Batumelebi | საქართველოს ჩემპიონი ბილიარდში კვლავ პაატა ხმალაძე გახდა საქართველოს ჩემპიონი ბილიარდში კვლავ პაატა ხმალაძე გახდა – Batumelebi
RU | GE  

საქართველოს ჩემპიონი ბილიარდში კვლავ პაატა ხმალაძე გახდა

 

 

კომბინირებულ პირამიდაში საქართველოს ჩემპიონატი ბათუმში დღეს დასრულდა. პირველი ადგილი მრავლაგზის საქართველოს ჩემპიონმა პაატა ხმალაძემ მოიპოვა. მეორე და მესამე ადგილები ბათუმელებმა დავით ჯორბენაძემ და ნუგზარ თებიძემ დაიკავეს.

 

 

საქართველოს ჩემპიონატი ბილიარდში / ბათუმი 29.09.2014

 

 

საქართველოს ჩემპიონატი ბილიარდში საქართველოს ბილიარდის ფედერაციამ ჩაატარა, რომელიც 28 აგვისტოს დაიწყო. მასში საქართველოს სხვადასხვა რეგიონიდან 32 სპორტსმენი მონაწილეობდა. საპრიზო ადგილზე გასულები სიგელებით, მედლებითა და თასებით დაჯილდოვდნენ.

 

საქართველოს ბილიარდის ფედერაციის პრეზიდენტი დავით ალექსიძე იმედოვნებს, რომ მომავალში ჩემპიონატზე საპრიზო ფონდიც დაწესდება.

 

„საქართველოს ბილიარდის ფედერაცია დაუფინანსებელი ორგანიზაციაა. ეს იწვევს გულისტკივილს როგორც მოყვარულებს შორის ასევე პროფესიონალებშიც. თუკი ბილიარდი აღიარებულია სპორტის სახეობად, მაშინ მასაც ისევე უნდა გადაუნაწილდეს დაფინასნება, როგორც სხვა სპორტის სახეობებს. წელს, სამინისტროში წარდგენილი გვაქვს ხარჯთაღრიცხვა და თუ დაგვიმტიცებენ მომავალში საპრიზო ფონდით ჩავატარებთ საქარველოს ჩემპიონატს და გუნდებსაც გავაგზავნით საერთაშორისო ასპარეზზე, რაშიც ჯერჯერობით, აქტიურად ვერ ვმონაწილებთ“ – ამბობს საქართველოს ბილიარდის ფედერაციის პრეზიდენტი დავით ალექსიძე.

 

ჩემპიონატი აჭარის ბილიარდის ფედერაციისა და აჭარის სპორტისა და ახალგაზრდობის საქმეთა დეპარტამენტის მხარდაჭერით ჩატარდა.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი