ტენდერი Archives - Page 9 of 20

გონიოში ზღვისპირა ბილიკის განათებისთვის 443 000 ლარია გამოყოფილი

გონიოში ზღვისპირა ბილიკის გარეგანათების რეაბილიტაციაზე ბათუმის მერიის საქალაქო ინფრასტრუქტურისა და კეთილმოწყობის სამმართველომ ტენდერი 443 ათას 972 ლარით გამოაცხადა. სატენდერო დოკუმენტების მიხედვით, გონიოს ბულვარში მდებარე გარეგანათების ბოძებზე 153 დაზიანებული სანათი უნდა შეიცვალოს. ჩასატარებელია ასევე სხვადასხვა სახის, მათ შორის ელექტრო-სამონტაჟო სამუშაოები. ტენდერის პირობის მიხედვით, ყველა სამუშაო გამარჯვებულთან ხელშეკრულების დადებიდან, 2023 წლის 15 ივნისის ჩათვლით პერიოდში უნდა დასრულდეს. …

Continue reading “გონიოში ზღვისპირა ბილიკის განათებისთვის 443 000 ლარია გამოყოფილი”

ბათუმში ძველ რესპუბლიკურს დაანგრევენ და აქ სასწრაფო დახმარების შენობას ააშენებენ

ბათუმში, რესპუბლიკური საავადმყოფოს „ძველ“ შენობას დაანგრევენ და მის ადგილზე სასწრაფო სამედიცინო დახმარების ახალ შენობას ააშენებენ. არსებული შენობის დემონტაჟისა და ახლის აშენებისთვის კი, ქალაქის ბიუჯეტში 6,6 მილიონი ლარია გათვალისწინებული. ტერიტორია, სადაც დასანგრევი შენობები დგას, დაახლოებით 7 000 კვადრატული მეტრია. პროექტის მიხედვით, რომელიც სატენდერო დოკუმენტაციას ახლავს, ახალი შენობა სამსართულიანი იქნება – თავისი სასწრაფოს მანქანების ავტოსადგომებით, პარკინგით და …

Continue reading “ბათუმში ძველ რესპუბლიკურს დაანგრევენ და აქ სასწრაფო დახმარების შენობას ააშენებენ”

ეზოს მისამართები ბათუმში, სადაც მერია ჭიშკრებს მოაწყობს

საცხოვრებელი სახლების ეზოს შესასვლელებში ჭიშკრების მოსაწყობად ბათუმის ბიუჯეტიდან წელს 132 910 ლარია გამოყოფილი. შეიცვლება ძველი [სადაც არის] და ახალი ჭიშკრები მოეწყობა შემდეგ მისამართებზე: ასათიანის N28, ბერიძის N13, ვაჟა-ფშაველას N63, ზუბალაშვილის N22, თავდადებულის N1-3, თავდადებულის N22, თავდადებულის N33, კომახიძის N20, კომახიძის N23, კოსტავას N9 [ორი ჭიშკარი], ლერმონტოვის N20 [ორი ჭიშკარი], ფარნავაზ მეფის N6-8, წერეთლის N12. მერიის …

Continue reading “ეზოს მისამართები ბათუმში, სადაც მერია ჭიშკრებს მოაწყობს”

2,2 მილიონი ლარი სკვერების მოსაწყობად ბათუმში – რა მისამართები შეარჩია მერიამ

ბათუმის მერიას 2,2 მილიონი ლარი აქვს გამოყოფილი, ქალაქში 8 მისამართზე „სკვერების მოწყობის სამუშაოებისთვის“. სატენდერო პირობების მიხედვით, სამუშაოები ზოგან ახალი სკვერის მოწყობას [მცირე ფართობებზე], ზოგან კი, არსებულის რეაბილიტაციას ითვალისწინებს. ტენდერი მერიის საქალაქო ინფრასტრუქტურისა და კეთილმოწყობის სამმართველომ 2 275 853 ლარით გამოაცხადა, სადაც წინადადებების მიღება 2023 წლის 5 იანვარს დაიწყება და ხუთ დღეში, 10 იანვარს დასრულდება. სამუშაოები …

Continue reading “2,2 მილიონი ლარი სკვერების მოსაწყობად ბათუმში – რა მისამართები შეარჩია მერიამ”

„ბათუმის წყალი“ სასმელ წყალს ყიდულობს – ტენდერი გამოცხადებულია

შპს „ბათუმის წყალი“ სასმელ წყალს ყიდულობს. ტენდერი უკვე გამოცხადებულია. სატენდერო დოკუმენტაციის მიხედვით, შესყიდვის სავარაუდო ღირებულება 6 600 ლარია. წინადადებების მიღება 28 დეკემბერს დასრულდება. „ბათუმის წყალი“ ყიდულობს არა წყალს ბოთლებით, რასაც, მაგალითად, ოფიციალურ შეხვედრებზე გამოიყენებს, არამედ 660 ცალ ბოცას სასმელი წყლით. „სასმელი წყლის მიწოდება განხორციელდება 19-ლიტრიანი ჭურჭლით, პოლიკარბონატის ბოცით, რომელიც განკუთვნილია წყლის დისპენსერებზე დასადგმელად; შენახვის ვადა …

Continue reading “„ბათუმის წყალი“ სასმელ წყალს ყიდულობს – ტენდერი გამოცხადებულია”

ბათუმში დაწესებულებების სანიტარული შემოწმების ტენდერის გამო მერიას უჩივიან

ბათუმის ტერიტორიაზე არსებული დაწესებულებების სანიტარულ-ჰიგიენური მონიტორინგის მომსახურებაზე გამოცხადებული ტენდერის გამო ქალაქის მერიას დავების საბჭოში უჩივლეს. ტენდერი 104 ათას 996 ლარითაა გამოცხადებული და პირობის მიხედვით, დაწესებულებების მონიტორინგი 2023 წელში უნდა ჩატარდეს. ბათუმის მერიის მიერ გამოცხადებული ტენდერი შერჩევა-შეფასების ეტაპზეა. შპს „მეგატესტი“ კი ითხოვს „გაუქმდეს სატენდერო დოკუმენტაციის კანონმდებლობის შეუსაბამო ჩანაწერი“, რომელიც პრეტენდენტის გამოცდილებას შეეხება. მიმდინარე ტენდერში მონაწილეობს „ლაბორატორიული …

Continue reading “ბათუმში დაწესებულებების სანიტარული შემოწმების ტენდერის გამო მერიას უჩივიან”

ბათუმის მერია 3 საბავშვო ბაღის აშენებას აპირებდა, მაგრამ ერთიც ვერ ააშენა – რიგშია 842 ბავშვი

2022 წლის ბოლომდე ბათუმის მერია მოსახლეობას მინიმუმ სამი ახალი საბავშვო ბაღის მშენებლობას ჰპირდებოდა. წლის ბოლოს გაირკვა, რომ ბათუმში სამიდან ერთი ბაღიც ვერ აშენდა. სამი საბავშვო ბაღის ასაშენებლად ბიუჯეტიდან 8 მილიონ 617 ათას 402 ლარი გამოიყო, სამუშაოების მხოლოდ მცირე მოცულობა შესრულდა და შეწყდა. შეწყდა ხელშეკრულებებიც. ბათუმის მერმა არჩილ ჩიქოვანმა წელს სამივე მშენებლობა მოინახულა და ფეისბუქპოსტებიც დადო. …

Continue reading “ბათუმის მერია 3 საბავშვო ბაღის აშენებას აპირებდა, მაგრამ ერთიც ვერ ააშენა – რიგშია 842 ბავშვი”

ბათუმში მიუსაფარი ცხოველების პატრონობისთვის 400 ათასი ლარია გამოყოფილი

400 ათასი ლარია გათვალისწინებული ბათუმის ბიუჯეტში 2023 წლის განმავლობაში ქალაქის ტერიტორიაზე „უპატრონო შინაური ცხოველების მოვლა-პატრონობისა და პოპულაციის რეგულირების ღონისძიებებისთვის“. შესაბამისი მომსახურების შესყიდვაზე ტენდერი ბათუმის მერიამ უკვე გამოაცხადა. წინადადებების მიღება 2022 წლის 24 დეკემბერს დაიწყება და 29 დეკემბერს დასრულდება. ტენდერში გამარჯვებული ვალდებული იქნება, უზრუნველყოს „ქალაქის ტერიტორიიდან [სულ – 2600] უმეთვალყურეო, უპატრონო შინაური ბინადარი ცხოველების [ზრდასრული ძაღლი, …

Continue reading “ბათუმში მიუსაფარი ცხოველების პატრონობისთვის 400 ათასი ლარია გამოყოფილი”

საახალწლო ღონისძიებების ორგანიზებისთვის ბათუმის ბიუჯეტიდან 374 ათასი ლარი დაიხარჯება

ქალაქში საახალწლო ღონისძიებების ორგანიზებისთვის ბათუმის კულტურის ცენტრმა ტენდერი 374 ათასი ლარით გამოაცხადა. ტენდერში გამარჯვებულს ევალება ევროპის მოედანზე საგამოფენო სივრცის (დახლების) მოწყობა – ჯიხურების, ფანჩატურის დადგმა, შესასვლელი თაღის, სანტას კუთხის, საახალწლო ინსტალაციების მოწყობა, კარვებით, სცენის დეკორაციისა და ახალი წელი შენს ეზოში – მოსიარულე ავტომანქანებით უზრუნველყოფა; ასევე ცეცხლოვანი შოუს, ილუზიონისტის, აკრობატების, ჯამბაზების წარმოდგენა; ბიოტუალეტის, ტერიტორიის დალაგება დასუფთავების, …

Continue reading “საახალწლო ღონისძიებების ორგანიზებისთვის ბათუმის ბიუჯეტიდან 374 ათასი ლარი დაიხარჯება”

კვირიკეში, სადაც წყალი არ აქვთ, ქობულეთისთვის წყლის კიდევ 1 რეზერვუარს ააშენებენ

ქობულეთის მუნიციპალიტეტმა ქალაქ ქობულეთის წყალმომარაგების ქსელის საპროექტო დოკუმენტაციის შედგენაზე ტენდერი გამოაცხადა. ერთ-ერთი პირობით, ქალაქის წყალმომარაგებისთვის სოფელ კვირიკეში უნდა მოეწყოს დამატებით 5000 ტონიანი რეზერვუარი. კვირიკეში, სადაც წლებია მოსახლეობას უწყლობა აწუხებს, ერთი ასეთი რეზერვუარი უკვე არის, საიდანაც ქალაქი ქობულეთი წყლით მარაგდება. როგორც „ბათუმელებმა“ გაარკვია, ეს ერთი რეზერვუარი ამ დროისთვის ქალაქის წყალმომარაგებისთვის საკმარისია, „თუმცა, ქალაქი იზრდება და დამატებით …

Continue reading “კვირიკეში, სადაც წყალი არ აქვთ, ქობულეთისთვის წყლის კიდევ 1 რეზერვუარს ააშენებენ”

შუახევი ახალ ნაძვის ხეში 55 700 ლარს გადაიხდის

შუახევი წელს ახალ ნაძვის ხეს აჭარის ბიუჯეტის სპეციალური ტრანსფერის ფარგლებში იყიდის. ახალი ნაძვის ხე [ვარსკვლავის ჩათვლით] მაქსიმუმ 11,5 მეტრი სიმაღლის იქნება და ის დაბაში 21 დეკემბრამდე უნდა დაიდგას. საახალწლო ნაძვის ხის შესაძენად მუნიციპალიტეტმა ტენდერი 56 ათასი ლარით გამოაცხადა, შეთავაზების ფასის კლების ბიჯი კი, 300 ლარია. პირობის მიხედვით, „მიმწოდებელმა უნდა უზრუნველყოს საშობა ნაძვის ხის მიწოდება-მონტაჟი, საკუთარი ხარჯებით …

Continue reading “შუახევი ახალ ნაძვის ხეში 55 700 ლარს გადაიხდის”

საახალწლოდ ბათუმის გასაფორმებლად 2 მილიონამდე ლარია გამოყოფილი

საშობაო-საახალწლო დღეებში ბათუმის გაფორმებისთვის ქალაქის ბიუჯეტიდან 2 მილიონამდე ლარია გამოყოფილი. წელს ბათუმი ახალ ნაძვის ხესაც იყიდის, რისთვისაც ცალკე 968 387 ლარი დაიხარჯება. ამას გასართობ თუ სხვა ღონისძიებების ხარჯებსაც თუ დავუმატებთ, ქალაქი საახალწლო დღეებში, მთლიანობაში, 4 მილიონამდე ლარს დახარჯავს. მერიის ინფრასტრუქტურისა და კეთილმოწყობის სამმართველომ ქალაქის გაფორმების მომსახურების შესყიდვაზე ტენდერი 1 მილიონ 993 ათასი ლარით გამოაცხადა. სამუშაოები …

Continue reading “საახალწლოდ ბათუმის გასაფორმებლად 2 მილიონამდე ლარია გამოყოფილი”

პოლიციელებს ბათუმში ბინები 2 წლის წინ უნდა მიეღოთ, შსს-ს მშენებლობა ჯერაც არ დაუსრულებია

ბათუმში პოლიციელებისთვის მშენებარე ბინების დასრულებაზე შინაგან საქმეთა სამინისტრომ ხელახალი ტენდერი გამოაცხადა. სატენდერო თანხა ამჯერად 4 468 315 ლარია. ბათუმში, ადლიის ქ. N112-ში, შინაგან საქმეთა სამინისტროს თანამშრომელთათვის ორი თერთმეტსართულიანი, მრავალბინიანი საცხოვრებელი კორპუსების მშენებლობა 2020 წელში უნდა დასრულებულიყო და პოლიციელებს ბინებიც უნდა მიეღოთ. მიუხედავად ამისა, კორპუსების მშენებლობაზე შსს-მ ტენდერში გამარჯვებული ორი კომპანია ამუშავა, თუმცა ხელშეკრულება ორივესთან შეწყვიტა …

Continue reading “პოლიციელებს ბათუმში ბინები 2 წლის წინ უნდა მიეღოთ, შსს-ს მშენებლობა ჯერაც არ დაუსრულებია”

ქედა საახალწლო ნაძვის ხეს 140 ათას ლარად იყიდის

ახალ საშობაო ნაძვის ხეს წელს ქედაშიც დადგამენ. ნაძვის ხის შესყიდვაზე მუნიციპალიტეტმა ტენდერი 141 ათას 600 ლარით გამოაცხადა. ხელოვნური ნაძვის ხე კონუსის ფორმის და, მთლიანობაში, 17 მეტრი სიმაღლის იქნება. ტენდერის პირობის მიხედვით: „მიმწოდებელმა უნდა უზრუნველყოს საშობაო ნაძვის ხის მიწოდება მონტაჟით; საქონელი უნდა იყოს ახალი, ხარისხობრივად უნაკლო და უნდა აკმაყოფილებდეს დანართში მითითებულ ტექნიკურ პარამეტრებს/მახასიათებლებს. ნაძვის ხის მონტაჟის …

Continue reading “ქედა საახალწლო ნაძვის ხეს 140 ათას ლარად იყიდის”

„ბენზეში“ 465 ათას ლარად მოწყობილი განათება არ მუშაობს – მერია 192 ათასს აღდგენაში იხდის

ბათუმის საკრებულოს წევრი „ნაციონალური მოძრაობიდან“ რეზო ხარაზი ამბობს, რომ გარე განათება, რომელიც 2021 წელს თამარის დასახლებაში დაამონტაჟეს, უკვე მწყობრიდანაა გამოსული. განათების კონსტრუქციების შესყიდვასა და დამონტაჟებაზე ბიუჯეტიდან მთლიანობაში 465 270 ლარი დაიხარჯა ბიუჯეტიდან. 2022 წელს კი, მერიამ სანათების რეაბილიტაციაზე ისევ ტენდერი გამოაცხადა. „თამარის დასახლებაში, რესტორან „ოქროს თევზიდან“ „რივიერამდე“ დაამონტაჟეს 86 დეკორატიული სანათი, რაშიც 364 812 ლარია …

Continue reading “„ბენზეში“ 465 ათას ლარად მოწყობილი განათება არ მუშაობს – მერია 192 ათასს აღდგენაში იხდის”

ბათუმი სოციალურად დაუცველებისთვის 183 ათას ლარად „საახალწლო ნობათს“ იყიდის

ბათუმის სოციალური სერვისების სააგენტომ „სასადილოებისა და თავშესაფრის ბენეფიციარებისთვის საახალწლო ნობათის“ შესყიდვაზე ტენდერი 183 ათას 240 ლარით გამოაცხადა. თითოეული ბენეფიციარი საახალწლოდ მიიღებს შემდეგ პროდუქტებს: შაქარი – 1 კილოგრამი მზესუმზირას ზეთი – 1 ლიტრი გაყინული ქათამი – 1 ცალი ხორბლის ფქვილი – 1 კილოგრამი ამ პროდუქტებს უფასო სასადილოს 7 595 ბენეფიციარისთვის, სააგენტო, სოციალურად დაუცველი ჯგუფის ერთჯერადი უფასო …

Continue reading “ბათუმი სოციალურად დაუცველებისთვის 183 ათას ლარად „საახალწლო ნობათს“ იყიდის”

ბათუმის სანდასუფთავება 27 460 ლარად სამბორბლიან ველოსიპედებს ყიდულობს

ბათუმის მერიის შპს „სანდასუფთავება“ სამბორბლიან 8 ველოსიპედის ყიდვას გეგმავს, რისთვისაც ტენდერი უკვე გამოაცხადა. სატენდერო თანხა 27 460 ლარია. ანუ ერთ ველოსიპედში „სანდასუფთავება“ მაქსიმუმ 3 398 ლარს გადაიხდის [ტენდერში ფასის კლების ბიჯი 270 ლარია]. ტექნიკური პირობის მიხედვით, ველოსიპედი უნდა იყოს: სამბორბლიანი, მრავალფუნქციური [ქარხნული წარმოების], ახალი, ფოლადის კორპუსით და სამუხრუჭე სისტემით; ტვირთამწეობა – არანაკლებ 190 კგ. გადაცემა: მრუდ …

Continue reading “ბათუმის სანდასუფთავება 27 460 ლარად სამბორბლიან ველოსიპედებს ყიდულობს”

532 მილიონი ლარი 4 820 დევნილი ოჯახის ბინებისთვის – ტენდერის გამო სააგენტოს უჩივიან

იძულებით გადაადგილებული 4 820 ოჯახისთვის ბინების მშენებლობაზე დევნილთა, ეკომიგრანტთა და საარსებო წყაროებით უზრუნველყოფის სააგენტომ ორი ტენდერი გამოაცხადა, სადაც სავარაუდო/სატენდერო ღირებულება, ჯამში, ნახევარ მილიარდზე მეტი ლარია. ტენდერის პირობების მიხედვით, დევნილი ოჯახებისთვის მრავალბინიანი საცხოვრებელი სახლები უნდა აშენდეს ზუგდიდში, ქუთაისსა და თბილისში. ტენდერის პირობა – პრეტენდენტის გამოცდილების შესახებ – დავების საბჭოში გაასაჩივრა შპს „უნივერსალური იურიდიული მომსახურების ჯგუფმა“. კერძოდ, …

Continue reading “532 მილიონი ლარი 4 820 დევნილი ოჯახის ბინებისთვის – ტენდერის გამო სააგენტოს უჩივიან”

