ნეტგაზეთი • RU

ბათუმში ჩემპიონატები მიმდინარეობს

 

 

ბათუმში არდაგანის ტბასთან, სპორტულ მოედნებზე, მინი ფეხბურთსა და ქვიშის ფეხბურთში ჩემპიონატები პარალელურად მიმდინარეობს.

 

 

სპორტულ ფესტივალ “საქართველო 2014“-ის ფარგლებში საქართველოს ჩემპიონატი მინი ფეხბურთში დასავლეთის მეხუთე ტური იმართება და მასში რვა გუნდი შეხვდება ერთმანეთს. დღეს ბოლო მატჩი 19:00 საათზე დაიწყება. ერთმანეთს ბათუმის „წყალი“ და სამტრედიის გუნდი დაუპირისპირდება.

 

 

საქართველოს ჩემპიონატი მინი ფეხბურთში / ჭიათურა-ზუგდიდის ლაზიკა

 

ხოლო ჩემპიონატი ქვიშის ფეხბურთში საქართველოში პირველად ტარდება და მასში საქართველოს სხვადასხვა რეგიონიდან რვა გუნდი მონაწილეობს. ჩემპიონატი შვიდ ტურად მიმდინარეობს და 26 ივლის დასრულდება. ჩემპიონატის ორგანიზატორისა და აჭარის ფუტზალისა და საპლაჟო ფეხბურთის ფედერაციის პრეზიდენტის ჯაბა ჭანტურიას თქმით, გამარჯვებული, გარდა იმისა, რომ მიენიჭება საქართველოს ჩემპიონატის ტიტული, მოიპოვებს უფლებას მონაწილეობა მიიღოს 2015 წლის ევროპის ჩემპიონთა თასის გათამაშებაში.

 

დღევანდელი ბოლო მატჩი ქვიშის ფეხბურთში 19:00 საათზე დაიწყება. ერთმანეთს  „გონიო“ და „საჰარა“ შეხვდებიან.

 

საქართველოს ჩემპიონატი ქვიშის ფეხბურთში / ხელვაჩაური-თბილისის სპარტაკი

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი