ბათუმელები
სპორტის ამ სახეობაში შედეგი ადამიანის ნებისყოფაზეა დამოკიდებული. მისი მიმდევრების კვება განაწილებულია გრამობით, განსაზღვრულია მიღების დრო, ვარჯიშის კატეგორიები და სხეულის დატვირთვა ვარჯიშით. ვინც ახერხებს წესების დაცვას, ნელ-ნელა მათი გარეგნობა იცვლება, იხვეწება ნაკვთები და უვითარდება ყველა კუნთი. ამ სპორტს კულტურიზმს, სხვაგვარად კი ბოდიბილდინგს, ქართულად – სხეულის შენებას უწოდებენ.
ირაკლი მიქელაძე ერთ–ერთი წარმატებული კალათბურთელია. მან გასულ სეზონში დაამთავრა საქართველოს 20 წლამდელთა ნაკრებში ასპარეზობა, მანამდე იგი 16-18 წლამდელთა საქართველოს ნაკრებებში ირიცხებოდა. ირაკლი ჯერ კიდევ 15 წლის ასაკში მოხვდა ბათუმის საკალათბურთო კლუბში, რომლის ინტერესებსაც 2009-2012 წლებში იცავდა, 2012-2014 წლებში კი თბილისის „ოლიმპში“ გააგრძელა თამაში. წლევანდელ სეზონზე ირაკლი ისევ „ბათუმს“ დაუბრუნდა, სადაც უკანახაზელის ამპლუაში თამაშობს და ექვსი პასით მიმდინარე სეზონში კლუბის ლიდერია. უყვარს მუსიკა, გულშემატკივარი, უპირატესობას ანიჭებს ევროპულ კალათბურთს და ოცნებობს საქართველოს ნაკრებში მოხვედრაზე.
ფიგურული ციგურაობაში აჭარის ჩემპიონატში ანადეა გულბიანმა-შმიდტმა, ეკატერინე იაზადჟმა და ილია გოგიტიძემ გაიმარჯვეს. ჩემპიონატი სხვადასხვა კატეგორიაში ჩატარდა.
დღეს, ბათუმში, სასტუმრო „რედისონში“ ორდღიანი საერთაშორისო კონფერეცნია გაიხსნა საპლაჟო ფეხბურთში.
დღეს, ბათუმში რამდენიმე სპორტული ღონისძიება გაიმართება:
ქობულეთის საფეხბურთო კლუბმა „შუქურამ“ ფეხბურთის ბურთების შეძენაზე 19 ნოემბერს გამარტივებული ელექტრონული ტენდერი გამოაცხადა.
ბათუმის სპორტსკოლის ტანვარჯიშის დარბაზში 27-დან 29 ნოემბრამდე სპორტულ ტანვარჯიშში აჭარის ღია პირველობა გაიმართება.
ხულოში, ნადიმ ართმელაძისა და მერაბ ჭელიძის სახელობის ხსოვნისადმი მიძღვნილი ტურნირი გაიმართა მინი ფეხბურთში.
22 ნოემბერს, ბათუმის სპორტულ-ახალგაზრდულ ცენტრის ყინულის მოედანზე ფიგურულ ციგურაობაში აჭარის ჩემპიონატი „აჭარის თასი 2014 “ გაიმართება.
ჩემპიონატი 11 საათზე დაიწყება და მასში მონაწილეობას სხვადასხვა ასაკის სპორტსმენები მიიღებენ.
17 წლამდე ასაკობრივ ჯგუფებში კიოკუშინკაი კარატეში გამართულ საქართველოს პირველობაზე აჭარიდან მონაწილე სპორტსმენებმა ორი ბრინჯაოს და ერთი ვერცხლის მედალი მოიპოვეს. ჩემპიონატში საქართველოს სხვადასხვა რეგიონიდან 180 სპორტსმენი მონაწილეობდა.
2014 წლის 22 ნოემბერს 11:15 საათზე, ბათუმში, სასტუმრო “რედისონში” გაიმართება საერთაშორისო კონფერენცია საპლაჟო ფეხბურთში „აჭარა 2014“. კონფერენციის ფარგლებში ჩატარდება სემინარები საპლაჟო ფეხბურთის მსაჯებისა და მწვრთნელებისთვის.
საქართველოს ფეხბურთში „დავით ყიფიანის სახელობის თასის“ გათმაშებაში დღეს ქობულეთში „ჩელე არენაზე“ ერთმანეთს ბათუმის „დინამო“ და სამტრედიის „სამტრედია“ შეხვდნენ.
კალათბურთში აჭარის ღია პირველობის საერთაშორისო ტურნირი დასრულდა. ტურნირი 2002 და 2003 წელს დაბადებულებს შორის სამი დღის განმავლობაში, ბათუმის სასპორტო სკოლაში მიმდინარეობდა. 11 წლამდელებს შორის პირველ ადგილზე ბათუმის „ბათუმი“ გავიდა, ხოლო 12 წლამდელებში – ერევანის გუნდი.
16 წლამდელთა ოთხთა ტურნირი რაგბში ქუთაისის „აიას“ გამარჯვებით დამთავრდა. ტურნირი სამი დღის განმავლობაში ბათუმში, ანგისის სპორტულ მოედანზე მიმდინარეობდა და მასში ოთხი გუნდი მონაწილებდა: თბილისის „წიქარა“, თბილისის „მერანი“ ქუთაისის აია და აჭარის 16 წლამდელთა ნაკრები გუნდი.
8 ნოემბერს, მიხეილ მესხის სახელობის სტადიონზე ერთმანეთს საქართველოსა და ტონგას ეროვნული ნაკრებები ერთმანეთს შეხვდნენ. შეხვედრა საქართველოს რაგბის ნაკრებისთვის ნოემბრის სერიის პირველი ტესტ-მატჩი იყო რომელიც 9-23 დასრულდა ტონგას სასარგებლოდ.
ბათუმში 16 წლამდელთა მორაგბეების ოთხთა ტურნირი მიმდინარეობს. მასში ბათუმის ნაკრები გუნდი, ერთი ქუთაისისა და ორი თბილის კლუბი მონაწილეობს.
ბათუმის “დინამომ” თბილისის “დინამო” 1:0 დაამარცხა. მატჩის განმავლობაში ერთადერთი გოლი ავტორი გელა გოგიტიძე გახდა, რომელმაც თამაშის დაწყებიდან მესამე წუთზე გაიტანა მოწინააღმდეგის კარში.
მატჩი თბილისში დინამო არენაზე გაიმართა.
შეგახსენებთ რომ სატურნირო ცხრილში თბილისის “დინამოს” 26 ქულით პირველი პოზიცია ეკავა, ბათუმის “დინამო” კი -14 ქულით მეთერთმეტე ადგილზე იმყოფებოდა.
დღეს, 5 ნოემბერს, სასტუმრო მარინას სპორტულ მოედანზე, აჭარაში ბალახის ჰოკეის გუნდის დამაარსებლის, ნოდარ შანიძის თასი გათამაშდა. 5 ნოემბერს ნოდარ შანიძეს 96 წელი შეუსრულდებოდა.
საქართველოში ფეხბურთის მხოლოდ რამდენიმე კლუბია კერძო მფლობელობაში, უმრავლესობას კი სახელმწიფო აფინანსებს. ქობულეთის „შუქურას“ გასულ კვირას მუნიციპალიტეტმა 932 ათასი ლარი გამოუყო წლის ბოლომდე. ამ თანხაში შედის ფეხბურთელებისთვის ბოლო სამი თვის აუნაზღაურებელი ხელფასები და პრემიები. როგორც „შუქურას“ პრეზიდენტი რევაზ ჩელებაძე ამბობს, შესაძლებელია უახლოეს მომავალში „შუქურა“ უცხოელმა ინვესტორმა შეიძინოს. „შუქურას“ ამჟამად 11 ქულა აქვს და სატურნირო ცხრილში 16 გუნდს შორის მე-12 ადგილზე იმყოფება. „შუქურაში“ კიდევ ერთი სიახლეა – კლუბის მთავარ მწვრთნელს ამირან გოგიტიძეს უკრაინელი ტრენერი კონსტანტინ ფრალოვი ჩაანაცვლებს. გუნდის სიახლეებზე „ბათუმელები“ რევაზ ჩელებაძეს ესაუბრა.
ყინულის მოედანზე ბათუმში ციგურების მოსარგებად საქართველოს სხვადასხვა კუთხიდან მოდიან ბავშვები და აქ ყინულზე პირველ ნაბიჯს დგამენ. ეს მათთვის ერთგვარი ექსკურსიაა, ადგილობრივი ბავშვებისთვის კი – როგორც გართობა და ჯანმრთელობა, ასევე სპორტის სახეობაა.
ქობულეთის „შუქურამ“ გორის „დილასთან“ ჩაშლილი მატჩის შემდეგ, 11 ქულით მე-15 ადგილიდან მე-11 ადგილზე გადაინაცვლა.
ქობულეთის საფეხბურთო კლუბ „შუქურას“ მუნიციპალური დაფინანსება გაუგრძელდა. ეს საკითხი ქობულეთის საკრებულოს სხდომაზე დღეს გადაწყდა, როცა ქობულეთის მუნიციპალიტეტის განათლების, კულტურის, სპორტისა და ტურიზმის კომისიის თავმჯდომარემ, იმედა ხაჯიშვილმა „ქობულეთის მუნიციპალიტეტის 2014 წლის სპორტული საკლუბო გუნდებში პროგრამაში ცვლილების შეტანის თაობაზე“ მოხსენება წარადგინა.
საქართველოს ფუტზალის ჩემპიონატი 2015-თვის ბათუმში აჭარის რეგიონული თასის გათამაშება მიმდინარეობს. დღეს ბათუმის სახემწიფო უნივერსიტეტის სპორტულ დარბაზში მეოთხედფინალი გაიმართა, სადაც ფუტზალის გუნდმა ბათუმის „დინამომ“ ბათუმის „დინამოს“ ფანკლუბი „პირატები“ 9:2 დაამარცხა.
13 წლამდე გელა ბოლქვაძე ხულოს მუნიციპალიტეტის სოფელ დიდაჭარაში ცხოვრობდა, სადაც სკოლის ბაზაზე არსებულ შენობაში სკოლის შემდეგ ჭიდაობაში ვარჯიშობდა. პირველი მასწავლებელი, რომელმაც ბერძნულ-რომაული ჭიდაობის წესები და ბრძოლაში მოგება ასწავლა, ლევან შავაძე იყო. გელა უკვე 19 წლისაა. 10 წლის განმავლობაში მან შეძლო საკუთარი თავის წარმოჩენა და საქართველოსთვის ევროპისა და მსოფლიოს პრიზების მოპოვება. ის გახდა: 2011 და 2012 წელს საქართველოს ჩემპიონი ჭაბუკთა შორის; 2012 წელს მსოფლიო პრიზიორი ჭაბუკებში 63 კილოგრამ წონით კატეგორიაში; 2014 წლის საქართველოს ჩემპიონი ახალგაზრდებს შორის (74 კგ); 2014 წლის ევროპის ჩემპიონი (74კგ); 2014 წლის მსოფლიო ჩემპიონატის ბრინჯაოს პრიზიორი (74 კგ); 2014 წელს საერთაშორისო ტურნირის რიგისა და ბაქოს ჩემპიონი.
25-26 ოქტომბერს ქალაქ ბათუმში, აეროპორტის მიმდებარე ტერიტორიაზე, აჭარის ჩემპიონატის III ეტაპი რალი კროსში ჩატარდება.
25-26 ოქტომბერს, ქალაქ სამსუნში, საერთაშორისო ტურნირი ძიუდოში ჭაბუკთა შორის ტარდება, ტურნირში აჭარის ჭაბუკთა ნაკრები გუნდი მიიღებს მონაწილეობას.
27 ოქტომბრიდან 2 ნოემბრის ჩათვლით ქალაქ ბათუმში, საჩოგბურთო კლუბ “ბათუმის” კორტებზე სტარტს აიღებს ჩოგბურთში აჭარის თასისის გათამაშება.
ბათუმში, 21-დან 27 ოქტომბრის ჩათვლით, საბილიარდო კლუბ “პირამიდა”-ში საერთაშორისო ტურნირი თავისუფალ პირამიდაში “AJARA POEN – 2014” მიმდინარეობს, რომელშიც საქართველოს სხვა და სხვა რეგიონებიდან, ასევე უკრაინიდან, ბელორუსიიდან, სომხეთიდან, აზერბაიჯანიდან და მოლდოვიდან მოწვეული სპორტსმენები ღებულობენ მონაწილეობას.
ძიუდო იაპონური ეროვნული ჭიდაობაა, რომელშიც გარდა გდებისა, ნებადართულია მტკივნეული და მახრჩობელა ილეთების გამოყენება. ძიუდო დღესდღეობით მსოფლიოში ერთ-ერთი გავრცელებული სპორტული სახეობაა. 1964 წლიდან ის ოლიმპიურ თამაშების პროგრამაშიც შევიდა. საქართველოში ძიუდოს განვითარება 1957 წლიდან იწყება დღემდე ქართველ ძიუდოისტებს მოპოვებული აქვთ ექვსი მსოფლიო, ხუთი ოლიმპიური და 35 ევროპის ჩემპიონობა. მათ შორის არიან სპორტსმენები აჭარიდან. ბათუმში ძიუდოს პირველი სასწავლო ჯგუფი 1972 წელს ჩამოყალიბდა. ამჟამად ბათუმში ძიუდო სკოლა 60 მოსწავლეს ითვლის. მათი მთავარი მწვრთნელია ევროპის ვიცე-ჩემპიონი (2007), სტუდენტთა მსოფლიო ჩემპიონი (2008) და მსოფლიო პრიზიორი (2007) ვახტანგ ზოიძე. ვარჯიში ბონის კულტურის სახლის სპორტულ დარბაზში მიმდინარეობს.
2014 წლის 17 ოქტომბერს აჭარის განათლების, კულტურისა და სპორტის მინისტრი გიორგი თავამაიშვილი, მინისტრის მოადგილე ვალერი ბერაძე, აჭარის სპორტისა და ახალგაზრდობის საქმეთა დეპარტამენტის წარმომადგენლები, სპორტული საზოგადოება და სტუდენტ-ახალგაზრდები საზეიმოდ დახვდნენ ბარსელონადან დაბრუნებულ Trofeo Malgratense 2014″-ის გამარჯვებულ ჭაბუკ ფეხბურთელთა ნაკრებს, რომლებმაც საუკეთესოდ იასპარეზეს და ჩემპიონები გახდნენ 2003-2004 წელს დაბადებულ სპორტსმენთა ასაკობრივ ჯგუფში.
„Trofeo Malgratense 2014“-ში ფეხბურთში აჭარის ჭაბუკთა ნაკრებმა გუნდმა პირველ მატჩში ანგარიშით 2:0 დაამარცხა ესპანური „პობლე ნოუსი“ და სატურნირო ცხრილში პირველი ადგილი მოიპოვა. გოლი გაიტანეს გიგა დარჩიძემ და დემეტრე კომახიძემ.
ბათუმში სამ უმაღლეს სასწავლებელში 7800-მდე სტუდენტია. მათგან სპორტულ აქტივობებში საშუალოდ 260 სტუდენტი, ანუ 3%-ია ჩართული. სპეციალისტები, რომლებსაც „ბათუმელები“ ესაუბრა, მიიჩნევენ, რომ საქარველოში სპორტი არ უყვართ. უნივერსიტეტების ეს მონაცემი კი მიანიშნებს – „სად მარხია ძაღლლის თავი“.
აჭარის ჭაბუკ ფეხბურთელთა ნაკრები გუნდი დღეს, ესპანეთის ქალაქ ბარსელონაში გაემგზავრა. ფეხბურთელები 11-16 ოქტომბერს მონაწილეობას მიიღებენ საერთაშორისო ტურნირზე „Trofeo Malgratense 2014“, სადაც ევროპის ოცი ქვეყანა მონაწილეობს.
2 ოქტომბრიდან 5 ოქტომბრის ჩათვლით ბათუმი მამაკაცებსა და ქალებს შორის საპლიაჟო ფრენბურთში, აღმოსავლეთ ევროპის ზონალური ასოციაციის (EEVZA – Eastern European Volleyball Zonal Association) ჩემპიონატის ფინალურ ეტაპს უმასპინძლებს.
ურეკში სასტუმრო „კოლხეთში“, საქართველოს საკლუბო ჩემპიონატი მიმდინარეობს ჭადრაკში, რომელიც ორი ათეული წელია არ ჩატარებულა. ჩემპიონატში რვა გუნდი მონაწილეობს. ესენია რუსთავი, სამეგრელო, გურია, „ნონა“, კახეთი, გორი, ქუთაისი, თბილისი. „ნონა“ აჭარის კლუბია, რომელიც ახლახან გახდა ევროპის ჩემპიონი ქალთა შემადგენლობით. საქართველოს საკლუბოზე გუნდები ორო გოგოთი და სამი ბიჭითაა დაკომპლექტებული. „ნონას“ შემადგენლობაში არიან – საქართველოს მოქმედი ჩემპიონი გაიოზ ნიგალიძე, ევროპის პრიზიორი სალომე მელია, საერთაშორისო მოჭადრაკეები ნინო ბაციაშვილი, დავით ჯოჯუა და ნიკოლოზ ქუმსიაშილი.
ჭადრაკში საკლუბო ჩემპიონატის აღდგენაზე “ბათუმელები”
საქართველოს ჭადრაკის ეროვნული ფედერაციის პრეზიდენტს გიორგი გიორგაძეს ესაუბრა
კონტაქტურ კარატეში კავკასიის თასი 2014-ის ტურნირში ბათუმელმა სპორტსმენებმა 20 წლის ბერდია გორგაძემ და ევროპის პრიზიორმა ლევან ცინცაძემ პირველი ადგილები აიღეს. ბერდია გორგაძე ჩემპიონი გახდა 70 კოლოგრამ წონით კატეგორიაში, ლევან ცინცაძე კი -აბსოლუტურში (+80). ასევე საპრიზო ადგილი მოიპოვა ბათუმელმა 19 წლის დავით ლორიამ, რომელმაც 80 კილოგრამ წონით კატეგორიაში მესამე ადგილი ირგუნა.
