„აჭარის ნაკრებმა საკმაოდ კარგი შედეგი აჩვენა. 65 კილოგრამ წონით კატეგორიაში პირველი ადგილი აიღო ონისე თავართქილაძემ, 70 კილოგრამში მეორე ადგილი მოიპოვა ირაკლი ხარაბაძემ, ხოლო 60 კოლოგრამ წონაში მესამე ადგილზე თემურ ქამაშიძე გავიდა“.
ტურნირში არ მონაწილეობდნენ აჭარის ნაკრებიდან პირველი ადგილის მფლობელები ლევან პოღოსიანი (საქართველოს ჩემპიონი), მერაბ კაკაბაძე (საქართველოს ჩემპიონი და მსოფლიოს ვიცეჩემპიონი) და მაჰმუდ ჭელიძე (საქართველოს ვიცე-ჩემპიონი). ისინი ევროპის ჩემპიონატისთვის ემზადებიან, რომელიც 18 მაისს ბაქოში ჩატარდება.
ღია ჩემპიონატი მკლავჭიდში ორ მაისს, სახალხო დღესასწაულის „ქუთაისობის“ ფარგლებში ჩატარდა. აჭარის მკლავჭიდელები ქუთაისში ოფიციალური მიწვევით იმყოფებოდნენ. როგორც გოჩა შავაძე ამბობს „ქუთასობაზე“ გამართულ ღია ტურნირში ყოველწლიურად მონაწილეობენ.
აჭარის მკლავჭიდის ფედერაციას ტურნირში მონაწილეობისათვის ფინანსური მხარდაჭერა შპს „აღმშენებლობამ“ გაუწია.