კვირის ამბები Archives - Page 12 of 38

ბათუმში თერმოინდუსტრიას შოურუმი გაიხსნა

ბათუმში, ჯავახიშვილის ქუჩა # 32/34- ში „თერმოინდუსტრიას” პირველი შოურუმი ოფიციალური პრეზენტაციით გაიხსნა. გაყიდვების ოფისში ფართოდაა წარმოდგენილი უახლესი ევროპული წარმოების გათბობის, წყალმომარაგებისა და კონდიცირების სისტემები. ძირითადად ისეთი ქვეყნებიდან, როგორებიცაა: იტალია და გერმანია. აქ შეგიძლიათ შეიძინოთ: იტალთერმის, ეი-ჯი-ას, ვისმანის, კარლო პოლეტის, რადიატორი 2000-ის, ფორმულის და სხვა წამყვანი ევროპული ბრენდების პროდუქცია.

„თერმოინდუსტრიას“ მაღალკვალიფიციური ოსტატები და კონსულტანტები ნებისმიერ მსურველს ყველაზე მრავალფეროვან არჩევანს, კვალიფიციურ კონსულტაციას, სისტემის უფასო პროექტირებას და გარანტირებულ ხარისხს პირდებიან.

მუსლიმთა დავა ბათუმის სასამართლოში – ღორის თავი მედრესესთვის განკუთვნილ შენობაზე(ვიდეო)

„ქართველ მუსლიმთა ერთობა“ , მუსლიმი მოსწავლეებისთვის განკუთვნილი პანსიონატის თანამშრომლები და მშობლები დისკრიმინაციული ქმედების აღმოფხვრასა და მორალური ზიანის ანაზღაურებას ითხოვენ.
მოპასუხე მხარე შინაგან საქმეთა სამინისტრო და ქობულეთში მცხოვრები სამი ფიზიკური პირია. ქართველი მუსლიმანები შს სამინისტროს დისკრიმინაციის შემწყნარებლობაში ადანაშაულებენ. მუსლიმები სახელმწიფოს საკუთრების, განათლების უფლების დაცვის მიზნით საკუთარი ვალდებულებების შესრულებას სთხოვენ. საქმე ეხება ქობულეთში მუსლიმი მოსწავლეებისთვის განკუთვნილ პანსიონზე ღორის თავის მიჭედებისა და პანსიონატის გახსნისთვის ხელშეშლის ფაქტებს,რომელიც უკვე წელიწადზე მეტ ხანს გრძელდება. საქმეს ბათუმის საქალაქო სასამართლო განიხილავს.

ოპერაციები გახდომის მიზნით – ბარიატრიული ქირურგია

ჯანდაცვის მსოფლიო ორგანიზაციის მონაცემებით, მსოფლიოში ორ მილიარდამდე ადამიანს ჭარბი წონა აქვს, მათგან 600 მილიონზე მეტს სიმსუქნე აწუხებს. მიიჩნევა, რომ საქართველოში ჭარბი წონის მქონე 100 000 ადამიანი ცხოვრობს, რომელთაც წონის დასაკლებად ქირურგიული ჩარევა ესაჭიროება. კლინიკა „ავერსის“ ქირურგი კახა ხაჭაპურიძე ამბობს, რომ ასეთი ოპერაციები სულ უფრო ხშირია მსოფლიო მასშტაბით, საქართველოში კი მათი რაოდენობა ყოველწლიურად რამდენიმე ათეულს აღწევს. „იმის გათვალისწინებით, რომ ახლა ამ ოპერაციებს საყოველთაო ჯანდაცვაც აფინანსებს, იგი უფრო ხელმისაწვდომი გახდა ბევრი პაციენტისთვის. ბოლო წლებში ასეთი 70 ოპერაცია მაინც კეთდება წელიწადში“, – ამბობს კახაბერ ხაჭაპურიძე. ქირურგის თქმით, ბოლო დროს საგრძნობლად გაახალგაზრდავდა ასეთი პაციენტების ასაკიც და საქართველოში ეს ზღვარი 18 წლიდან იწყება.

