ბათუმელები
დემოკრატიული ჩართულობის ცენტრში ბათუმის მუნიციპალური ტრანსპორტის განვითარების პერსპექტივებზე ისაუბრეს. სამოქალაქო მრჩეველთა საბჭოსა და შპს “ბათუმის ავტოტრანსპორტის” ინიციატივით გამართულ შეხვედრაზე მუნიციპალური ტრანსპორტის განვითარების გეგმა წარმოადგინეს.
იმის გამო, რომ ფერიის სასაფლაო გადატვირთულია, აიპი «ბათუმის სასაფლაო» აპირებს წინადადებით შევიდეს საკრებულოში, რომ ახალი ადგილები ამ სასაფლაოზე აღარ გამოიყოს. მის ნაცვლად ქალაქს, ახალი სასაფლაო მოემსახურება.
ბათუმის თევზის ბაზარში წითელ ნუსხაში შეტანილი ზუთხი აღმოჩნდა. აჭარის გარემოსდაცვითი ზედამხედველობის დეპარტამენტის თანამშრომლებმა ორ კილოგრამამდე ზუთხი ერთ-ერთი მოვაჭრის დახლზე აღმოაჩინეს.
ამ წუთებში ხელვაჩაურის მუნიციპალიტეტის საკრებულოში სხდომა დაიწყება. დღის წესრიგის მიხედვით, პირველ საკითხად საკრებულოს წევრები ბიუჯეტში შესატან ცვლილებებს განიხილავენ.
<!** Image 1 align="left" width="300" height="576" >
ბათუმში ახალი სერვისი ამოქმედდა. ნასვამ მძღოლებს დახმარების გამოძახება შეუძლიათ. სერვისით სარგებლობა ბათუმის, ჩაქვისა და ქობულეთის არეალში არის შესაძლებელი.
აჭარის ტერიტორიაზე არსებული სასტუმროების მონაცემების მიხედვით, 2013 წლის იანვარ-დეკემბერში სასტუმროს მომსახურებით 393.617 ადამიანმა ისარგებლა, რაც გასული წლის მაჩვენებელთან შედარებით 9,68%-ითაა გაზრდილი.
უზენაესი სასამართლოს ოფიციალური ინფორმაციით, 2013 წლის 11 თვეში 13 479 ადამიანი გაასამართლეს. 2012 წლის იგივე პერიოდში კი 10 191 ადამიანია გასამართლებული.
ხელვაჩაურის მუნიციპალიტეტის საბავშვო ბაღების გაერთიანება ოთხი საბავშვო ბაღის პერსონალის დაკომპლექტების მიზნით კონკურსს გამოაცხადებს. ვაკანსიები სოფელ ჭარნალის, ორთაბათუმის, ზედა და ქვედა ახალშენის საბავშვო ბაღებში გამოცხადეება.
<!** Image 2 align="left" width="300" height="4464" >
კონკურსი შუახევის რესურსცენტრის უფროსის ვაკანტური თანამდებობის დასაკავებლად, 14 იანვარს, აჭარის ავტონომიური რესპუბლიკის განათლების, კულტურისა და სპორტის სამინისტრომ, საჯარო სამსახურის ბიუროს ადმინისტრირებულ ვებ გვერდზე გამოაქვეყნა.
<!** Image 1 align="left" width="300" height="421" >
„საერთაშორისო გამჭვირვალობა საქართველომ“ კომუნიკაციების ეროვნული კომისიის წევრობის კანდიდატების საქმიანობის მიმოხილვა გამოაქვეყნა. ორგანიზაციის ინფორმაციით, შერჩეულ სამ კანდიდატთან დაკავშირებით ინტერესთა კონფლიქტის რისკი არ გამოიკვეთა.
სამშენებლო კომპანია „ორბის“ სასამართლოში მოქალაქე ლია ლიბერნამი უჩივის. მომჩივანი კომპანიის დირექტორთან, ირაკლი კვერღელიძესთან გაფორმებული ხელშეკრულების ბათილად ცნობას და კომპანიისთვის გადახდილი თანხის უკან დაბრუნებას ითხოვს. საუბარია 70 ათას ლარზე, რომელიც მოქალაქემ კომპანიას ბინის შესაძენად გადაუხადა.
დღეს აჭარის ხარიტონ ახვლედიანის სახელობის მუზეუმში კალანდობის დღესთან დაკავშირებით ეთნოგრაფიულ ექსპონატთა გამოფენა „ზამთრის სურათები“ გაიხსნა.
<!** Image 1 align="left" width="300" height="640" >
ამიერიდან საქართველოში მცხოვრებ სუნიტებს, ორი – აღმოსავლეთის და დასავლეთის მუფთი ეყოლებათ. ახალი შეიხი ჰყავთ საქართველოში მცხოვრებ შიიტებსაც. ეს გადაწყვეტილება „სრულიად საქართველოს მუსლიმთა სამმართველოს“ დამფუძნებელ კრებაზე 9 იანვარს იქნა მიღებული. ამავე კრებაზე აირჩიეს რელიგიური საბჭოები.
<!** Image 1 align="left" width="300" height="2592" >
სასოფლო-სამეურნეო ბარათებს ბათუმის შემოერთებულ ტერიტორიებზე მცხოვრები ოჯახებიც მიიღებენ. ამის შესახებ დღეს აჭარის მთავრობის თავმჯდომარემ არჩილ ხაბაძემ საგანგებოდ გამართულ ბრიფინგზე განაცხადა. მთავრობის ამ გადაწყვეტილებით წელს „მცირემიწიან ფერმერთა საგაზაფხულო სამუშაობის ხელშეწყობის პროექტით“ აეროპორტის, კახაბრის, გონიო-კვარიათისა და ბათუმის სამრეწველო ზონის ტერიტორიაზე მცხოვრები ოჯახებიც ისარგებლებენ.
<!** Image 1 align="left" width="300" height="512" >
ჩართულობის ცენტრში დღეს გამართულ ბრიფინგზე საქართველოს მთავრობის მიერ ხუთწლიან რეგლამენტის მიღებას გამოეხმაურა. მთავრობის ახალი რეგლამენტი, რომელიც პირველი იანვრიდან ამოქმედდა, შშმ პირებისათვის ყველა შენობის ადაპტირებას ითვალისწინებს.
საზოგადოებრივი მაუწყებლის აჭარის ტელევიზიასა და რადიოში გამოცხადებულ კონკურსის კომისიის წევრები იქნებიან: ემზარ დიასამიძე-აჭარის ტელევიზიის ჟურნალისტი, ომარ ბერიძე აჭარის ტელევიზიის დირექტორის თანამშემწე მონიტორინგის დარგში და თინათინ დვალიშვილი კავკასიის ჟურნალისტთა საერთაშორისო ცენტრის წარმომადგენელი. კომისიის თავმჯდომარე საზოგადოებრივი მაუწყებლის აჭარის ტელევიზიისა და რადიოს დირექტორი სოსო სტურუა იქნება;
<!** Image 1 align="left" width="300" height="512" >
12: 00 „გაყინული“ 3D – 7ლარი
14:00 „მისტერ ძიძა“ – 7ლარი
16:00 „ჩემი ცოლის დაქალები“ – 8 ლარი
18:00 „ჩემი ცოლის დაქალები“ – 8 ლარი
20:00 „ჩემი ცოლის დაქალები“ – 8 ლარი
22:00 „რონინი“ – 3D – 9ლარი
<!** Image 1 align="left" width="300" height="599" >
დღეს, 15 იანვარს „რადისონ ბლუ ბათუმში“ 11.30 საათზე დაიწყება მრგვალი მაგიდა თემაზე „საჯარო სამსახურის რეფორმის კონცეფციისა და სამოქმედო გეგმის შემუშავება“. აჭარის მთავრობის პრეს სამსახურის ინფორმაციით, დისკუსიაში მონაწილეობას აჭარის მთავრობის წევრებიც მიიღებენ.
რამდენიმე წუთის წინ ახალ ბულვარში, აკვაპარკის მიმდებარე ტერიტორიაზე, ზღვის ტალღამ სამაშველო სამსახურის თანამშრომელთა საგუშაგო კოშკი მიიტაცა.
ბათუმის ილია ჭავჭავაძის სახელობის სახელმწიფო დრამატული თეატრს დღეიდან ოთხი წლის გა<!** Image 1 align="left" width="300" height="960" >ნმავლობაში რეჟისორი ანდრო ენუქიძე უხელმძღვანელებს. ანდრო ენუქიძე სამხატვრო ხელმძღვანელის თანამდებობაზე აჭარის განათლების კულტურისა და სპორტის სამინისტრომ დანიშნა.
ბათუმთან ახლოს, მახინჯაურში ძლიერმა ქარმა სამსართულიან შენობას სახურავი გადახადა. საერთო საცხოვრებელის ტიპის სახლში ბათუმის მერიის ინფორმაციით, 13 ოჯახი ცხოვრობს, უმრავლესობა სოციალურად დაუცველია.
საზოგადოებრივი მაუწყებლის აჭარის ტელევიზიასა და რადიოში გამოცხადებულ ვაკანსიებზე ამ დროისათვის 15 განაცხადია შესული. განაცხადების შეტანის ვადა დღეს 18:00 საათზე იწურება. ყველაზე მეტი განაცხადი ტელევიზიის საინფორმაციო სამსახურის ხელმძღვანელის ვაკანსიაზეა შესული.
ბათუმში, დიდთოვლობის დროს დაზიანებული ყინულის სასახლის სარეაბილიტაციო სამუშაოები თვის ბოლოს დასრულდება – ამის შესახებ ინფორმაცია „ბათუმელებს“ ყინულის სასახლის დირექტორმა ირაკლი ბერიძემ მოაწოდა.
გასულ წელს 34 394 წყვილის ქორწინება დარეგისტრირდა. სახელმწიფო სერვისების განვითარების სააგენტოს სტატისტიკით, 2012 წელს 29 932 წყვილის ქორწინება დარეგისტრირდა, 2011 წელს – 30 861, 2010 წელს – 34 449, 2009 – 31 796, ხოლო 2008 წელს 24 696 წყვილმა იქორწინა.
მაღლმთიანი აჭარაში ელექტროენერგიის გადამცემი ხაზებია დაზიანებული. ამ წუთებში ხულოში, შუახევსა და ქედაში ენერგო-პრო ჯორჯიას თანამშრომლები ელექტროენეერგის აღდგენას ცდილობენ. როგორც კომპანიაში აცხადებენ, ძლიერი ქარისა და თოვლის გამო წაიქცა ხეები, რის გამოც ელექტრო ენერგიის გადამცემი ხაზები დაზიანდა.
ბათუმის მერიამ სატრენინგო მომსახურების შესყიდვის მიზნით ტენდერი გამოცხადა. ტენდერში გამაჯვებულმა კომპანიამ სოციალურად დაუცველი მოქალაქეების პროფესიული გადამზადება უნდა უზრუნველყოს.
აჭარის მთავრობის თავმჯდომარე არჩილ ხაბაძე 13 იანვრის ღამეს ფერიაში მატათას სახელობის ბავშვთა სკოლა-პანსიონის აღსაზრდელებთან და ბათუმისა და ლაზეთის, ჩრდილოეთ ამერიკისა და კანადის მიტროპოლიტ დიმიტრისთან ერთად შეხვდა.
ამ წუთებში სამაშველო სამსახურის თანამშრომლები მაჭახლის ხეობაში გადავარდნილი მანქანის ამოყვანას ცდილობენ. მაჭახლის ხეობაში გადაიჩეხა ავტომანქანა „ნივა“, შემთხვევის ადგილზე გარდაიცვალა 80 წლის მამაკაცი. უამინდობის გამო აჭარის მაღალმთიანეთში წუხელ გვიან ღამით 6 ავტოსაგზაო შემთხვევა დაფიქსირდა.
დასავლეთ საქართველოს მუფტი ჯემალ პაქსაძე “ტოიოტა ლენდკრუიზერის” მარკის ავტომანქანით, MUF-777-ით გადაადგილდება.
<!** Image 1 align="left" width="300" height="960" >
არასამთვრობო ორგანიზაცია „სამოქალაქო აქტივობა და ჩართულობის“ თავმჯდომარემ, დავით ბერიძემ დემოკრატიული ჩართულობის ცენტრში ბრიფინგი გამართა. მან რამდენიმე საკითხზე ისაუბრა.
<!** Image 1 align="left" width="300" height="512" >
„ეს ინიციატივა გაჩნდა ერთი წლის წინ, როცა მთავრობის თავმჯდომარე არჩილ ხაბაძესთან ერთად ვიყავით თურქეთში. ეს იყო პირველი ვიზიტი. მაშინ დავსვით საკითხი მათ გადაემზადებინათ ჩვენი ექიმები. თანამშრომლობა შედგა ჩვენსა და ბაჰჩეშეჰირის უნივერსიტეტს შორის. 16-ზე მეტი აპლიკაცია შემოვიდა. როცა პროექტის შემდგომი ეტაპი იქნება, ჩვენ თანმიმდევრულად ჩავრთავთ ყველა ახალგაზრდას მასში“, – განაცხადა შეხვედრისას აჭარის ჯანდაცვის მინისტრმა, ნუგზარ სურმანიძემ.
სამედიცინო სფეროში კადრების თურქეთში მომზადების ინიციატორი ნუგზარ სურმანიძეა.
ახალგაზრდა მედიკოსებს აჭარის ჯანმრთელობისა და სოციალური დაცვის მინისტრი ნუგზარ სურმანიძე, განათლებისა და სპორტის მინისტრი გიორგი თავამაიშვილი და უმაღლესი საბჭოს ჯანმრთელობის დაცვისა და სოციალურ საკითხთა კომისიის თავმჯდომარე ჯემალ ფუტკარაძე შეხვდნენ. მათ გზა დაულოცეს, წარმატებები უსურვეს და სამახსოვრო საჩუქრად თითოეულ მათგანს „ვეფხისტყაოსანი“ გადასცეს.
„გახარებული ვარ ამ პროექტით, რადგან ჩემთვის ძალიან მნიშვნელოვანია. შერჩევის სხვადასხვა ეტაპი გავიარე. საბუთების მიღება, გასაუბრება, საბუთების განხილვა. ყველაფერს გავაკეთებ იმისთვის, რომ წარმატებას მივაღწიო“, – აღნიშნა ფატმა შერვაშიძემ. ის თბილისის სახელმწიფო უნივერსიტეტის სამედიცინო ფაკულტეტზე სწავლობდა.
სწავლების პერიოდი სამ და მეტ წელს მოიცავს, რადგან ხანგრძლივობა დამოკიდებულია სპეციალობაზე. ნუგზარ სურმანიძის თქმით, წლიური სწავლის საფასურს – დაახლოებით 16 ათას დოლარს ბაჰჩეშეჰირის უნივერსიტეტი იღებს. ახალგაზრდა მედიკოსები ასევე უზრუნველყოფილი იქნებიან ბინითა და დღეში ორჯერადი კვებით.
პროექტის გაგრძელება მომავალშიც იგეგმება. წელს პროექტით შემდეგი სტუდენტები ისარგებლებენ:
1. მერი თევზაძე – რადიოლოგია
2. შორენა ბერიძე – მეან-გინეკოლოგია
3. ფატმან შერვაშიძე – მეან-გინეკოლოგია
4. ირაკლი ოქროპირიძე – კარდიოქირურგია
5. გურამ ჩახვაძე – ნეიროქირურგია
6. მარიტა გორგოშაძე – კარდიოქირურგია
7. გიორგი კერესელიძე – ორთოპედია, ტრამვატოლოგია
8. ვლადიმერ ბაზიაშვილი – ნეიროქირურგია
<!** Image 1 align="left" width="300" height="303" >
პოლიტიკური ფასეულობანი საზოგადოებრივი აზრის საფუძველია. ხალხი იძენს ამ ფასეულობებს პოლიტიკური სოციალიზაციის გზით. ეს არის რთული პროცესი, რომელის შედეგად პიროვნება იძენს ცოდნას პოლიტიკის შესახებ, სწავლობს პოლიტიკურ ფაქტებს და იქმნის პოლიტიკურ ფასეულობებს. ერთი წუთით დაფიქრდით თქვენივე პოლიტიკური სოციალიზაციის პროცესზე. პირველად როდის დაფიქსირდა თვენს მეხსიერებაში პრეზიდენტი? პირველად როდის გაიგეთ პოლიტიკური პარტიების შესახებ?
არასამთავრობო ორგანიზაცია „შეზღუდული შესაძლებლობების მქონე პირთა უფლებებისათვის“ ინიციატივით გამოდის, რომ საქართველოს მასშტაბით შეიქმნას შშმ პირთა რეესტრი, სადაც მოცემული იქნება შშმ ადამიანების რაოდენობის შესახებ ზუსტი ინფორმაცია. ამ ინიციატივის შესახებ ორგანიზაციის თავმჯდომარემ თამაზ მჟავანაძემ დემოკრატიული ჩართულობის ცენტრში გამართულ ბრიფინგზე ისაუბრა.
არასამთავრობო ორგანიზაცია “ბორჯღალი” იწვევს 18-დან 30-წლამდე ასაკის ახალგაზრდებს დემოკრატიის მთხრობელთა სკოლის ტრენინგ კურსში მონაწილეობის მისაღებად, რომელიც გაიმართება ბათუმში, 2014 წლის 3 თებერვლიდან 5 აპრილის ჩათვლით.
<!** Image 1 align="left" width="300" height="512" >
აჭარის ჭიდაობის ფედერაციამ, სპორტულ ცენტრ „ბასკოში“ ბრიფინგი გამართა. ფედერაციის წარმომადგენლებმა, მწვრთნელებმა და ვეტერანმა სპოტსმენებმა აჭარის სპორტისა და ახალგაზრდობის საქმეთა დეპარტამენტის მიერ 2013 წლის საუკეთესო სპორტსმენების გამოვლენა გააპროტესტეს. დეპარტამენტის სიაში აჭარის ჭიდაობის ფედერაცია ვერ მოხვდა.
<!** Image 1 align="left" width="300" height="768" >
ბათუმში, ვაჟა-ფშაველასა და მემედ აბაშიძის ქუჩების კვეთაში მცხოვრები მანელიშვილების ოჯახი, სამშენებელო კომაპანია „დიეს ჯგუფი“-ის წინააღმდეგ კიდევ ერთ განცხადებას ავრცელებენ. ეთერ მანელიშვილის თქმით, სამშენებლო კომპანია, რომელიც ქალაქის ცნტრში, კანონის დარღვევით წარმოებული მშენებლობისთვის რამდენჯერმე დააჯარიმეს, დღემდე არაფერს აკეთებს კომპანიის ზემოქმედებით დანგრეული მისი სახლის სახურავის აღსადგენად. სახურავი კი ყოვედღიურად იშლება და სიცოცხლისთვისაც სახიფათო ხდება. მოქალაქემ დახმარების თხოვნით ხელისუფლებასა და არასამთავრობო სექტორს მიმართავს.
