Category Archives: სპორტი

ქობულეთის საფეხბურთო კლუბის „შუქურას“ ფეხბურთელები ორკვირიან საწვრთნო შეკრებებისთვის ქობულეთში,  ცენტრალურ სტადიონთან ახლოს მდებარე სასტუმროში დაბინავდებიან. სასტუმროში დაბინავებასთან დაკავშირებულ მომსახურებაზე „შუქურამ” ტენდერი გამოაცხადა.

საქართველოს მოკრივეთა ნაკრებმა ჩეხეთში გამართულ საერთაშორისო ტურნირში გუნდურ ასპარეზობაში პირველი ადგილი აიღო და ორი ოქროს, ორი ვერცხლის და ერთი ბრინჯაოს მედალი მოიპოვა. 

74 წლის ასაკში საფეხბურთო კლუბ „დინამოს“ ყოფილი მთავარი მწვრთნელი, საქართველოს დამსახურებული მწვრთნელი და ფეხბურთელი ვალერიან ჩხარტიშვილი გარდაიცვალა. 

ჩოხატაურის ცენტრში შეჯიბრება ჩატარდა „წყვილთა რბოლა ჩქაროსნულ მანევრში რეგიონებს შორის“. რბოლაში ბათუმიდან, ქუთაისიდან, სენაკიდან, ფოთიდან, ლანჩხუთიდან, სამტრედიიდან, ჩოხატაურიდან,  თბილისიდან 15 მრბოლელი მონაწილეობდა.

აჭარაში ჩოგბურთს საუკუნეზე მეტი ხნის ისტორია აქვს. პირველი თამაში 1908 წელს მანგანუმის მრეწველთა მიერ მოწყობილ კორტებზე ჩატარებულა. დღესდღეობით კი ბათუმში ჩოგბურთის სამი კორტი და 16 მოედანია, აქედან 14 ღია, ხოლო ორი – დახურული. კორტებზე 210-ზე მეტი აღსაზრდელი ვარჯიშობს. მათ შორის აჭარის ნაკრების წევრები.

ანგარიში 69:0 ქულით დასრულდა შეხვედრა რაგბში ბათუმის „ბათუმსა“ და ქუთაისის „ბაგრატს“ შორის. შეხვედრა 18 მაისს, ბათუმში ანგისის მოედანზე გაიმართა და მასპინძელმა გუნდმა  69 ქულით სტუმარს სძლია. თამაშის დროს „ბათუმის“ მოთამაშე დაზიანდა. სერგო მოქიამ მარჯვენა მუხლის ტრამვა მიიღო.

დღეს ხელვაჩაურის კომპლექსურ სასპორტო სკოლაში კრივში შაქრო ხუდოიანის სახელობის საერთაშორისო ტურნირი დასრულდა.  შეჯიბრება შვიდ მაისს დაიწყო და მასში 2000 და 2001 წელს დაბადებული 92 მოკრივე 18 წონით კატეგორიაში პირველობისთვის იბრძოდა.

მკლავჭიდში, ქუთასის ღია ჩემპიონატიდან აჭარის მკლავჭიდის ნაკრების წევრებმა სამი საპრიზო ადგილი ჩამოიტანეს. როგორც აჭარის მკლავჭიდის ფედერაციის ხელმძღვანელი გოჩა შავაძე ამბობს შეჯიბრება 21 წლამდელთა შორის გაიმართა და საქართველოს სხვადასხვა კუთხიდან ასამდე მკლავჭიდელი მონაწილეობდა. მათ შორის იყო 10 მკლავჭიდელი აჭარის მკლავჭიდის ნაკრები გუნდიდან.

„მოჭადრაკეს ერთი შეცდომაც ღუპავს“  –  ამბობს საქართველოს ჩემპიონი ვაჟებს შორის ჭადრაკში გაიოზ ნიგალიძე. მან ეს ტიტული 2014 წლის თებერვალში მოიპოვა. გაიოზს მიღებული აქვს საერთაშორისო დიდოსტატის წოდებაც. 25 წლის ჩემპიონი 1989 წლის 24 აპრილს დაიბადა. სწავლობდა ბათუმის #14 (ამჟამინდელ #26) სკოლაში, დამთავრებული აქვს ბათუმის შოთა რუსთაველის სახელობის უნივერსიტეტი. ცხოვრობს ბათუმში და სარეიტინგო ქულის ამაღლების მიზნით საქართველოს  ნაკრებთან ერთად  სხვადასხვა ტურნირში მონაწილეობს. მოჭადრაკე პარალელურად ფრენბურთსაც თამაშობს, სამი წელია სპორტის ამ სახეობაში ვარჯიშობს და აჭარის ფრენბურთის ნაკრების წევრია. გასულ კვირას გაიოზი თბილისში იმყოფებოდა საქართველოს ფრენბურთის ჩემპიონატზე, სადაც აჭარის ნაკრები მეორე ადგილზე გავიდა. 

სპორტში მოღვაწე სპეციალისტები ამბობენ, სპორტში ინვესტორების მოძიება რთულია.როგორც ბათუმში არსებული კრივის კლუბ „FIGHT CENTER“-ის ხელმძღვანელები ამბობენ, მოიძიეს ინვესტორები, მაგრამ იმის გამო, რომ კლუბი მუნიციპალური არ არის, ინვესტორები თავს იკავებენ მათ ფინანსური მხარდაჭერა გაუწიონ. ამ საკითხზე „ბათუმელებს“ აჭარის კრივის ფედერაციის ნაკრები გუნდის მწვრთნელი გოჩა აბაშიძე და ნაკრები გუნდის პრომოუთერი გივი კერესელიძეესაუბრნენ.

გასულ კვირას თბილისში კავკასიის ქვეყნების პირველობა გაიმართა კიკბოქსინგში. პირველობაზე ბათუმიდან სამი სპორტსმენი და ორი მწვრთნელი მონაწილეობდა. ორმა სპორტსმენმა ოქროს მედალი მოიპოვა, ერთმა – ბრინჯაო. მწვრთნელებიცა და სპორტსმენებიც შეჯიბრზე პირადი დანაზოგით წავიდნენ – მათ ფედერაციას, სხვებისგან განსხვავებით, სახელმწიფო საერთოდ არ აფინანსებს.

დღეს მძლეოსნობაში 100 და 400 მეტრ სირბილში აჭარის ჩემპიონები გამოვლინდნენ. შეჯიბრება ბათუმის ზღვისპირა პარკში, ყოფილი ცენტრალური სტადიონის მიმდებარე ტერიტორიაზე გაიმართა. 

ბათუმის სასპორტო სკოლაში 13-წლამდელ კალათბურთელთა შორის შიდასასკოლო შეჯიბრება შვიდ გუნდს შორის მიმდინარეობს, მათ შორის ერთი გოგონების ჯგუფია.  27 აპრილს გამარჯვებული გუნდი და საუკეთესო მოთამაშე გამოვლინდება. ბათუმში კალათბურთის სექციაში მხოლოდ 13-წლამდელთა ასაკობრივი  ნაკრები და სხვადასხვა ასაკის მოსამზადებელი ჯგუფებია. ეს იმას ნიშნავს, რომ ბათუმში, გარდა სუპერ ლიგაში მოთამაშე პროფესიონალ კალათბურთელთა კლუბისა, მხოლოდ ერთი ნაკრებია.

აჭარის სპორტისა და ახალგაზრდობის დეპარტამენტში, სპორტის განყოფილების უფროსის თანამდებობაზე გამოცხადებული კონკურსის მეორე ეტაპი, ბათუმის შოთა რუსთაველის სახელობის სახელმწიფო უნივერსიტეტში ჩატარდა. ტესტირებაში სულ 67 კონკურსანტი მონაწილეობდა, მათ შორის სპორტის განყოფილების უფროსის მოვალეობის შემსრულებელი მინდია ქათამაძე.

1-10 აპრილს ქობულეთში სასწავლო-საწვრთნო შეკრება მიმდინარეობს სამთო-საგზატკეცილო ველოსპორტში,  რომელშიც აჭარის ნაკრების წევრები ღებულობენ მონაწილეობას. 

„შენი შეცდომით გუნდი არ უნდა დაზარალდეს“ –  ეს სპორტული შეჯიბრებების მსაჯების პროფესიონალიზმის მთავარი მახასიათებელია. ამისათვის სპორტული ფედერაციები და სპორტის სამინისტრო ერთობლივად მუშაობენ. აჭარაში 32 ფედერაციიდან 8 ფედერაციას არც საერთაშორისო და არც ეროვნული კატეგორიის მსაჯი არ ჰყავს. 

ბათუმის უბნებში 13 წლამდე ასაკის ბავშვებისთვის 16 უფასო კლუბი გაიხსნა. ახალგაზრდული უფასო კლუბები ბათუმის „დინამოს“ პროექტია, რომლის პრეზენტაცია „დინამომ“ დღეს, „დემოკრატიული ჩართულობის ცენტრში“ გამართა და კლუბებს ბურთები, სავარჯიშო მაისურები და სხვა სპორტული ინვენტარი გადასცა.

აჭარის  სპორტისა და ახალგაზრდობის საქმეთა დეპარტამენტში სპორტის განყოფილების უფროსის თანამდებობა ვაკანტურია. 

საქართველოს დამსახურებული ექიმის, გივი (ჯონდო) ცივაძის ხსოვნისადმი მიძღვნილი საფეხბურთო ტურნირი მინიფეხბურთში – სამედიცინო დაწესებულებებს შორის, 17 მარტს დაიწყო.

„თომა, ნუ გეშინია, არ ჩავარდები! გიო, ყურადღებით, იგივე შეცდომა!“  – ასე არიგებს ვარჯიშის დროს გურამ ოსანაძე ბავშვებს. ის  21 წელია ტანვარჯიშის მწვრთნელია. გურამ ოსანაძე აჭარის ტანვარჯიშის ფედერაციის წევრებმა 26 თებერვალს  აჭარის ტანვარჯიშის ფედერაციის პრეზიდენტად კენჭისყრით აირჩიეს. ფედერაციის სამომავლო გეგმებსა და ტანვარჯიშში არსებულ პრობლემებზე ფედერაციის პრეზიდენტი  „ბათუმელებს“ ესაუბრა.

„როცა ექვსი წლის წინ მკლავჭიდს ჯგუფს ვაყალიბებდი, უნივერსიტეტის ეზოში შეკრებილი სტუდენტი ბიჭები სიგარეტს ეწეოდნენ და დასცინოდნენ ჩემს ბავშვებს, გოგო ტრენერი გყავთო. ვუთხარი, რომელიმე შემოსულიყო დარბაზში. ერთმა მითხრა, შენ თუ ხელი გადამაწევინე, დღეიდან ვარჯიშს ვიწყებო. მაშინ ხელი გადავაწევინე. ჯერ გაუკვირდათ, მერე თქვეს, მოდი დავიწყებ ერთი კვირით ვარჯიშსო. მერე ვეუბნებოდი, იმ დონეზე ივარჯიშეთ, რომ მე მომიგოთ და მერე შეგიძლიათ წახვიდეთ-მეთქი. ერთ ვარჯიშს მეორე მოყვა, მერე თვითონ დაინტერესდნენ და დღეს ისინი სპორტსმენები არიან“ –  იხსენებს 24 წლის მკლავჭიდელი დარინა ცეცხლაძე. ის ბათუმის სახელმწიფო უნივერსიტეტში სამედიცინო ფაკულტეტის მეექვსე კურსზე სწავლობს და ერთ-ერთი იმათგანია, ვინც 9-10 მარტს თბილისში ჩატარებულ საქართველოს მკლავჭიდის ჩემპიონატზე 65 კილოგრამ წონით კატეგორიაში პირველობა მოიპოვა და ოქროს მედალი აიღო. 

რაგბის კლუბი „ბათუმი“ უმაღლესი ლიგიდან გავარდნას გადაურჩა.

როგორ აპირებს ,,დინამო’’ სამომავლოდ ახალი ფეხბურთელების აღზრდას, ამის შესახებ “ბათუმელები” კლუბ , “დინამო ბათუმის’” დირექტორს, ოთარ ფედიჩკინს ესაუბრა. წელს “დინამოსთვის” სტადიონის მშენებლობაც იგეგმება. სტადიონის მშენებლობის ინიციატივით წინა მთავრობაც არაერთხელ გამოვიდა, თუმცა სტადიონის უქონლობის გამო “დინამო” დღემდე მხოლოდ გასვლით შეხვედრებს მართავს.