2,2 მილიონს დახარჯავს ცესკო სხდომათა დარბაზის მოსაწყობად

ცენტრალურმა საარჩევნო კომისიამ [ცესკო] სხდომათა დარბაზის მოსაწყობად ტენდერი გამოაცხადა. შესყიდვის სავარაუდო ღირებულება 2 252 600 ლარია. ტენდერს თან ახლავს პროექტი, რომლის მიხედვითაც სხდომათა დარბაზი ცესკოს შენობის იმ ღია ფლიგელში მოეწყობა, რომელსაც დღეს ავტოსადგომად იყენებენ. პროექტის განმარტებითი ბარათის მიხედვით: „საპროექტო ობიექტი მდებარეობს თბილისში, დ.აღმაშენებლის ხეივნის მიმდებარე ტერიტორიაზე. დამკვეთის სურვილისამებრ იგეგმება არსებული შენობის მარცხენა ნაწილის რეკონსტრუქცია, საარჩევნო ადმინისტრაციის …

Continue reading “2,2 მილიონს დახარჯავს ცესკო სხდომათა დარბაზის მოსაწყობად”

799 600 ლარი შსს-ს აჭარის დეპარტამენტის შენობის რემონტისთვის-გადადის თუ არა პოლიცია ბარცხანაში

საქართველოს შინაგან საქმეთა სამინისტრო 800 ათასამდე ლარს დახარჯავს ბათუმში, ტბელ აბუსერიძის ქუჩაზე მდებარე აჭარის პოლიციის დეპარტამენტის ერთ-ერთი შენობის გასარემონტებლად. გასულ წელს კი, საუბარი იყო იმაზე, რომ პოლიციის ახალი ადმინისტრაციული შენობის მშენებლობა ბარცხანაში დაიწყებოდა, რისთვისაც ბათუმის მუნიციპალიტეტმა ოდისეი დიმიტრიადის ქუჩის 17 ნომერში [ბარცხანის ხიდთან, ზღვის მხარეს] 15 938 კვ.მ მიწის ნაკვეთი საკუთრებაში გადასცა სახელმწიფოს. პირობის მიხედვით, …

Continue reading “799 600 ლარი შსს-ს აჭარის დეპარტამენტის შენობის რემონტისთვის-გადადის თუ არა პოლიცია ბარცხანაში”

ქობულეთი ბათუმის ძველ ნაძვის ხეს აღარ დადგამს – ახალს 147 ათას ლარად იყიდის

ქობულეთის მუნიციპალიტეტმა საახალწლო ნაძვის ხისა და ნაძვის ხის დეკორაციების შესყიდვაზე ტენდერი 147 ათასი ლარით გამოაცხადა. თუ ეს ტენდერი შედგა, ქობულეთში აღარ დადგამენ იმ ნაძვის ხეს, რომელიც 2017 წელს ბათუმისგან ითხოვეს და მას შემდეგ ყოველ ახალ წელს დგამდნენ ქობულეთში. „ნაძვის ხეს, რომელიც ბათუმმა გადმოგვცა, მესამე წელს წიწვების ცვენა დაეწყო… ამჯერად კი, მის რეაბილიტაციას ვამჯობინეთ ახალი შევიძინოთ“, …

Continue reading “ქობულეთი ბათუმის ძველ ნაძვის ხეს აღარ დადგამს – ახალს 147 ათას ლარად იყიდის”

საზაფხულო თეატრში ადაპტირებულ ლიფტს დაამონტაჟებენ – ტენდერი 33,5 ათასი ლარით

ბათუმის საზაფხულო თეატრის შენობაში შშმ პირებისთვის ადაპტირებულ ლიფტს დაამონტაჟებენ. ლიფტის შეძენა-მონტაჟზე ტენდერი ბათუმის კულტურის ცენტრმა გამოაცხადა. მომსახურების შესყიდვის სავარაუდო [სატენდერო] თანხა 33 ათას 540 ლარია. გამარჯვებულმა ლიფტი ხელშეკრულების გაფორმებიდან 45 დღეში უნდა დაამონტაჟოს. ტენდერში წინადადებების მიღება 2022 წლის 26 ოქტომბერს დაიწყება და 28 ოქტომბერს დასრულდება. პირობის მიხედვით: „შეთავაზებულ საქონელზე მონტაჟით უნდა ვრცელდებოდეს არანაკლებ 2-წლიანი გარანტია, …

Continue reading “საზაფხულო თეატრში ადაპტირებულ ლიფტს დაამონტაჟებენ – ტენდერი 33,5 ათასი ლარით”

ბათუმში 3 ადგილზე გარეგანათების აღსადგენად 415 ათასი ლარია გამოყოფილი – ტენდერი

ბათუმში, სამ ადგილზე, გარეგანათების დაზიანებული ინფრასტრუქტურის აღსადგენად ქალაქის ბიუჯეტიდან 415 ათას 324 ლარია გამოყოფილი. აღნიშნული თანხით ტენდერი მერიის საქალაქო ინფრასტრუქტურისა და კეთილმოწყობის სამმართველოს აქვს გამოცხადებული. ტენდერის ფარგლებში გარეგანათებას აღადგენენ: „პორტა ბათუმი თაუერის“ მიმდებარედ [ე.წ. საოცრებათა პარკთან], ევროპის მოედანზე [გაანათებენ მედეას ძეგლს], თამარის დასახლებაში სანაპიროზე [ოდისეი დიმიტრიადის ქუჩის გასწვრივ – რესტორან „რივიერადან“ რესტორან „ოქროს თევზამდე“ მონაკვეთში]. …

Continue reading “ბათუმში 3 ადგილზე გარეგანათების აღსადგენად 415 ათასი ლარია გამოყოფილი – ტენდერი”

ბათუმის მერია საკრებულოს სხდომათა დარბაზისთვის სკამებს ყიდულობს

ბათუმის საკრებულოს სხდომათა დარბაზისთვის სკამების შესყიდვაზე ქალაქის მერიამ ტენდერი გამოაცხადა. 36 სკამის შესაძენად ქალაქის ბიუჯეტიდან 9 400 ლარია გამოყოფილი. პირობის მიხედვით, მერია 2 სახის სკამს შეისყიდის: ტენდერში წინადადებების მიღება 2022 წლის 18 ოქტომბერს დაიწყება და 20 ოქტომბერს დასრულდება. გამარჯვებულმა კი მერიას სკამები ხელშეკრულების გაფორმებიდან 5 სამუშაო დღეში უნდა მიაწოდოს. — ბათუმის საკრებულოს სხდომაზე მოქალაქეების დაშვება …

Continue reading “ბათუმის მერია საკრებულოს სხდომათა დარბაზისთვის სკამებს ყიდულობს”

გონიოს ყოფილ პოლიგონზე 9.9 ჰექტარი დაჭაობებულია – ტენდერი ტერიტორიის შესწავლაზე

გონიოს ყოფილ პოლიგონზე დაჭაობებულ ადგილებს გეორადიოლოკაციური მეთოდით განსაზღვრავენ. აჭარის ფინანსთა და ეკონომიკის სამინისტრომ დაჭაობებული ტერიტორიის მოცულობების განსაზღვრაზე ტენდერი გამოაცხადა. სატენდერო თანხა 19 300 ლარია. „გონიოს დასახლებაში მდებარე დაჭაობებული ტერიტორიის სიღრმე უნდა განისაზღვროს გეორადიოლოკაციური მეთოდით, ხოლო მოცულობების შესახებ ინფორმაცია მოწოდებულ უნდა იქნას ცალ-ცალკე საკადასტრო კოდების მითითებით. დაჭაობებული ტერიტორიის სავარაუდო ფართობი შეადგენს 9,9 ჰექტარს“, – აღნიშნულია სატენდერო …

Continue reading “გონიოს ყოფილ პოლიგონზე 9.9 ჰექტარი დაჭაობებულია – ტენდერი ტერიტორიის შესწავლაზე”

რატომ არ იწყებს ბათუმის მერია ძაღლების თავშესაფრის მშენებლობას

ბათუმში, ძაღლსაშენისა და იპოდრომის მოწყობა ქალაქის მერიამ ორი წლის წინ დააანონსა, 10 თვის წინ კერძო კომპანიასთან ხელშეკრულებაც გააფორმა, თუმცა, დღეს, არათუ მშენებლობის დაწყება, დეტალური პროექტიც არ აქვს. მერიის სამმართველომ ამჯერად ტენდერი მხოლოდ პროექტის მომზადებაზე, ხელახლა გამოაცხადა. წინა ტენდერი, რომელიც 700 ათასი ლარით იყო გამოცხადებული, შერჩევა-შეფასების ეტაპზე შეწყდა, სადაც ერთ-ერთი პრეტენდენტი მერიას პროექტისა და ხარჯთაღრიცხვის მომზადებას …

Continue reading “რატომ არ იწყებს ბათუმის მერია ძაღლების თავშესაფრის მშენებლობას”

6,7 მილიონი ლარი შუახევის მთა ჩირუხში ზიპლაინის მოსაწყობად

შუახევის მუნიციპალიტეტის მთა ჩირუხში ორხაზოვანი ზიპლაინის მშენებლობა იგეგმება, რისთვისაც აჭარის ბიუჯეტიდან 6 მილიონზე მეტი ლარია გათვალისწინებული. ზიპლაინის მინიმალური სიგრძე 1 752 მეტრი უნდა იყოს. „პროექტის მიზანია ჩირუხის, როგორც ტურისტული დანიშნულების ადგილის პოპულარიზაცია. ზიპლაინი იქნება ერთ-ერთი ყველაზე გრძელი ზიპლაინი ევროპაში. ზედა სადგური დაპროექტებულია როგორც „არწივის ბუდე“, საიდანაც იშლება პანორამული ხედი ხეობაზე. ქვედა სადგურის პროექტში ინტეგრირებულია ტურისტულ-ვიზიტორთა …

Continue reading “6,7 მილიონი ლარი შუახევის მთა ჩირუხში ზიპლაინის მოსაწყობად”

458 ათასი ლარი აჭარის უმაღლესი საბჭოს შენობის ადაპტირება-რემონტისთვის

აჭარის უმაღლესი საბჭოს ადმინისტრაციული შენობის რემონტისთვის 458 ათას 231 ლარია გამოყოფილი. ტენდერი გამოცხადებულია და საბოლოო თანხა, რაც ტენდერის დასრულების შემდეგ დაფიქსირდება, აჭარის 2022 და 2023 წლების ბიუჯეტიდან დაიფარება. საბჭოს შენობაში უნდა მოეწყოს პანდუსი, ლიფტი და ჩატარდეს სხვადასხვა სარეაბილიტაციო სამუშაო. დოკუმენტების მიხედვით, გარდა იმისა, რომ შენობა არაადაპტირებულია, კედლებში წყალიც ჟონავს. მიზეზად კი, თავის დროზე არასწორად შესრულებული …

Continue reading “458 ათასი ლარი აჭარის უმაღლესი საბჭოს შენობის ადაპტირება-რემონტისთვის”

„ბარცხანის ნაპირგამაგრება გასახლების გარეშე შეუძლებელია“ – რაში ხარჯავს მერია 1,8 მილიონს

ბათუმში, ბაქრაძისა და ნონეშვილის ქუჩების მიმდებარედ, მდინარე ბარცხანაზე ნაპირსამაგრის მოსაწყობად მერიის საქალაქო ინფრასტრუქტურისა და კეთილმოწყობის სამმართველომ ტენდერი გამოაცხადა. სამუშაოების სავარაუდო/სატენდერო ღირებულება 1,8 მილიონი ლარია. „ბათუმელებმა“ შესაბამისი დოკუმენტების შესწავლით აღმოაჩინა, რომ ვერ მოხერხდა ისეთი კონსტრუქციის დაპროექტება, რომელიც მიმდებარე ტერიტორიებს წყალმოვარდნისგან დაიცავდა. მიზეზი ის არის, რომ ასეთი კონსტრუქცია რომც დაპროექტდეს, ის მდინარის მარჯვენა და მარცხენა ნაპირებზე მდებარე შენობა-ნაგებობების …

Continue reading “„ბარცხანის ნაპირგამაგრება გასახლების გარეშე შეუძლებელია“ – რაში ხარჯავს მერია 1,8 მილიონს”

927 ათასი ლარი ბათუმში 2 კორპუსის ფასადის რეაბილიტაციისთვის

ბათუმში, შავშეთის N6-ში მდებარე ხუთსართულიანი საცხოვრებელი სახლის დაზიანებული ფასადისა და ასევე, კობალაძის N5-ში მდებარე თექვსმეტსართულიანი სახლის ფასადის რეაბილიტაციაზე, მერიის სამმართველომ ტენდერი 927 149 ლარით გამოაცხადა. პირობის მიხედვით, ორთავე სახლის ფასადზე სამუშაოები 2023 წლის 11 მაისამდე უნდა დასრულდეს. „შემსყიდველი უფლებას იტოვებს პროექტის ვადების მართვის მიზნით მოსთხოვოს მიმწოდებელს გეგმა-გრაფიკის წარმოდგენა ან შემოიფარგლოს წერილობითი დავალების მიცემით, რომელიც უნდა …

Continue reading “927 ათასი ლარი ბათუმში 2 კორპუსის ფასადის რეაბილიტაციისთვის”

ბათუმის ბულვარი კოლონადების რესტავრაციას გეგმავს

ბათუმის ბულვარის ადმინისტრაცია კოლონადების რესტავრაციას გეგმავს. რესტავრაცია-რეაბილიტაციის სამუშაოების საპროექტო-სახარჯთაღრიცხვო დოკუმენტაციას კი, ბულვარი ტენდერით შეისყიდის, რისთვისაც ბიუჯეტიდან 20 ათას 550 ლარია გამოყოფილი. ბათუმის ძველ ბულვარში არსებული კოლონადები კულტურული მემკვიდრეობის ძეგლია. ტექნიკური დავალების მიხედვით, პროექტირებისას, სხვადასხვა დეტალების გათვალისწინების პარალელურად, უნდა მომზადდეს: არქიტექტურული ანაზომები ლოკალურ დაზიანებათა დატანით; საინჟინრო-გეოლოგიური კვლევა, ტექნიკური ანგარიშის, დასკვნებისა და რეკომენდაციების მომზადება [გრუნტების ფიზიკურ-მექანიკური თვისებების …

Continue reading “ბათუმის ბულვარი კოლონადების რესტავრაციას გეგმავს”

რესპუბლიკურის ეზოში „ღვაწლმოსილი ექიმების სახელების უკვდავსაყოფად“ მონუმენტს დადგამენ

ბათუმის რესპუბლიკური კლინიკური საავადმყოფოს გადაწყვეტილებით, „საავადმყოფოს დაარსებიდან 120 წლის საიუბილეო თარიღთან დაკავშირებით, ღვაწლმოსილი ექიმების სახელების უკვდავსაყოფად მონუმენტს მოაწყობენ“. მონუმენტს საავადმყოფოს ეზოში არსებულ სკვერში დადგამენ. მონუმენტის მოწყობის სამუშაოებისთვის საავადმყოფოს 53 516 ლარი აქვს გამოყოფილი, მომსახურებას კი ტენდერით შეისყიდის. ტენდერი გამოცხადებულია, სადაც წინადადებების მიღება 30 სექტემბერს დაიწყება და 3 ოქტომბერს დასრულდება. მონუმენტი კი, ხელშეკრულების დადებიდან 60 დღეში …

