ბათუმში, ძაღლსაშენისა და იპოდრომის მოწყობა ქალაქის მერიამ ორი წლის წინ დააანონსა, 10 თვის წინ კერძო კომპანიასთან ხელშეკრულებაც გააფორმა, თუმცა, დღეს, არათუ მშენებლობის დაწყება, დეტალური პროექტიც არ აქვს.
მერიის სამმართველომ ამჯერად ტენდერი მხოლოდ პროექტის მომზადებაზე, ხელახლა გამოაცხადა.
წინა ტენდერი, რომელიც 700 ათასი ლარით იყო გამოცხადებული, შერჩევა-შეფასების ეტაპზე შეწყდა, სადაც ერთ-ერთი პრეტენდენტი მერიას პროექტისა და ხარჯთაღრიცხვის მომზადებას 490 ათას ლარად სთავაზობდა.
შეწყვეტის ოქმში აღნიშნულია, რომ ტენდერის მიმდინარეობისას გაირკვა – პროექტი გარემოს დაცვის ეროვნულ სააგენტოსთან უნდა შეთანხმებულიყო, რაც არ იყო ჩაწერილი ტექნიკურ დავალებაში:.
ტენდერის შეწყვეტის ოქმიდან
ხელახალი ტენდერი ამჯერადაც 700 ათასი ლარითაა გამოცხადებული.
ბათუმის მერიის საქალაქო ინფრასტრუქტურისა და კეთილმოწყობის სამმართველოში აღარ გამორჩენიათ ტექნიკურ დავალებაში ჩაეწერათ – „შენიშვნა: პროექტი შეთანხმებული უნდა იყოს საქართველოს გარემოს დაცვის ეროვნულ სააგენტოსთან.“
ახალ ტენდერში წინადადებების მიღება 2022 წლის 2 ნოემბერს დაიწყება და 7 ნოემბერს დასრულდება. გამარჯვებულმა დეტალური პროექტი და ხარჯთაღრიცხვა კი, ხელშეკრულების გაფორმებიდან 4 თვის ვადაში უნდა მოამზადოს.
—
ჩაქვის დასახლებაში მრავალფუნქციური სარეკრეაციო სივრცის მოწყობა ბათუმის მერიამ 2020 წლის ოქტომბერში დააანონსა.
ძაღლების თავშესაფრის და იპოდრომის დაპროექტება-მშენებლობისთვის საჭირო თანხა 9 მილიონიდან 15 მილიონამდე გაზარდა, თუმცა, კერძო კომპანიასთან გაფორმებული 12-მილიონიანი ხელშეკრულება შეწყვიტა.
ამ თემაზე:
https://batumelebi.netgazeti.ge/news/431233/
