PROტესტი და პოლიტიკა საქართველოში - ორი კვირის დაიჯესტი

მოამზადა ნათია კაპანაძემ

__________________________________

11-17 ნოემბრის ქრონიკა

„დემოკრატიისთვის ბრძოლა გვიანი არასდროსაა“ – თქვა შვედმა პარლამენტარმა, ერიკ ოტოსონმა გასულ კვირას რუსთაველის გამზირზე, როცა ევროპელმა დეპუტატებმა რუსთაველის გამზირზე შეკრებილ მოქალაქეებს მიმართეს.

ისინი თბილისში აქციის მონაწილეებისთვის სოლიდარობის გამოსახატად ჩამოვიდნენ. საქართველოს მთავრობას კი მოუწოდეს, არ გადადგას ნაბიჯები, რომლებიც ქვეყანაში დემოკრატიულ პროცესებს დაარღვევს.

მმართველ პარტიას ევროპელი პოლიტიკოსების რჩევები არ გაუთვალისწინებელია. საპასუხოდ, თბილისის მერმა, კახა კალაძემ, ევროპარლამენტარებს „უსაქმურები“ უწოდა.

თბილისში იმყოფება ცნობილი შვედი უფლებადამცველიც. შეგიძლიათ გაეცნოთ, რატომ და როგორ ჩამოვიდა გრეტა თუნბერგი საქართველოში.

გასულ კვირას ბათუმში დაიწყო სტუდენტური პროტესტი, რომელიც საპარლამენტო არჩევნების გაყალბებასა და არადემოკრატიულ მიდგომებს აკრიტიკებს. პროტესტი გადაედო სხვა უნივერსიტეტებსაც. „სოლიდარობა ბათუმელ სტუდენტებს“ – ამბობენ ახალგაზრდები და ეხმიანებიან პროტესტს სხვა უნივერსიტეტებიდან.

ბათუმელი სტუდენტები ამბობენ, რომ საპროტესტო აქციებზე ელიან მშობლებისა და ბებია-ბაბუების თაობას უნივერსიტეტთან.

16 ნოემბერს გამართულ სხდომაზე კი ცესკომ 26 ოქტომბრის საპარლამენტო არჩევნების საბოლოო შედეგები შეაჯამა და შემაჯამებელი ოქმი დაამტკიცა.

„შენ ხარ ჩვენი სირცხვილი! შენი რეალური სახე არის შავი ლაქა, შენ ხარ შავი ლაქა!“ – ასე მიმართა „ერთიანობა ნაციონალური მოძრაობის“ წარმომადგენელმა ცესკოში დავით კირთაძემ ცესკოს თავმჯდომარეს, გიორგი კალანდარიშვილს და შავი სითხე შეასხა. ამის შემდეგ ცესკოს სხდომა შეწყდა.

გასულ კვირას ოცმა ორგანიზაციამ რუსული კანონის გამო წიგნის გამომცემელთა და გამავრცელებელთა ასოციაცია დატოვა. ისინი ამბობენ, რომ ასოციაციის „უცხოური ძალის ინტერესების გამტარებელ“ ორგანიზაციად დარეგისტრირების შესახებ გადაწყვეტილება ასოციაციის წევრებთან შეთანხმებული არ ყოფილა.

„საქართველოს ტყვედ ჰყავს ჩემი მეუღლე“ – ამბობს აზერბაიჯანელი ჟურნალისტის, აფგან სადიგოვის ცოლი, სევინჩ სადიგოვა. სადიგოვი თითქმის 60 დღეა შიმშილობს, მან 35 კილო დაიკლო. ექიმების პროგნოზი მძიმეა.

„ტელეკომპანია პირველის“ ინფორმაციით, 2021 წლის 5 ივლისის ძალადობის საქმეზე დაკავებულ პირებს ამნისტია შეეხოთ და პატიმრობიდან ვადაზე ადრე გაათავისუფლეს. საუბარია ამნისტიაზე, რომელიც პარლამენტმა, „ქართული ოცნების“ ინიციატივით, 26 ოქტომბრის არჩევნებამდე ცოტა ხნით ადრე მიიღო.

მაუწყებლის ცნობით, ამნისტიით გათავისუფლებულთა შორის არიან ოპერატორ ლექსო ლაშქარავაზე თავდასხმისთვის მსჯავრდებულები – დავით კუტალაძე და თორნიკე დავლაშერიძე.

გასულ კვირას მნიშვნელოვანი ამბები ხდებოდა აფხაზეთში. აფხაზეთის დე ფაქტო პრეზიდენტმა, ასლან ბჟანიამ სოფელ ტამიშში საკუთარ მხარდამჭერებთან შეხვედრისას განაცხადა, რომ მზად არის, გადადგეს იმის შემდეგ, როცა პროტესტის მონაწილეები სოხუმის სამთავრობო შენობების კომპლექსს დატოვებენ. გარდა ამისა, ბჟანიამ აღნიშნა, რომ მზად არის, შემდგომ არჩევნებზე საკუთარი კანდიდატურა კვლავ წარადგინოს.