Continue reading “რესპუბლიკურის ეზოში „ღვაწლმოსილი ექიმების სახელების უკვდავსაყოფად“ მონუმენტს დადგამენ”

რკინის თაღის ქვეშ ხიდის მშენებლობა დაიწყო – მეორე ხიდი ბათუმში იუსტიციასთან აშენდება

ბათუმში, შარტავასა და აბუსერიძის ქუჩების კვეთაში საფეხმავლო ხიფის მშენებლობა დაწყებულია. ეს ხიდი, აქვე მდებარე რკინის თაღში გაივლის. ხიდის მშენებლობა და მიმდებარე ხეივნების რეაბილიტაცია, როგორც „ბათუმელებს“ ადრე მუნიციპალური განვითარების ფონდში უთხრეს, 2022 წლის სექტემბრის ბოლომდე უნდა დასრულებულიყო. აშკარაა, რომ სამუშაოები დარჩენილ 10 დღეში ვერ დასრულდება. სამუშაოებს აქ „საბა კონსტრაქშენი“ აწარმოებს. როდის დასრულდება სამუშაოები, ამ კითხვაზე პასუხს …

Continue reading “რკინის თაღის ქვეშ ხიდის მშენებლობა დაიწყო – მეორე ხიდი ბათუმში იუსტიციასთან აშენდება”

302 000 ლარი ბათუმის რესპუბლიკურის ეზოს სკვერის რეაბილიტაციისთვის

ბათუმის რესპუბლიკური საავადმყოფოს ეზოში არსებული სკვერის რეაბილიტაციისთვის 302 ათასი ლარია გათვალისწინებული. სკვერი საავადმყოფოს ძველ და ახალ კორპუსებს შორის მდებარეობს. რეაბილიტაციაზე ტენდერი შპს „ბათუმის რესპუბლიკურმა კლინიკურმა საავადმყოფომ“ გამოაცხადა. ეზოს [სკვერის] რეაბილიტაციასთან ერთად სანიაღვრე არხის მოწყობაცაა დაგეგმილი. „ბათუმის რესპუბლიკური საავადმყოფოს ტერიტორიაზე განთავსებულია სკვერი, რომელიც გაშენებულია მე-XX საუკუნის 50-იან წლებში, განაშენიანებისთვის თავდაპირველად გამოყენებული იყო მარადმწვანე მერქნიანი მცენარეები და პალმები. …

Continue reading “302 000 ლარი ბათუმის რესპუბლიკურის ეზოს სკვერის რეაბილიტაციისთვის”

ქობულეთში სათვალთვალო კამერებს სოფლებშიც დაამონტაჟებენ – გამოყოფილია 1 მილიონი ლარი

ქობულეთის მუნიციპალიტეტმა ვიდეო-სათვალთვალო კამერების შეძენა-მონტაჟზე ელექტრონული ტენდერი გამოაცხადა. მომსახურების შესყიდვის სავარაუდო თანხა 1 მილიონ 57 ათასი ლარია. ქობულეთი ამჯერად 159 სათვალთვალო კამერას შეისყიდის და ქალაქთან ერთად სოფლებშიც დაამონტაჟებს. კონკრეტული სოფლების ჩამონათვალი სატენდერო დოკუმენტაციას არ ახლავს. სატენდერო დავალებაში აღნიშნულია, რომ „პრეტენდენტმა უნდა უზრუნველყოს ქობულეთის მუნიციპალიტეტის ტერიტორიაზე, მათ შორის სოფლებში ვიდეო-სამეთვალყურეო კამერების მიწოდება-მონტაჟი და ვიდეო ნაკადის [სტრიმის] …

Continue reading “ქობულეთში სათვალთვალო კამერებს სოფლებშიც დაამონტაჟებენ – გამოყოფილია 1 მილიონი ლარი”

11 მილიონი აჭარის სოფლების გაზიფიცირებისთვის – ტენდერები 9 მილიონით არ შედგა

დაბა ხულოს, შუახევისა და კიდევ 11 სოფლის გაზიფიცირებაზე გამოცხადებული ტენდერები არ შედგა. ელექტრონულ ტენდერებში მონაწილეობა არავინ მიიღო. შესყიდვის სავარაუდო ღირებულება ჯამში 9,3 მილიონი ლარი იყო. საქართველოს გაზის ტრანსპორტირების კომპანიამ იგივე მომსახურებაზე ტენდერები დღეს, 16 სექტემბერს ხელახლა გამოაცხადა, თუმცა, მომსახურების სავარაუდო ღირებულება ჯამში 2,3 მილიონი ლარითაა გაზრდილი და მთლიანობაში 11,6 მილიონი ლარია. შესყიდვის ხელახლა გამოცხადებით გადაიწია …

Continue reading “11 მილიონი აჭარის სოფლების გაზიფიცირებისთვის – ტენდერები 9 მილიონით არ შედგა”