ბათუმელები
ხულოში, სოფელ თხილვანას საჯარო სკოლაში სწავლისთვის შეუფერებელი გარემოა. ბავშვებს სწავლა ფანჯრებჩამსხვრეულ, კედლებდაბზარულ და იატაკმორყეულ შენობაში უწევთ. სკოლა, სადაც 75 მოსწავლე სწავლობს, წლებია არ გარემონტებულა. მისი რეაბილიტაცია არც 2015 წელს იგეგმება. შესაბამისად, მოსწავლეებს სწავლა ისევ არაკომფორტულ გარემოში მოუწევთ. რომელი სკოლები გარემონტდება წელს და რა კრიტერიუმებით არჩევს სამინისტრო სარეაბილიტაციო სკოლებს, „ბათუმელები“ ამ საკითხით დაინტერესდა.
საგადასახადო კოდექსში შეტანილი ცვლილებები მთავრობამ ბიზნესის ხელშეწყობისთვის გადადგმულ ნაბიჯად შეაფასა. პარალელურად, იგი „საკანონმდებლო ხარვეზის გასწორებასაც“ ცდილობს, რაც ზოგ ბიზნესს ძვირი დაუჯდება. აჭარაში მოქმედ სამკერვალო ფაბრიკებში (და არა მარტო აქ) მაკონტროლებელმა ორგანომ შემოწმების ახალი ტალღა დაიწყო. სადავო გადასახადების დაკისრების პარალელურად, ზოგიერთი ინვესტორის მიერ ბიზნესის საქართველოდან გატანაზეც საუბრობენ.
წუხელ, გვიან ღამით, შერიფ ხიმშიაშვილის ქუჩაზე მდებარე ერთ-ერთი კორპუსის მე-8 სართულიდან 29 წლის მამაკაცი გადმოვარდა. მამაკაცი საავადმყოფოში, ოპერაციის ჩატარების დროს გარდაიცვალა.
ბათუმში მიმდინარე საერთაშრისო ფორუმზე „რელიგია და მშიდობა“ ევროპული ორგანიზაცია „პირველი ნაბიჯის“ ფორუმის პრეზიდენტმა იოჰან კანდელინმა თავისი მოხსენება დაუთმო უმცირესობის როლს საზოგადოების განვითარებაში. მან თითოეული ადამიანის პასუხისმგებლობად განიხილა ურთიერთობები უმცირესობებს შორის, ხოლო უმცირესობების წარმომადგენლებს ასე მიმართა:
თუ ოდესმე აჭარულ ქორწილში მოხვდებით, სადილის შემოტანის რიტუალი აუცილებლად მიიქცევს თქვენს ყურადღებას. საგანგებოდ მორთული ხუთი დიდი კალათი შუა ქორწილის დროს ხუთ ბიჭს შემოაქვს მხარზე შედგმული. კალათებით საქორწინო სუფრებს მოივლიან და მერე მეფე-დედოფლის მაგიდის წინ დადებენ. სადილი, რომელიც ტკბილეულისგან შედგება (ბაქლავა და შაქარლამა), გათხოვილი გოგოსთვის ოჯახის წევრებს მიაქვთ. ხალხურ თქმულებას თუ დავუჯერებთ, სადილის მიტანის ტრადიცია აჭარაში …
პროსტატის კიბო შარდის ბუშტთან არსებული პროსტატის ჯირკვლის ავთვისებიანი სიმსივნეა და მსოფლიო ჯანდაცვის ორგანიზაციის მონაცემებით, მამაკაცთა სიმსივნურ პათოლოგიებში ფილტვის კიბოს შემდეგ ის ყველაზე გავრცელებული დაავადებაა.
24,25,26 აპრილს თბილისიდან ჩამოსული ექიმთა ჯგუფი ბათუმში, კლინიკა “ინ ვიტროში” გაგიწევთ შემდეგი სახის კონსულტაციას:
გამომცემლობა „წიგნები ბათუმში“ ექვსი ახალი წიგნის თარგმანს გამოსცემს.
ფილიპ დიკის – „იდინე, ცრემლო, – თქვა პოლიციელმა“, არტურ კლარკის „კოსმოსური ოდისეა 2001“, არტურ კლარკის, რობერტ ჰაინლაინის – მოთხრობების კრებული „ფანტასტიკური ბიბლიოთეკის“ სერიით გამოიცემა. ამ წიგნების შეძენა წიგნის მაღაზიებში მკითხველს 20 აპრილიდან შეეძლება.