ხელისუფლების მნიშვნელოვან გადაწყვეტილებას ბათუმში ვერ იხსენებენ

გასული კვირის ბოლოს აჭარის მთავრობის ვებგვერდზე რამდენიმე ახალი ამბავი გამოაქვეყნეს. გამოქვეყნებული ამბებით ვიგებთ, რომ გასულ კვირას რეგიონს ჩინეთის დელეგაცია ეწვია; სტამბოლში საინვესტიციო ფორუმში აჭარის ფინანსთა მინისტრმა მიიღო მონაწილეობა; ბათუმი კიდევ ერთ ქალაქს დაუმეგობრდა და ასე შემდეგ… ამ ყველაფერს მედიაც აშუქებს. მიუხედავად ამისა, ბათუმში ბოლო ექვსი თვის განმავლობაში აჭარის მთავრობის მიერ მიღებული მნიშვნელოვანი გადაწყვეტილება “არ ახსენდებათ” ან “სასარგებლო არაფერი ახსენდებათ”.

ახალი ბულვარი – სასტუმროებისა და კაზინოების უბანი მომავალში

სკოლას, საბავშვო ბაღს, საცხოვრებელ სახლებსა და სხვა ტიპის საზოგადოებრივი ობიექტების მშენებლობასაც არ გამორიცხავენ, თუმცა დღეს მიმდინარე და დაგეგმილი პროექტების მიხედვით, ბათუმის ახალი ბულვარის გასწვრივ ტერიტორია, კერძოდ კაჩინსკების ქუჩა, სასტუმროებისა და კაზინოების უბანი იქნება მომავალში. წინასწარი ინფორმაციით, ბათუმს ამ უბანში მეორე იახტკლუბიც ექნება. ამ დროისთვის კაჩინსკების ქუჩაზე მიმდინარე ინვესტიციის რაოდენობა 180 მილიონს უდრის. მომავალში ამ უბნიდან აჭარის მთავრობა აუქციონზე კიდევ სამი ჰექტარის გატანას გეგმავს.

მკვლელობაში ბრალდებული ნაფიც მსაჯულებს ითხოვს

37 წლის მამაკაცი, რომელიც მკვლელობის ბრალდებით არის დაკავებული, სასამართლო პროცესზე დუმილის უფლებით სარგებლობს. ბრალდებულის უფლებებს ადვოკატი ირაკლი ბარძიმაძე იცავს, რომელმაც წინასასამართლო სხდომაზე მოსამართლეს უთხრა, რომ მას არ განუხილავს კოდექსით გათვალისწინებული ის უფლება, რომლითაც ბრალდებულს უფლება აქვს, ნაფიც მსაჯულთა სასამართლოთი ისარგებლოს.

ბიზნესიდეა და შანსი – 870 მოქალაქე დაფინანსების მოლოდინში

წელს პირველად სახელმწიფო მეწარმე-სუბიექტების მხარდაჭერის, ახალი საწარმოების შექმნის ან არსებულის გაფართოებისა და განახლების მიზნით ახორციელებს მიზნობრივ პროგრამას „აწარმოე საქართველოში“. დაფინანსების მოსაპოვებლად აჭარის მასშტაბით სააგენტოში 491 განაცხადი შევიდა.

კერძო ვილაზე ესაჭიროებათ დაცვის თანამშრომელი

ქობულეთში, კერძო ვილაზე გვესაჭიროება დაცვის თანამშრომელი.

ბათუმი აქ და ახლა

ბათუმში ჩემი ცხოვრების პირველი თვრამეტი წელი გავატარე და ერთი წუთითაც არ მომბეზრებია აქ ყოფნა, იმიტომ, რომ მიყვარს, მიყვარს ისეთი, როგორიც არის, როგორიც მე აღმოვაჩინე. ჩემი ყოველი გასვლა სახლიდან იყო ახალი აივნის, ახალი კუთხის მაღაზიის, ახალი ყავახანის პოვნა და კადრებად დამახსოვრება.

დეპუტატი: ჩვენი მიზანი არ არის ჩიხში შევიდეს უმაღლესი საბჭო

21 წევრიან უმაღლეს საბჭოში “ნაციონალურ მოძრაობას” ყველაზე მრავალრიცხოვანი 8 კაციანი ფრაქცია აქვს. უმაღლეს საბჭოში განვითარებული მოვლენები კი საზოგადოების განსჯის საგანი და კრიტიკის საფუძველი არაერთხელ გახდა. რა პასუხისმგებლობა აქვს ოპოზიციურ ფრაქციას და იღებენ თუ არა საკუთარ თავზე კრიტიკას ოპოზიციონერი დეპუტატები, როცა მოსახლეობა უმაღლესი საბჭოს მუშაობის მიმართ უკმაყოფილებას გამოთქვამს. ამ თემებზე “ბათუმელების” კითხვებს უმაღლესი საბჭოს წევრმა “ნაციონალური მოძრაობიდან” ეკატერინე თარგამაძემ უპასუხა.

ბათუმის უნივერსიტეტის გაცვლითი პროგრამები

ბათუმის რუსთაველის სახელობის სახელმწიფო უნივერსიტეტში წელს სამი ძირითადი საგრანტო პროგრამა იმუშავებს. ესენია – Tempus-ი, Erasmus + და სტუდენტთა გაცვლითი პროგრამა Mevlana, რომელიც 2013 წლიდან ამოქმედდა. მიმდინარე წელს უნივერსიტეტში ახალი, ჟან მონეს პროგრამაც ამოქმედდება, რომელიც უცხოელი და ქართველი სტუდენტებისთვის ევროპული სამართლის საზაფხულო სკოლას მოიცავს. საზაფხულო სკოლის ფარგლებში ლექციები ბათუმის უნივერსიტეტში ჩატარდება.

საქართველოში ას წელს გადაცილებული 803 ადამიანი ცხოვრობს [ინფოგრაფიკა]

2015 წლის 7 ოქტომბრის მონაცემებით, საქართველოში 100 წელს გადაცილებული 803 ადამიანი ცხოვრობს, მათგან 678 ქალია – ეს მონაცემები “ბათუმელებმა” საქართველოს საჯარო რეესტრიდან გამოითხოვა.

ბათუმში სტუმრობის ხუთი მიზეზი

ყოველ ქალაქს ერთი ან რამდენიმე მიზეზი აქვს იმისათვის, რომ მისი მონახულების სურვილი გაგიჩნდეს. ყველა ეძებს რაღაც საინტერესოს, რის გამოც ღირს მოგზაურობის დაწყება. სამოგზაუროდ რომელიმე ქალაქზე არჩევანის შეჩერება ფუნთუშაში ქიშმიშის ძიების პროცესს ჰგავს. რაც უფრო მეტი ქიშმიშია ფუნთუშაში, მით უფრო გემრიელია ის.

თბილისელი ოსტატის ნახელავი და ხელოვნების ნიმუშთა მუზეუმი ანკარაში

თურქეთის დედაქალაქ ანკარაში არაერთი საინტერესო მუზეუმია, მათ შორისაა საქველმოქმედო ფონდების ხელოვნების ნიმუშთა მუზეუმი.

უშვილობის მკურნალობა თანამედროვე ინ ვიტრო კლინიკაში

ბათუმის “აივიეფცენტრი”:

პირველი კონსულტაცია ჩვენთან უფასოა!

ბათუმის “აივიეფცენტრი” 2011 წლიდან ფუნქციონირებს, იგი დასავლეთ საქართველოში პირველი ინ ვიტრო კლინიკაა, რომელიც თურქული ინვესტიციითაა გახსნილი. კლინიკის ძირითადი მიმართულება ექსტრაკორპორალური განაყოფიერებაა თანამედროვე ტექნოლოგიების გამოყენებით.

მიიღეთ 1000 ლარი 15 წუთში!

1000 ლარამდე თანხის მიღება მარტივია, ამისთვის მხოლოდ 15 წუთი და ინტერნეტში ჩართული მოწყობილობა დაგჭირდებათ! უბრალოდ ეწვიეთ ვებ-გვერდს: www.MoneyMan.ge და ზედმეტი ძალისხმევის გარეშე, სახლიდან გაუსვლელად მიიღეთ სასურველი თანხა.

სწრაფი ონლაინ სესხების კომპანია, მანიმენი უკვე ათასობით ადამიანს დაეხმარა ფინანსური პრობლემების დროულად მოგვარებაში და სურვილების ასრულებაში!

პრობლემები ქართულ მედიაში

რა გამოწვევისა და პრობლემების წინაშე დგას მედია დღეს? – “თავისუფალ ჟურნალისტთა სახლის” ორგანიზებითა და NED-ის მხარდაჭერით ამ თემაზე დისკუსია ბათუმში, ხელოვნების უნივერსიტეტში გაიმართა.

სად და როგორ მუშაობენ სტუდენტები

ევროპისა და ამერიკის მსგავსად, სტუდენტების დასაქმების პრაქტიკა ნელ-ნელა საქართველოშიც მკვიდრდება და დღეს სულ უფრო მეტი სტუდენტი ცდილობს თავისი შრომით დააფინანსოს საკუთარი განათლება თუ სხვა ხარჯები. მაგალითად, ბათუმის უნივერსიტეტის მესამე კურსის სტუდენტი ნიკა ჯორბენაძე ამბობს, რომ სამსახურის იმ განყოფილებაში, სადაც ის მუშაობს, 18 დასაქმებულიდან 9 სტუდენტია.

Old Town – აღმოაჩინე ღია და დახურული კაფეები ტერასაზე

ძველ ბათუმში, გორგასლის ქუჩის #1-ში ბათუმური არქიტექტურით ნაგებ, ლამაზ შენობას შენიშნავთ. ეს სასტუმრო „ძველი ქალაქია“ – Old Town, მაღალი კლასის მომსახურებით, მყუდრო ნომრებითა და ღია და დახურული ტერასებით, რომლებიც ძველ ბათუმს გადაჰყურებს. აქ შეგიძლიათ დაისვენოთ, მიირთვათ უგემრიელესი კერძები, დააგემოვნოთ კოქტეილები და ბათუმის ხედებით დატკბეთ.

ეკოტურიზმი სამცხე-ჯავახეთში

სამცხე-ჯავახეთი ცნობილია ისეთი მნიშვნელოვანი ისტორიული ძეგლებით, როგორიცაა: ვარძია, ხერთვისი, ზარზმა, საფარა, რაბათი და სხვა, თუმცა ეს რეგიონი, გარდა ზემოთ ჩამოთვლილი ძეგლებისა და ცნობილი კურორტებისა, სულ უფრო და უფრო მეტ ეკოტურიზმის მოყვარულს იზიდავს. მიუხედავად ინფრასტრუქტურული პრობლემებისა, ტურისტებს ჯავახეთის ულამაზესი პეიზაჟი მოსწონთ.

პაციენტის თავმდგომი სკამზე

ბათუმის რეფერალურ საავადმყოფოში მაია დ. ერთი კვირის მანძილზე ნაოპერაციევი დედის პალატაში ცხოვრობდა – „თუკი პალატაში ადგილი თავისუფლდებოდა და წამოწოლის საშუალება იყო, ხომ კარგი, მაგრამ ასეთი სულ ორი ღამე იყო. დანარჩენი ღამეები სკამზე ვიჯექი, ისევე როგორც სხვა პაციენტის ახლობლები. პალატის ექთანი ყურადღებიანი იყო, მაგრამ ოპერაციის შემდეგ პაციენტი ყველაზე კარგად თავს მაინც ახლობელთან გრძნობს, ამიტომაც ვრჩებოდი. კარგი იქნება თავმდგომისთვის ცოტა პირობები იყოს შექმნილი – ძნელია საავადმყოფოში სკამზე ღამისთევა, მაგრამ, როცა შენი ახლობელი მძიმედაა, ამაზე ნაკლებად ფიქრობ, არც პრეტენზია ჰქონია არავის, ვერც იტყვი ამაზე ვერაფერს, გეტყვიან, თუ არ გინდა, წადი სახლშიო~”

ბობოყვათის რეზიდენცია საპატრიარქოს და დაცვის გარეშე დარჩენილი არქეოლოგიური ძეგლები

საქართველოს მთავრობამ ბობოყვათში ყოფილი სამთავრობო რეზიდენცია საპატრიარქოს კრწანისის ტყე-პარკში გადაუცვალა. ეს ტყე-პარკი კი ეკლესიას თავის დროზე მთავრობისგან 1 ლარად ჰქონდა მიღებული. ქობულეთში, ბობოყვათის ზღვისპირა ტერიტორია, გარდა იმისა, რომ პოტენციური ინვესტორებისთვის მიმზიდველი უნდა ყოფილიყო, იმავდროულად არქეოლოგიური ობიექტიცაა და სპეციალისტები მისთვის შესაბამისი სტატუსის მინიჭებას ითხოვენ.

”აუცილებელია ამ ტერიტორიის გახსნა ტურისტებისთვის”

ბობოყვათის ყოფილი სამთავრობო რეზიდენცია საქართველოს მთავრობამ საკუთრებაში საქართველოს საპატრიარქოს გადასცა. ტერიტორია, რომელიც ზღვის პირას, პეტრას ციხესთან ახლოს მდებარეობს, წარმოადგენს არქეოლოგიურ ობიექტს. თუ რა ღირებულება გააჩნია აქ არსებულ არქეოლოგიურ მემკვიდრეობას და რა უნდა გაკეთდეს მის დასაცავად, „ბათუმელები“ პეტრა-ციხისძირის არქოლოგიური ექსპედიციის ხელმძღვანელს (1983-1989, 2001 წლები) ნინო ინაიშვილს დაუკავშირდა.

მითები და რეალობა ორსულობაზე

ორსულობის პერიოდთან დაკავშირებით უამრავი შეხედულება და ცრურწმენა არსებობს. ამ საკითხზე “ბათუმელების” შეკითხვებს მედიცინის დოქტორმა, მეან-გინეკოლოგმა და რეპროდუქტოლოგმა სოფო ხარძეიშვილმა უპასუხა.

დაგეგმე საუკეთესო ქორწილი ჩვენთან

დღე, რომელსაც განსაკუთრებულად ელოდები… მაშინ ეს დღე ჩვენ მოგვანდე!

სასტუმრო “ჯორჯია პალასი და სპა” გთავაზობთ საქორწინო პაკეტს, რომელიც გულისხმობს ერთდროულად განთავსებას, სპამომსახურებას და ქართულ ტრადიციულ სუფრას მინიმუმ 50 კაცზე, სულ რაღაც 99 ლარად…

მკვლელობების ორკვირეული ბათუმში

2 სექტემბრიდან 17 სექტემბრამდე, 15 დღის განმავლობაში, ბათუმში ოთხი ადამიანი მოკლეს და რამდენიმეს მოკვლა სცადეს. ბოლო წლების განმავლობაში ბათუმში მსგავსი სტატისტიკა არ დაფიქსირებულა. როგორც „ბათუმელებმა“ გაარკვია, ყველა დანაშაულს ერთი საყურადღებო რამ აქვს საერთო – მკვლელობაში ბრალდებული ყველა პირი წარსულში ნასამართლევია. ვინ და როგორ უნდა იზრუნოს დანაშაულის პრევენციაზე, რა უნდა გააკეთოს სახელმწიფომ ყოფილი პატიმრების რეაბილიტაციისთვის?

როგორ უნდა დაიცვას შრომითი უფლებები დასაქმებულმა

ბათუმში სასტუმრო „ინტურისტ პალასმა“ 50-ზე მეტი თანამშრომელი დაითხოვა. გადაწყვეტილება სასტუმროში რეორგანიზაციის პროცესის დაწყებით ახსნეს. ასევე განმარტეს, რომ მხოლოდ გამოსაცდელი ვადით აყვანილი თანამშრომლები დაითხოვეს და უფლებების დარღვევას ადგილი არ ჰქონია, თავად დათხოვნილები კი არ საუბრობენ. როგორ უნდა დაიცვას პირმა საკუთარი უფლებები დამსაქმებელთან ურთიერთობისას? – ამ თემაზე „ბათუმელებს“ აჭარის პროფკავშირების გაერთიანების თავმჯდომარე ილია ვერძაძე ესაუბრა.

აჟიოტაჟი არარსებული სახელმძღვანელოს გამო

ადამიანის უფლებები, საკუთარი უფლებებისა და მოვალეობების გაცნობიერება, პასუხისმგებლობა გარემოსა და კულტურული მემკვიდრეობის მიმართ, კონფლიქტების არაძალადობრივი გზით გადაჭრა, განსხვავებულობის მიღება და შემწყნარებლობა – ეს ის ღირებულებებია, რაზეც უნდა აიგოს ახალი სასკოლო საგანი „მე და საზოგადოება“. ახალი საგნის სწავლება 2015 წელს არ იგეგმება, რადგან, როგორც სამინისტროში თქვეს, სახელმძღვანელო ჯერ შედგენილი არ არის, მხოლოდ სამუშაო გეგმა არსებობს. ვინ შექმნა აჟიოტაჟი არარსებული სახელმძღვანელოს გამო და რატომ აშინებთ სასულიერო პირებს ტერმინი – „გენდერული იდენტობა“?