აფხაზეთში ბჟანიას გადადგომის მოთხოვნას წინ უძღოდა ოპოზიციის პროტესტი რუსეთთან საინვესტიციო შეთანხმების გამო, რომელსაც ოპოზიცია და სამოქალაქო საზოგადოება ეწინააღმდეგებოდა. კანონპროექტი უკვე უკან გაიწვიეს.

პროტესტის დროს ოპოზიციის მხარდამჭერებმა დაიკავეს „სახელმწიფო შენობები“, ასევე შეანგრიეს დე ფაქტო პარლამენტის ჭიშკარი. საპოლიციო ძალებმა მათ წინააღმდეგ ცრემლსადენი გაზიც გამოიყენეს.

ქვემოთ მითითებული ბმულებით შეგიძლიათ გაიხსენოთ გასული კვირის ამბები და დეტალურად გაეცნოთ საქართველოში მიმდინარე ყველა პროტესტს.

არჩევნები

„შენ ხარ შავი ლაქა“ – კალანდარიშვილს შავი სითხე შეასხეს

ცესკომ საპარლამენტო არჩევნების შემაჯამებელი ოქმი დაამტკიცა

აღმაშენებლის ხეივანზე საპროტესტო მსვლელობა მიმდინარეობს

პრეზიდენტი: „შედგება ახალი არჩევნები, როდის და როგორ – ჯერ ვერ ვიტყვით“

რატომ გათიშეს შუქი და მოხსნეს ფანჯრებს საკეტები ბსუ-ში – რექტორის განმარტება

პროკურატურის თქმით, მას არ აქვს მარაგები ამოსაღები საარჩევნო მასალების დასალუქად

„სოლიდარობა ბათუმელ სტუდენტებს“ – როგორ ეხმიანებიან პროტესტს სხვა უნივერსიტეტებიდან

გაფიცული სტუდენტები: დღეს ველოდებით მშობლების თაობას, ჩვენი ბებია-ბაბუების თაობას უნივერსიტეტთან

მხარს ვუჭერთ ბსუ-ს სტუდენტების ბრძოლას მოპარული ხმისთვის – „ილიაუნის“ სტუდენტური მოძრაობა

ჯიპას სტუდენტური მოძრაობის სოლიდარობა ბათუმელ სტუდენტებს

ერთადერთი გზა რჩება – სახალხო დაუმორჩილებლობა – ხაზარაძე

“სააპელაციომ გადაწყვიტა, დისკომფორტი არ შეიქმნას” – საია არჩევნების საქმის ზეპირი მოსმენის გარეშე განხილვაზე

პროკურატურა: დაილუქა არჩევნებზე ამომრჩეველთა ვერიფიკაციის აპარატები

მკვეთრად უარყოფითად ვაფასებთ – იოსელიანი კალანდარიშვილისთვის შავი საღებავის შესხმაზე

ილია მეორე „ოცნებას“არჩევნებში გამარჯვებას ულოცავს

პოლიტიკა

ყოფილი მოსამართლე: ივანიშვილის სახელით ქრთამი შემომთავაზეს

რუსეთის საოკუპაციო ძალებმა წნელისთან საქართველოს ორი მოქალაქე დააკავეს

კობახიძე: ეს ოპოზიცია უნდა ჩანაცვლდეს ახალი ძალებით

ბჟანია აცხადებს, რომ გადადგება თუ ოპოზიცია სამთავრობო შენობებს დატოვებს

რუსეთის დროშა ოზურგეთში – კომპანიის წარმომადგენლის თქმით, ეს ფოტოშოფია

რას სთავაზობს სახელმწიფო ღარიბ ადამიანს საქართველოში და რას ბელგიაში

უსახლკაროები უმაღლესი საბჭოს ყოფილ შენობაში შეიჭრნენ – „გამოგვიყვანეს, არ დავტოვებთ აქაურობას“

„ბავშვს ყველა გაჭირვება ვანახე“ – როგორ ეხმარება მარტოხელა მშობლებს საქართველო და EU-ს ქვეყნები

როცა სამსახური დაკარგე და სახელმწიფო ხელფასს გიხდის – საქართველო უმუშევრობის დაზღვევის გარეშე და იტალიის გამოცდილება

“ალიევის და ივანიშვილის რეჟიმები ერთ დღეს პასუხს აგებენ მსოფლიოს წინაშე” – აფგან სადიგოვის ცოლი

ინტერვიუ

„გერმანია გვახსენებს საერთო ისტორიას, რომ მშვიდობიანი რევოლუცია შესაძლებელია“ – ინტერვიუ

„უკრაინას მნიშვნელოვანი კოზირი აქვს მოლაპარაკების დაწყების წინ“ – ინტერვიუ გენერალთან

