Batumelebi | ქობულეთში სპორტკომპლექსი შენდება ქობულეთში სპორტკომპლექსი შენდება – Batumelebi
ნეტგაზეთი • RU

ქობულეთში სპორტკომპლექსი შენდება

 

სპორტული ინფრასტრუქტურის განვითარების მიზნით ქობულეთში სასპორტო კომპლექსის მშენებლობა მიმდინარეობს, რომელიც, გამგეობის განცხადებით, ხელს შეუწყობს სპორტის პოპულარიზაციასა და ახლაგაზრდებში ჯანსაღი ცხოვრების წესის დამკვიდრებას. ინფრასტრუქტურული ღონისძიებისთვის 2 647 922 ლარია გათვალისწინებული, ხოლო სამუშაობს კომპანია „გზა XXI“ აწარმოებს. 

 

 

სპორტკომპლექსი 5000 კვ/მ ფართობზე განთავსდება, თანამედროვე სტანდარტების შესაბამისი შენობის ერთ ნაწილზე სათამაშო მოედანი და 600 მაყურებელზე გათვლილი ტრიბუნა მოეწყობა, ხოლო კომლექსის მეორე ნაწილი ოთხსართულიანი შენობა იქნება, რომელშიც მცირე ზომის სპორტ და სააქტო დარბაზები, ადმინისტრაციის ოთახები, საშხაპეები, გასახდელები და სველი წერტილები განთავსდება.

 

 

 

ამ ეტაპისთვის მოსამზადებელი სამუშაოები დასრულებულია და მიმდინარეობს საძირკველის მოწყობა. მუნიციპალიტეტის გამგეობის ინფორმაციით ინფრასტრუქტურული ღონისძიება გარდამავალი პროექტია, გასულ წელს დაიწყო და 2015 წლისთვის დასრულდება.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"