Batumelebi | „ადაპტირებული ავტობუსები მოუხერხებელია შშმ პირებისათვის“ „ადაპტირებული ავტობუსები მოუხერხებელია შშმ პირებისათვის“ – Batumelebi
RU | GE  

„ადაპტირებული ავტობუსები მოუხერხებელია შშმ პირებისათვის“

 

ორგანიზაციამ „შეზღუდული შესაძლებლობების მქონე პირთა უფლებებისათვის” დემოკრატიული ჩართულობის ცენტრში ბრიფინგი გამართა, სადაც საინიციატივო ჯგუფის ”სამართლიან ინიციატივასთან” ერთად ჩატარებულ კვლევაზე ისაუბრეს. მათი თქმით შშმ პირებისთვის ადაპტირებული საქალაქო ავტობუსები მოუხერხებელია და რთულია ეტლით ასვლა. ასევე ზოგი ავტობუსის კარი დაზიანებულია, რაც ხელს უშლის პანდუსის გამოყენებას.  

თამაზ მჟავანაძე

არასამთავრობო ორგანიზაციის წევრებმა  წარმოადგინეს კვლევის ფოტომასალაც, რომელზეც ასახულია ეტლით მოსარგებლესათვის გადაადგილების ხელისშემშლელი გარემო.

ავტობუსებში ჩატარებული კვლევის მონაწილე გიგი ჩაჩავა ამბობს, რომ დახმარების გარეშე ავტობუსში ეტლით შეუძლებელია ასვლა, ეტლის გასაჩერებელი ადგილი ახლოსაა ამორტიზატორებთან, რის გამოც მგზავრობის დროს იწვევს ზურგის ტკივილს. ასევე, ავტობუსში ორ ეტლზე მეტი ვერ მოთავსდება.

ორგანიზაციის თავმჯდომარემ  თამაზ მჟავანაძემ აღნიშნული პრობლების შესახებ  ქალაქის მერიასა და ავტოტრანოსპორტს მიმართა. ორგანიზაციას აინტერესებს, რამდენი ადაპტირებული ავტობუსი ემსახურება შშმ პირებს,  რამდენი შშმ პირი სარგებლობს მისით და  რა თანხა დაიხარჯა ბიუჯეტიდან მათ შესაძენად.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი