Batumelebi

12 იანვრის დილის მონაცემებით, საქართველოში ბოლო 24 საათში კორონავირუსისგან 47 პაციენტი გარდაიცვალა; ამავე პერიოდში დადასტურდა ვირუსის 5 596 ახალი შემთხვევა.

Stopcov.ge-ზე გამოქვეყნებული ინფორმაციის თანახმად საქართველოში ამ დროისთვის:

• კორონავირუსის დადასტურებული შემთხვევა – 973 909 , ბოლო 24 საათში – 5 596
• მათ შორის გამოჯანმრთელებული – 919 367 , ბოლო 24 საათში – 2 946
• მათ შორის გარდაცვლილი – 14 311 , ბოლო 24 საათში – 47
• დადებითობის მაჩვენებელი: დღიური – 9,63%, ბოლო 14 დღის – 8,51%, ბოლო 7 დღის – 9,79%
• სულ აცრილია – 2 577 637, დღიურად აცრილია – 10 688
• კარანტინის რეჟიმში – 83
• სტაციონარში მეთვალყურეობის ქვეშ – 4 418
• კლინიკურ სასტუმროში მყოფი პირები – 1 958

დღეს ქვეყანაში გამოვლენილი ინფიცირების 5 596 ახალი შემთხვევიდან: თბილისში გამოვლენილია 3 180 შემთხვევა, აჭარა – 638, იმერეთი – 563, ქვემო ქართლი – 173, შიდა ქართლი – 270, გურია – 135, სამეგრელო – ზემო სვანეთი – 219, კახეთი -184, მცხეთა-მთიანეთი -102, სამცხე-ჯავახეთი – 99, რაჭა-ლეჩხუმი და ქვემო სვანეთი -33.

ამ ეტაპზე ინფიცირების მიმდინარე აქტიური შემთხვევა 40 205 საიდანაც:

• 4 418 ადამიანი მკურნალობს საავადმყოფოში, მათ შორის, თბილისის საავადმყოფოებში – 1 853, აჭარაში – 609, იმერეთში – 803.
• ამ ეტაპზე მძიმე პაციენტია 1 045 პირი, მათ შორის, თბილისში – 487, აჭარაში – 123, იმერეთში – 256.
• ხელოვნური სუნთქვის აპარატზე იმყოფება 293 პირი,  მათგან თბილისში – 169, აჭარაში – 42, იმერეთში – 22.
• 1 958 ადამიანი მოთავსებულია კლინიკურ-სასტუმროებში, მათ შორის 1 261 – თბილისში, 466- აჭარაში.
• 33 829 პირი ვირუსის მკურნალობის კურსს გადის საცხოვრებელ ბინაზე.

საკარანტინე სივრცეებში მოთავსებულია 83 ადამიანი, მათ შორის, თბილისში – 80, ხოლო აჭარაში – 3.

ამ ეტაპისთვის თვითიზოლაციაში იმყოფება 33 234  ადამიანი.

12 იანვრის მდგომარეობით საქართველოში ლაბორატორიულად დადასტურებულია ომიკრონის 951 შემთხვევა. ჯანდაცვის მსოფლიო ორგანიზაცია [ჯანმო] ამბობს, რომ კორონავირუსის ახალი შტამი „ომიკრონი“ მომავალ კვირებში ევროპის მოსახლეობის ნახევარზე მეტს დააავადებს.

12 იანვრის დილის მონაცემებით, ბოლო 24 საათში ჩატარებულია 58 109 კვლევა ტესტით; მათ შორის ანტიგენის სწრაფი ტესტით – 34 115, PCR ტესტით – 23 994

ამავე თემაზე:

თინა დიასამიძე საკუთარ თავს ცხოველების უფლებადამცველს უწოდებს. სწორედ მან იპოვა ბათუმის ერთ-ერთ ხალხმრავალ ქუჩაზე, მაიაკოვსკიზე ფეხებშეკრული, ახალშობილი ხბო, რომელიც ტომარაში ჰყავდათ მოთავსებული.

თინას თქმით, ხბო ამ მდგომარეობაში ორ საათზე მეტ ხანს იყო. ბოლოს თინა დიასამიძემ საპატრულო პოლიცია გამოიძახა და ხბო სახლში წაიყვანა.

„ბათუმში ვცხოვრობ, კერძო სახლი მაქვს. ახლა ხბო ეზოში მყავს. სახლს ვუშენებ. ვუმკურნალებ. მერე კი თავშესაფარში გადავიყვან“, – უთხრა თინამ „ბათუმელებს“.

თინას თქმით, ის გუშინვე შეხვდა ხბოს მესაკუთრეს და თანხაც გადაუხადა. „80 ლარად ყიდდა, მე 150 გადავუხადე. მოხუცი კაცი იყო. კარგად ვერ გავიგე ასეთ მდგომარეობაში რატომ დააგდო ხბო ქუჩაში. ჩემთვის ეს არის პირუტყვის წამება, თუმცა ზუსტად არ ვიცი კანონი ამას როგორ არეგულირებს“, – უთხრა „ბათუმელებს“ თინამ.

თინა ამბობს, რომ ის და მისი მეუღლე ცხოველების, უფრო კონკრეტულად კი ძაღლების უფლებებისთვის ერთად იბრძვიან. „სახლში 11 ძაღლი და 4 კატა გვყავს. მე და ჩემი მეუღლე ვუვლით. ყველას თავისი ისტორია აქვს. ზოგს თათები აქვს დაზიანებული, ზოგს სხეული სხვა ნაწილი. თავშესაფარიც გვაქვს, სადაც 70-მდე ძაღლს ვუვლით. ყველა ტრავმირებულია“, – გვიყვება თინა.

ახალგაზრდა ქალის თქმით, აქტივიზმი, ანუ ცხოველების უფლებებისთვის ბრძოლა მას შემდეგ დაიწყო, რაც ჯარიდან წამოვიდა. „2008 წლის აგვისტოს ომის მონაწილე ვარ. 8 წელი ვიყავი ჯარისკაცი თუ ჯარისქალი. ჯარიდან მას შემდეგ წამოვედი, რაც კონტრაქტი ამომეწურა. ახლა უპატრონო ძაღლებზე ვზრუნავ – ახალ თავშესაფარს ვაშენებ. მერიასთან მიწის ნაკვეთის იჯარაზე მაქვს მოლაპარაკება. აღმოჩნდა, რომ არამარტომ ძაღლებს ექცევიან არაადამიანურად – ეს ბოჩოლა იქნება ამ თავშესაფრის სავიზიტო ბარათი“.

თინა ამბობს, რომ უკვე ათი წელია თავშესაფარს ძირითადად საკუთარი სახსრებით ინახავს. პატარა ბიზნესი მაქვს, მაღაზიას ვამუშავებ და ასე გაგვაქვს თავიო – გვიხსნის:

„10 წელია ვუვლი, ვკვებავ ქუჩის ძაღლებს. არის მცირედი შემოწირულებები, მაგრამ მინიმალურია – შემიძლია ანგარიშის ამონაწერი გაჩვენოთ. 70 ძაღლს ბევრი უნდა დღეში. იმის წყალობით, რომ ექთანი ვარ, ძაღლების მკურნალობასაც ვახერხებ, ოპერაციებსაც კი ვუკეთებ ცუგებსო“.

__

28 წლის ცოლ-ქმარს ხულოდან ორი შვილი ჰყავთ. უფროსი შვილი, საბა, დაბადებიდან ებრძვის მძიმე დაავადებას – ჰიდროცეფალიას. ბავშვის მამა, მერაბი ამბობს, რომ თავის პატარა ოჯახთან ერთად სოფელ ფაჩხაში, ახლობლის სახლში ცხოვრობს.

საბა ზანდარაძე 16 იანვარს გახდება ექვსი წლის. მამას სურს, შვილს თურქეთში უმკურნალოს, რისთვისაც თანხას აგროვებს. ამბობს, რომ ამისთვის დაახლოებით 50 ათასი ლარი სჭირდება. დაზუსტებულ თანხას ამ დღეებში ელის თურქული კლინიკიდან.

“ბავშვი ჯერ ძალიან პატარაა და უკვე ოთხჯერ გაუკეთდა შუნტირება. საბას ეზოში სათამაშოდ გაშვებასაც კი ვერ ვბედავთ. მეშინია არ წაიქცეს და რაიმე არ მოუვიდეს.

28 წლის მამა ვარ. აქამდე ჩვენი ძალებით ვცდილობდი და ვაკეთებდით ყველაფერს მე და ჩემი ოჯახი, რომ საბას ყველა საჭიროება დაგვეკმაყოფილებინა. მე და ჩემი 18 წლის ძმა თურქეთში ჩაის საკრეფად დავდიოდით სეზონურად და ვცდილობდით საბასთვის არაფერი მოგვეკლო. სოფლის შემოსავალი რაც გვქონდა, ყველაფერს საბას დაავადებასთან ბრძოლაში ვიყენებდით, მაგრამ ვეღარ ვწვდებით ხარჯებს.

ერთხელ აჭარის მთავრობა დაგვეხმარა 15 000 ლარით, სტამბოლში მყავდა ბავშვი, სადაც სრულად ჩაუტარდა გამოკვლევები და ოპერაცია დაგვიგეგმეს საბასთვის, მაგრამ ოპერაციისთვის ვეღარ ჩავიყვანე თურქეთში. ფული საერთოდ აღარ გვქონდა.

თურქეთში წასვლამდე ბავშვის მონაცემები გავაგზავნე, ანგარიშფაქტურები მივიღე და  შემდეგ წავიყვანე თურქეთში.

საბას თურქეთში ყველა გამოკვლევა ჩაუტარდა და გადაწყდა, რომ ოპერაცია სამ თვეში უნდა ჩატარებულიყო. საქართველოში დაბრუნების შემდეგ ბავშვს ისევ ჰქონდა მძიმე თავის ტკივილები. თურქეთში ვეღარ წავედით, ფინანსური რესურსი აღარ გვქონდა და მისი მკურნალობა თბილისში გავაგრძელეთ.

ასე გადის ცხოვრება. ყველაფერს ვაკეთებ, რომ ჩემი შვილი კარგად იყოს და მისი მდგომარეობა თუნდაც სულ ცოტათი გაუმჯობესდეს, მაგრამ დახმარების გარეშე არ გამოდის”, – ამბობს საბას მამა, მერაბ ზანდარაძე.

მერაბ ზანდარაძის თქმით, ოჯახი დაახლოებით სამი წელი ქირით ცხოვრობდა თბილისში. საბა სულ ექიმებთან დაგვყავდა, რათა მისი მოულოდნელ გართულებებს სწრაფად გავმკლავებოდით, საავადმყოფოში მაშინვე რომ მიგვეყვანაო.

„ახლა სოფელ ფაჩხაში ვცხოვრობთ, ჩემი ბიძაშვილის სახლში. თვითონ არ ცხოვრობს სოფელში და სახლი დაგვითმო. როცა საბა ცუდად ხდება – ეწყება ღებინება, ძლიერი თავის ტკივილები, ისევ თბილისში მიგვყავს. თუ სატუმბის გამოცვლას საჭიროებს ვუცვლით, თუ არა დაკვირვების ქვეშ რჩება. ასე ვიქცევით ყოველ ჯერზე, როცა საბას ძლიერი ტკივილები ეწყება. სხვა გზა არ გვაქვს.

სახლში სულ ყურადღების ქვეშ გვყავს, სულ იმას ვამოწმებთ, შუნტი გამართულად მუშაობს თუ არა. ვშიშობ, სხვა ავადმყოფობებმა საბას ჯანმრთელობა არ დაამძიმოს. გაცივდება, თუ რაც იქნება, ეგრევე  საავადმყოფოშია წასაყვანი. როცა თავს შედარებით კარგად გრძნობს, ბათუმში, რეაბილიტაციის ცენტრში დამყავს”, – გვიყვება მერაბი.

ზანდარაძეების ოჯახის ყოველთვიური შემოსავალი საბას პენსიაა – შშმ პირის სტატუსი აქვს. დედა ბაღში მუშაობს, ოჯახი ასევე სოციალურ დახმარებასაც იღებს.

საბას დედაც ჯანმრთელობის პრობლემებს ებრძვის – რამდენიმე ოპერაცია გაიკეთა. მერაბის თქმით, საბაზე მშობიარობის დროს იმდენად მძიმე იყო დედის მდგომარეობა, რომ არც მისი და არც ბავშვის გადარჩენის იმედი არ ჰქონდათ ექიმებს.

“ბავშვის მდგომარეობა ითხოვს მუდმივ მეთვალყურეობასა და  რეაბილიტაციურ თერაპიას. კონტროლი სჭირდება, მაგნიტორეზონანსული ტომოგრაფია თუ  რა მდგომარეობაშია შუნტი და თავის ტვინი რამდენად მუშაობს ადეკვატურად.

ჰიდროცეფალიის ერთ-ერთი სახით მკურნალობა ხდება შუნტის იმპლანტაციით. შუნტი და სატუმბი რამდენ ხანში საჭიროებს გამოცვლას, ეს ბავშვის მდგომარეობაზეა დამოკიდებული“, – ამბობს საბას მკურნალი ექიმი საქართველოში, ვლადიმერ მამაცაშვილია, იაშვილის სახელობის ბავშვთა საავადმყოფოს ნეიროქირურგი, ბავშვთა ქირურგი.

___

მკითხველთა თხოვნით, ვაქვეყნებთ ანგარიშის ნომერს.

საბას დახმარების მსურველებს თანხის გადარიცხვა შეუძლიათ შემდეგ ანგარიშზე:

სს საქართველოს ბანკი

ანგარიშის ნომერი: GE88BG0000000103117598

მიმღები: ა(ა)იპ თავისუფალ ჟურნალისტთა სახლი

დანიშნულება: ქველმოქმედება – საბას მხარდაჭერა

თურქული მედიის ცნობით, იზეთ ქოჩაკმა, რომელიც აქსარაიში მესაქონლეობით არის დაკავებული, ძროხების რძის მოსავლიანობის გაზრდის მიზნით, თავის ძროხებს ვირტუალური რეალობის სათვალე გაუკეთა და დადებითი შედეგიც მიიღო – რძის მოსავლიანობა გაიზარდა.

იზეთ ქოჩაკმა მეცხოველეობის ბიზნესი 2018 წელს წამოიწყო და ახლა 180 სული პირუტყვი ჰყავს. ის ამბობს, რომ ძროხებს მუსიკას ასმენინებს და ახლა უკვე ჭამის დროს ვირტუალურ რეალობის სათვალესაც უკეთებს.

ქოჩაკის თქმით, ამ მეთოდს რუსეთში იყენებენ და თავად ამის შესახებ ინტერნეტით გაიგო.

„რუსეთში ძროხებს უკეთებენ ვირტუალური რეალობის სათვალეებს. ჩვენ გადავწყვიტეთ ეს ჩვენს ბიზნესში გვეცადა. პირველ ჯერზე ვირტუალური რეალობის სათვალე ორ ცხოველზე ვცადეთ. 10 დღის შემდეგ გაიზარდა როგორც რძის ხარისხი, ისე რაოდენობა. ჩვენი ძროხა, რომელიც 22 ლიტრ რძეს იწველიდა, სათვალის შემდეგ 27 ლიტრზე ავიდა“, – უყვება ჟურნალისტებს ფერმერი.

