Category Archives: კვირის ამბები

10 დეკემბერს, ადამიანის უფლებების დაცვის დღეს, “პრესკაფეში” გაიმართა დისკუსია თემაზე – “ქსენოფობია და მისი გამომწვევი მიზეზები”. დისკუსიაზე შედგა ფილმის ჩვენებაც. “თავისუფალ ჟურნალისტთა სახლის” მოხალისეები შეეცადნენ გაერკვიათ თუ რა არის ქსენოფობია და რა იწვევს მას ჩვენს საზოგადოებაში.

არასამთავრობო ორგანიზაცია “თავისუფალ ჟურნალისტთა სახლის” ბაზაზე  “თავისუფლების  კლუბი” ჩამოყალიბდა, რომლის წევრებიც, 22 სკოლის მოსწავლე,   სამოტივაციო წერილის საფუძველზე შეირჩა. კლუბის წევრები 6 თვის განმავლობაში მათ მიერ დამტკიცებული გეგმის მიხედვით გაივლიან სწავლებას ორი მიმართულებით: მოსწავლეები კინოჩვენებების, მუსიკალური საღამოების, წიგნების განხილვის, ისტორიული ექსკურსიების, საჯარო ლექციებისა და დისკუსიების მეშვეობით აიმაღლებენ საკუთარ ცოდნას დემოკრატიის, ადამიანის უფლებების, თავისუფლებისა და ლიბერალიზმის საკითხებში და მეორე მიმართულება – კლუბის წევრებს შესაძლებლობა მიეცემათ გაიღრმავონ ცოდნა ახალი მედიისა და ინტერნეტტექნოლოგიების სფეროში. კლუბის წევრებისთვის პერიოდულად გამოცხადდება სხვადასხვა კონკურსი.  გამარჯვებულებს გადაეცემათ პრიზები. ამჯერად კონკურსის – საუკეთესო ესეი – გამარჯვებულები გახდნენ თამთა კახაბერიძე და ანნა ტურიაშვილი. 

ბათუმის მე-12 საბავშვო ბაღში ამ დროისთვის სპეციალური საჭიროების მქონე ცხრა ბავშვი სწავლობს. ბაღის გამგე ამბობს, რომ წელს „განსაკუთრებით ცუდი წელი დაუდგათ“, რადგან ჰყავთ ბავშვები „ყველაზე მძიმე დიაგნოზით“. ბავშვების უმეტესობას სკამზე ჯდომა და სიარული არ შეუძლია, ამიტომ  ისინი დროის დიდ ნაწილს საწოლში ატარებენ. როგორც საბავშვო ბაღის თანამშრომლები გვეუბნებიან, მათ ბავშვებთან მუშაობის სპეციალური პროგრამები არ აქვთ, „ყველაფერს მხოლოდ ჩვენი გამოცდილებითა და დაკვირვებით ვაკეთებთ.“

სქოლიოზით დაავადებულთა სარეაბილიტაციო ცენტრი „ვიტა” ქ. ბათუმში სამი წლის წინ გაიხსნა. ცენტრი მდებარეობს ლერმონტოვის ქ. #107-ში. მნიშვნელოვანია ის, რომ მკურნალობა მიმდინარეობს ვარჯიშის გზით და გამორიცხავს ქირურგიულ ჩარევას, რა თქმა უნდა, თუ პაციენტები დროულად, დაავადების აღმოჩენისთანავე მიმართავენ ცენტრს. გარდა იმისა, რომ ცენტრი ჩართულია ჯანდაცვის სახელმწიფო პროგრამებში, ასევე აქ შესაძლებელია მკურნალობის კურსის ინდივიდუალურად დაგეგმვა.

გასული წლის ბოლოს, საახალწლოდ, აჭარისა და ბათუმის რამდენიმე საჯარო უწყებაში დასაქმებული მოხელეების პრემიების გასაცემად 1 მილიონამდე ლარი დაიხარჯა. თუ გავითვალისწინებთ იმას, რომ ამ მოხელეებს იმდენივე ხელფასი ჰქონდათ, რამდენიც პრემია, მაშინ უნდა ვივარაუდოთ, რომ გასული წლის ბოლოს კიდევ 1 მილიონი ლარი ამ ადამიანების ხელფასებშიც დაიხარჯა. მთავრობის თავმჯდომარის ბრძანების თანახმად, წელს პრემიები ამ სახით აღარ გაიცემა, მაგრამ ყოველთვიურად მაღალი თანამდებობის პირები დანამატის სახით მიიღებენ ხელფასის 75%-ს, რაც იმაზე მეტია, ვიდრე პრემიების გზით მიღებული შემოსავალი.

ლეონიდ ჩერნოვეცკი სიამოვნებით ყვება მის საქველმოქმედო ფონდზე რომელიც უკრაინული ფონდის მსგავსად საქართველოშიც დააფუძნა. ჩერნოვეცკი უკრაინაში 18 წლის განმავლობაში დაკავებული იყო საქვემოქმედო საქმიანობით ხოლო საქართველოში გადმოსვლის შემდეგ მან დაიწყო ამ სფეროში საქმიანობა.

კიევის ყოფილმა მერმა მილიარდელმა ლეონიდ ჩერნოვეცკიმ, რომელიც ქობულეთში ცხოვრობს ვრცელი ექსკლუზიური ინტერვიუ მისცა უკრაინულ პირველ არხს სადაც ასევე ისაუბრა საქართველოზე და მის საქართველოში ცხოვრებაზე.

