მთავარი,მთიანი აჭარა,სიახლეები

ბათუმში 3 ადგილზე გარეგანათების აღსადგენად 415 ათასი ლარია გამოყოფილი – ტენდერი

18.10.2022 • 1621
ბათუმში 3 ადგილზე გარეგანათების აღსადგენად 415 ათასი ლარია გამოყოფილი – ტენდერი

ბათუმში, სამ ადგილზე, გარეგანათების დაზიანებული ინფრასტრუქტურის აღსადგენად ქალაქის ბიუჯეტიდან 415 ათას 324 ლარია გამოყოფილი. აღნიშნული თანხით ტენდერი მერიის საქალაქო ინფრასტრუქტურისა და კეთილმოწყობის სამმართველოს აქვს გამოცხადებული.

ტენდერის ფარგლებში გარეგანათებას აღადგენენ:

  • „პორტა ბათუმი თაუერის“ მიმდებარედ [ე.წ. საოცრებათა პარკთან],
  • ევროპის მოედანზე [გაანათებენ მედეას ძეგლს],
  • თამარის დასახლებაში სანაპიროზე [ოდისეი დიმიტრიადის ქუჩის გასწვრივ – რესტორან „რივიერადან“ რესტორან „ოქროს თევზამდე“ მონაკვეთში].

პირობის მიხედვით, სამუშაოები 2022 წლის 9 დეკემბრამდე უნდა დამთავრდეს.

ტენდერში წინადადებების მიღება დაწყებულია და 20 ოქტომბერს დასრულდება.

„მიმწოდებლის მიერ დამონტაჟებულ LED სანათზე უნდა ვრცელდებოდეს გარანტია არანაკლებ 10 წლის განმავლობაში, ხოლო დანარჩენ სამუშაოებზე – არანაკლებ 2 წლის განმავლობაში შესაბამისი მიღება-ჩაბარების აქტის გაფორმების თარიღიდან,“ – აღნიშნულია პირობაში.

„თამარის დასახლებაში ზღვისპირა განათება [2021 წლის] დეკემბერში შეცვალეს და გააკეთეს. აგერ ერთ თვეზე მეტია აღარ ანათებს და ვეღარც გაანათებს, იმიტომ, რომ „ოქროს თევზიდან“ „რივიერამდე“ მონაკვეთში მთლიანი კაბელი აღარაა, მოიპარეს“ – ეს 5 თვის წინ მოგვწერა ერთ-ერთმა მოქალაქემ.

მერიის სამმართველოში „ბათუმელებს“ კაბელის ქურდობის ფაქტი მაშინ დაუდასტურეს:

ბათუმში, სანაპიროზე გარეგანათების კაბელები მოიპარეს

მთავარი ფოტო: ბათუმი, ევროპის მოედანი, 18.10.2022

გადაბეჭდვის წესი


ასევე: