Batumelebi | რალი კროსი ბათუმში რალი კროსი ბათუმში – Batumelebi
RU | GE  

რალი კროსი ბათუმში

 

აეროპორტის მიმდებარე ტერიტორიაზე რალი კროსში აჭარის ჩემპიონატი ჩატარდა. შეჯიბრებაში საქართველოს სხვადასხვა რეგიონიდან 13 პროფესიონალი და მოყვარული ავტომრბოლელები მონაწილეობდა.  

 

პროფესიონალებს შორის პირველი საპრიზო ადგილი რალი კროსში საქართველოს ოთხგზის ჩემპიონმა, ნუკრი ჯანგველაძემ (თბილისი) მოიპოვა.

 

პროფესიონალებს შორის მეორე და მესამე ადგილი ავთო გოგოლაძემ (სუფსა) და ლევან ვაჩეიშვილმა (ბათუმი) გადაინაწილეს.

 

 

მოყვარულებს შორის ადგილები ასე გადანაწილდა: იური ლომთათიძე (ბათუმი) ნოდარ ჟღენტი (სუფსა) და ლევან ვაჩეიშვილი (ბათუმი).

 

 საპრიზო ადგილზე გასულებს თასები სიგელები და მედლები გადაეცათ. პირველ ადგილის მფლობელები 50 ლიტრი საწვავით დასაჩუქრდნენ.

 

რალისთვის ავტოდრომი რამდენიმე დღის წინ სპეციალურად ამ შეჯიბრისთვის აჭარის სპორტისა და ახალგაზრდობის საქმეთა დეპარტამენტის დახმარებით მოაწყო. აჭარის საავტომობილო ფედერაციის პრეზიდენტის, პროფესიონალი მრბოლელის იური ლომთათიძის თქმით, რალი კროსის მიზანი, განსაკუთრებით დამწყები მრბოლელებისთვის, პროფესიონალიზმის ამაღლებაა. სამომავლოდ კი მრბოლელები საქართველოს ჩემპიონატისთვის მოემზადებიან.

 

რალი კროსის აჭარის ჩემპიონატი აჭარის საავტომობილო ფედერაციის ორგანიზებითა და აჭარის სპორტისა და ახალგაზრდობის საქმეთა დეპარტამენტის ფინანსური მხარდაჭერით ჩატარდა.

რალი კროსში აჭარის ჩემპიონის ნუკრი ჯანგველაძის სპონსორები ბიზნესმენები გიორგი ქებურია და მერაბ მამუჩარაშვილი არიან.

 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი