ბათუმის ბულვარის მინი-ფეხბურთის მოედანზე მინი-ფეხბურთში შეჯიბრება მიმდინარეობს. შეჯიბრება 1 აგვისტოს დაიწყო და მასში 17-27 წლამდე მოყვარული ფეხბურთელების 14 გუნდი მონაწილეობს.
მიმდინარეობს ბოლო შეხვედრა და დღეს საღამოს გამოვლინდება ორი გამარჯვებული გუნდი, რომელსაც აჭარის სპორტისა და ახალგაზრდობის საქმეთა დეპარტამენტი მედლებს, თასებსა და დიპლომებს გადასცემს.
ტურნირი მინი-ფეხბურთში აჭარის სპორტისა და ახალგაზრდობის საქმეთა დეპარტამენტისა და საინიციატივო ჯგუფ „ბათუმი 2014“-ის ეგიდით ტარდება.
