დააკმაყოფილა. თუ მოსამართლე ხედავს, რომ კონკრეტული სამართლებრივი ნორმა ანტიკონსტიტუციურია, საქმის განხილვა უნდა შეაჩეროს და საკონსტიტიციო სასამართლოს მიმართოს. საკონსტიტუციო სასამართლომ უნდა დაადგინოს, კონსტიტუციურია თუ არა სადავო სამართლებრივი ნორმა. აე მოიქცა, მაგალითად, თეთრიწუაროს მოსამართლე ვლადიმერ ხუჭუა, რომელმაც რამდენიმე საქმეზე სამართალწარმოება შეაჩერა და განაცხადა, რომ პარლამენტის მიერ მიღებული ახალი სამართლებრივი ნორმები მისი აზრით არაკონსტიტუციურია.

„ტროტუარზე დგომისთვის” ადამიანების სამართალდამრღვევად ცნობის საქმის განხილვისას სასამართლოს არ გაუჩნდა საფუძვლიანი ვარაუდი, რომ ნორმატიული აქტი, რომელიც სასამართლოს ამ საქმის გადაწყვეტისას უნდა გამოიყენებინა, შეიძლება მიჩნეული ყოფილიყო კონსტიტუციის შეუსაბამოდ.

ტროტუარზე შეკრების და მანიფესტაციის იმავე წესებისთვის დაქვემდებარება, რომელიც ტრანსპორტის სავალ ნაწილზე მოქმედებს, მიუხედავად იმისა, რომ ასეთი ტიპის შეკრება საზოგადოებრივი ცხოვრების ჩვეული რიტმს ბევრად ნაკლები ხარისხით ზღუდავს, მიუთითებს, რომ მსგავსი გადაწყვეტილების მიღების მიზანი, არა სხვათა უფლებების ან მართლწესრიგის დაცვაა, არამედ შეკრება/მანიფესტაციებისთვის გაუმართლებელი დაბრკოლებების შექმნა.

შინაგან საქმეთა სამინისტროსა და სასამართლოს პრაქტიკა, ასეთი ანტიკონსტიტუციური ადამიანის უფლებათა პოლიტიკის გატარებისას, მიუთითებს, როგორც ინდივიდუალური აქტივისტების მიმართ რეპრესიებზე, ასევე, მიზნად ისახავს დემონსტრაციების გამართვის შესაძლებლობებზე მსუსხავი ეფექტის ქონასაც. ასეთმა პრეცედენტებმა შეუქცევადად შეიძლება დააზიანოს, არამხოლოდ, ინდივიდუალური უფლებები, არამედ დემოკრატიული საზოგადოების ფუნდამენტური საყრდენები,“ – აღნიშნულია საიას მიერ გავრცელებულ განცხადებაში.

ამ თემაზე:

„ვის შევუშალე ხელი?“ – ვინ და როგორ დააპატიმრეს ტროტუარზე დგომის გამო

ჰელსინკის კომისია: „ოცნებამ“ საქართველო დამოუკიდებლობის შემდეგ ყველაზე უარეს კრიზისში ჩაითრია

აშშ-ს ჰელსინკის კომისია საქართველოში ადამიანის უფლებების მდგომარეობის გაუარესების შესახებ ბრიფინგს გამართავს. ბრიფინგი 2026 წლის 28 იანვარს გაიმართება. პრესრელიზში აღ%ნიშნულია, რომ „ქართულმა ოცნებამ“ საქართველოს დამოუკიდებლობის შემდეგ ყველაზე უარეს ადამიანის უფლებების კრიზისში ჩააგდო.

„2024 წლის ოქტომბრიდან, საქართველოს მმართველმა პარტიამ, „ქართულმა ოცნებამ“, საქართველო დამოუკიდებლობის შემდეგ ყველაზე უარეს ადამიანის უფლებების კრიზისში ჩაითრია. მათ 20-ზე მეტი ახალი კანონი მიიღეს, რომლებიც აფართოებენ სახელმწიფო ძალაუფლებას განსხვავებული აზრის ჩასახშობად და სასამართლოს დამოუკიდებლობას ართმევენ.

რეპრესიებმა სამოქალაქო საზოგადოება, ჟურნალისტები და პოლიტიკური ოპოზიცია მოიცვა. ხელისუფლებამ გაყინა მომიტინგეებისთვის იურიდიული დახმარების გამწევი ორგანიზაციების საბანკო ანგარიშები, დააკავა ჟურნალისტები და ოპოზიციის წარმომადგენლები ყალბ საქმეებზე დაიბარა, რის გამოც ისინი მათი ლეგიტიმურობის აღიარებაზე უარის თქმის გამო დააპატიმრა. მშვიდობიანი პროტესტი ამჟამად მაღალ ჯარიმებსა და ხანგრძლივ პატიმრობას იწვევს.

ეს ბრიფინგი განიხილავს ადამიანის უფლებების მდგომარეობის გაუარესებას, „ქართული ოცნების“ მიერ განსხვავებული აზრის მქონე პირთა დასჯისა და დემორალიზაციის ტაქტიკას და საქართველოს წინსვლის გზებს,“ – აღნიშნულია ჰელსინკის კომისიის მიერ გავრცელებულ პრესრელიზში.

რუსეთის ძალები კიევს ისევ თავს დაესხნენ

კომბინირებული დრონებით და ბალისტიკური რაკეტებით რუსეთის ძალებმა უკრაინაზე 23 იანვრის ღამეს მორიგი თავდასხმა განახორციელეს. „უკრაინსკაია პრავდას“ ინფორმაციით, კიევის სამ რაიონს დაარტყეს, დაიღუპა ერთი ადამიანი, რამდენიმე კრიტიკულად დაშავდა. ქვეყანაში გამოცხადებული იყო საჰაერო განგაში.

საჰაერო დარტყმების შედეგად კიევში ათასობით კორპუსი ისევ გათბობის გარეშეა.

„უკრაინსკაია პრავდას“ მონაცემებით, წუხელ, დაახლოებით ღამის 2 საათზე დესნიანსკის და ჰოლოსიევსკის რაიონებში არასაცხოვრებელ შენობებზე დარტყმები დაფიქსირდა, დნეპროვსკის რაიონში კი, ნანგრევების ჩამოვარდნის შემდეგ, საწვავის ავზს ცეცხლი გაუჩნდა.

მედიკოსებმა ჰოლოსიევსკის რაიონში კრიტიკულ მდგომარეობაში მყოფი ორი ადამიანი ჰოსპიტალიზაციაში მოათავსეს.

ბათუმში წითელი ცირკულარით ძებნილი პირი დააკავეს

ბათუმში ინტერპოლის წითელი ცირკულარით ძებნილი პირი დააკავეს. მას საბრძოლო მასალის უკანონო შეძენა-შენახვას, ასევე ჯანმრთელობის განზრახ დაზიანებას და ნივთის დაზიანებას ედავებიან.

დაკავებული თურქეთია მოქალაქეა. მიმდინარეობს საექსტრადაციო პროცედურა.

 

 

რუსეთის და უკრაინის სამხედრო დანაკარგები ომში – 24 იანვარი

უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 24 იანვრამდე პერიოდში, რუსეთის არმიის საბრძოლო დანაკარგი არის:

  • ცოცხალი ძალა – დაახლოებით 1 233 020 ადამიანი [გასულ დღე-ღამეში +930. ამ მონაცემებში შედის როგორც დაღუპულები ასევე დაჭრილები]
  • ტანკი – 11 603 ერთეული [+4]
  • ჯავშანტექნიკა – 23 949 ერთეული [+3]
  • საარტილერიო სისტემა – 36 580 ერთეული [+31]
  • MLRS – 1 623 ერთეული [+0]
  • საზენიტო საბრძოლო სისტემა – 1 283 ერთეული [+1]
  • თვითმფრინავი – 434 ერთეული [+0]
  • ვერტმფრენი – 347 ერთეული [+0]
  • უპილოტო საფრენი აპარატის ოპერატიულ-ტაქტიკური დონე – 114 049 ერთეული [+772]
  • ფრთოსანი რაკეტა [ჩამოაგდეს] – 4 190 ერთეული [+0]
  • გემი/ნავი – 28 ერთეული [+0]
  • წყალქვეშა ნავი – 2 ერთეული [+0]
  • მანქანები და საწვავის ავზები – 75 644 ერთეული [+88]
  • სპეცტექნიკა – 4 050 ერთეული [+0]

უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.

უკრაინის სამხედრო დანაკარგებზე ინფორმაცია განაახლა რუსეთმაც.

რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2026 წლის 24 იანვრამდე პერიოდში სულ განადგურებულია უკრაინის:

  • 670 თვითმფრინავი
  • 283 ვერტმფრენი
  • 110 949 უპილოტო საფრენი აპარატი
  • 646 საზენიტო სარაკეტო სისტემა
  • 27 292 ტანკი და სხვა ჯავშანტექნიკა
  • 1 650 მრავალჯერადი სარაკეტო გამშვები
  • 32 801 საველე არტილერია და ნაღმმტყორცნი
  • 52 675 სპეციალური სამხედრო მანქანა

ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.

ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.

—

რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.

ამავე თემაზე:

“მოდით, დავასრულოთ ეს „ზაზუნას დღე“ – ზელენსკის მიმართვა ევროპელებს დავოსიდან

 

 

მთავარი ფოტო: უკრაინის გენშტაბი/facebook

„დაცინვაა მასწავლებლების“ – პედაგოგი ახალ სქემასა და დაბალ ხელფასებზე

„ოპტიმიზმის საფუძველს არაფერი მაძლევს. ჩემთვის შეურაცხმყოფელია ის, რომ რამდენჯერმე დავადასტურე კომპეტენცია და მაინც შეუძლიათ დააყენონ ჩემი სტატუსის გადახედვის საკითხი“- ამბობს სოფიო ქუხილავა, რომელიც მესტიის მუნიციპალიტეტის სოფელ წვირმის საჯარო სკოლაში, ინგლისურ ენას ასწავლის.

მასწავლებელს „ბათუმელები“ იმ ახალი სქემის შესახებ ესაუბრა, რომელსაც „ქართული ოცნების“ თითქმის ყველა განათლების მინისტრი, თავიდან წერს და ამტკიცებს.

  • ქალბატონო სოფიო, ამ წლების განმავლობაში, თითქმის ყველა მინისტრი მასწავლებლის კარიერული წინსვლის ახალ სქემას ამტკიცებდა. ამჯერადაც შეცვალეს სქემა. თქვენი დაკვირვებით არის კი რაიმე სიახლე ამ სქემაში და თუ არის, ხომ არ არის სადაო საკითხები შეტანილი, ის, რასაც არ ეთანხმებით, მაგალითად, როგორც მასწავლებელი?

მასწავლებლის სტატუსის სახეებია – უფროსი, წამყვანი და მენტორი. იერარქიულად, ყველაზე დაბალი სტატუსი არის უფროსი და ყველაზე მაღალი – მენტორი მასწავლებლის სტატუსი.

რაოდენობრივად, ყველაზე მეტნი არიან უფროსი მასწავლებლები. ახალი სქემის მიხედვით, უფროს მასწავლებლებს არ აქვთ არანაირი ვალდებულება პროფესიული წინსვლის და ეს მათთვის არის ნებაყოფლობითი. შეუძლიათ არ იფიქრონ კარიერულ წინსვლაზე და განვითარებაზე და არც მოტივაცია ექნებათ ახალი სქემით.

წამყვანი და მენტორი მასწავლებლები აქამდეც ჩართული იყვნენ ხვადასხვა პროექტებში და ეს საკითხი ისედაც იდგა მათი დღის წესრიგში, სკოლის წარმატებასა და სწავლების ხარისხში მათ შეჰქონდათ ყველაზე დიდი წვლილი.

ახალი სქემით კი, წამყვანი და მენტორი მასწავლებლები ვალდებულებიც იქნებიან შეასრულონ გარკვეული ფუნქციები სკოლისა და მუნიციპალიტეტის დონეზე და სხვა შემთხვევაში მათ სტატუსი აღარ შეუნარჩუნდებათ. ანუ, ეს სტატუსები მუდმივი აღარ იქნება, თუ მასწავლებელი არ აჩვენებს პროფესიულ აქტივობას.

  • ფაქტობრივად, წამყვან და მენტორ მასწავლებლებს წაართვეს სტატუსის დანამატი, თუმცა დაუტოვეს პასუხისმგებლობები? ასე გამოდის?

დიახ. ის დანამატი, რაც დღეს არსებობს, ჯერ ერთი ძალიან მიზერულია და საერთოდ არ შეესაბამება ჩვენს შრომას, მით უმეტეს, იმ გაზრდილ პასუხისმგებლობას, რომელიც ამ სქემის ამოქმედების შემდეგ მასწავლებელს დაეკისრება და შესაძლოა, ეს დანამატიც კი ვეღარ მიიღოს მასწავლებელმა, თუ გარკვეულ აქტივობებს არ განახორციელებს.

  • 1000-1500 ლარი იყო ადრე დანამატი, როგორც მახსოვს და ახლა რამდენი გამოგდით?

117 ლარია ხელზე ასაღები თანხა და რეალურად, ამილახვარის დროს, იმ „უპრეცენდენტო“ სახელფასო მატების დროს, ჩვენ დაგვაკლეს ხელფასები.

იმ მასწავლებლებს, რომლებმაც ღამეები ათენეს, სკოლის და მოსწავლის წინსვლისთვის, საკუთარი განვითარებისთვის, კოლეგის განვითარებისთვის და საერთო ჯამში – სკოლის განვითარებისთვის ძალიან ბევრი იშრომეს, ჩამოაკლეს ხელფასები და ასე გაუზარდეს სხვებს. ფაქტობრივად, ჩვენზე მოკლებული ხელფასებიდან დაუმატეს.

  •  ახლა კი აპირებენ, რომ ეს 117 ლარიც წაართვან წამყვანებს და მენტორებს?

დიახ, ასე გამოდის.

მე წამყვანი მასწავლებელი ვარ და ასეთი დამოკიდებულების გამო, ალბათ აღარ ავიმაღლებ სტატუსს.

  • ფაქტობრივად, მოტივაცია დაგიკარგეს, ასე გამოდის?

ასეა. რამდენს გაუჩნდება სურვილი და მოტივაცია, რომ დაწინაურდეს? განსაკუთრებით მაშინ, როდესაც პასუხისმგებლობა გაზრდილია, დანამატი კი იგივე რჩება. წამყვან და მენტორ მასწავლებლებს დაემატათ სხვა მასწავლებლის კონსულტირების და კურირების მოვალეობაც, თუმცა ეს დანამატზე არ ასახულა ამ ეტაპამდე. 2026 წლისთვის ყველა სექტორში გაიზარდა ხელფასები და მასწავლებლებისთვის ეს არ მომხდარა.

  • როგორ ფიქრობთ, რატომ ექცევიან მასწავლებლებს ასე?

რეალურად, იმ შემთხვევაში, თუ სქემა იქნებოდა მართლა ორიენტირებული მასწავლებლის განვითარებაზე, რაც შემდეგ აისახება მოსწავლის და სკოლის განვითარებაზე, რა თქმა უნდა, გათვალისწინებული უნდა ყოფილიყო ჩვენი ხელფასის ზრდაც, მით უმეტეს იმ ფონზე, როცა ქვეყანაში კატასტროფულად იზრდება ფასები და მასწავლებლის ხელფასი ისევ მინიმალური რჩება. განსაკუთრებით იმ შრომისა და ძალისხმევის ფონზე, რაც მასწავლებელს უწევს.

არ ვიცი, ეს დაცინვაა პირდაპირ მასწავლებლების.

რა არის მათი მიზანი? – ვფიქრობ, რომ უფრო ნაკლებმა მასწავლებელმა მოინდომოს წინსვლა.

  • მაშინ რას ეყრდნობა სამინისტროს მოლოდინები, რომ სკოლებში სწავლის ხარისხი გაიზრდება?

ამაზეც უნდა ფიქრობდეს სახელმწიფო, მაგრამ მათი მიზანი, რომ რეალური იყოს, მაშინ მსგავს სქემას არ შემოგვთავაზებდნენ.

პასუხისმგებლობის და საქმიანობის პროპორციულად უნდა გაზრდილიყო ხელფასებიც, მაშინ. მაგრამ ხელფასის ზრდაზე არ არის საუბარი, იზრდება მხოლოდ პასუხისმგებლობები.

რა თქმა უნდა, ბევრი მასწავლებელი აღარ მოინდომებს არც წამყვანობას და არც მენტორობას და მაშინ ვინ შეასრულებს იმ ფუნქციებს, რაც მაღალი სტატუსის მასწავლებლებს მოგვეთხოვება კარიერულ გზაზე. სად გამოჩნდება ხარისხის ზრდა?

გარდა ამისა, ძალიან იკვეთება სუბიექტივიზმის საფრთხე, ვინაიდან სტატუსის მინიჭება დიდწილად სკოლის შიდა შეფასებაზე იქნება დამოკიდებული. ასეთ დროს არსებობს რისკი, რომ გადაწყვეტილებაზე შესაძლოა გავლენა მოახდინოს პირადმა ურთიერთობამ სკოლის დირექტორთან.

  • რას გულისხმობთ?

შეიძლება რაღაც უთანხმოება გქონდეს დირექტორთან და ამის გამო შენი აქტივობები საერთოდ არ ჩათვალონ ადეკვატურად, იმ ფუნქციებთან შესაბამისობაში, რაც სკოლამ შემოგთავაზა.

  • მასწავლებლის კარიერული წინსვლა დირექტორზეა დამოკიდებული თუ კომისიაზე, რომელსაც, როგორც წერია სქემაში, მთავრობა ამტკიცებს?

თუ უფროსი მასწავლებელი ხარ და გინდა წამყვანობა ან წამყვანი მასწავლებელი ხარ და ასრულებ დაკისრებულ ფუნქციებს, ამ შემთხვევაში გაფასებს სკოლა და ის შეფასების ჯგუფი სკოლის მიერაა დაკომპლექტებული.

  • და კომისია ვის აფასებს? ან ის თუ არის ცნობილი, ვინ იქნება ამ კომისიის შემადგენლობაში?

აი, ეს არის ზუსტად ბუნდოვანი, თუ რა კრიტერიუმით შეირჩევიან კომისიის წევრები და რამდენად კომპეტენტური იქნებიან მისი წევრები. ამაზე პასუხი არ მიგვიღია ჯერ.

მაგალითად, თუ უფროს მასწავლებელს სურს კარიერული წინსვლა, ის ერთწლიან სამოქმედო გეგმას ადგენს და წარუდგენს დირექციას. დირექცია შეაფასებს რამდენად რელევანტურია, რამდენად მიღწევადია ეს გეგმა და შეუძლია თუ არა მასწავლებელს დაიწყოს ამ აქტივობების განხორციელება. თუ მასწავლებელმა მიიღო დასტური, რომ შესაბამისია სკოლის საჭიროებასთან, მასწავლებელი იწყებს ამ აქტივობის განხორციელების მტკიცებულებების მოპოვებას, რომელიც უკვე წლის ბოლოს უნდა წარუდგინოს შეფასების ჯგუფს.

მაგრამ, თუ მასწავლებელს სურს მენტორი გახდეს ან არის უკვე მენტორი და უწევს სხვადასხვა ფუნქციის შესრულება, ის უკვე რესურსცენტრის დონეზე ფასდება.

მენტორი მასწავლებელი ორივე მიმართულებით ადასტურებს თავის კომპეტენციას, – სკოლის დონეზეც უნდა დაადასტუროს და რესურსცენტრის დონეზეც.

  • ვთქვათ, მასწავლებელმა მოსთხოვა სკოლას რესურსები ხარისხიანი გაკვეთილისთვის. მაგალითად, ინტერნეტი კლასში, მაღალი ხარისხის ტექნიკა, ლაბორატორიები და ასე შემდეგ… როგორ ფიქრობთ, რა პასუხს მიიღებს ის დირექციისგან ან სამინისტროსგან, დააკმაყოფილებენ?

სწორედ ეს არის შეუსაბამო, რომ არაადეკვატურია მოითხოვო ხარისხი მაშინ, როცა ამის შესაბამისი რესურსიც კი არ აქვს სკოლას.

გგონიათ მაღალმთიან რეგიონებში ძალიან მაღალი დანამატია? 150 ლარია და ეს მაშინ, როდესაც მასწავლებელს უწევს რთულ პირობებში მუშაობა, როცა 6-7 თვე შესაძლოა საერთოდ ჩაკეტილი იყო. თოვლი, უშუქობა, ინტერნეტიც არ არის ხომ ასეთ დროს. ამ გამოწვევების ფონზე რა გამოსავალს გვთავაზობს სახელმწიფო, რაში გვიწყობს ხელს? მთა რომ არ დაიცალოს, სოფლები არ დაიცალოს, რა პროგრამებს გვთავაზობს ამისთვის, რომელიც ემსახურება რეალურად სწორედ ასეთი სოფლების გაძლიერებას და იმას, რომ მეტი ახალგაზრდა კადრი მოიზიდოს?!

რეალურად, არ არსებობს არანაირი საფუძველი იმის, რომ იფიქრო, თითქოს განვითარებაზე და წინსვლაზე იყოს სახელმწიფო ორიენტირებული.

ყველაფერი პედაგოგის ძალისხმევაზე და შრომაზეა დამოკიდებული, თორემ სახელმწიფოსგან რა ხელშეწყობა გვაქვს?!