საქართველოს პარლამენტის ეროვნული ბიბლიოთეკის ბოლო, 2012 წლის მონაცემებით, საქართველოში – 643 ქალაქსა და რაიონის ცენტრებში, 650 საჯარო ბიბლიოთეკა ფუნქციონირებს. მათ შორის ყველაზე ბევრი – 120 ბიბლიოთეკა სამეგრელო-ზემო სვანეთშია, რომელიც 9 რაიონს მოიცავს. ბიბლიოთეკის თანამშრომელთა ჯამური რაოდენობა კი, ამ რაიონში 239 ადამიანს შეადგენს.

საქართველოს საპატრიარქოს დაქვემდებარებაში სამი დიდი ზომის ბავშვთა სახლი და რამდენიმე პანსიონია, სადაც სოციალურად დაუცველი არასრულწლოვანი ბავშვები ცხოვრობენ. მსგავსი ტიპის დაწესებულებები აქვს საქართველოს სამუფთოსაც. მარტო აჭარაში 24 სკოლა-პანსიონი ფუნქციონირებს, სადაც მოზარდები 24 საათის განმავლობაში იმყოფებიან.

19 წლის სტუდენტი – ბათუმელი თამილა მახარაძე სიცოცხლისთვის იბრძვის. მას იშვიათი დაავადება 6 წლის წინ გამოუვლინდა. ამის მიუხედავად, მას არც სწავლა შეუწყვეტია და არც იმედი დაუკარგავს, რომ გადარჩება. ოჯახი მრავალი წლის განმავლობაში საკუთარი ძალებით ახერხებდა დაავადებასთან ბრძოლას. ახლა მათ 30 ათასი ევრო სჭირდებათ გადამწყვეტი ოპერაციის ჩასატარებლად. საქართველოს ჯანდაცვის სამინისტრომ 7 ათასი ევრო გამოუყო, აჭარის მთავრობა 10 ათასი ლარის გადარიცხვას ჰპირდება. ამ დროისთვის მახარაძეებმა ჯამში 17 ათას ევროს მოუყარეს თავი. 

ბინის წინა კედელი ხელის შეხებაზე ირყევა, იატაკი დაწეულია, საყრდენი კედლები კი – დაბზარული.  „ასეთ ოთახში სძინავთ ბავშვებსაც. ნევროზი მაქვს უკვე, მეშინია სახლი არ ჩავარდეს“, – ამბობს სახლის ერთ-ერთი მცხოვრები, მარინა ცხოიძე. გასულ კვირას კორპუსიდან ერთი ადამიანი გაასვენეს. დაკრძალვის ცერემონიალზე მარეგულირებელი ჭირისუფალთან კიბის ჩამონგრევის შიშით ოთხზე მეტ ადამიანს არ უშვებდა.  

დედათა და ბავშვთა თავშესაფარი მახინჯაურში, ყოფილ ბავშვთა სახლშია განთავსებული. აქ ამჟამად 9 ქალი ცხოვრობს 11 ბავშვთან ერთად. თავშესაფარში უფასოა კვება, ყველა დედას კეთილმოწყობილი, საკუთარი ოთახი აქვს, სადაც, კანონის თანახმად, მხოლოდ ექვსი თვით შეუძლიათ დარჩენა. თუმცა დედათა და ბავშვთა ცენტრის დამფუძნებელი ნანა საყვარელიძე განმარტავს, რომ მარტოხელა დედების უმრავლესობას აჭარის ჯანდაცვის სამინისტროსთან არსებული კომისიის თანხმობით, მომდევნო ექვსი თვით თავშესაფარში დარჩენის უფლებასაც აძლევენ, რადგან მარტოხელა დედებს წასასვლელი არსად აქვთ.  

დღეს არსებული მონაცემებით აჭარის რეგიონში სულ 255 სკოლაა, ამათგან ყველაზე მეტი, 50-50 სკოლა ქობულეთისა და ხულოს მუნიციპალიტეტებშია. მეორე ადგილზე სკოლების რაოდენობით ბათუმი (45 სკოლა), მესამეზე კი შუახევის მუნიციპალიტეტია (44 სკოლა). რესურსცენტრების ინფორმაციით, დღეისთვის აჭარის რეგიონში საშუალოდ 53 795 მოსწავლე სწავლობს და 7 073 პედაგოგი ასწავლის.

მაღალმთიან აჭარაში, წყანიშურის უბანში ერთი საფლავია. არაფრით იქნებოდა ეს საფლავი სხვა, ათასობით საფლავისგან გამორჩეული, რომ არა იმ კაცის ისტორია, რომელიც იქ განისვენებს. სელიმ ბეგ ხიმშიაშვილზე მოგითხრობთ, ადამიანზე, რომელმაც XVIII-XIX საუკუნის მიჯნაზე ზემო აჭარა გააერთიანა და სამხრეთ-დასავლეთ საქართველოს გაერთიანებაც სურდა. 

ხელვაჩაურის ყოფილ ე.წ. #53 სატანკო ბატალიონის ტერიტორიაზე თვითნებურად შესახლებულ სოციალურად დაუცველი მოსახლეობისა და ეკომიგრანტების პრობლემებზე არასამთავრობოებმა საჯარო დისკუსია გამართეს. დისკუსიაზე ახალგაზრდა მეცნიერთა კავშირმა „ინტელექტმა“, დემოკრატიის ინსტიტუტმა, საქართველოს ახალგაზრდა იურისტთა ასოციაციამ და „ბორჯღალმა“ სამთავრობო კომისიების მიერ დღემდე ჩატარებული კვლევის მონიტორინგი წარმოადგინეს, რომელსაც ახალგაზრდა მეცნიერებათა კავშირი „ინტელექტი“ და ასოციაცია „ბორჯღალი“ აწარმოებდა.

<!** Image 1 align="left" alt="შეხვედრაზე" sub="შეხვედრაზე" width="300" height="512" >