Batumelebi | ბათუმის საჭადრაკო კლუბი ”ნონა” ევროპის ჩემპიონი გახდა ბათუმის საჭადრაკო კლუბი ”ნონა” ევროპის ჩემპიონი გახდა – Batumelebi
RU | GE  

ბათუმის საჭადრაკო კლუბი ”ნონა” ევროპის ჩემპიონი გახდა

საქართველოს სპორტისა და ახალგაზრდობის საქმეთა სამინისტროს პრესსამსახური



ბათუმის ქალ მოჭადრაკეთა კლუბმა „ნონამ” პირველად იასპარეზა ევროპის ჩემპიონატში და უძლიერესის ტიტული მოიპოვა. ქართველმა გოგონებმა 14 ქულა დააგროვეს და 4 ქულით აჯობეს ევროპის ხუთგზის ჩემპიონს „მონტე კარლოს”.

 

 

„ნონა” სპეციალურად წლევანდელი ევროპის ჩემპიონატისთვის ჩამოყალიბდა აჭარის ავტონომიური რესპუბლიკის და ქალაქ ბათუმის მერიის დახმარებით. ესპანეთის ქალაქ ბილბაოში კლუბი ამ შემადგენლობით გაემგზავრა:

გიორგი ჭანტურია – დამფუძნებელი;

მარიკა ჯაფარიძე – კაპიტანი;

ხვიჩა სუპატაშვილი – მთავარი მწვრთნელი;

დავით ჯოჯუა – მწვრთნელი;

მოთამაშეები:

ნანა ძაგნიძე,

ბელა ხოტენაშვილი,

სალომე მელია,

ნინო ბაციაშვილი

მირანდა მიქაძე.

 

მირანდა მიქაძე, ნინო ბაციაშვილი და სალომე მელია ბათუმიდან არიან.

„ნონამ” პირველივე ტურში დაამარცხა ბოლო წლების ტრიუმფატორი „მონტე კარლო”, შემდეგ სხვა მეტოქეებსაც სძლია, მეექვსე ტურში ისრაელის „რიშონ ლე-ციონი” გაანდგურა – 4:0, უკანასკნელ, მეშვიდე ტურში კი მეორე ადგილზე მყოფ მოსკოვის „ნაშე ნასლეძიეს” 2:1 მოუგო.

დაფების მიხედვით მცირე მედლები მოიპოვეს ნანა ძაგნიძემ (I დაფა, ვერცხლი), სალომე მელიამ (III დაფა, ვერცხლი) და ნინო ბაციაშვილმა (IV დაფა, ბრინჯაო).

ევროპის საკლუბო ჩემპიონატი 1996 წლიდან ტარდება. იმ წელს გოგონთა შორის თბილისის „მერანმა” ჩემპიონის ტიტული ბელგრადის „აგროუნივერსალთან” გაიყო, 2004-2005 წლებში კი უძლიერესის სახელი დედაქალაქის ნტნ-მა მოიპოვა.

ვაჟთა შორის ევროპის საკლუბო ჩემპიონის ტიტული აზერბაიჯანის „სოკარმა” დაიბრუნა.

 

 

ფოტოები: europeanchessclubcup2014.com-დან

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"