Batumelebi | აჭარაში ომიკრონის 15 დადასტურებული შემთხვევაა აჭარაში ომიკრონის 15 დადასტურებული შემთხვევაა – Batumelebi
ნეტგაზეთი • RU

აჭარაში ომიკრონის 15 დადასტურებული შემთხვევაა

აჭარაში, ბოლო მონაცემებით, კორონავირუსის ახალი შტამის – ომიკრონის 15 შემთხვევაა დადასტურებული.

დაავადებათა კონტროლის ეროვნული ცენტრის [NCDC] ინფორმაციით კი მთლიანად ქვეყანაში, 3 იანვრის მდგომარეობით ლაბორატორიულად სულ დადასტურებულია ომიკრონის 148 შემთხვევა.

ექიმები და სამედიცინო ექსპერტები ამბობენ, რომ რეალურად, შემთხვევათა რაოდენობა გაცილებით მეტია. საქმე ის არის, რომ კორონავირუსის ახალი შტამის დასადგენად საჭიროა სპეციალური ლაბორატორიული კვლევა, რომელიც ყველა დადასტურებულ შემთხვევას არ უტარდება.

იმუნიზაციის მრჩეველთა ეროვნული ტექნიკური ჯგუფის ხელმძღვანელი ივანე ჩხაიძე ამბობს, რომ კორონავირუსის შემთხვევათა მატების მიღმა, სავარაუდოდ, „ომიკრონის“ შტამი დგას.

მისი განმარტებით, ქვეყნებში, სადაც „ომიკრონის“ გავრცელება დადასტურდა, საერთო ინფიცირების შემთხვევათა რაოდენობა, დაახლოებით, 2 კვირაში გაიზარდა:

გაზრდილი სტატისტიკის უკან სავარაუდოდ, უკვე ომიკრონი დგას – ჩხაიძე

საქართველოში კოვიდის ახალი შტამის, ომიკრონის პირველი ორი შემთხვევა 20 დეკემბერს დადასტურდა.

ჯანმოს წინასწარი მონაცემებით, დელტა ვარიანტთან შედარებით ომიკრონით ინფიცირება ნაკლებად მძიმე დაავადებას იწვევს, თუმცა, რადგან იგი უფრო გადამდებია და მეტი ადამიანის ინფიცირებას იწვევს, ეს გამოიწვევს უკვე გადატვირთული ჯანდაცვის სისტემებზე დამატებით ზეწოლას და ადამიანები ვერ მიიღებენ შესაბამის სამედიცინო მომსახურებას.

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com