Category Archives: სპორტი

ბათუმის სპორტულ-ხალგაზრდული ცენტრის მრავალფუნქციურ სპორტულ დარბაზში მინი ფეხბურთის საქართველოს ჩემპიონატი მიმდინარეობს. 27 სექტემბერს ოთხთა ფინალი გაიმართა, სადაც მონაწილეობდნენ მინი ფეხბურთის კლუბები (მფკ) თბილისის „პსპ“, „თბილისის სატრანსპორტო კომპანია“ (TTC), „ბორჯომი“ და „სამტრედია“. 

25 სექტემბერს, ბათუმში დაიწყო საქართველოს ჩემპიონატი ბილიარდში, რომელშიც საქართველოს სხვადასხვა რეგიონების 32 სპორტსმენი ღებულობს მონაწილეობას.

საქართველოს სპორტისა და ახალგაზრდობის საქმეთა სამინისტროს პრესსამსახური

ბათუმის ქალ მოჭადრაკეთა კლუბმა „ნონამ” პირველად იასპარეზა ევროპის ჩემპიონატში და უძლიერესის ტიტული მოიპოვა. ქართველმა გოგონებმა 14 ქულა დააგროვეს და 4 ქულით აჯობეს ევროპის ხუთგზის ჩემპიონს „მონტე კარლოს”.

2014-2015 წლის სეზონის საქართველოს რაგბის ეროვნული  ჩემპიონატი 15 აგვისტოს დაიწყო. ჩატარდა ოთხი ტური. ბათუმის სარაგბო კლუბმა „ბათუმმა“ ოთხი თამაშიდან ორი მოიგო და „არმიასთან“ (15:25) და „ლელოსთან“ (0:20) დამარცხდა. „ბათუმმა“ გასულ სეზონში 8 ქულა დააგროვა და მიმდინარე სეზონში უმაღლეს ლიგის ათეულში მეშვიდე ადგილზე იმყოფება. უმაღეს ლიგაში პირველ ადგილზე ბოლნისის “ყოჩებია“, რომელსაც 17 ქულა აქვს.   „ბათუმის” შემადგენლობა 12 ახალი მოთამაშით განახლდა. კლუბი დატოვეს უცხოელმა ლეგიონელებმა და ამჟამად მთლიანად ქართველი მოთამაშეებითაა დაკომპლექტებული. ახალი სეზონიდან, ლევან მგელაძის წასვლის შემდეგ, კლუბს ახალი მწვრთნელი ჰყავს – „ბათუმის” ყოფილი კაპიტანი დავით გუგუშვილი. ის ამ პოზიციას თამაშის პარალელურად ითავსებს. 

აჭარაში მშვილდოსნების სამი კატეგორიაა –კადეტები (17 წლამდე), ახალგაზრდები (18-21 წლამდე) და დიდები. შეჯიბრებებიც ამ კატეგორიების მიხედვით ტარდება. ამჟამად ბათუმში მშვილდოსნობით სულ 80 ადამიანია დაინტერესებული, რომელთაც შვიდი მწვრთნელი ავარჯიშებს. მშვილდოსნები ანგისის სტადიონზე ვარჯიშობენ.

ბათუმის ჩოგბურთის კორტებზე ქალთა საჩოგბურთო ტურნირი „ბათუმის ნავთობტერმინალის ღია პირველობა“, იგივე „ლეიდის ოუფენი“ მიმდინარეობს. ტურნირი საკვალიფიკაციო ეტაპით 6 სექტემბერს დაიწყო და 13 სექტემბერს ფინალური შეხვედრებით დასრულდება.

28-31 აგვისტოს, საბილიარდო კლუბ „პირამიდაში“ ბილიარდში (სახეობა: კომბინირებული პირამიდა) აჭარის ჩემპიონატი გაიმართება. მასში 16 სპორტსმენი მიიღებს მონაწილეობას. ტურნირის საპრიზო ადგილზე გასულები ფულადი პრემიით დაჯილდოვდებიან:

წყვილთა ავტორბოლა, რომელიც ბათუმში იუსტიციის მიმდებარე ტერიტორიაზე გაიმართა 12 საათის საათს გაგრძელდა. სუპერ ფინალში „ბრიჯსთოუნის შავი ზღვის თასის“ გამარჯვებული ევროპის მოქმედი ჩემპიონი დათა ქაჯაია გახდა. მან 3000 ათასი ლარი მოიგო.

 <!** Image 9 align="middle" width="600" height="1504" >

„იუსტიციის სახლის მიმდებარე ტერიტორიაზე, „ბრიჯსთოუნის შავი ზღვის თასის“ (Bridgestone Black Sea Cup) რიგით მე-10 ავტოშეჯიბრი წყვილთა რბოლაში მიმდინარეობს. ავტორბოლაში მონაწილეობენ პროფესიონალი ავტომრბოლელები და მოყვარულები, ვისაც მართვის მოწმობა აქვს. 

44-ე წუთზე გატანილი გოლით ბათუმის „დინამომ“ მასპინძელი გორის „დილა“ დაამარცხა. მატჩი, გორში თენგიზ ბურჯანაძის სახელობის სტადიონზე გაიმართა. შეხვედრაში ერთადერთი გოლი ირაკლი ჩირიკაშვილმა გაიტანა. „ლამაზი გოლი გამოვიდა“ – შეაფასა შედეგი ბათუმის „დინამოს“ მთავარმა მწვრთნელმა ლევან ხომერიკმა.

ლეგენდარული ქართველი ველომოგზაური და მსოფლიო რეკორდსმენი ჯუმბერ ლეჟავა „ბათუმელებმა“ გარდაცვალებამდე ცოტა ხნით ადრე, 2014 წლის 11 ივნისს, ბათუმში, #10 საჯარო სკოლის მოსწავლეებთან შეხვედრის დროს ჩაწერა. პროფესიით ინჟინერ-ელექტრიკოსი ჯუმბერ ლეჟავა 75 წლის ასაკში გარდაიცვალა. მან 1993 წლიდან 2002 წლის ჩათვლით მსოფლიოს შვიდივე კონტინენტის 240 ქვეყანაში ველოსიპედით იმოგზაურა და გახდა პირველი ადამიანი, ვინც ეს მოახერხა. 

საფეხბურთო კლუბი „ბათუმის დინამო“ დღეს, საღამოს რუსთავში გაემგზარა. რუსთავის ცენტრალურ სტადიონზე, საქართველოს ფეხბურთის ჩემპიონატის პირველ ტურში „ბათუმის დინამო“ რუსთავის „მეტალურგს“ შეხვდება. მატჩი 9 აგვისტოს 17:30 საათზე დაიწყება.

20 წლის შმაგი ბოლქვაძე ბერძნულ-რომაულ სტილით ჭიდაობაში მსოფლიო ჩემპიონი გახდა. მან ფინალურ შეხვედრაში აზერბაიჯანელი რუჰინ მიკაილოვი 3:0 დაამარცხა და მსოფლიოში 66 კილოგრამი წონით მოჭიდავე ახალაგაზრდებს შორის პირველობა მოიპოვა.

ბათუმის ბულვარის  მინი-ფეხბურთის მოედანზე მინი-ფეხბურთში შეჯიბრება მიმდინარეობს. შეჯიბრება 1 აგვისტოს დაიწყო და მასში 17-27 წლამდე მოყვარული ფეხბურთელების 14 გუნდი მონაწილეობს.

აჭარის ფრენბურთის ფედერაციის ვიცე-პრეზიდენტი და ფრენბურთში გოგონებს შორის მთავარი მწვრთნელი ხათუნა გიორგაძე ამბობს, რომ ფრენბურთი აჭარაში უფრო და უფრო პოპულარული ხდება. ტურნირები ტარდება როგორც პლაჟის, ასევე კლასიკურ ფრენბურთში. ახლა საპლაჟო ფრენბურთის სეზონია და გოგონათა ნაკრები საერთაშორისო ტურნირებს ატარებს. ბათუმს საპლაჟო ფრენბურთში ბიჭების ნაკრები არ ჰყავს. ბიჭების ნაკრები მხოლოდ კალისიკური ფრენბურთის უმაღლეს ლიგაშია.  

20 ივლისს ბათუმში სპორტულ ფესტივალი „საქართველო 2014“ გაიმართება. ფესტივალით გათვალისწინებული სპორტული შეჯიბრებები მაგიდის ჩოგბურთში, სამოყვარულო ხელბურთსა და მინი ფეხბურთში ბულვარში განლაგებულ სპორტულ მოედნებზე ჩატარდება.

ბათუმში ჭადრაკის საერთაშორისო ფედერაციის „ფიდეს“ აღმასრულებელი დირექტორი ნაიჯელ ფრიმანი იმყოფება. 

ავტოშეჯიბრებებში მონაწილე ავტომობილი: ვაზ-2107

შეჯიბრების სახეობა: ავტორალი, წრიული რბოლა, წყვილთა რბოლა, აღმართის ჩქაროსნული დაძლევა

გამოშვების წელი: 2002

ძრავი: 140 ცხენის ძალა

გაპაექრება: BMW-თან, HONDA-თან, SUBARU-თან

ავტომობილის საჭესთან: ნუკრი ჯანგველაძე

ბათუმის წყალბურთის კლუბი “ბათუმი” 2011 წელს დაფუძნდა. კლუბის დირექტორი ასტამურ ჩაუშბაა. კლუბს ოთხი მწვრთნელი და სამი ასაკობრივი კატეგორიის 45 ბავშვი ჰყავს – დიდები (1995-1996 წლებში დაბადებულები); ახალგაზრდები (1998-1999 წლებში დაბადებულები) და კადეტები – 2000-2001 წლებში დაბადებული ბავშვები. არის ასევე მეოთხე ჯგუფი –  ისინი, ვინც ახლა სწავლობენ წყალბურთის თამაშს. ბათუმში არ არსებობს წყალბურთელ გოგონათა გუნდი, წყალბურთელ ვაჟთა ნაკრებში კი 14 ახალგაზრდაა. კლუბს მერია აფინანსებს. 

თენგიზ რომანაძე ბილიარდის ვეტერანი მოთამაშეა. აჭარაში მყოფ ექვს ვეტერან ბილიარდერს შორის ის ასაკით ყველაზე უფროსია. ქობულეთში ცხოვრობს და ბილიარდის სათამაშოდ ხანდახან ბათუმში ჩამოდის. ამბობს, რომ ბილიარდი ჯანსაღი ცხოვრების ერთ-ერთი საშუალებაა. პროფესიით ფინანსისტი თენგიზ რომანაძე 1934 წელს დაიბადა.