<!** Image 1 align="" width="500" height="960" >
18 აპრილს ბათუმის თანამედროვე ხელოვნების სივრცეში საბჭოთა პერიოდის მოზაიკების გამოფენა გაიმართება.
გამოფენაზე ნაჩვენები იქნება სხვადასხვა სახის სამუშაო მასალა მოზაიკების ავტორების პირადი არქივებიდან, დოკუმენტები, ესკიზები, ჩანახატები, კატალოგები და ფოტო მასალა. გამოფენაზე წარმოდგენილი იქნება მასალა იდენ ტაბიძის, საურმაგ ღამბაშიძის, გიორგი ჩახავას პირადი არქივებიდან. ასევე, გეოეარის, ზურა დუმბაძის, ნიკა კაპანაძის, ალექსი კედელაშივილის და ნინო სირაძის საბჭოთა პერიოდის მოზაიკის ფოტოები.
დღეს, 14 აპრილს, „საერთაშორისო გამჭვირვალობა საქართველოს“ ბათუმის ოფისმა, ბათუმის მერს განცხადებით მიმართა. განცხადებაში საუბარია იმაზე, რომ მერმა, გიორგი ერმაკოვმა ნაციონალური მოძრაობის აქციაზე 21 მარტს თბილისში წასული სამი მისი (ა(ა)იპ „ბათუმის კორპუსის“) თანამშრომელი სამსახურიდან დაითხოვა. საერთაშორისო გამჭვირვალობას ეჭვი აქვს, რომ გია ერმაკოვმა პოლიტიკური აქტიურობის გამო შეამცირა იმ 3 თანამშრომლის შტატი, რომლებიც ნაციონალური მოძრაობის მხარდამჭერები არიან. რეორგანიზაცია, რომელიც თითქოსდა სამუშაო ძალის შემცირების აუცილებლობით დაიწყო, იმით დასრულდა, რომ ორგანიზაციის შტატები 13-ით გაიზარდა. „ბათუმელები“ უცლელად გთავაზობთ საერთაშორისო გამჭვირვალობა საქართველოს განცხადებას:
ამჯერად იმ წიგნზე უნდა დავწეროთ, ამერიკელებისთვის ლამის ბიბლიად რომ იქცა. მარგარეტ მიტჩელის „ქარწაღებულები“ იშვიათი დიდების მქონე წიგნია. ვერ ვიტყვით, რამ განაპირობა მისი პოპულარობა: ამერიკის შემთხვევაში ეს გასაგებია, რომანის მთავარი თემა ამერიკის სამოქალაქო ომი და მონობის გაუქმებაა. დანარჩენი მსოფლიოს შემთხვევაში კი ეს პოპულარობა ალბათ საოცრად ცოცხალმა სახეებმა, დახვეწილმა სტილმა, უცნაურად მკვეთრმა ტონმა და რაც მთავარია, სკარლეტ ო’ჰარამ მოიტანა. სწორედ იმ სკარლეტმა, რომელსაც მისმა შემქმნელმა მეძავი უწოდა, მაგრამ დღემდე არის უამრავი ქალისთვის ძალის მიმცემი და მაგალითი, როგორ უნდა ამტვრიო კლდეები, როგორ უნდა გამოხვიდე ჩიხიდან და ყოველთვის შეუპოვრად გჯეროდეს წარმატების.
ერთიანი ვებპორტალი გასულ წელს აჭარის მთავრობამ მეტი საჯაროობის, საჯარო ინფორმაციის პროაქტიულად გამოქვეყნებისა და გამოქვეყნებული ინფორმაციის მარტივად მისაწვდომობის მიზნით შექმნა. დღეს კი, ამავე ვებპორტალის მიხედვით, მთავრობის აპარატი და სხვა სამთავრობო სტრუქტურები პროაქტიული გამოქვეყნების შესახებ ხელმძღვანელის დავალებას ან არ ასრულებენ, ან მხოლოდ ნაწილობრივ. გამონაკლისი აჭარის ჯანდაცვის სამინისტროა.
ბოლო ექვსი წლის განმავლობაში საქართველოში მოქმედ საწარმოებში სამუშაო ადგილებზე მომხდარი უბედური შემთხვევების შედეგად 300-მდე ადამიანი დაიღუპა, 500-მდე დასაქმებული კი, მძიმედ დაშავდა. შრომითი უსაფრთხოების გასაუმჯობესებლად საქართველოს მთავრობამ გასულ თვეში შრომის პირობების მონიტორინგის სახელმწიფო პროგრამა დაამტკიცა, რომლის მიხედვითაც საწყის ეტაპზე მონიტორინგის ჯგუფი საწარმოს მხოლოდ მისივე მოთხოვნის საფუძველზე შეამოწმებს, დარღვევების აღმოჩენის შემთხვევაში კი, მითითებებითა და რეკომენდაციებით შემოიფარგლება.
მაქმანების სამოთხე, ასე ეძახიან თურქეთში, მარმარილოს ზღვის სანახებში მდებარე ბალიქესირის რაიონის გონენის მხარეს. გონენელებს არ ახსოვთ, როდის დაიწყეს ნემსითა და ძაფით მაქმანების ქსოვა, თუმცა რაც თავი ახსოვთ, ეს ხელსაქმე იციან, სულ პატარაობაშივე ასწავლიან უფროსები გოგონებს.
2015 წლის 18 აპრილს ქალაქ ბათუმში, საზღვაო ჰოსპიტალს ეწვევა და უშვილობის მქონე წყვილებისთვის კონსულტაციებს ჩაატარებს რეპროდუქტოლოგი, გინეკოლოგი, მედიცინის დოქტორი ლალი ფხალაძე.
3 აპრილს ბათუმის სახელმწიფო უნივერსიტეტის რექტორის მოვალეობის შემსრულებლად, 299-დან 107 ხმით, ერთი წლის ვადით, ასოცირებული პროფესორი მერაბ ხალვაში აირჩიეს. რექტორის მოვალეობის შემსრულებელი უნივერსიტეტის აკადემიურმა და პროფესიულმა პერსონალმა _ 299 ადამიანმა შეარჩია (სულ რეგისტირებული იყო 312 ამომრჩეველი).
შეფასებისა და გამოცდების ეროვნული ცენტრის წარმომადგენლები ორ კვირაზე მეტია მასწავლებელთა პროფესიული განვითარების სქემის ფარგლებში, საკლასო დაკვირვების ნაწილთან დაკავშირებით საქართველოს რეგიონებში შეხვედრებს მართავენ. განათლების სამინისტრო გარე დაკვირვების მექანიზმს ნერგავს. ეს მხოლოდ უფროსი მასწავლებლის სტატუსის მქონე მასწავლებლებს ანუ ყველა იმ მასწავლებელს ეხება, რომელმაც სასერტიფიკაციო გამოცდები წარმატებით ჩააბარა. მასწავლებლის მიერ სქემით განსაზღვრული სტატუსის მოპოვება, შენარჩუნება ან შეწყვეტა დამოკიდებულია მისი პროფესიული საქმიანობის შეფასების შედეგებზე. იმისთვის, რომ უფროსმა მასწავლებლებმა სტატუსი შეინარჩუნონ ან უფრო მაღალ საფეხურზე გადავიდნენ, საჭიროა კრედიტქულების დაგროვება. გარე დაკვირვება ამ პროცესის შემადგენელი ნაწილია. გარე დაკვირვების ინსტრუმენტის შემუშავებასა და შემდგომ უზრუნველყოფაზე პასუხისმგებელი შეფასებისა და გამოცდების ეროვნული ცენტრია. გარე დაკვირვება აუცილებელია და ის უნდა გაიაროს ყველა პედაგოგმა ერთხელ. ამ საკითხზე „ბათუმელების“ კითხვებს შეფასებისა და გამოცდების ეროვნული ცენტრის პროფესიული უნარების ჯგუფის სპეციალისტმა ირინა ჟვანიამ უპასუხა.
საფინანსო ორგანიაზაციამ – „ელთ კომპანი“ 2015 წლის დღეს, 7 აპრილს 10 წლის იუბილე აღნიშნა მოხმარებლებთან ერთად და თითოეულ მათგანს საზეიმო ვითარებაში უმასპინძლა. 10 წლის წინ მცირე მასშტაბებით დაწყებული საქმიანობა, სწორი მენეჯმენტისა და მომხმარებელში მოპოვებული დიდი ნდობის წყალობით უკვე ერთ დიდ, ძლიერ კომპანიას წარმოადგენს.