შეახსენე მერიას არჩევნების თარიღი, რათა უზრუნველყოს საარჩევნო გარემოს ადაპტირება

წლების განმავლობაში არაადაპტირებული საარჩევნო გარემო არჩევნების დღეს შშმ პირებისთვის ძირითად პრობლემას წარმოადგენს, 2016 წლის არჩევნებისთვის ხელისუფლება იღებს ვალდებულებას, რომ მოახდენს საარჩევნო გარემოს სრულად ადაპტირებას. თუმცა ამ დაპირებას შშმ პირები სკეპტიკურად უყურებენ.

“მე კარგად ვიქნები” – ჯგუფური თერაპიის მნიშვნელობა მძიმე დიაგნოზის დროს

„…მეორედ დამჭირდა ქიმიოთერაპია. ვფიქრობდი, არ გავიკეთებ, ვინაიდან კიდევ ერთხელ ვეღარ გავუძლებ იმ საშინელ დისკომფორტს და თმისცვენას, რაც დამახასიათებელია ქიმიოთერაპიისთვის, მაგრამ ქალთა კლუბის მხარში დგომითა და დაჟინებული თხოვნით, დავიწყე მკურნალობა. მათი თანადგომისა და მათთან ურთიერთობის გარეშე ძალიან გამიჭირდებოდა,” – ე. ქოროგლიშვილი.

“ახლა ეს ჩემი მეორე ოჯახია. გავიცანი ბევრი მეგობარი. ეს სტიმულია ჩვენი ცხოვრების. ვიღაც ფიქრობს, ვიღაც ზრუნავს შენზე – რა გვჭირდება, რა გვიჭირს… როცა ამ ხალხთან ვარ, მავიწყდება ავადმყოფობა და ბედნიერი ვარ”, – ქ. ბაზალელი.

„თავს ვეღარ ვცნობ. გავხდი ძალიან თავდაჯერებული, უფრო ძლიერი და უფრო თამამი. ვგრძნობ, რომ უფრო ვიმტკიცებ ჩემს ადგილს საზოგადოებაში…” – მ. ყანადაშვილი.

„ეს იყო შოკი, მაგრამ გადავწყვიტე, რომ შინაგანად გავძლიერებულიყავი. მე ხომ არ ვარ პირველი, მე კარგად ვიქნები, არაფერი მომერევა, რადგან ჯერ ოჯახს ვჭირდები. ასეც მოხდა. მას შემდეგ გავიდა 11 წელი. თავს კარგად ვგრძნობ. ზოგჯერ მავიწყდება კიდეც, რაც მჭირს. მე ძალიან მიყვარს სიცოცხლე და ვიცოცხლებ კიდეც. გაუმარჯოს სიცოცხლეს!!!“ – ლ. კონტუაძე.

როცა ბავშვს ბაღში წასვლა არ უნდა – რა შეცდომას უშვებენ მშობლები

ბაღში ახალმისული ბავშვების გამომშვიდობება მშობლებთან ერთ-ერთი მძიმე სანახაობაა – ბავშვები მთელი გულით, ტირილით ითხოვენ, რომ მშობლებმა არ დატოვონ. რატომ უჭირთ ბავშვებს საბავშვო ბაღთან შეგუება, რა შეცდომებს უშვებენ მშობლები ბავშვის ბაღში დატოვებისას და როგორ დავეხმაროთ მათ ახალ გარემოსთან ადაპტაციის პროცესში? – ამ თემებზე “ბათუმელებს” ფსიქოლოგი ირმა ფეიქრიშვილი ესაუბრა.

ფულის მიღება არასდროს ყოფილა ასე მარტივი

თუ სასურველი ნივთისთვის თანხა არ გყოფნით, მომდევნო ხელფასამდე კი არაერთი დღეა დარჩენილი, არ იდარდოთ!

სწრაფი ონალაინ სესხების კომპანია ” მანიმენი “ მუდამ მზად არის სანუკვარი ოცნებები სწრაფად და მარტივად აგისრულოთ! უბრალოდ, აკრიფეთ www.MoneyMan.ge ბრაუზერში და ქართული შრიფტის ქონის შემთხვევაში, თქვენ უპრობლემოდ შეავსებთ განაცხადს კომპიუტერიდან, ტაბლეტიდან და მობილურიდანაც კი!

