„ჩვენ ავიღეთ ხორცის ნიმუშები და გადავაგზავნეთ ლაბორატორიაში. ბაზარში არ არის სანიტარული ნორმები დაცული და სანამ მდგომარეობას არ გამოასწორებენ, ხორცის განყოფილება დახურული იქნება“. – განაცხადა ილია სირაბიძემ.
ციმბირის წყლული მწვავე ინფექციური დაავადებაა. ადამიანის ორგანიზმში ჯილეხის გამომწვევი ინფექცია შესაძლოა შეიჭრას დაზიანებული კანიდან, სასუნთქი ორგანოებიდან, კუჭ-ნაწლავის ტრაქტიდან. კანიდან გამომწვევის შეჭრა უმთავრესად დაავადებული საქონლის მოვლისა და დაკვლის, დაცემული პირუტყვის გატყავებისა და დამარხვის, ინფიცირებული ხორცის, ტყავისა და ბეწვის დამუშავების დროს ხდება. დროული სათანადო მკურნალობის გარეშე ადამიანი შესაძლოა მოკვდეს.
როგორც მედიკოსები აცხადებენ, დაავადების თავიდან აცილების მიზნით, აუცილებელია შინაური ცხოველების ვაქცინაცია. დაავადებული ცხოველის ხორცის მიღება კი საკვებად დაუშვებელია.