ქოჩაკის განმარტებით, რომელიც კვლევებს ეყრდნობა, სადგომებში დაბმული ძროხები, რომლებიც რეალურად მშრალი საკვებით იკვებებიან, ვირტუალური რეალობის სათვალეში ამ გარემოს აღიქვამენ, როგორ მწვანე ბალახს:

„ჩვენ ძროხები, რომლებიც ვირტუალური რეალობის სათვალეებს ატარებენ, ხედავენ უზარმაზარ მწვანე საძოვარს. ეს სათვალეები ემოციურად კარგია ცხოველებისთვის – ნაკლები სტრესი აქვთ. ეს მდგომარეობა აისახება როგორც რძის მოსავლიანობაზე, ისე ზრდის რძის ხარისხსა და რაოდენობას. ჩვენ გადავწყვიტეთ ეს გვეცადა. ამჟამად ტესტირების ფაზაში ვართ. ვფიქრობთ, რომ გაამართლებს. ჩვენ ვაპირებთ კიდევ 10 ვირტუალური რეალობის სათვალე შევუკვეთოთ“.

___

ფოტო: onedio.com

11 იანვრის დილის მონაცემებით, საქართველოში ბოლო 24 საათში კორონავირუსისგან 46 პაციენტი გარდაიცვალა; ამავე პერიოდში დადასტურდა ვირუსის 5 486 ახალი შემთხვევა.

Stopcov.ge-ზე გამოქვეყნებული ინფორმაციის თანახმად საქართველოში ამ დროისთვის:

• კორონავირუსის დადასტურებული შემთხვევა – 968 313 , ბოლო 24 საათში – 5 486
• მათ შორის გამოჯანმრთელებული – 916 421 , ბოლო 24 საათში – 2 893
• მათ შორის გარდაცვლილი – 14 264 , ბოლო 24 საათში – 46
• ბოლო 24 საათში ჩატარებული კვლევა ტესტით – 57 546, მათ შორის ანტიგენის სწრაფი ტესტით – 39 284, PCR ტესტით – 18 262
• დადებითობის მაჩვენებელი: დღიური – 9,53%, ბოლო 14 დღის – 8,1%, ბოლო 7 დღის – 9,63%
• სულ აცრილია – 2 565 599, დღიურად აცრილია – 10 881
• კარანტინის რეჟიმში – 69
• სტაციონარში მეთვალყურეობის ქვეშ – 4 431
• კლინიკურ სასტუმროში მყოფი პირები – 1 801

დღეს ქვეყანაში გამოვლენილი ინფიცირების 5 486 ახალი შემთხვევიდან: თბილისში გამოვლენილია 2 985 შემთხვევა, აჭარა – 569, იმერეთი – 563, ქვემო ქართლი – 205, შიდა ქართლი – 282, გურია – 145, სამეგრელო – ზემო სვანეთი – 290, კახეთი -192, მცხეთა-მთიანეთი -131, სამცხე-ჯავახეთი – 84, რაჭა-ლეჩხუმი და ქვემო სვანეთი -40.

ამ ეტაპზე ინფიცირების მიმდინარე აქტიური შემთხვევა 37 602 საიდანაც:

• 4 431 ადამიანი მკურნალობს საავადმყოფოში, მათ შორის, თბილისის საავადმყოფოებში – 1 901, აჭარაში – 599, იმერეთში – 774.
• ამ ეტაპზე მძიმე პაციენტია 1 083 პირი, მათ შორის, თბილისში – 519, აჭარაში – 130, იმერეთში – 254.
• ხელოვნური სუნთქვის აპარატზე იმყოფება 281 პირი,  მათგან თბილისში – 161, აჭარაში – 39, იმერეთში – 25.
• 1 801 ადამიანი მოთავსებულია კლინიკურ-სასტუმროებში, მათ შორის 1 192 – თბილისში, 426- აჭარაში.
• 31 370 პირი ვირუსის მკურნალობის კურსს გადის საცხოვრებელ ბინაზე.

ამ ეტაპისთვის თვითიზოლაციაში იმყოფება 30 835  ადამიანი.

დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით, 11 იანვრის მდგომარეობით saqarTveloSi ლაბორატორიულად დადასტურებულია ომიკრონის 951 შემთხვევა.

მიშა ბოცვაძე ისტორიის მასწავლებელი იყო თბილისიდან და ის დიდაჭარაში გახსნილ პირველ ქართულ სკოლაში ასწავლიდა. არსებობს ზეპირი გადმოცემა, რომ ისტორიკოსს დიდაჭარიდან გაძევებას უპირებდნენ ფუნდამენტალისტები. თუმცა მიშა დიდაჭარლებმა საბძელში, თივაში დამალეს. 

“სოფელ დიდაჭარაში პირველი ქართული სკოლა ოროთახიან შენობაში 1924 წელს გაიხსნა. ისტორიის მასწავლებლად თბილისიდან მოიწვიეს მიშა ბოცვაძე, რომელსაც ძალიან შეუყვარდა ხულო, სოფელი დიდაჭარა და დიდაჭარლები.

ამ სოფლის მკვიდრის, მედიკო გობაძის მონათხრობის თანახმად, ქართული სკოლა დიდაჭარაში, ოროთახიან შენობაში სულ რამდენიმე დღის გახსნილი იყო, როცა შუახევის სოფელ ჭვანაში რელიგიურმა ფუნდამენტალისტებმა შეიტყვეს ქართული სკოლის გახსნის შესახებ და დიდაჭარაში შემოსული პედაგოგების სოფლიდან განდევნა მოიწადინეს.

„ამ ამბის შესახებ რომ გაიგეს დიდაჭარლებმა, ბაბუაჩემმა, სელიმ შავაძემ და მისმა ძმებმა – ნიაზ და ადამ შავაძეებმა, გადაწყვიტეს მასწავლებელი დაემალათ. მათ უნდოდათ, რომ დიდაჭარაში ეფუნქციონირა ქართულ სკოლას, რომელიც მათ შვილებს განათლების მიღების შესაძლებლობას მისცემდა. 

მიშას და დანარჩენ მასწავლებლებს გადააცვეს კაბები, რათა არავინ მიმხვდარიყო, რომ დასამალად მიჰყავდათ. ისინი ღამით ჩუმად წაიყვანეს. ბაბუაჩემმა მასწავლებლები ქალებად გაასაღა, რომლებიც თითქოს მატყლის ნადში უნდა დახმარებოდნენ და ყველა გზად შემხვედრს ამას ეუბნებოდა. 

ბაბუაჩემმა პედაგოგები საბძელში, თივაში დამალა და მოიტყუა, რომ სოფლიდან უკვე წასულები იყვნენ. ამ გზით დარჩნენ დიდაჭარაში პედაგოგები. დიდაჭარიდან პედაგოგების გაძევების მიზნით მართლაც შემოსულან სოფელში, ყველა ოჯახი მოუვლიათ, მაგრამ ვერსად უპოვიათ მასწავლებლები და წასულან“. 

მიშა ბოცვაძე დიდაჭარაში ზამთარში ჩასულა, ანუ იმ დროს, როცა სოფელში უფრო მეტად თავისუფალი დრო აქვთ, ვიდრე სხვა დროს. ამით ისარგებლა პედაგოგმა და სოფელში ყველას ჭადრაკის თამაში ასწავლა.

„ბოცვაძემ ბაბუაჩემს შესთავაზა, რომ ჭადრაკს ასწავლიდა და ჭადრაკის ფიგურები დახაზა. სოფელში ხის კარგი მთლელი იპოვეს, რომელმაც ფიგურები გამოჭრა. მერე თანდათან მთელი სოფელი დაინტერესდა ჭადრაკით.

როცა სკოლა გაიხსნა ყველა სკოლაში დადიოდა თურმე, ბავშვები თუ მათი მშობლები. 

დიდაჭარიდან წასვლის შემდეგ მიშა ბოცვაძე დაქორწინდა და სამი შვილი შეეძინა. ფილმ “მონანიების” მთავარი როლის შემსრულებელი, ზეინაბ ბოცვაძე მიშა ბოცვაძის შვილია. 

მოგვიანებით, 1986 წელს, დიდაჭარლებმა სოფელში ჭადრაკის სახლი ააშენეს და გახსნაზე მოიწვიეს მიშა ბოცვაძის შვილები. ჭადრაკის სახლის გახსნაზე ასულმა მიშას შვილებმა მოისურვეს, რომ სტუმრობდნენ ოჯახს, სადაც მიშა ცხოვრობდა და ღამეც იმ ოჯახში გაათიეს. დიდაჭარაში ჭადრაკის სახლის გახსნას ესწრებოდა ლეგენდარული ნონა გაფრინდაშვილიც.

მიშა ბოცვაძემ დიდაჭარაში სულ რამდენიმე წელი გაატარა. თბილისში დაბრუნების შემდეგ, ის სისტემატურად აგზავნიდა წერილებს სოფელში. დღეს ამ წერილების ნაწილი დიდაჭარაში, ახმედ შავაძის შთამომავლების ოჯახში ინახება, სადაც მიშა ბოცვაძე ცხოვრობდა მასწავლებლად მუშაობის დროს.  

მედიკო გობაძის თქმით, მიშა ბოცვაძის წერილების ნაწილი მის ოჯახს მაშინ ჩაუტანა სოფელ დიდაჭარას სახელით, როცა სტუდენტი გახდა.

“როდესაც წერილები მიშა ბოცვაძის შვილს მივეცი, კითხვა დაიწყო და რამდენიმე წინადადების წაკითხვის შემდეგ ატირდა. მასწავლებელი მიშა დიდაჭარლებს წერდა თუ როგორ ძლიერ მოენატრა ისინი და მალე ჩავიდოდა მათ სანახავად”, – იხსენებს მედიკო. 

___

მთავარი ფოტო: მიშა ბოცვაძე და დიდაჭარის ჭადრაკის სკოლის შენობა

დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით, 10 იანვრის მდგომარეობით, საქართველოში ლაბორატორიულად დადასტურებულია ომიკრონის 816 შემთხვევა.

ჯანმრთელობის ეროვნული ცენტრის განცხადებით, მსოფლიოში COVID-19-ის ამ ახალი შტამის შემთხვევები სულ უფრო იზრდება. დინამიკა მზარდია საქართველოშიც.

„ჯანმრთელობის მსოფლიო ორგანიზაციის განცხადებით, ომიკრონი განსაკუთრებით სწრაფად ვრცელდება და გარკვეულწილად, იმუნიტეტის გვერდის ავლა ახასიათებს. დარგის სპეციალისტების მიერ ახალ შტამზე დაკვირვება აქტიურად მიმდინარეობს და მის შესახებ ინფორმაცია მუდმივად განახლებადია.

