ამ შეხვედრით სარაგბო კლუბმა „ბათუმმა“ სეზონი დაასრულა, მეცხრე ადგილზე გავიდა და უმაღლეს ლიგაში ასპარეზობა შეინარჩუნა. უმაღლესი ლიგის დატოვება კი თბილისი „აკადემიას“ მოუწია.
იმავე გუნდებს შორის გასულ კვირას ქუთაისში ჩატარებულ შეხვედრაზე თამაში „ბათუმის“ სასარეგებლოდ 70:7 დასრულდა.
კლუბ „ბათუმის“ მთავარი მწვრთნელის ლევან მგელაძის შეფასებით გუნდს უმაღლეს ლიგაში უკეთესი ადგილის მოპოვებაც შეეძლო.
ლევან მგელაძე ამბობს, რომ „ბათუმის“ მწვრთნელობას აღარ გააგრძელებს და ახალი სეზონიდან „ბათუმს“ ახალი მთავარი მწვრთნელი ეყოლება.
საქართველოს პირველობა რაგბში სეზონის დასასრული 24 მაის თბილისში ჩატარდება. ერთმანეთს თბილისის გუნდები – „არმია“ და „ლელო“ დაუპირისპირდებიან.
