პირველ შეხვედრაში „ბორჯომმა“ „პსპ“ 2:1 დაამარცხა. იმავე ანგარიშით 2:1 მოუგო „თბილისის სატრანსპორტო კომპანიამ“ (TTC) სამტრედიის გუნდს და მეორე გოლი დამატებით ხუთ წუთზე გაუტანა.
ჩემპიონატის ფინალური შეხვედრები დღეს 17:00 საათზე გაიმართება. მესამე ადგილისთვის „ბორჯობი“ და „სამტრედია“ იბრძოლებენ. გამარჯვებული კი პირველობისთვის თბილისის „TTC“ დაუპირისპირდება.
მინი ფეხბრუთის ჩემპიონატი სპორტული ფესტივალის „საქართველო 2014“ ფარგლებში მიმდინარეობდა. ჩემპიონატი 31 მაისს დაიწყო და მასში სულ 16 გუნდი მონაწილეობდა, რომლებიც დასავლეთ და აღმოსავლეთ ლიგების პრინციპით იყვნენ გადანაწილებული. წრიული ეტაპის შემდეგ, ორივე ლიგაში ოთხ-ოთხი საუკეთესო გამოვლინდა, რომელთაგანაც ორ რაუნდიანი პლეიოფების შედეგად ოთხეული შეირჩა. ბათიმიდან ორი გუნდი თამაშობდა „ბათუმი“ და „ბათუმის წყალი“, მათ ვერ შეძლეს ოთხთა ფინალში მოხვედრა.
საქართველოს ჩემპიონს სპეციალური თასი გადაეცემა. გათვალისწინებულია, სპეციალური საპრიზო ფონდი: გამარჯვებული 4000 ლარით დაჯილდოვდება, 2000 ლარი გადაეცემა მეორე ადგილოსანს, ხოლო მესამე ადგილზე გასულ გუნდს 1000 ლარი ერგება. ჩემპიონატის გამორჩეული მოთამაშეები სპეციალური პრიზებით დაჯილდოვდებიან.
ფესტივალი სპორტისა და ახალგაზრდობის საქმეთა სამინისტროს ინიციატივითა და მხარდაჭერით და ეროვნული ფედერაცია „სპორტი ყველასათვის“ ორგანიზებით იმართება.
ჩემპიონატზე დასწრება თავისუფალია.
ბათუმის სპორტულ -ხალგაზრდული ცენტრის მისამართია ლადო ასათიანის ქ. #27
