44-ე წუთზე გატანილი გოლით ბათუმის „დინამომ“ მასპინძელი გორის „დილა“ დაამარცხა. მატჩი, გორში თენგიზ ბურჯანაძის სახელობის სტადიონზე გაიმართა. შეხვედრაში ერთადერთი გოლი ირაკლი ჩირიკაშვილმა გაიტანა. „ლამაზი გოლი გამოვიდა“ – შეაფასა შედეგი ბათუმის „დინამოს“ მთავარმა მწვრთნელმა ლევან ხომერიკმა.
თამაშის დროს გაფრთხილება მიიღო „დინამოს“ ფეხბურთელმა ვალერიან თევდორაძემ და „დილას“ ნახევარმცველმა თენგიზ წიქარიძემ.
დღეს, ასევე, გაიმართა შეხვედრა ზესტაფონის „ზესტაფონსა“ და თბილისის „დინამოს“ შორის. თბილისის „დინამომ“ მოწინააღმდეგე 3:2 დაამარცხა.
შეგახსენებთ, რომ მიმდინარეობს საქართველოს ეროვნული ჩემპიონატის მესამე ტური, რომელიც 24 აგვისტოს დასრულდება.
მესამე ტურის დასასრულს ხვალ ექვსი მატჩი გაიმართება. ერთმანეთს შეხვდებიან:
შუქურა (ქობულეთი) : ჩიხურა (საჩხერე)
მეტალურგი (რუსთავი) : გურია (ლანჩხუთი)
სიონი (ბოლნისი) : სამტრედია (სამტრედია)
კოლხეთი (ფოთი) : ზუგდიდი (ზუგდიდი)
ვიტ-ჯორჯია (თბილისი) : სპარტაკი (ცხინვალი)
მერანი (მარტვილი) : ტორპედო (ქუთაისი)
