ახალ საშობაო ნაძვის ხეს წელს ქედაშიც დადგამენ. ნაძვის ხის შესყიდვაზე მუნიციპალიტეტმა ტენდერი 141 ათას 600 ლარით გამოაცხადა.
ხელოვნური ნაძვის ხე კონუსის ფორმის და, მთლიანობაში, 17 მეტრი სიმაღლის იქნება.
ტენდერის პირობის მიხედვით:
- „მიმწოდებელმა უნდა უზრუნველყოს საშობაო ნაძვის ხის მიწოდება მონტაჟით;
- საქონელი უნდა იყოს ახალი, ხარისხობრივად უნაკლო და უნდა აკმაყოფილებდეს დანართში მითითებულ ტექნიკურ პარამეტრებს/მახასიათებლებს.
- ნაძვის ხის მონტაჟის საჭირო მექანიზმებს და დამხმარე მუშახელს უზრუნველყოფს მიმწოდებელი.“
სატენდერო დოკუმენტაციას ახლავს ნაძვის ხის ტექნიკური მახასიათებლები და ესკიზი:
ესკიზი ტენდერიდან [მარცხნივ] და საახალწლო ნაძვის ხე გასულ წელს ქედაში [მარჯვნივ]
მიმწოდებელი კი, ვალდებულია ნაძვის ხე მერიას 2022 წლის 23 დეკემბრამდე მიაწოდოს [საკუთარი ხარჯებით დაბა ქედაში, მერიის მიერ მითითებულ ადგილზე.]
ამასთან, ნაძვის ხის გარანტია მიღება-ჩაბარების აქტის გაფორმებიდან არანაკლებ 12 თვე უნდა იყოს.
წელს ახალ ნაძვის ხეს იყიდის ქობულეთი და ბათუმიც:
ბათუმის მერია კი ნაძვის ხეში მილიონამდე ლარს გადაიხდის:
ბათუმის მერია ნაძვის ხეს 968 387 ლარად „აჭარგანათებისგან“ იყიდის