ახალ შტამთან ბრძოლის მეთოდები დროული ვაქცინაცია, ბუსტერ-დოზის გაკეთება, ნიღაბის ტარება და სხვა პროფილაქტიკური ღონისძიებების მკაცრი დაცვაა.“ – აცხადებს ჯანმრთელობის ეროვნული ცენტრი.

ომიკრონის პირველი შემთხვევა საქართველოში 20 დეკემბერს დადასტურდა.

კორონავირუსის ახალი შტამის დასადგენად საჭიროა სპეციალური ლაბორატორიული კვლევა, რომელიც ყველა დადასტურებულ შემთხვევას არ უტარდება, შესაბამისად, სამედიცინო სფეროს ექსპერტები ამბობენ, რომ რეალურად ომიკრონის შემთხვევები ქვეყანაში გაცილებით მეტია.

10 იანვრის დილის მონაცემებით, გასულ დღე-ღამეში საქართველოში კორონავირუსით 31 პაციენტი გარდაიცვალა. ამავე პერიოდში ვირუსის 2 953 ახალი შემთხვევა დადასტურდა:

10 იანვრის დილის მონაცემებით, გასულ დღე-ღამეში საქართველოში კორონავირუსით 31 პაციენტი გარდაიცვალა. ამავე პერიოდში ვირუსის 2 953 ახალი შემთხვევა დადასტურდა.

Stopcov.ge-ზე გამოქვეყნებული ინფორმაციის თანახმად საქართველოში ამ დროისთვის:

• კორონავირუსის დადასტურებული შემთხვევაა სულ – 962 827 , ბოლო 24 საათში – 2 953
• მათ შორის გამოჯანმრთელებული – 913 528 , ბოლო 24 საათში – 1 085
• მათ შორის გარდაცვლილი – 14 218 , ბოლო 24 საათში – 31

ბოლო 24 საათში ჩატარდა 25 745 კვლევა ტესტით, მათ შორის ანტიგენის სწრაფი ტესტით – 15 240, PCR ტესტით – 10 505.

დადებითობის მაჩვენებელი: დღიური – 11,47%, ბოლო 14 დღის – 7,76%, ბოლო 7 დღის – 9,57%

• სულ აცრილია – 2 553 749, დღიურად აცრილია – 1 899
• კარანტინის რეჟიმში – 69
• სტაციონარში მეთვალყურეობის ქვეშ – 4 409
• კლინიკურ სასტუმროში მყოფი პირები – 1 694

დღეს ქვეყანაში გამოვლენილი ინფიცირების 2 953 ახალი შემთხვევიდან: თბილისში გამოვლენილია 1 925 შემთხვევა, აჭარა – 336, იმერეთი – 218, ქვემო ქართლი – 80, შიდა ქართლი – 65, გურია – 77, სამეგრელო – ზემო სვანეთი – 126, კახეთი -63, მცხეთა-მთიანეთი -26, სამცხე-ჯავახეთი -34, რაჭა-ლეჩხუმი და ქვემო სვანეთი -3.

ამ ეტაპზე ინფიცირების მიმდინარე აქტიური შემთხვევაა 35 363 საიდანაც:

• 4 409 ადამიანი მკურნალობს საავადმყოფოში, მათ შორის, თბილისის საავადმყოფოებში – 1 919 აჭარაში – 595, იმერეთში – 761.
• ამ ეტაპზე მძიმე პაციენტია 1 094 პირი, მათ შორის, თბილისში – 522, აჭარაში – 133, იმერეთში – 263.
• ხელოვნური სუნთქვის აპარატზე იმყოფება 280 პირი,  მათგან თბილისში – 161, აჭარაში – 42, იმერეთში – 25.
• 1 694 ადამიანი მოთავსებულია კლინიკურ-სასტუმროებში, მათ შორის 1 177 – თბილისში, 402 – აჭარაში.
• 29 260 პირი ვირუსის მკურნალობის კურსს გადის საცხოვრებელ ბინაზე.

საკარანტინე სივრცეებში მოთავსებულია 69 ადამიანი, მათ შორის, თბილისში – 65, ხოლო აჭარაში – 4.

ამ ეტაპისთვის თვითიზოლაციაში იმყოფება 29 134 ადამიანი.

43 წლის ეთერ ფარტენაძე „ოცნების ქალაქში“ არასრულწლოვან შვილთან ერთად ცხოვრობს. ამბობს, რომ ქოხში, რომელსაც თავს აფარებს, წელს ცეცხლი არ დაუნთია – „პატარა „პლეტა“ მაქვს და იმით ვთბები, ზოგჯერ ვრთავო“.

ქოხის ფარღალალა, ხის კედლები კი სიცივეს ნამდვილად ვერ აკავებს.

ეთერის თქმით, გასული ზამთარი ბათუმის მერიის მიერ მიცემული შეშით გადაიტანა. წელს კი მისთვის შეშა ვერ გამონახეს. ვერც იყიდა. ასე დავრჩი 10 წლის შვილთან ერთად სიცივეშიო – გვითხრა ქალმა.

ეთერის თქმით, როცა ძალიან შესცივდებათ, „მეზობელთან გადადიან გასათბობად“.

ეთერი შვილთან ერთად უკიდურეს სიღარიბეში ცხოვრობს. ამბობს, რომ ქოხში, რომელიც 9 წლის წინ ააშენა, მხოლოდ ერთი საწოლი უდგას. სხვა არაფერი. როცა ეკითხები, თუ რატომ არ მუშაობს, ორ მიზეზს ასახელებს, შვილს მარტო ვერ ტოვებს და ვერც სამუშაო ნახა – „დალაგებას შევძლებ, მაგრამ სამუშაო ვერსად ვერ ვნახეო“.

ეთერის ნაცნობი ქალების თქმით, სიღარიბის, მათ შორის სათანადო ტანსაცმლისა თუ ფეხსაცმლის უქონლობის გამო, ეთერის შვილი ვერც სკოლაში ახერხებს სრულფასოვნად სიარულს. „ბავშვისთვის საკმარის ტანსაცმელს ვერ ვყიდულობ, ზოგჯერ ჩუქნიან და სულ ეს არისო“, – გვიდასტურებს ქალიც.

ეთერს ოფიციალურად აქვს მარტოხელა დედის სტატუსი – ბათუმის მერიის პროგრამის ფარგლებში მას ამ სტატუსის გამო 120 ლარს უხდიან. ასევე იღებს სოციალურ დახმარებას. გვიხსნის, რომ მისი შემოსავალი ყოველთვიურად ჯამში დაახლოებით 300 ლარია. „სულ ეს არის, რაც წამლებშიც უნდა ვიკმაროთ და საჭმელშიცო“, – აცხადებს ქალი.

ქალი ამბობს, რომ დამოუკიდებლად თავისი საცხოვრებელი პირობების გაუმჯობესებას ვერასდროს შეძლებს. მას, ისე, როგორც „ოცნების ქალაში“ მცხოვრებ სხვა ადამიანებს, იმედი აქვთ, რომ „ბინას მიიღებენ“ სახელმწიფო პროგრამის ფარგლებში მშენებარე ერთ რომელიმე კორპუსში. „იქნება ჩემს შვილს მაინც მისცენ ბინაო“ – ამბობს ქალი.

„ოცნების ქალაქში“ მშენებარე კორპუსის დასრულება ამ წლის მაისში იგეგმება.

9 იანვრის დილის მონაცემებით, ბოლო 24 საათში საქართველოში კორონავირუსით 31 ადამიანი გარდაიცვალა, ამავე პერიოდში დადასტურდა ვირუსის 3 842 ახალი შემთხვევა.

Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 34 000 კვლევა ტესტით, მათ შორის 21 147 კვლევა ანტიგენის ტესტით და 12 853 PCR ტესტით.

ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 3 842 ახალი დადასტურებული შემთხვევა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს  959 874-ს.

რაც შეეხება დადებითობის მაჩვენებელს, 8 იანვრის მდგომარეობით, დადებითობის დღიური მაჩვენებელი არის 11.3%, ბოლო 14 დღის მანძილზე – 7.45% ხოლო 7 დღის მანძილზე – 9.17%.

ბოლო 24 საათში ვირუსისგან გამოჯანმრთელდა 777 პირი, ხოლო ჯამში გამოჯანმრთელებულთა რაოდენობა გაიზარდა 912 443.

ამავე პერიოდში კორონავირუსით გარდაცვალების 31 ახალი შემთხვევა დაფიქსირდა. პანდემიის გავრცელებიდან დღემდე ვირუსს ჯამში 14 187 პირი ემსხვერპლა.

დღეს საქართველოში გამოვლენილი ინფიცირების 3 842 ახალი შემთხვევიდან:
თბილისში გამოვლენილია 2 089 შემთხვევა, აჭარა – 474, იმერეთი – 437, ქვემო ქართლი – 108, შიდა ქართლი – 157, გურია – 141, სამეგრელო – ზემო სვანეთი – 179, კახეთი -146, მცხეთა-მთიანეთი -52, სამცხე-ჯავახეთი -48, რაჭა-ლეჩხუმი და ქვემო სვანეთი -11.

ამ ეტაპზე ინფიცირების მიმდინარე აქტიური შემთხვევა 33 218 საიდანაც:

• 4 418 ადამიანი მკურნალობს საავადმყოფოში, მათ შორის, თბილისის საავადმყოფოებში – 1 991, აჭარაში – 565, იმერეთში – 756.
• მძიმე პაციენტია 1 089 პირი, მათ შორის, თბილისში – 532, აჭარაში – 129, იმერეთში – 257.
• ხელოვნური სუნთქვის აპარატზე იმყოფება 275 პირი,  მათგან თბილისში – 155, აჭარაში – 42, იმერეთში – 27.
• 1 493 ადამიანი მოთავსებულია კლინიკურ-სასტუმროებში, მათ შორის 1041 – თბილისში, 345 – აჭარაში.

27 307 პირი ვირუსის მკურნალობის კურსს გადის საცხოვრებელ ბინაზე.

ამ ეტაპისთვის თვითიზოლაციაში იმყოფება 28 226 ადამიანი.

დღეს, 8 იანვარს, ბათუმში ნავთობის გაზის მძაფრი სუნი გავრცელებიდან დაახლოებით სამ საათში გარემოსდაცვითი ზედამხედველობის დეპარტამენტიდან „ბათუმელებს“ წერილობით შემდეგი აცნობეს:

„გარემოსდაცვითი და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ბათუმში, მძაფრი სუნის გავრცელების ფაქტზე საქმისწარმოება რამდენიმე მიმართულებით დაიწყეს.

შავი ზღვის დაცვის კონვენციური სამმართველოს თანამშრომლების მიერ ზღვის დაბინძურების ფაქტი არ გამოვლინდა.

აჭარისა და გურიის რეგიონული სამმართველოს ინსპექტორების მიერ, ბათუმის პორტის უნაპირო ნავმისადგომზე, ნედლი ნავთობით გემის დატვირთვის ფაქტზე შესწავლა დაწყებულია“.

დღეს ბათუმში ნავთობის გაზის მძაფრი სუნის გავრცელება დაახლოებით შვიდი საათისთვის დაიწყო. მოქალაქეები სოციალურ ქსელში წერენ, რომ მძაფრი სუნის გამო ასტკივდათ თავი.

__

დაახლოებით 19:00 საათიდან, ბათუმში გაზის მძაფრი სუნი გავრცელდა. „სოკარ ჯორჯია გაზის“ ცხელ ხაზზე სატელეფონო ზარებს არ პასუხობენ. კერძო პირებს კი კომპანიამ წერილობით აცნობა, რომ ეს სუნი „საწვავის დაცლასთან“ არის დაკავშირებული.

ბათუმის პორტის „სადისპეჩეროში“ კი „ბათუმელებს“ დაუდასტურეს, რომ ეს მართლაც ნავთობის გაზის სუნია.

„ნედლი ნავთობის სუნია. პორტში უზარმაზარი გემია და ნედლი ნავთობით იტვირთება. არის შემთხვევა, როდესაც ნავთობია ძალიან სუნიანი. სატვირთო ოპერაციების დროს, ანუ როცა ტანკერში ტვირთავენ ნავთობს, გამოთავისუფლებული ჰაერი ფილტრების გავლით „გაზაატვოდიდან“ გამოდის გარეთ. ფილტრები თუ არ არის წესრიგში, სუნს უშვებს, ან თვითონ ნავთობია ასეთი ხარისხის – ზოგი არის სუნიანი ნავთობი. ქარი საითაც დაუბერავს ეს სუნიც იქეთ მიდის.

სპეციალური სამსახურები მაგის დასაშვებობას ზომავენ. ჩვენთან ერთი ლიტრა „სალიარკაც“ რომ ჩაიღვაროს, იმაზე უწერენ ჯარიმებს და მაგასაც უყურადღებოდ არ დატოვებდნენ. ალბათ დასაშვებია ნორმა“.

„ბათუმელები“ ცდილობდა გარემოს დაცვის ინსპექციაში გადაემოწმებინა, რამდენად არის ბათუმის ტერიტორიაზე გავრცელებული გაზის სუნი „დასაშვებ ნორმაში“.

პასუხი ამ დრომდე [21:15] ვერ მივიღეთ.

8 იანვრის დილის მონაცემებით, საქართველოში ბოლო 24 საათში კორონავირუსით 28 ადამიანი გარდაიცვალა; ამავე პერიოდში დადასტურდა ვირუსის 2 622 ახალი შემთხვევა.

stopcov.ge-ზე გამოქვეყნებული მონაცემებით, დღეს ქვეყანაში გამოვლენილი ინფიცირების 2 622 ახალი შემთხვევიდან:
თბილისში გამოვლენილია 1 597 შემთხვევა, აჭარა – 343, იმერეთი – 179, ქვემო ქართლი – 84, შიდა ქართლი – 111, გურია – 48, სამეგრელო – ზემო სვანეთი – 78, კახეთი -101, მცხეთა-მთიანეთი -48, სამცხე-ჯავახეთი -30, რაჭა-ლეჩხუმი და ქვემო სვანეთი -3.

ამ ეტაპზე ინფიცირების მიმდინარე აქტიური შემთხვევაა 30 184, საიდანაც: 1 228 ადამიანი მოთავსებულია კლინიკურ-სასტუმროებში, მათ შორის 846 – თბილისში, 281 – აჭარაში.

საკარანტინე სივრცეებში მოთავსებულია 51 ადამიანი, მათ შორის, თბილისში – 43, ხოლო აჭარაში – 8.

ამ ეტაპისთვის თვითიზოლაციაში იმყოფება 28 458 ადამიანი.

• ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 27 539 კვლევა ტესტით, მათ შორის 14 309 კვლევა ანტიგენის ტესტით და 13 230 PCR ტესტით.
• ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს  956 032-ს.
• ბოლო 24 საათში ვირუსისგან გამოჯანმრთელდა 1 126 პირი, ხოლო ჯამში გამოჯანმრთელებულთა რაოდენობა გაიზარდა 911 666.
• ბოლო 24 საათში  კორონავირუსით გარდაცვალების 28 ახალი შემთხვევა დაფიქსირდა. პანდემიის გავრცელებიდან დღემდე ვირუსს ჯამში 14 156 პირი ემსხვერპლა.

რაც შეეხება დადებითობის მაჩვენებელს, 7 იანვრის მდგომარეობით, დადებითობის დღიური მაჩვენებელი არის 9.52%, ბოლო 14 დღის მანძილზე – 7.01% ხოლო 7 დღის მანძილზე – 8.65%.

8 იანვრის მდგომარეობით საქართველოში ლაბორატორიულად დადასტურებულია ომიკრონის 600 შემთხვევა.