გულით გინდა, კარგი, ინოვაციური გაკვეთილის ჩატარება, მაგრამ ვერ ახერხებ. თუ ახერხებ, შენი რესურსები უნდა დახარჯო და მაინც გვიწევს ჩვენით მოვიძიოთ ეს რესურსები, როცა სახელმწიფო არ გვაწვდის.

  • გქონიათ როდისმე შესაძლებლობა პირდაპირ გეთქვათ ამის შესახებ სამინისტროს წარმომადგენლებისთვის? ხომ ამბობენ, რომ მასწავლებლებს ხვდებიან, არასდროს ამოსულან მთაში?

სხვათა შორის არ ყოფილან და რეალურად, არც ჩვენი საჭიროების შესახებ უკითხავთ არაფერი.

  • როგორც ვიცით, ამ ახალი სქემის მიხედვით, მასწავლებელს ეკრძალება ორ ადგილზე მუშაობა. როგორ აისახება ეს მასწავლებლის შემოსავალზე?

ესეც არასასურველი კადრების მოშორების მექანიზმია, ჩემი აზრით, რადგან რამდენიმე შემთხვევა იყო, როდესაც მასწავლებლები პოლიტიკური შეხედულების გამო გაუშვეს სხვადასხვა სამსახურიდან და მიზეზად სწორედ ორ სამსახურში ერთდროულად მუშაობა დაუსახელეს. მით უმეტეს მაშინ, როცა შეეძლო დამსაქმებელს მიეცა ნებართვა სხვა სამსახურში მუშაობის, მაგრამ მაინც პოლიტიკური შეხედულება აღმოჩნდა გადამწყვეტი.

  • ეს ნიშნავს, რომ რეალურად მასწავლებელს დამოუკიდებლობა წაართვეს?

კი. ამისკენ მიდის ტენდენცია, რომ მაქსიმალურად შეზღუდონ მასწავლებლები, რომ იყვნენ უფრო მორჩილი, ასე ვთქვათ. ამ ბოლო პერიოდში, მასწავლებელი გახდა ერთ-ერთი ყველაზე მოწყვლადი.

  • ამ სქემაში, ერთი მხრივ წერია, რომ კარიერული წინსვლა ნებაყოფლობითია, მეორე მხრივ კი, სქემა ავალდებულებს სკოლას შექმნას მექანიზმები პედაგოგების სქემაში ჩასართავად. ამაზე რას ფიქრობთ?

როცა არ არსებობს ვალდებულება, შესაძლოა ადამიანმა არც იფიქროს პროფესიულ განვითარებაზე, მით უმეტეს მაშინ, როცა არ არსებობს ფინანსური სარგებელი. რატომ უნდა გააკეთოს ეს? ადრე, ბევრი პრაქტიკოსი მასწავლებელი იყო ჩართული სხვადასხვა პროექტში, მათ შორის საერთაშორისო პროექტებშიც და თუ ახლა არ ექნება წინსვლის ვალდებულება, რატომ გააკეთებს ამას. უბრალოდ, მოტივაცია აღარ ექნება.

  • თუმცა, სისტემა ყოველთვის ამ კატეგორიის მასწავლებლებთან უფრო მიდიოდა კომპრომისზე. გახსოვთ ალბათ, 1-კრედიტიანებს როცა მიანიჭეს სტატუსები, შემდეგ, ხელფასებიც მათ გაუზარდეს. რატომ ხდება ასე, როგორ ფიქრობთ?

გეთანხმებით, მაგრამ იმ მასწავლებლებს, რომლებმაც ერთი და ოთხი კრედიტით დაადასტურეს კომპეტენცია, წინსვლის პერსპექტივა არ აქვთ. მაინც უნდა გადააბარონ საგანი და მხოლოდ ამ შემთხვევაში შეუძლიათ იზრუნონ კარიერულ წინსვლაზე.

სიმართლე გითხრათ, მე მაინც არ ვარ ასეთი კატეგორიული, მაგრამ მასწავლებელმა რომ უნდა იცოდეს თავისი საგანი და უნდა დაადასტუროს კომპეტენცია, ეს ცალსახაა და გადახედვას არ ექვემდებარება.

  • დადებითი რა აქვს ამ სქემას?

დადებით მხარედ შეგვიძლია ჩავთვალოთ ის, რომ გაუქმდა წამყვან-მენტორის გამოცდა. მეც ვეთანხმებოდი ამაში, რადგან ფსიქოლოგიური ბარიერი იყო და ბევრ კვალიფიციურ კადრს შეიძლება ხელს უშლიდა წინსვლაში. უფრო პრაქტიკაზე ორიენტირებული გახდა სქემა, ასე რომ ვთქვათ და ბიუროკრატიის კლებაზეც შეიძლება გაკეთდეს აქცენტი. უფრო ციფრულად გიწევს ვიდეოგაკვეთილების თუ მოსწავლეთა პროგრესის დოკუმენტირება და ასე შემდეგ.

  • მთლიანობაში, გაძლევთ ოპტიმიზმის საფუძველს ეს ცვლილებები, ასევე ის დაანონსებული რეფორმა, რომელიც „ოცნების ხელისუფლებას“ აქვს დაგეგმილი სკოლებში, თუ არა?

რეალურად, ოპტიმიზმის საფუძველს არაფერი მაძლევს. ჩემთვის შეურაცხმყოფელია ის, რომ რამდენჯერმე დავადასტურე კომპეტენცია და მაინც შეუძლიათ დააყენონ ჩემი სტატუსის გადახედვის საკითხი. ეს არ უნდა ყოფილიყო ამ ფორმით, რადგან ჩვენ შეიძლება იმაზე მეტსაც ვაკეთებთ, ვიდრე შეიძლება გაგვიწერონ და ეს მაშინ, როცა არც კი განიხილება მასწავლებლის ხელფასის მატება.

ყოველ შემთხვევაში, მე ვერ ვხედავ ერთ მიზეზსაც კი, რომ ოპტიმისტურად შევხედო ამ ახალ სქემას და არც ვიცი, რამდენად ჩავერთვები ან რამდენად მოვინდომებ დაწინაურებას. ალბათ აღარ მოვინდომებ.

ბათუმის მერია დასუფთავების მოსაკრებელის გაანგარიშების წესს ცვლის

ბათუმის მერია დასუფთავების მოსაკრებლის დაანგარიშების წესს ცვლის. დადგენილების ახალი პროექტის დამტკიცებაზე ბათუმის საკრებულომ 28 იანვარს უნდა იმსჯელოს.

მერია განმარტავს, რომ დასუფთავების მოსაკრებლის ადმინისტრირების უფრო მარტივი და დახვეწილი წესი სჭირდება და პროექტი მრავალწლიანი პრაქტიკული გამოცდილებით შეიმუშავა.

ახალი წესის შესაბამისად, მოსაკრებელს დაიანგარიშებენ სულადობის მიხედვით, ხოლო ორგანიზაციების, დაწესებულებებისა და იურიდიული პირებისათვის – ნარჩენების დაგროვების ნორმის, გატანის ღირებულებისა და შესაბამისი ზომის ერთეულის კომბინაციით.

„ერთ სულ მოსახლეზე – 1,30 ლარი თვეში. მოსახლეობისთვის, რომელთა ოჯახის სარეიტინგო ქულა 70 ათასი ან 70 ათასზე დაბალია – 1 ლარი თვეში. იურიდიული პირების, ორგანიზაციებისა და დაწესებულებებისათვის მოსაკრებლის ოდენობა გაიანგარიშება ფორმულით: M = (N X C X K)/12, სადაც M აღნიშნავს მოსაკრებლის ოდენობას თვეში, N- ით აღინიშნება ნარჩენების დაგროვების ნორმატივი წელიწადში, C-1მ 3 ნარჩენის გატანის ღირებულება, C=9 ლარი, K-ზომის ერთეულია [დაკავებული ფართი, მომხმარებელთა რაოდენობა, ადგილი, საწოლი].

იმ იურიდიული პირებისათვის, რომელთა საქმიანობაც მოიცავს სხვადასხვა სფეროს, მოსაკრებელს გაიანგარიშებენ კომპლექსურად, ფორმულის შესაბამისად. [ცალკეული საქმიანობის სფეროებიდან გამომდინარე გადასახდელ მოსაკრებელთა ჯამი]. მოსაკრებელს იგივე პრინციპით დაიანგარიშებენ  ბაზრობისა და სავაჭრო ცენტრებისთვის.

საგანმანათლებლო დაწესებულებებში დასუფთავების მოსაკრებელი განისაზღვრება აღსაზრდელების/მოსწავლეების/სტუდენტების და დასაქმებულ პირთა საერთო რაოდენობის გათვალისწინებით.

ბათუმის მოსახლეობისთვის მოსაკრებლის გადახდის ქვითარი გამოიწერება იმ უძრავი ქონების მესაკუთრეზე, რომლის საკუთრებაშიც წარმოიქმნება საყოფაცხოვრებო ნარჩენები.

  • საყოფაცხოვრებო ნარჩენების წარმომქმნელი პირები, რომლებსაც არ გააჩნიათ ელექტროენერგიის მრიცხველი, დასუფთავების მოსაკრებელი დაერიცხებათ იმ აბონენტზე, რომლითაც მარაგდებიან ელექტროენერგიით ან იხდიან ელექტროენერგიის გადასახადს. მოსაკრებლის გადახდის ქვითარი ორგანიზაციების, იურიდიული პირებისათვის, ინდივიდუალური მეწარმისა და დაწესებულებებისთვის გამოიწერება აბონენტის [ელექტროენერგიის მრიცხველის მესაკუთრის] სახელზე.
  • იმ საცხოვრებელ ფართობზე, სადაც რეგისტრირებულია ერთზე მეტი მრიცხველი, მოსაკრებელი დაერიცხება ერთ-ერთ მრიცხველს, თუ არ გამოვლინდება სხვა გარემოება, მაგალითად მესამე პირისთვის ფართობის ქირავნობით, გირავნობით ან სხვა ფორმით სარგებლობაში გადაცემის ფაქტი.
  • ამხანაგობის შემთხვევაში, ამხანაგობის ყველა წევრთა თანხმობისას, ქვითარი გამოიწერება ამხანაგობის სახელზე. ამ შემთხვევაში ამხანაგობამ წერილობით უნდა მიმართოს სამსახურს და წარუდგინოს ყველა მესაკუთრის თანხმობის საბუთი.
  • მოსაკრებლის გადახდის ქვითარი ორგანიზაციების, იურიდიული პირებისათვის, ინდივიდუალური მეწარმისა და დაწესებულებებისთვის გამოიწერება იმ ორგანიზაციის, დაწესებულების, ინდივიდუალური მეწარმისა და იურიდიული პირის სახელზე, რომლის საქმიანობის შედეგად წარმოიქმნა საყოფაცხოვრებო ნარჩენი.

ნარჩენების წარმომქმნელი ფიზიკური პირების რაოდენობის შეცვლის შემთხვევაში, მიმდინარე თვის მოსაკრებელი იფარება ცვლილების გაუთვალისწინებლად.

მესაკუთრის შეცვლის შემთხვევაში ყოფილმა მესაკუთრემ, მოიჯარემ ან მოსარგებლემ მოსაკრებლის დავალიანება უნდა დაფაროს იმ თვის ბოლომდე, რომელშიც მოხდა საკუთრების გადაცემა/დაბრუნება, წინააღმდეგ შემთხვევაში აბონენტზე არსებული მოსაკრებლის დავალიანების გადახდის ვალდებულება დაეკისრება ახალ მესაკუთრეს. 

მოიჯარის ან მოსარგებლის მიერ დავალიანების გადაუხდელობის შემთხვევაში დავალიანების გადახდის ვალდებულება ეკისრება მესაკუთრეს.

წესის შესაბამისად მოსაკრებლის გადახდის ვალდებულება წარმოიქმნება ფიზიკური პირებისთვის [გარდა ინდივიდუალური მეწარმეებისა] – მომსახურების ერთი თვის განმავლობაში მიღების შემთხვევაში. ორგანიზაციების, დაწესებულებების, ინდივიდუალური მეწარმეებისა და იურიდიული პირებისათვის მომსახურების მიღებისთანავე.

მოსაკრებლის გადახდის ვალდებულებისაგან გათავისუფლებულია ის ფიზიკური პირი, რომელიც ცხოვრობს სასტუმროს ტიპის საცხოვრებელში, იმ
შემთხვევაში, თუ ეს უკანასკნელი თვითონ სარგებლობს მოსაკრებლის გადახდევინებისათვის პასუხისმგებელი ოპერატორის მომსახურებით.

მოსაკრებლის გადახდის ვალდებულება წყდება ფიზიკური და იურიდიული პირების, ორგანიზაციებისა და დაწესებულებების მიერ ნარჩენების
წარმოქმნის შეწყვეტისთანავე.

დასუფთავების მოსაკრებელი არ დაერიცხება საწარმოო ობიექტებისა და ორგანიზაციების შენობა-ნაგებობების ფართობს ან მათ ნაწილს, ღია ტერიტორიების ფართობს ან მათ ნაწილს, რომლებიც არ ფუნქციონირებს, გამოუყენებელია და არ წარმოიქმნება ნარჩენი, ასევე არ დაერიცხება დასუფთავების მოსაკრებელი შემდეგ ინფრასტრუქტურის ფართობზე: დამხმარე სამეურნეო ნაგებობა, ავტოსადგომი, შიდა ბიბლიოთეკა, საქვაბე, შიდა მომსახურებისთვის სამრეცხაო, კვებისთვის განკუთვნილი იზოლირებული ფართობი, სკვერი.

მომსახურების ორგანიზების ერთ თვეზე მეტი ხნით შეწყვეტის შემთხვევაში, მოსაკრებლის გადამხდელის მოთხოვნით გადასახდელი თანხა შესაძლებელია შემცირდეს ამ პერიოდში გადასახდელი მოსაკრებლის ოდენობით.

მომსახურების ორგანიზების შეფერხების, შეზღუდვის, დაგვიანების, აგრეთვე მომსახურების ერთ თვეზე ნაკლები დროის განმავლობაში შეწყვეტის შემთხვევაში, მოსაკრებლის გადამხდელს არ აქვს უფლება მოითხოვოს მოსაკრებლის განაკვეთის გადახდისგან გათავისუფლება ან მისი განაკვეთის შემცირება.

ნარჩენების წარმომქმნელის მიერ ნარჩენების წარმოქმნის ადგილის შეცვლის შემთხვევაში მოსაკრებელი უნდა გადაიხადონ ნარჩენების წარმოქმნის იმ
ადგილის მიხედვით, სადაც მიიღო მომსახურების 50%-ზე მეტი.

სახელმწიფო და ადგილობრივი თვითმმართველობის ორგანოები და მათ მიერ დაფუძნებული საჯარო და კერძო სამართლის სამეწარმეო [50%-ზე მეტი წილობრივი მონაწილეობით] და არასამეწარმეო [არაკომერციული] იურიდიული პირები ისაგებლებენ მოსაკრებლის გადახდის 50%-იანი შეღავათით.

მოსაკრებლის გადახდისაგან გათავისუფლებულია მოხუცთა და ბავშვთა თავშესაფრები და უფასო სასადილოები.

გადამხდელს შეუძლია მოსაკრებელი გადაიხადოს წინასწარ. დაწესებულებებს, ორგანიზაციებს, ინდივიდუალურ მეწარმეებს, იურიდიულ პირებს, რომელთაც დასუფთავების მოსაკრებელი დაერიცხათ მომსახურების მიღების მთელს პერიოდზე, მაგრამ არანაკლებ ორი თვისა, მიეცემათ უფლება მომსახურების მიღების მთელს პერიოდზე დარიცხული მოსაკრებლის [მოსაკრებლის მიმდინარე ყოველთვიურ დარიცხვასთან ერთად] დავალიანება დაფარონ მოსაკრებლის დარიცხვიდან არაუმეტეს 12 თვის ვადაში, შესაბამის სამსახურთან ან/და ოპერატორთან გაფორმებული შეთანხმების საფუძველზე, ხოლო ფიზიკური პირებისთვის [გარდა ინდივიდუალური მეწარმისა] დავალიანების დაფარვის პერიოდი განისაზღვროს არაუმეტეს 24 თვის ვადით.

ბათუმის ტერიტორიაზე მდებარე საცხოვრებელი ბინის/სახლის მესაკუთრე, ასევე მოქმედი ინდივიდუალური მეწარმე, იურიდიული პირი, ორგანიზაცია და დაწესებულება ვალდებულია  მერიის შესაბამის სამსახურში ან ოპერატორთან დარეგისტრირდეს მოსაკრებლის გადამხდელად. ამ წესის ამოქმედების დღიდან აღნიშნული პირები ავტომატურად ითვლებიან მომსახურების მიმღებებად.

ბათუმის ტერიტორიაზე მდებარე საცხოვრებელი ბინის/სახლის მესაკუთრე (გარდა ინდივიდუალური მეწარმისა), ვალდებულია დაარეგისტრიროს მის საკუთრებაში მცხოვრები პირების რაოდენობა. მესაკუთრე ფიზიკური პირი, რომლის საკუთრებაშიც წარმოიქმნება ნარჩენი, ვალდებულია წარმომქმნელთა რაოდენობის ცვლილების შესახებ დაუყოვნებლივ ან/და არაუმეტეს 30 კალენდარული დღისა აცნობოს სამსახურს ან ოპერატორს, რომელიც გავლენას მოახდენს გადასახდელი მოსაკრებლის გაანგარიშებაზე. აბონენტი ვალდებულია წარმოადგინოს ცვლილების დამადასტურებელი უტყუარი დოკუმენტი.

იმ შემთხვევაში, თუ აბონენტმა თანხა გადაიხადა ძველ მისამართზე, ცვლილების შემთხვევაში ახალ მისამართზე დარიცხული მოსაკრებლის გადახდის
ვალდებულება წარმოექმნება მომავალი თვიდან. იმ მისამართებზე, სადაც ვერ დგინდება კონკრეტულ საცხოვრებელ ფართობში რეგისტრირებულ პირთა
რაოდენობა, მოსაკრებლის კორექტირება მიმდინარე პერიოდიდან განხორციელდება ბინათმესაკუთრეთა ამხანაგობის ნოტარიულად დამოწმებული
კრების ოქმის საფუძველზე.

ბათუმის ტერიტორიაზე არსებულ საცხოვრებელ ფართობში (მოსახლეობის კატეგორიის აბონენტზე), სადაც დასტურდება ცხოვრების
ფაქტი, მაგრამ არ არის რეგისტრირებული არც ერთი ფიზიკური პირი, დასუფთავების მოსაკრებელი დაერიცხებათ, როგორც ერთ სულ მოსახლეს თვეში –
1,30 ლარის ოდენობით.

საცხოვრებელ ფართობზე ცხოვრების ფაქტი დადასტურებულად ჩაითვლება მერის მიერ დამტკიცებული წესის შესაბამისად. იმ შემთხვევაში თუ სახელმწიფო სერვისების სააგენტოს მიერ გაცემული ინფორმაციის საფუძველზე დადასტურდება ერთზე მეტი პირის რეგისტრაცია, შესაბამისი პირის რეგისტრაციის პერიოდიდან განხორციელდება სულადობისა და დასარიცხი ტარიფის კორექტირება.

ბათუმის ტერიტორიაზე მდებარე საცხოვრებელი ბინის/სახლის მესაკუთრეები, დაწესებულებები, ორგანიზაციები, იურიდიული პირები და ინდივიდუალური მეწარმეები, ასევე ნარჩენების წარმომქმნელი და/ან მფლობელი პირები ვალდებული არიან სამსახურის ან ოპერატორის მიერ დადგენილ გონივრულ ვადაში, მაგრამ არა უმეტეს 30 კალენდარული დღისა, გასცენ ნარჩენების გატანისათვის საჭირო ნებისმიერი სახის ინფორმაცია, რამაც შესაძლებელია გავლენა იქონიოს სამსახურის ან ოპერატორის მიერ ამ მომსახურების მიწოდების ხარისხზე და მოცულობაზე.

დაწესებულებები, ორგანიზაციები, იურიდიული პირები და ინდივიდუალური მეწარმეები ვალდებული არიან დადგენილი წესით რეგისტრაციიდან ან შექმნის შესახებ ადმინისტრაციულ-სამართლებრივი აქტის ძალაში შესვლის დღიდან [აგრეთვე რეორგანიზაციის, ლიკვიდაციის, საქმიანობის პროფილის, მისამართის, ადგილმდებარეობის და ნებისმიერი სახის ცვლილების შემთხვევაში] არაუგვიანეს 30 კალენდარული დღისა, აღნიშნულის თაობაზე აცნობონ სამსახურს ან ოპერატორს. მიუხედავად შეტყობინების განხორციელების დღისა, დაწესებულებები, ორგანიზაციები, იურიდიული პირები და ინდივიდუალური მეწარმეები ვალდებული არიან მოსაკრებელი გადაიხადონ მომსახურების მიღების მთელ პერიოდზე.

დასუფთავების მოსაკრებლის გადამხდელად დარეგისტრირებისთვის დაწესებულებები, ორგანიზაციები, იურიდიული პირები და ინდივიდუალური
მეწარმეები ვალდებული არიან წარმოადგინონ კონკრეტულ მისამართზე მათი ფუნქციონირების დაწყების დამადასტურებელი დოკუმენტები.
მიუხედავად შეტყობინების განხორციელების დღისა, დაწესებულებები, ორგანიზაციები, იურიდიული პირები და ინდივიდუალური მეწარმეები ვალდებული არიან მოსაკრებელი გადაიხადონ მომსახურების მიღების მთელ პერიოდზე.