AD BLACK SEA – ახალი ადგილი კრეატორების ინსპირაციისა და განათლებისთვის

24-27 სექტემბერს ბათუმში საქართველოს საკომუნიკაციო სააგენტოების ასოციაცია და უკრაინის სარეკლამო კოალიცია, საქართველოს მთავრობისა და ბათუმის მერიის მხარდაჭერით, წარადგენენ ახალ საერთაშორისო ფესტივალს – AD BLACK SEA . ფესტივალის პროდიუსერმა და უკრაინის სარეკლამო კოალიციის აღმასრულებელმა დირექტორმა – მაქსიმ ლაზებნიკმა გვიამბო ფესტივალის მთავარი იდეის შესახებ. მან ასევე ფესტივალის რამდენიმე საიდუმლოც გაგვანდო.

ვარსკვლავები ნახევრად ცარიელ დარბაზში

„მე სპეციალურად ამოვარჩიე სკოლა, ამ მუსიკალურ სკოლაში პედაგოგები არიან არა?! მითხრეს, ბავშვები არდადაგებზე არიანო, მაგრამ სად არიან პედაგოგები, რომლებმაც უნდა ასწავლონ ამ ბავშვებს, რატომ არ მოდიან ამისთანა უნიკალურ კონცერტებზე? ძალიან მეწყინა და მომავალში აქ ალბათ აღარ ჩავატარებ“, – ასე გამოხატა მსოფლიოში ცნობილმა შემსრულებელმა ლიანა ისაკაძემ უკმაყოფილება კონსერვატორიის ნახევრადცარიელი დარბაზის გამო ბათუმში, სადაც ყოველწლიური ფესტივალის „ღამის სერენადების“ ფარგლებში გაიმართა კონცერტი.

სიძულვილის ენა ქართულ პოლიტიკაში

რას ფიქრობენ აჭარაში არსებული თვითმმართველობების საკრებულოების თავმჯდომარეები კოლეგის – ოთარ გელაძის გამონათქვამებზე ხულოდან, რომელიც გასულ კვირას არმენოფობიური ტექსტით წარსდგა საკრებულოს სხდომაზე, როცა ის ექსპრეზიდენტს აკრიტიკებდა. მან მიხეილ სააკაშვილს უწოდა „სომეხი სააკა“, „ორმაგი აგენტი“ და „ღორი“. „ბათუმელები“ ამ განცხადების შესაფასებლად აჭარის ხუთივე მუნიციპალიტეტის საკრებულოს თავმჯდომარეს დაუკავშირდა. ორმა მათგანმა თავი შეიკავა კომენტარის გაკეთებისგან, ორი კი ფიქრობს, რომ სააკაშვილის ეთნიკური წარმომავლობის გარკვევა მათი კი არა „შესაბამისი ორგანოს“ საქმეა.

რადიოლოგი სამშობიარო სახლიდან

რადიოლოგი და ქირურგი თამაზ ხმალაძე უკვე 35 წელია სამედიცინო საქმიანობას ეწევა. მისი ძირითადი პროფილი სამეანო-გინეკოლოგიური ექოსკოპიური კვლევაა. აღნიშნულთან ერთად მას გავლილი აქვს სპეციალიზაცია და ატარებს მუცლის ღრუს [ღვიძლი, სანაღვლე გზები, კუჭუკანა ჯირკვალი, ელენთა], თირკმლებისა და ზედაპირული ორგანოების [სარძევე ჯირკვალი, ფარისებრი ჯირკვალი] კვლევას. სხვა მრავალ მადლობის წერილსა და ჯილდოსთან ერთად ღირსების ორდენით დაჯილდოებული ექიმი ამბობს, რომ დღეს ექიმსა და პაციენტს შორის ურთიერთობის დეფიციტია, ის კი ყოველთვის დეტალურად უხსნის პაციენტს მისი მდგომარეობის ყველა ნიუანსს. თამაზ ხმალაძეს რადიოლოგიის გარდა აქვს სერტიფიკატი ქირურგიასა და ჯანდაცვის ორგანიზაციაში. არის მედიცინის მეცნიერებათა დოქტორი.