აჭარის უმაღლესი საბჭოს ადმინისტრაციული შენობის რემონტისთვის 458 ათას 231 ლარია გამოყოფილი.
ტენდერი გამოცხადებულია და საბოლოო თანხა, რაც ტენდერის დასრულების შემდეგ დაფიქსირდება, აჭარის 2022 და 2023 წლების ბიუჯეტიდან დაიფარება.
საბჭოს შენობაში უნდა მოეწყოს პანდუსი, ლიფტი და ჩატარდეს სხვადასხვა სარეაბილიტაციო სამუშაო.
დოკუმენტების მიხედვით, გარდა იმისა, რომ შენობა არაადაპტირებულია, კედლებში წყალიც ჟონავს. მიზეზად კი, თავის დროზე არასწორად შესრულებული სამუშაოებია დასახელებული.
ეს შენობა კულტურული მემკვიდრეობის ძეგლია.
სარემონტო-სარეაბილიტაციო სამუშაოები ითვალისწინებს:
• სახურავისა და ტერასების წყალსადინარი სისტემის რეაბილიტაცია-რემონტს;
• ფასადის განათების სისტემის შეცვლას;
• შენობის ფასადის სამღებრო სამუშაოებს;
• ფასადზე გამომავალი ფანჯრებისათვის ჰიდროსაიზოლაციო ღონისძიებებს;
• მთავარი შესასვლელის დეკორატიული საჩეხის რეაბილიტაციას.
სატენდერო დოკუმენტებს თან ახლავს შენობის „მისაწვდომობის კონცეფცია მობილობის, მხედველობისა და სმენის შეზღუდვების მქონე პირებისთვის“, რომლის ფარგლებში ჩატარდება შემდეგი სამუშაოები:
ტენდერში წინადადებების მიღება 2022 წლის 20 ოქტომბერს დაიწყება და ხუთ დღეში, 25 ოქტომბერს დასრულდება.
სამუშაოები, ტენდერში გამარჯვებულთან ხელშეკრულების გაფორმების დღიდან არაუმეტეს 120 დღეში უნდა დასრულდეს.
აჭარის უმაღლესი საბჭოს ადმინისტრაციულ შენობაში [ქ. ბათუმი, ლუკა ასათიანის ქუჩა №37] მოქალაქეთა ჩართულობის ცენტრის და სახელმწიფო სიმბოლოების განსათავსებლად სპეციალური სივრცის მოსაწყობად 2021 წელს 105 ათასი ლარი იყო გამოყოფილი.
შენობაში სასესიო დარბაზის რემონტისთვის კი, 2019 წელს ბიუჯეტიდან 195 415 ლარი გამოიყო.
მანამდე, იმავე წელს, „თანამშრომელთა სათანადო სამუშაო პირობების შექმნის უზრუნველყოფისთვის“ – 133 068 ლარი.
აღნიშნულ შენობაში უმაღლეს საბჭომდე ხელოვნების უნივერსიტეტი იყო განთავსებული. შენობაში წყალი მაშინაც ჩადიოდა, რაც შენობის რეაბილიტაცია დასრულდა და იგი სახელმწიფო ბიუჯეტს 6 499 499 ლარი დაუჯდა.
ამავე თემაზე:
აჭარის მთავრობა ახალი ადმინისტრაციული შენობის აშენებას გეგმავს