14 მარტს „დემოკრატიული ჩართულობის ცენტრში“ ბათუმის მერიის ავტოსატრანსპორტო მონიტორინგის სამსახურისა და მერიის კულტურის ცენტრის თანამშრომლებმა უმაღლესი საბჭოს დეპუტატს პეტრე ზამბახიძეს კვერცხები დაუშინეს და ფიზიკურად შეურაცხყვეს. ეს მოხელეები სამსახურიდან არ დაუთხოვიათ. ქალაქის მერის თქმით, მის დაქვემდებარებაში არსებულ სამსახურებში დასაქმებული ადამიანების ქცევაზე პასუხის მოთხოვნის უფლება იქიდან გამომდინარე არ აქვს, რომ ინციდენტი არც სამუშაო საათებში მომხდარა და არც სამუშაოს ტერიტორიაზე. შს სამინისტროში ამბობენ, რომ „ფაქტზე მოკვლევა ამ დრომდე მიმდინარეობს“, მიუხედავად იმისა, რომ დეპუტატზე თავდასხმის ვიდეომტკიცებულება არსებობს. „ბათუმელები“ შეეცადა გაეგო მოქალაქეების აზრი – უნდა დაეთხოვათ თუ არა სამსახურიდან თავდამსხმელები და რატომ?
განვითარებულ კულტურებში შვილად აყვანა ჩვეულებრივ მოვლენას წარმოადგენს და არ ითვლება ოჯახური ცხოვრების არასრულფასოვან წესად. ამ კულტურებში აზრს მოკლებულია მტკიცებულება, რომ ასეთი ბავშვი ნაკლები ან უარესია ბიოლოგიურ შვილზე. მიუხედავად გენეტიკური კავშირის არ არსებობისა, აყვანილი ბავშვები იღებენ უფროსებისგან სიყვარულს და მზრუნველობას. ამერიკიის შეერთებულ შტატებში აღინიშნება შვილად აყვანის ნაციონალური დღე. ჰოლივუდის ვარსკვლავები თამამად აქვეყნებენ შვილად აყვანილ ბავშვებთან ერთად გადაღებულ ფოტოსურათებს.
ზაზა იაკობაძე ცხინვალთან დაჭრეს 2004 წელს. მისმა მშობლებმა დაჭრის ზუსტი თარიღი არ იციან. თავდაცვის მინისტრის ხელმწერილ ბრძანებაში წერია, რომ ის 23 აგვისტოს, ანუ მისივე დაბადების დღეს, 23 წლის ასაკში დაიღუპა, მშობლებს უთხრეს, რომ ჭრილობების გამო. ზაზას მშობლებს სახელმწიფომ 2014 წლიდან ყოველთვიურად 500-ლარიანი კომპენსაცია დაუნიშნა, მაგრამ გასული წლის 12 დეკემბერს მათ აცნობეს, რომ თანხა, რომელიც მათ მიღებული აქვთ კომპენსაციის სახით, სახელმწიფოს უკან უნდა დაუბრუნონ.
ბათუმში, კლინიკა ,,salve”-ში, 13-დან 18 აპრილის ჩათვლით, კონსულტაციებსა და ოპერაციებს ჩაატარებს უცხოეთში მოღვაწე, ცნობილი ქართველი პლასტიკური ქირურგი თემურ ქობულაშვილი.
საჯარო სკოლების მართვის ელექტრონულ სისტემაზე გადასვლაზე საუბარი ჯერ კიდევ 2011-2012 წლებში დაიწყო, რაც ასევე გულისხმობდა სკოლებში ელექტრონული ჟურნალების დანერგვასაც. სკოლების მართვის საინფორმაციო სისტემისა და ელექტრონული ჟურნალების დანერგვის შესახებ ინფორმაცია საქართველოს განათლების სამინისტრომ 2013 წელსაც გაავრცელა, თუმცა ბათუმის საჯარო სკოლები ისევ ელექტრონული ჟურნალების გარეშე მუშაობენ. ცალკეულ სკოლებში კი აცხადებენ, რომ ელექტრონული ჟურნალის ამოქმედებისთვის მზად არიან. არის ისეთი სკოლებიც, სადაც, პედაგოგების აზრით, ახალ სისტემაზე გადასვლა მასწავლებელთა შრომას გააორმაგებს და დამატებით პრობლემებს შექმნის. პედაგოგები არასაკმარის ტექნიკურ აღჭურვილობაზეც საუბრობენ, რის გამოც საგნობრივი პრეზენტაციების ელექტრონულად ჩატარება გაკვეთილზე ვერ ხერხდება და მოსწავლეებს საპრეზენტაციო მასალების ფურცლებზე ამობეჭდვა უწევთ.
ბათუმის ერთ-ერთი გამორჩეული ისტორიული ნაგებობის, ნიკოლოზ ბარათაშვილისა და მემედ აბაშიძის კუთხეში მდებარე ძველი ფოსტის შენობისაგან 2012 წლის სექტემბრის დასაწყისში მხოლოდ დაბზარული და დაზიანებული ფასადები იყო შემორჩენილი. ქალაქის ისტორიული ნაწილის დაცვით ზონაში მდებარე ურბანული მემკვიდრეობის ამ ქრესტომათიული ძეგლის ნანგრევებად ქცევა არც ომს და არც სტიქიურ უბედურებას გამოუწვევია – იგი დაანგრიეს.
საქართველოში ინ ვიტრო განაყოფიერებით 11 წლის განმავლობაში 3 000-ზე მეტი ბავშვი დაიბადა. ხელოვნური განაყოფიერებისა და რეპროდუქციული ჯანმრთელობის კლინიკა „ინ ვიტროს“ დირექტორი, მედიცინის დოქტორი, მეან-გინეკოლოგი და რეპროდუქტოლოგი ნატალია ხონელიძე ამბობს, რომ უშვილობის მკურნალობის ეს მეთოდები დღითი დღე პოპულარული ხდება საქართველოში. „ბათუმელები“ შეეცადა გაეგო, რა ჩვენებებია საჭირო ხელოვნური განაყოფიერების თითოეული მეთოდისთვის და რამდენად ეფექტურია ეს მეთოდები.
დღეს, 3 აპრილს, ქედის მუნიციპალიტეტის საკრებულომ რიგგარეშე სხდომა დახურულ ფორმატში ისე ჩაატარა, რომ ამის თაობაზე არც ბიუროს უმსჯელია და არც სხდომის დაწყებამდე გამოუქვეყნებია საკრებულოს სხდომის დახურულად ჩატარების გადაწყვეტილება. „ბათუმელების“ ინფორმაციით, სხდომა ერთადერთი მიზეზით დახურეს – საკრებულოს უმრავლესობას არ სურდა სხდომას დასწრებოდა „ბათუმელების“ ჟურნალისტი. საკრებულოს წევრების გაღიზიანება უკავშირდება გასულ კვირას „ბათუმელების“ მიერ გავრცელებულ ვიდეო მასალას, სადაც დეპუტატების დაპირისპირებაა ასახული.
2015 წლის იანვარში ქალაქ ბათუმში, გიორგი ბრწყინვალის ქუჩის 68 ნომერში გაიხსნა “ხოზრევანიძის კლინიკა”. კლინიკა ახორციელებს სტაციონარის პირობებში დაავადებათა დიაგნოსტიკასთან, მკურნალობასა და რეაბილიტაციასთან დაკავშირებულ სამედიცინო მომსახურებას. კლინიკის ძირითადი მიმართულებაა ოტორინოლარინგოლოგია. აღნიშნული სპეციალიზაციით ხორციელდება ბავშვთა და მოზრდილთა კვალიფიციური დიაგნოსტირება მსოფლიოს წამყვან ქვეყნებში აპრობირებული ენდოსკოპიური მეთოდით.
ჟუჟუნა საითაძე 10 შვილის დედაა. მისი შვილები უკვე გაიზარდნენ, მხოლოდ სამი მათგანიღაა არასრულწლოვანი. ჟუჟუნა ამბობს, რომ ძალიან გულდაწყვეტილია – ის 3 მარტს, ანუ დედის დღეს ელოდა, რომ საჩუქარს მიიღებდა. ვარაუდობდა, რომ მას გაიხსენებდა სახელმწიფო, ან სულაც ხელვაჩაურის მუნიციპალიტეტი – ხელვაჩაური იმიტომ, რომ სოფელ ახალშენში ცხოვრობს.
ბათუმის რუსთაველის უნივერსიტეტი 3 აპრილს რექტორის მოვალეობის შემსრულებელს ირჩევს. კანდიდატების რეგისტრაცია დღეს 16:00 საათზე შეწყდა. უნივერსიტეტის რექტორის მოვალეობის შემსრულებლობისთვის 5 კანდიდატი იბრძოლებს.
ბათუმში, ბინათმესაკუთრეთა „ამხანაგობები“ ამ დროისთვის სახურავების გამოცვლას 16 სახლზე მოითხოვენ. „ბათუმის კორპუსში“ არ გამორიცხავენ, რომ ეს რიცხვი რამდენიმე კვირაში 30-მდეც გაიზარდოს. „ამხანაგობებს“ განაცხადების შეტანის ვადა, წლის ბოლომდე აქვთ.
თუ მდინარე ჭოროხისა და მაჭახელას შესართავიდან მარცხნივ გადაუხვევთ და მაჭახლის ხეობას შეუყვებით, გზად ერთი უცნაური ძეგლი შეგხვდებათ – მაჭახლის ხეობის მცხოვრებლებმა მაჭახელას თოფს ძეგლი დაუდგეს. აჭარაში კაჟ-ჩახმახიან თოფებსა და დამბაჩებს რამდენიმე ადგილას ამზადებდნენ, თუმცა თოფით განთქმული იყო მაჭახლის ხეობა. მაჭახელას თოფი მაჭახლის ხეობაში არსებულ სამჭედლოებში მზადდებოდა. სამჭედლოები სოფლებში იყო განთავსებული. ხელობის მემკვიდრეობით გადაცემა მამიდან შვილზე …
ბათუმის შოთა რუსთაველის უნივერსიტეტის იმ სტუდენტებს, რომლებმაც სავალდებულო საბაკალავრო პროგრამა ოთხ წელიწადში ვერ დაასრულეს, დამატებითი კრედიტების გავლა მოუწევთ.
ბათუმის არქეოლოგიური მუზეუმის პირველ სართულზე, ფანჯარასთან, სამუშაო მაგიდა დგას. მაგიდაზე ფურცლები, სათვალე და ძველი დოქის ნამტვრევები ალაგია. ეს მუზეუმის მხატვრის, 80 წლის ანზორ ჯაველიძის სამუშაო მაგიდაა. იგი 48 წელია უძველეს, ძველი თუ ახალი წელთაღრიცხვით დათარიღებულ ნივთებს იხატავს და მასზეა დამოკიდებული, როგორ იქნება ნახატზე გადმოცემული უძველესი ნივთების დეტალები, როგორი სიზუსტით გაცოცხლდება ისტორია.
მრავალბინიანი საცხოვრებელი სახლების მშენებლები ვალდებული არიან, საცხოვრებელი სახლის პროექტში ავტომანქანებისთვის პარკინგი გაითვალისწინონ. თუმცა, სანებართვო დოკუმენტის მიღების შემდეგ, მშენებლები შეთანხმებას ცვლიან, რის შემდეგაც პარკინგის ტერიტორიას სხვა დატვირთვა ეძლევა. როგორც ბათუმის არქიტექტურის სამსახურში აცხადებენ, არც ერთი საკანონმდებლო ნორმა არ იძლევა იმის შესაძლებლობას, რომ მშენებელს დარღვეული პირობის გამო სანქცია დააკისროს.
მსოფლიო ჯანდაცვის ორგანიზაციის მონაცემებით, მსოფლიოში 1000 ბავშვიდან ერთი დაუნის სინდრომით, ანუ ქრომოსომული დარღვევით (46-ის ნაცვლად, 47 ქრომოსომით) იბადება. ეს ყოველწლიურად დაახლოებით 3000-5000 ახალშობილია. საქართველოში დაუნის სინდრომის ან სხვა განსაკუთრებული საჭიროებების მქონე ადამიანების სტატისტიკას არავინ აწარმოებს. დღეს საქართველოში დაუნის სინდრომის მქონე ადამიანები ბევრი საჭიროების წინაშე დგანან, მათთვის ერთ-ერთი მთავარი პრობლემა ჯანდაცვის სისტემის სოციალური მოდელის ნაცვლად სამედიცინო მოდელის არსებობაა.
აჭარის ოფიციალური დელეგაცია ევროპის საბჭოს ადგილობრივ და რეგიონალურ ხელისუფლებათა 28-ე კონგრესს დაესწრო. როგორც მთავრობის პრესსამსახური იუწყება, 3 დღის განმავლობაში ევროპის საბჭოს ფოიეში აჭარის ავტონომიური რესპუბლიკის ისტორიულ-კულტურული სიმდიდრის და ტურისტული პოტენციალის ამსახველი სპეციალური სტენდი იყო წარმოდგენილი.