დასუფთავების მოსაკრებლის გადამხდელად დარეგისტრირებული მომხმარებლების მიერ, ფაქტობრივად დაკავებულ ფართობში ნებისმიერი ცვლილების შემთხვევაში [რამაც შესაძლებელია გავლენა იქონიოს სამსახურის ან ოპერატორის მიერ ამ მომსახურების მიწოდების ხარისხსა და მოცულობაზე], მათზე დარიცხულ მოსაკრებელში ცვლილების [კორექტირების] შეტანის მიზნით ვალდებული არიან არაუგვიანეს 30 კალენდარული დღისა, აღნიშნულის თაობაზე აცნობონ სამსახურს ან ოპერატორს და წარმოადგინონ მათ მიერ დაკავებულ ფართობში ცვლილების დამადასტურებელი დოკუმენტები. მიუხედავად შეტყობინების განხორციელების დღისა, დასუფთავების მოსაკრებლის გადამხდელად დარეგისტრირებული მომხმარებლები ვალდებული არიან მოსაკრებელი გადაიხადონ გაზრდილი მომსახურების მიღების მთელ პერიოდზე.

დაწესებულებები, ორგანიზაციები, იურიდიული პირები და ინდივიდუალური მეწარმეები ვალდებული არიან საქმიანობის შეწყვეტის შესახებ არაუგვიანეს 30 კალენდარული დღისა, აღნიშნულის თაობაზე აცნობონ სამსახურს ან ოპერატორს და წარმოადგინონ კონკრეტულ მისამართზე საქმიანობის შეწყვეტის უტყუარი დამადასტურებელი დოკუმენტი [სახელმწიფო ან სხვა კომპეტენტური ორგანოების მიერ გაცემული დოკუმენტი].

საქმიანობის შეწყვეტის უტყუარი დამადასტურებელი დოკუმენტების წარმოუდგენლობის შემთხვევაში დასუფთავების მოსაკრებლის დარიცხვის შეწყვეტა განხორციელდება სამსახურის ან ოპერატორისადმი შეტყობინების განხორციელების დღიდან ან შესაბამისად უფლებამოსილი პირების მიერ ინსპექტირების შედეგად, ობიექტის ფუნქციონირების შეწყვეტის ფაქტის დადასტურების საფუძველზე შედგენილი შემოწმების აქტის თარიღიდან, ასევე შესაბამისი დოკუმენტაციის წარმოდგენის საფუძველზე ეკონომიკური საქმიანობის შეწყვეტის დღიდან.

ორგანიზებული ბაზრობის და სავაჭრო ცენტრების მომწყობი პირი ვალდებულია წარუდგინოს შესაბამის სამსახურს ან ოპერატორს ინფორმაცია ბაზრობებისა და სავაჭრო ცენტრების არსებული სავაჭრო ან/და მომსახურების ობიექტების საქმიანობის სფეროს და დაკავებული ფართობის შესახებ.

ამ წესების შესრულებაზე კონტროლის განხორციელების მიზნით უფლებამოსილ პირს/პირებს დამადასტურებელი დოკუმენტის წარდგენის შემთხვევაში უფლება აქვს შეუფერხებლად შევიდეს ნარჩენების წარმომქმნელი პირების ტერიტორიაზე, ხოლო ნარჩენების წარმომქმნელი პირი ვალდებულია რეაგირების მიზნით დროულად [არა უმეტეს 5 სამუშაო დღისა] წარუდგინოს შესაბამისი ინფორმაცია და დოკუმენტაცია. ნარჩენების წარმომქმნელი სუბიექტების ტექნიკურ მაჩვენებლებში არასწორი, არასრულყოფილი ინფორმაციის მითითებისა ან/და არასწორი, არასაკმარისი საჭირო დოკუმენტაციის წარმოდგენის შემთხვევაში პასუხისმგებლობა ეკისრება ნარჩენების წარმომქმნელ პირს.

მოსაკრებლების გადახდევინებაზე პასუხისმგებლობა ეკისრება ბათუმის მერიის შესაბამის სამსახურს ან/და შესაბამის ოპერატორს  ბათუმის მუნიციპალიტეტთან გაფორმებული ხელშეკრულების საფუძველზე. ბათუმის მუნიციპალიტეტის მერიის მიერ მოსაკრებლის ამოსაღებად იურიდიულ პირებთან ხელშეკრულების გაფორმების შემთხვევაში მოსაკრებელი უნდა გადაიხადონ მოცემული ინსტრუქციის შესაბამისად.

მუნიციპალიტეტის ორგანოს საამისოდ უფლებამოსილ სამსახურს შეუძლია ადგილობრივი მოსაკრებლის ამოღების მიზნით შესაბამის იურიდიულ პირთან გააფორმოს ხელშეკრულება.

მოსაკრებელი მთლიანად ჩაირიცხება ბათუმის ბიუჯეტში.

პროკურატურამ კიდევ 4 არასრულწლოვანს წარუდგინა ბრალი „ფაშისტური დაჯგუფების“ საქმეზე

პროკურატურის ცნობით, თბილისის პროკურატურის არასრულწლოვანების საქმეთა სამმართველომ, ორგანიზებული ჯგუფის მიერ წინასწარი შეცნობით არასრულწლოვანის მიმართ წამების, ძარცვის, ჯგუფური ძალადობის ორგანიზებისა და მასში მონაწილეობის ფაქტებზე კიდევ 4 პირს წარუდგინა ბრალდება.

„გამოძიებით დადგინდა, რომ „ფაშისტური-ნაცისტური” იდეოლოგიის მქონე დაჯგუფების წევრები, თავიანთი იდეოლოგიიდან გამომდინარე, მათთვის მიუღებელი ცხოვრების წესისა და იდენტობის მქონე პირების, მათ შორის არასრულწლოვანების მიმართ, ძალადობას უწევდნენ ორგანიზებას.

დაჯგუფების წევრები მათგან განსხვავებული შეხედულებების, სექსუალური ორიენტაციისა და იდენტობის მქონე პირთა გამოვლენისა და დასჯის მიზნით, შეუწყნარებლობის მოტივით, წინასწარ შერჩეულ მსხვერპლს ორგანიზებულად და ჯგუფურად ესხმოდნენ თავს, ამცირებდნენ, ართმევდნენ პირად ნივთებს, ფიზიკურად და ფსიქოლოგიურად ძალადობდნენ მათზე და აწამებდნენ.

ასევე, ძალადობის ამსახველ ვიდეოს იღებდნენ და ჩანაწერებს სხვადასხვა სოციალურ ქსელებსა და დახურულ ჯგუფებში ავრცელებდნენ, რითაც დაზარალებულებს ძლიერ ფიზიკურ, ფსიქიკურ და მორალურ ტანჯვას აყენებდნენ.

ოთხ პირს ბრალდება საქართველოს სისხლის სამართლის კოდექსის 225-ე მუხლის პირველი და მე-2 ნაწილებით (ჯგუფური ძალადობის ორგანიზება, რასაც ახლავს ძალადობა და მასში მონაწილეობა), 178-ე მუხლის მე-2 ნაწილის ,,ა” და მე-3 ნაწილის ,,ა” ქვეპუნქტებით, (წინასწარი შეთანხმებით ჯგუფის მიერ ძარცვა, რამაც მნიშვნელოვანი ზიანი გამოიწვია) და 144-ე პრიმა მუხლის მე-2 ნაწილის ,,ზ“ და მე-3 ნაწილის „ბ“ ქვეპუნქტით (ორგანიზებული ჯგუფის მიერ წამება წინასწარი შეცნობით არასრულწლოვანის მიმართ) წარედგინათ, რაც სასჯელის სახედ და ზომად, არასრულწლოვანთა მართლმსაჯულების კოდექსის დათქმებიდან გამომდინარე, თორმეტ წლამდე თავისუფლების აღკვეთას ითვალისწინებს.

ოთხივე ბრალდებული მსჯავრდებულია სხვა სისხლის სამართლის საქმეზე და სასჯელს იხდიან პენიტენციურ დაწესებულებაში.

შინაგან საქმეთა სამინისტროში დანაშაულში მონაწილე სხვა პირების გამოვლენის მიზნით გამოძიება გრძელდება“ – წერს პროკურატურა.

პროკურატურის ინფორმაციით, ორგანიზებული ჯგუფის მიერ წინასწარი შეცნობით არასრულწლოვანის მიმართ წამების, ძარცვის, ჯგუფური ძალადობის ორგანიზებისა და მასში მონაწილეობის ფაქტებზე ამ დროისთვის 22 პირია ბრალდებული.

„სახლში შესვლა ნიშნავს, რომ ეს რეჟიმი, უბრალოდ, შეგჭამს“ – ზურაბ ჯაფარიძე

„პროტესტი არის ის, რაზეც დაშენდება ყველაფერი“ – ამბობს ზურაბ ჯაფარიძე, „გირჩი – მეტი თავისუფლების“ ლიდერი, პოლიტიკური ბრძოლის ინსტრუმენტებზე საუბრისას. იგი მიიჩნევს, რომ პროტესტი უნდა გაფართოვდეს და ეს შესაძლებელია.

„ნებისმიერი რამ, რაც არ უნდა მივამატოთ ჩვენ ამ ბრძოლას, პროტესტი იქნება მაინც მისი საფუძველი.ეს არის ქვეყანა, სადაც უკვე დიქტატორული რეჟიმია: ჩვენ აღარ გვაქვს დემოკრატიის მინიმალური სტანდარტები, ამ ქვეყანაში აღარ არის არჩევნები, როგორც ძალაუფლების ცვლილების ლეგიტიმური გზა, პარტიებს აუქმებენ, პოლიტიკურ ლიდერებს ციხეში სვამენ, არჩევნებზე დაკვირვება აიკრძალა… მილიონი რამ შეიძლება ჩამოვთვალოთ მარტო ბოლო წლის განმავლობაში, რაც მოხდა. ერთადერთი ბრძოლის გზა, ასეთ პირობებში, არის ქუჩა, ადამიანები, რომლებიც გამოდიან ქუჩაში და არ ეშინიათ იმის, რომ დააფიქსირონ საკუთარი პროტესტი.

ეს პროტესტი უნდა გაფართოვდეს და ყველაფერი ამაზე უნდა დაშენდეს.

თუ ვინმე ფიქრობს, რომ შეიძლება სტრატეგია იყოს გაჩუმება – „მოდი, გამოვიზამთროთ ცოტა ხანი, შევიკეტოთ სახლებში და მერე გავაქტიურდეთ, როცა რეჟიმი გეოპოლიტიკური ცვლილების გამო შეიძლება დასუსტდეს“ – გამოდის, რომ არ გვესმის ამ რეჟიმის ბუნება. გაჩერება და სახლში შესვლა ნიშნავს, რომ ეს რეჟიმი უბრალოდ შეგჭამს.

თუ ვინმეს ჰგონია, რომ ეს რეჟიმი გაჩერდება და შეტევაზე აღარ იქნება – არა, ეს რეჟიმი ნებისმიერ შემთხვევაში შეტევაზე იქნება და თავისუფლების ნებისმიერ კერას გაანადგურებს. ამიტომაც, პოლიტიკური პროცესისთვის მნიშვნელოვანია, ადამიანები ისევ გააქტიურდნენ, ქუჩაში გამოვიდნენ“ – თქვა ზურაბ ჯაფარიძემ „ბათუმელებთან“ ინტერვიუში 22 იანვარს.

ნახეთ სრული ინტერვიუ: 

„თუ ეს 2 ფაქტორი დაიდო, ეს გზა მართლა მიდის გამარჯვებამდე“ – ინტერვიუ ზურაბ ჯაფარიძესთან

რას წერს კლუნების ფონდი მზია ამაღლობელის „აკვარიუმში“ გამოკეტვაზე – ნინო სახელაშვილის გადაწყვეტილება

„დაირღვა სასამართლო პროცესში ეფექტური მონაწილეობის უფლება, რაც გამოწვეული იყო მისი მინის კაბინაში „აკვარიუმში“ გამოკეტვით“, – ეს წერია „კლუნების ფონდის“ ანგარიშში მზია ამაღლობელის შესახებ, რომელიც სასამართლო პროცესებზე მინის კაბინაში ჰყავდა გამოკეტილი მოსამართლე ნინო სახელაშვილს. მზია ამაღლობელი მინის კაბინიდან ეკონტაქტებოდა ადვოკატებსაც შეზღუდულ პირობებში.

„კლუნების ფონდის“ ანგარიშში „მზია ამაღლობელის საქმე“ სამართლებრივად არის შეფასებული. აქ არაერთ დარღვევაზეა საუბარი, ერთ-ერთ პრობლემად კი, სწორედ ეს საკითხია მიჩნეული: მზიას მინის კაბინაში ყოფნა სასამართლო პროცესების დროს, როცა ის ადვოკატების გვერდით უნდა დამჯდარიყო.

„კლუნების ფონდის“ ანგარიშის ექსპერტია, სტრასბურგის ადამიანის უფლებათა დაცვის სასამართლოს ყოფილი პრეზიდენტი, სერ ნიკოლა ბრატცა. ვნახოთ, რა წერია მზია ამაღლობელის მინის კაბინაში გამოკეტვაზე საერთაშორისო და ავტორიტეტული იურისტების ჯგუფის მიერ მომზადებულ ანგარიშში და რა თქვა სასამართლო განხილვის დროს მოსამართლე ნინო სახელაშვილმა.

„ყველაზე ცნობილი მოწმე თავად მზია იყო, რომელიც მიუხედავად დაცვის მხარის მოთხოვნისა, იძულებული გახდა ჩვენება მიეცა შუშის გალიიდან – „აკვარიუმიდან“ და არა მოწმისთვის გამოყოფილი ადგილიდან…

მისი [მზია ამაღლობელის] წარმომადგენლობისა და სასამართლო პროცესში მონაწილეობის უფლება შეზღუდული იყო (პროცესების დროს) „აკვარიუმში“ იზოლაციით და ადვოკატთან დაკავებისთანავე წვდომაზე უარით [დაკავების დღეს, მზია ამაღლობელთან, მინიმუმ 3 საათი არ შეუშვეს ადვოკატები]. შედეგად, საფრთხის ქვეშ დადგა სასამართლო პროცესის სამართლიანობა….

სასამართლო პროცესის დროს აკვარიუმში ყოფნით მზიას ხელი ეშლებოდა ადვოკატებთან კომუნიკაციასა და საკუთარი დაცვის ეფექტურად განხორციელებაში. მთელი სასამართლო პროცესის განმავლობაში, მათ შორის ბრალდების მხარის მოწმეების ჩვენების დროს, მზიას და მის ადვოკატებს მხოლოდ „პატარა ღია ნაწილიდან“ შეეძლოთ კომუნიკაცია… ის [მზია ამაღლობელი] ადვოკატების უკან იდგა. ეს იმას ნიშნავს, რომ მას ხშირად არ შეეძლო ადვოკატების ყურადღების მიპყრობა და საკუთარი აზრის გადაცემა, ვიდრე ამისთვის ხელსაყრელი დრო არ დადგებოდა.

„აკვარიუმი“ ასევე ხელს უშლიდა მზიას ადვოკატთან კონფიდენციალურად კომუნიკაციას. ციხის ზედამხედველებისა და ბრალდების მხარის მოსმენის გამო… მას ხშირად უწევდა კითხვების ფურცელზე დაწერა და კაბინის ღია ნაწილიდან მიწოდება, რაც ნამდვილად ზღუდავდა მის კომუნიკაციის შესაძლებლობას,“ – აღნიშნულია ანგარიშში.

„კლუნების ფონდის“ მიერ მომზადებული ანგარიშის მიხედვით, მზია ამაღლობელის შუშის კაბინაში გამოკეტვით ასევე დაირღვა უდანაშაულობის პრეზუმფცია.

„მზიას უდანაშაულობის პრეზუმფციის უფლება დაირღვა მის მიმართ მოპყრობით მთელი სასამართლო პროცესის განმავლობაში. სასამართლომ მზია ციხის მცველებით გარშემორტყმულ შუშის გალიაში მოათავსა. ის „აკვარიუმში“ დარჩა საკუთარი ჩვენების მიცემის დროსაც კი. მზია არის პატივცემული ჟურნალისტი, რომელსაც აქვს სუსტი მხედველობა და არ აქვს ნასამართლობის ისტორია. უსაფრთხოების არანაირი მოსაზრებები არ ამართლებს მისი აკვარიუმში გამოკეტვის სტიგმატირების ეფექტს,“ – ვკითხულობთ ანგარიშში.

ანგარიშში ხაზგასმულია ევროსასამართლოს მიერ მიღებული ერთ-ერთი გადაწყვეტილებაც: „იაროსლავ ბელუსოვი რუსეთის წინააღმდეგ“. ამ შემთხვევაშიც ბრალდებული „რუტინულად“ იყო მინის კაბინაში გამოკეტილი სასამართლო განხილვების დროს. „ადამიანის უფლებათა ევროპულმა სასამართლომ აღნიშნა, რომ მინის ჩარჩომ „შეამცირა პირდაპირი ჩართულობა მოსმენაში“, „შეუძლებელი გახადა განმცხადებლისთვის კონფიდენციალური საუბარი თავის იურიდიულ ადვოკატთან“, – ვკითხულობთ ანგარიშში.

  • რა თქვა მოსამართლე ნინო სახელაშვილმა, როცა მან მზია ამაღლობელი უკანონოდ მინის კაბინაში გამოკეტა? 

მზია ამაღლობელმა სასამართლოს მოწმის სახით ჩვენება 2025 წლის 14 ივლისს მისცა. მოსამართლე ნინო სახელაშვილს ადვოკატებმა მიმართეს შუამდგომლობით მზია ამაღლობელსაც ესარგებლა მოწმის უფლებით და იმ ტრიბუნასთან მიეცა ჩვენება, სადაც სხვა მოწმეებმა. მოწმეები სასამართლოს ჩვენებას მოწმისთვის განკუთვნილი ადგილიდან – ტრიბუნიდან აძლევენ. თუმცა მოსამართლე სახელაშვილმა მზია ამაღლობელის კაბინიდან გაშვებაზე უარი თქვა.

ვიდრე 14 ივლისის სხდომაზე მზია ამაღლობელი სასამართლოს ჩვენებას მისცემდა და გაიხსენებდა, როგორ მოჰყვა საპოლიციო ჭყლეტაში 11 იანვრის საპროტესტო აქციაზე, შემდეგ კი, როგორ აღმოჩნდა ბათუმის პოლიციის მაშინდელი უფროსის, ირაკლი დგებუაძის მხრიდან ჩადენილი არაადამიანური მოპყრობის მსხვერპლი, მოსამართლეს ადვოკატმა კახაბერ წერეთელმა მიმართა:

„მოგეხსენებათ, სისხლის სამართლის საპროცესო კოდექსის 47-ე მუხლის თანახმად, სასამართლოში დაკითხვისას, ბრალდებული ისევე, როგორც სხვა პირები, სარგებლობს მოწმის სტატუსით. შესაბამისად, მას გააჩნია მოწმის უფლებები და მოვალეობები. მიგვაჩნია, რომ იმავე პირობებში უნდა მოხდეს ბრალდებულის დაკითხვა. ჩვენი თხოვნაა და მოთხოვნა, რომ მზია დაიკითხოს არა ამ შემოღობილი, დაცული ტერიტორიიდან, არამედ დაიკითხოს ჩვეულებრივად ტრიბუნასთან რამდენიმე მიზეზის გამო: პირველი, წმინდა ტექნიკური საკითხია: წარმოიდგინეთ, ეს დაკითხვა, ბუნებრივია, მალე არ მორჩება და ჩვენ როგორ უნდა ვეკონტაქტოთ მზიას? შევბრუნდეთ, ჩვენს ზურგს უკან, რაღაც შეკითხვა დავუსვათ, მერე აქეთ შემოვბრუნდეთ, ეს ძალიან უხერხული მომენტი იქნება.

აქ არის წმინდა მორალური მომენტიც, მათ შორის, ყველაზე მნიშვნელოვანია თუნდაც თქვენი დამოკიდებულება: როდესაც იკითხება პიროვნება მის თავს გადახდენილ მოვლენებთან დაკავშირებით,არ გვინდა სასამართლოს ჰქონდეს იმის განცდა, რომ ის იკითხება – გალია არ მინდა დავარქვა, შუშებით კი არის შემოსილი, მაგრამ ის იკითხება, როგორც დამნაშავე, რაღაც დაცული ტერიტორიიდან, საფრთხის მატარებელი პირი….

თქვენს დამოკიდებულებაზეც არ უნდა იმოქმედოს იმან, რომ მზია უკვე იმყოფება თავისუფლების შეზღუდვის ტერიტორიაზე,“ – უთხრა მოსამართლეს ადვოკატმა და აქვე გაიხსენა, წინა სხდომაზე იგივე მოსამართლისგან როგორ მიიღო უარი: ადვოკატები მანამდეც ითხოვდნენ, მზია ამაღლობელი მინის კაბინაში კი არ ყოფილიყო გამოკეტილი, არამედ ადვოკატების გვერდით მჯდარიყო.

„…თუნდაც აქ მყოფ დიპლომატებს და საზოგადოებას დავანახოთ სასამართლოს სამართლიანი სახე. ერთადერთი ვერ მივიღებთ არგუმენტს, რომ ეს არ არის სასამართლოს გადასაწყვეტი, ამ დარბაზში თქვენ ხართ ყველაფრის წარმმართველი, ყველა პროცედურის,“ – დასძინა ადვოკატმა კახაბერ წერეთელმა.

რა უპასუხა მოსამართლე სახელაშვილმა ადვოკატს?

„ნამდვილად ქალბატონი მზია მას შემდეგ, რაც თანხმობას გამოხატავს, რომ სასამართლოს წინაშე მისცეს ჩვენება და ისაუბროს სისხლის სამართლის საქმესთან დაკავშირებით მისთვის ცნობილ ფაქტებსა და გარემოებებზე, ამ ეტაპიდან იძენს მოწმის უფლებებს და მოვალეობებს. თქვენ აქვე ყურადღება გაამახვილეთ იმაზე, რომ თითქოს იმის გამო, რომ კანონით გათვალისწინებულ შესაბამის ადგილზე გამოყოფილ ადგილზე იმყოფება მზია, ამ ფორმით რაიმე განცდა ან შეხედულება უყალიბდება სასამართლოს. მოგეხსენებათ, რომ სწორედ და სწორედ ამ ფორმატში, ამ ფორმით ნებისმიერ სისხლის სამართლის საქმეზე, სადაც ბრალდებულს შეფარდებული აქვს აღკვეთი ღონისძიების სახით პატიმრობა, სწორედ ამ ფორმით ხდება განთავსება ბრალდებულის.

შესაბამისად, ამ ეტაპზე ტექნიკურ ხარვეზთან დაკავშირებით, რაზეც თქვენ ყურადღება გაამახვილეთ, ქალბატონ მზიას მიეწოდება შესაბამისი ხელსაწყო, რომლითაც უზრუნველყოფილი იქნება ის, რომ მისი ხმა აბსოლუტურად იყოს საზოგადოებისთვის ხელმისაწვდომი და გასაგონი. შესაბამისად, სასამართლოს მიაჩნია, რომ ეს შუამდგომლობა არის დაუსაბუთებელი. ტექნიკურად სასამართლოს მიაჩნია, რომ ქალბატონ მზიას არ შეექმნება არანაირი ფორმის ტექნიკური ხარვეზი, რომ მან ისარგებლოს კანონისმიერი უფლებით. შესაბამისად, ეს შუამდგომლობა არ უნდა დაკმაყოფილდეს,“ – განაცხადა მოსამართლე ნინო სახელაშვილმა.

„არ მინდოდა მეთქვა, მაგრამ ამავე დარბაზში განიხილა მოსამართლე ყაჩაღობის საქმე 4 პირის მონაწილეობით. ყაჩაღობაში ბრალდებული კაცები აქედან [ტრიბუნიდან] იძლეოდნენ ჩვენებას,“ – რეპლიკით მიმართ მოსამართლეს ადვოკატმა მაია მწარიაშვილმა.

„ამ საკითხზე უკვე მივიღე გადაწყვეტილება,“ – თქვა მოსამართლემ და მზია ამაღლობელის მანდატურებმა მიკროფონი მინის კაბინაში მიაწოდეს.

ნინო სახელაშვილი ამ ნაწილშიც რომ უსამართლოდ მოექცა მზია ამაღლობელს, დადასტურდა სააპელაციო სასამართლოში. 2025 წლის 11 ნოემბრის სხდომაზე, ქუთაისის სააპელაციო სასამართლოში მზია ამაღლობელს მოსამართლეებმა უფლება მისცეს, ადვოკატების გვერდით დამჯდარიყო.

ეს მომენტიც არ გამორჩენია „კლუნების ფონდს“: „სანამ მზიას შესავალი სიტყვის წარმოთქმის უფლებას მისცემდა, მოსამართლე მარგველაშვილი დათანხმდა, რომ მზია ამაღლობელი „აკვარიუმში“ დგომის ნაცვლად, ადვოკატების გვერდით დამჯდარიყო,“ – აღნიშნულია „კლუნების ფონდის“ ანგარიშში.

————

მზია ამაღლობელი გამოცემა „ბათუმელების“ და „ნეტგაზეთის“ დამფუძნებელი და თანადირექტორია. ის უკვე 1 წელზე მეტია რჩება უკანონო პატიმრობაში. 2025 წლის 16 დეკემბერს პატიმრობაში მყოფ ჟურნალისტსა და მედიამენეჯერს, მზია ამაღლობელს, სტრასბურგში, ევროპარლამენტში, ევროკავშირის ადამიანის უფლებათა უმაღლესი ჯილდო, სახაროვის პრემია გადასცეს.

მზია ამაღლობელის საჩივრის განხილვა უკვე დაიწყო სტრასბურგის სასამართლომ.

„ხარისხიანი განათლება მხოლოდ შეძლებული ფენის პრივილეგია გახდება“ – ფორუმი განათლების საკითხებზე

24 იანვარს, „მოძრაობა სოციალური დემოკრატიისათვის“ თბილისში ატარებს ფორუმს განათლების პოლიტიკის შესახებ, რომელიც 12:00 საათზე, „ქალაქის თეატრის“ შენობაში გაიმართება.

ფორუმზე მოწვეული არიან პედაგოგები, ახალგაზრდები, ლექტორები, მშობლები, სპეციალისტები და განათლების საკითხებით დაინტერესებული საზოგადოება.

ორგანიზატორთა ინფორმაციით, ფორუმის მონაწილეები მცირე ჯგუფებსა და პლენარულ ფორმატში იმსჯელებენ განათლების სისტემის გაუმჯობესებისათვის აუცილებელ ზომებსა და პრიორიტეტულ საკითხებზე.

„24 იანვარს მსოფლიოში განათლების საერთაშორისო დღე აღინიშნება, რომლის მიზანიცაა წარმოაჩინოს და ხაზი გაუსვას განათლების მნიშვნელობას განვითარების, თანასწორობისა და მშვიდობის მიღწევაში.

სამწუხაროდ, განათლების კუთხით საქართველოს სერიოზული გამოწვევები აქვს. ქართველი მოსწავლეები ერთი მხრივ, საგრძნობლად ჩამორჩებიან თავიანთ თანატოლებს საშუალო საგანმანათლებლო მიღწევებით, მეორე მხრივ, დიდია აკადემიურ მიღწევებში განსხვავება საცხოვრებელი ადგილის, სკოლის სტატუსის, ოჯახის შემოსავლისა და ეთნიკური კუთვნილების მიხედვით.

ეს ადასტურებს, რომ განათლების სისტემა ვერცერთ საფეხურზე ვერ უზრუნველყოფს ხარისხიან განათლებასა და განვითარებაზე თანაბარ ხელმისაწვდომობას“ – ნათქვამია განცხადებაში, რომელსაც „მოძრაობა სოციალური დემოკრატიისათვის“ ავრცელებს.

მათივე განცხადებით, „ქართული ოცნების“ მიერ დაანონსებული განათლების „რეფორმის“ შედეგად კი განათლების ახალი ინიციატივებით მდგომარეობა კიდევ უფრო გაუარესდება.

„როგორც უმაღლესი, ისე საბაზისო განათლება გახდება უფრო ელიტური, არ გაუმჯობესდება მისი ხარისხი, დაბალშემოსავლიან ოჯახში დაბადებულ მოსწავლეებს დამატებითი ბარიერები შეექმნებათ უმაღლესი განათლების მიღების გზაზე, ხარისხიანი განათლება მხოლოდ შეძლებული ფენის პრივილეგია გახდება.

უნივერსიტეტებს შეეზღუდებათ ავტონომია და სამეცნიერო-საგანმანათლებლო სფერო იზოლაციაში მოექცევა“ – ნათქვამია განცხადებაში.

ამავე დღეს, 19:00 სათზე, „ოცნების” დაინიცირებულ განათლების რეფორმასთან დაკავშირებით, საპროტესტო მსვლელობაც გაიმართება თბილისში.

დემონსტრანტები ფილარმონიის შენობიდან პარლამენტამდე მარშით მივლენ.

„საქართველოს სჭირდება განათლებული მოქალაქეები. ჩვენ უარს ვამბობთ: განათლების ხარისხის გაუარესებაზე. უნივერსიტეტებს არ უნდა აკონტროლებდეს პარტია. უნივერსიტეტების შენობების გაყიდვა – არ არის რეფორმა, ეს არის საფრთხე!“

ECHR Takes Up GYLA Case Over Alleged Mass Violations of Ballot Secrecy in 2024 Elections

The European Court of Human Rights in Strasbourg has begun a substantive review of the application filed by the Georgian Young Lawyers’ Association (GYLA) concerning the 2024 parliamentary elections, the organization announced.

“The court has emphasized that the case may be granted the status of a matter of significant impact. The case concerns widespread violations of the secrecy of the vote. GYLA will share the details of the case with the public tomorrow,” the association stated.

None of the opposition parties recognize the results of the parliamentary elections held on October 26, 2024, in which the ruling party, Georgian Dream, officially received 53.932% of the vote. All opposition parties have raised allegations of fraud.

Local civil society organizations that monitored the elections have also filed complaints regarding electoral violations. GYLA demanded that the results be annulled in all 2,263 precincts where technology was used in the voting process. GYLA argues that on election day, the principle of the secrecy of the vote was massively violated, infringing the constitutionally guaranteed electoral rights of citizens.

The only court to rule in GYLA’s favor was the Tetritskaro District Court. Judge Vladimir Khuchua confirmed a violation of voting secrecy through an experiment conducted during the trial. However, the Tbilisi Court of Appeals overturned this decision. In other cases, appellate courts upheld the decisions of first-instance courts. The courts also rejected election complaints filed by other observer organizations.

With this, the domestic legal process has concluded.

The case has now moved to the Strasbourg court.

The photo shows the court’s official communication containing information related to GYLA’s complaint, including the case title, case number, and the date the case was submitted.

„ამბასადორი აილენდის“ მიწის სამუშაოების 50% უკვე შესრულებულია

„ამბასადორი აილენდ ბათუმის” პროექტს განვითარების თვალსაზრისით წელს მნიშვნელოვანი შედეგები ჰქონდა, რადგან ხელოვნური კუნძულის პროექტი დაგეგმვის ეტაპიდან უკვე განხორციელების ფაზაში აქტიურად გადავიდა. წლის ბოლოს პროექტის 50%-ზე მეტი უკვე განხორციელებულია – ტერიტორიის 26 ჰა მიღებულია ექსპლუატაციაში, ხოლო საპროექტო არეალის 48 ჰა ზღვაში ფორმირებულია.

„ამბასადორის კუნძულის განვითარების პროცესში ისტორიული თარიღების მოწმენი ვართ – შავ ზღვაში ექსპლუატაციაში შევიყვანეთ 26 ჰა ტერიტორია, სადაც დაწყებულია ამბასადორის პირველი მრავალფუნქციური კომპლექსის მშენებლობა, რომელიც მოიცავს ღია და დახურულ საცურაო აუზებს, ფიტნეს ცენტრს, ბუტიკურ მაღაზიებს, ვერტოდრომს და სხვა მრავალ თანამედროვე ინფრასტრუქტურულ კომპონენტს, რომელიც კომფორტული ცხოვრებისა და დასვენებისთვის არის შექმნილი. ამ დროისათვის კომპანიას შავ ზღვაში გაშენებული აქვს 48 ჰა ტერიტორია, რომელიც იანვარში უკვე ექსპლუატაციაში გვექნება მიღებული. მომავალ წელს ტერიტორიაზე სავაჭრო ცენტრის მშენებლობაც დაიწყება,”- აცხადებს „ამბასადორი აილენდ ბათუმის“ გენერალური დირექტორი, გოჩა კამკია.

„ამბასადორი აილენდ ბათუმის“ პროექტი, მისი განხორციელების შემდეგ, ქვეყნის ბიუჯეტში წლიურად 65 მლნ დოლარის გადასახადების აკუმულირებას მოახდენს. ღია, საჯარო მონაცემებზე დაყრდნობით ეს ზუსტად ის ეკონომიკური მაჩვენებელია, რომლის აკუმულირებასაც ბაქო–თბილისი–ჯეიჰანის გლობალური ეკონომიკური პროექტი ახდენს.

პოლიციის უფროსი, რომელმაც 3 პირს სხვების დახმარებით სცემა, სასამართლომ გირაოთი გაათავისუფლა

ჯგუფურ ძალადობაში ბრალდებული პოლიციის მაღალჩინოსანი, რომელმაც ბრალდების თანახმად დაცვის პოლიციელებს ჯგუფურად სცემა, ქუთაისის საქალაქო სასამართლოს მოსამართლემ 4-ათას ლარიანი გირაოთი გაათავისუფლა.

გირაოთი გაათავისუფლეს იგივე საქმეზე ბრალდებული თავდაცვის სამინისტროს თანამშრომელი და ორი სხვა პირიც.

ოთხივე პირის მიმართ, რომლებმაც რესტორანში, საზოგადოებრივი თავშეყრის ადგილას, დაცვის პოლიციელებს სცემეს, აღკვეთი ღონისძიების სახით გირაო პროკურატურამ მოითხოვა.

„ინფო იმერეთის“ მიერ გავრცელებული ინფორმაციით, ჯგუფურ ძალადობაში ბრალდებული ერთ-ერთი პოლიციელი, მიხეილ გიგაურია, ქუთაისის პოლიციის მე-6 განყოფილების უფროსი.

„ბათუმელების“ ინფორმაციით, კონფლიქტში მონაწილე არცერთი პირი, სასამართლო პროცესამდე დაკავებული არ ყოფილა. ჩვენი ინფორმაციით, საქმე ქუთაისის საქალაქო სასამართლოს მოსამართლე ქეთევან თხელიძემ განიხილა.

ქუთაისის საქალაქო სასამართლოს ინფორმაციის დასაზუსტებლად მივმართეთ, თუმცა სასამართლომ წერილობითი მიმართვის გაგზავნა მოგვთხოვა, საჯარო ინფორმაციის გასაგებად – რომელმა მოსამართლემ განიხილა საქმე და რა გადაწყვეტილება გამოიტანა.

  • რა მოხდა

19 იანვარს, მოწამეთაში (ტყიბულის მუნიციპალიტეტი) მდებარე რესტორან „იბერიაში“ შს სამინისტროს თანამშრომლებს შორის ჩხუბი მოხდა.

პროკურატურის ბრალის თანახმად, შინაგან საქმეთა სამინისტროს თანამშრომელმა მიხეილ გიგაურმა, თავდაცვის სამინისტროს ქვეითი ბრიგადის სერჟანტთან და ორ სხვა თანმხლებთან ერთად ჯგუფურად იძალადა შს სამინისტროს დაცვის პოლიციის დეპარტამენტის ორ თანამშრომელზე და მათ თანმხლებ პირზე.

როგორც რესტორან „იბერიაში“ კონფლიქტის შემსწრე ერთ-ერთი პირი ტელეკომპანია „პირველს“ მოუყვა, კონფლიქტი რესტორანში რუსული სიმღერის გამო დაიწყო.

თვითმხილველის თქმით, დაცვის პოლიციის თანამშრომლებმა რესტორნის მუსიკოსებს შუფუტინსკის სიმღერა „უტკი“ შეუკვეთეს. მეზობელ მაგიდაზე მსხდომ შსს-ს მაღალჩინოსან პოლიციელს კი სხვა სიმღერის შეკვეთა სურდა.

„გამოძიებით დადგინდა, რომ 19 იანვარს, ტყიბულის მუნიციპალიტეტში მდებარე ერთ-ერთ რესტორანში, საქართველოს შინაგან საქმეთა სამინისტროს და თავდაცვის სამინისტროს თანამშრომლებმა მათ თანმხლებ ორ პირთან ერთად, განახორციელეს ჯგუფური ძალადობა და ურთიერთშელაპარაკებისას, სიტყვიერი და ფიზიკური შეურაცხყოფა მიაყენეს ამავე რესტორანში მყოფ შინაგან საქმეთა სამინისტროს დაცვის პოლიციის დეპარტამენტის ორ თანამშრომელს და მათ თანმხლებ პირს.

ძალადობაში მონაწილე ოთხივე პირს ბრალდება, საქართველოს სისხლის სამართლის კოდექსის 126-ე მუხლის პირველი პრიმა ნაწილის „ბ“ და „გ“ ქვეპუნქტებით წარედგინათ, რაც სასჯელის სახედ და ზომად 2 წლამდე თავისუფლების აღკვეთას ითვალისწინებს,“ – ნათქვამია პროკურატურის მიერ გავრცელებულ ინფორმაციაში.

  • რას მოიმოქმედებს შსს

საქმეში მონაწილე პირების ნაწილი – დაზარალებულები და ერთი ბრალდებულიც, შინაგან საქმეთა სამინისტროს თანამშრომლები არიან.

ჯგუფური ძალადობის მუხლით გირაოთი გამოშვებული მიხეილ გიგაური ქუთაისში მუშაობს. ის შსს-ს ქუთაისის საქალაქო სამმართველოს მეექვსე განყოფილების უფროსია.

შეუჩერდა თუ არა ძალადობაში ბრალდებულ პოლიციის უფროსს უფლებამოსილება – ამ კითხვით „ბათუმელებმა“ შინაგან სამინისტროს საზოგადოებასთან ურთიერთობის სამსახურს მიმართა.

შინაგან საქმეთა სამინისტრომ გვითხრა, რომ “ჩხუბში მონაწილე პოლიციის უფროსი დათხოვნილია სამსახურიდან”.

__

შეგახსენებთ, ირაკლი დგებუაძისთვის სილის გაწვნის გამო მზია ამაღლობელს 4-დან 7-წლამდე დაპატიმრებას უპირებდა პროკურატურა. ის მოსამართლე ნინო სახელაშვილმა წინასწარი პატიმრობის ეტაპზეც ციხეში გაუშვა, ხოლო საქმის განხილვის დასრულების შემდეგ 2 წლით პატიმრობა მიუსაჯა.

მზია ამაღლობელი უკვე ერთ წელზე მეტია უკანონო ტყვეობაშია.

ბათუმი-სარფის გზის ტენდერში წინადადებების მიღების ვადა ისევ გადაწიეს

ბათუმი [ჭოროხი] – სარფის ახალი ავტომაგისტრალის მშენებლობაზე გამოცხადებულ ტენდერში წინადადებების წარდგენის ბოლო ვადა კიდევ ერთხელ გადაწიეს. ამჯერად, 2026 წლის 10 თებერვლამდე.

„ქართული ოცნების“ 2016 წლის საარჩევნო დაპირებით ბათუმი[ჭოროხი]-სარფის[თურქეთის საზღვარი] გზა კარგა ხნის აშენებული უნდა იყოს.

სატენდერო მოწვევის დოკუმენტის მიხედვით, ამ გზის მშენებლობისთვის დაახლოებით 4 წელია გათვლილი.

ბათუმი–სარფის გზის პროექტი ითვალისწინებს 11.3 კმ-იანი ორზოლიანი გზის, 7.6 კმ სიგრძის გვირაბის და 3 ხიდის, აქედან 1.47 კმ სიგრძის ვიადუკისა და 500 მ სიგრძის ზღვის ნაპირის გასამაგრებელი ნაგებობის მშენებლობას.

_________________________________

ფოტოზე: ბათუმი-სარფის ავტომაგისტრალის რენდერი. კადრი გზების დეპარტამენტის ვიდეორგოლიდან.

ამ თემაზე:

მკვლელი შემოვლითი გზა – რას შეცვლის ხელისუფლება 15 წლის ლიკას დაღუპვის შემდეგ

უძრავი ქონების ფასების წლიური ინდექსი 3.3 პროცენტით გაიზარდა – საქსტატი

საქართველოს სტატისტიკის ეროვნული სამსახურის ცნობით, 2025 წლის მეოთხე კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 1.5 პროცენტით გაიზარდა, ხოლო ინდექსის წლიურმა ზრდამ 3.3 პროცენტი შეადგინა.

2020 წლის საშუალოსთან შედარებით ინდექსი 59.4 პროცენტით არის გაზრდილი – წერს საქსტატი.

საქსტატი განმარტავს, რომ RPPI-ის დაფარვა შემოიფარგლება ქალაქ თბილისით და მოიცავს მხოლოდ ახალი საცხოვრებელი უძრავი ქონების ბაზარს, როგორც მრავალსართულიანი სახლების (ბინების), ისე კერძო სახლების სეგმენტებს.

2025 წლის მეოთხე კვარტალში, წინა კვარტალთან შედარებით, ფასების ზრდა დაფიქსირდა, როგორც საცხოვრებელი ბინების სეგმენტში (1.3 პროცენტი), ისე კერძო სახლების სეგმენტში (2.1 პროცენტი).

საქსტატის ინფორმაციით, 2024 წლის მეოთხე კვარტალთან შედარებით ფასების ზრდა დაფიქსირდა ორივე სეგმენტში – ბინებზე 3.5 პროცენტით, ხოლო კერძო სახლებზე – 2.5 პროცენტით.

საქსტატი აქვეყნებს 1მ2-ის მედიანური [გასაყიდი, შეთავაზებული ფასი] ღირებულების სტატისტიკასაც თბილისის უბნების მიხედვით. ამ მონაცემების თანახმად, უძრავი ქონება, ბინების სეგმენტში, ყველაზე ძვირი მთაწმინდის უბანშია – 6 738 ლარი ერთი კვადრატული მეტრისთვის.

მეორე ადგილზეა ვაკე – 5 874 ლარი ერთი კვადრატული მეტრისთვის, მესამეზე კი ჩუღურეთის რაიონი – 4 313 ლარი 1 კვადრატული მეტრისთვის.

წყარო: საქსტატი

 

Exit mobile version