უცხოეთის ამბები

რუსეთის საგარეო მოქალაქეებს ურჩევს, აფხაზეთში მოგზაურობისგან თავი შეიკავონ

საქართველოს პოლიტიკა შემაშფოთებელია და დიდი სამხედრო პროექტების გაუქმება გამოიწვია — ფიშერი

რუსეთი “აგენტების” შესახებ რეგულაციებს კიდევ უფრო ამძიმებს

ტრამპმა სახელმწიფო მდივნად მარკო რუბიო დაასახელა

ევროკომისიის ვიცე-პრეზიდენტი: 26 ოქტომბრის არჩევნები არ შეესაბამება სტანდარტებს

„ჩვენ ყველანი ვიბრძვით თავისუფალი ევროპისთვის რუსული იმპერიალიზმის წინააღმდეგ“ – მიხაელ როთი

გრეგოროვა: თავად შევესწარი გაყალბების ფაქტებს

უნგრელი ევროპარლამენტარი: არჩევნები საქართველოში თავისუფლად და სამართლიანად ჩატარდა

ევროპარლამენტარი: 26 ოქტომბერს ამომრჩეველს არ ჰქონდა საშუალება, თავისუფლად გამოეხატა ნება

რასა იუკნევიჩიანე: „ოცნებას“ არჩევნები არ მოუგია

კობახიძის განცხადებების გამო, ქართველი დიპლომატი მოლდოვის საგარეო უწყებაში დაიბარეს

რუსეთში 68 წლის პედიატრს 5,5 წლით პატიმრობა მიუსაჯეს ჯარზე „ფეიკების“ გავრცელების ბრალდებით

პოლონეთის პრეზიდენტმა ლუკაშენკოს გამო საერთო ფოტოს გადაღებაზე უარი თქვა

უვიზო რეჟიმის შეჩერების წინააღმდეგი ვიყავი, მაგრამ პოზიცია შევიცვალე — როთი

რა უთხრეს ევროპელმა პარლამენტარებმა რუსთაველზე შეკრებილ მომიტინგეებს

ვაშინგტონ პოსტი: დონალდ ტრამპმა და პუტინმა ტელეფონით ისაუბრეს

უკრაინა

რუსეთის და უკრაინის სამხედრო დანაკარგები ომში – 16 ნოემბერი

რუსეთი კიევს რაკეტებითა და დრონებით თავს დაესხა

რუსეთის თავდასხმა კრივოი როგზე – ნანგრევებში 3 ბავშვის ცხედარი იპოვეს

ააფეთქეს რუსეთის შავი ზღვის ფლოტის სარაკეტო ხომალდების შტაბის უფროსი – მედია

ზელენსკის თქმით, ტრამპის ადმინისტრაციის პირობებში ომი უფრო მალე დამთავრდება

კვირის ამბავი

„შენ ხარ შავი ლაქა“ – კალანდარიშვილს შავი სითხე შეასხეს

2-9 ნოემბრის ქრონიკა

2-9 ნოემბრის კვირას საარჩევნო საკითხები საკვანძო თემა იყო. ბევრი ყურადღება მიექცა არჩევნების სანდოობას, პროცესების გამჭვირვალობასა და საარჩევნო დარღვევების შესწავლას.

2024 წელს მსოფლიოს 70-ზე მეტ ქვეყანაში ჩატარდა არჩევნები, მათ შორის საქართველოს მოსახლეობისთვის უყურადღებოდ არ დარჩენილა მოლდოვაში გამართული პოლიტიკური პროცესები, რომელიც რუსული რყევების ფონზე ორი ტურით ჩატარდა. ამჟამად, მოლდოვას პრეზიდენტი ისევ პროევროპელი მარია სანდუა. ამერიკის შეერთებული შტატების საპრეზიდენტო არჩევნებში კი კამალა ჰარისმა ხმების საკმარისი ოდენობა ვერ დააგროვა და დონალდ ტრამპს გამარჯვება მიულოცა.

ამ კვირაში საქართველოს პრეზიდენტი, სალომე ზურაბიშვილი ქართული არჩევნების ხარვეზებზე საუბრის გამო პროკურატურაში დაიბარეს. „აწიოს ერთი ადგილი“ – ასე თქვა უმრავლესობის ერთ-ერთმა ლიდერმა, კალაძემ პრეზიდენტზე.

არჩევნების შედეგების გამო თბილისში აქციები გრძელდებოდა. „ხალხის ბრძოლის მხარდასაჭერად მოვედი“, – თქვა ცნობილმა შვედმა უფლებადამცველმა გრეტა ტუნბერგმა, რომელიც თბილისში, რუსთაველის გამზირზე აქციაზე იმყოფებოდა.

უფლებადამცველები მოსახლეობის არჩევანის თავისუფლების დაცვას ცდილობენ. ამ კვირას თბილისის და ქუთაისის სააპელაციო სასამართლოებმა ცესკოს სასარგებლოდ იმსჯელეს. საქართველოს სახელით გამოტანილ გადაწყვეტილებებში წერია, რომ არჩევნები არავის მოუპარავს, რომ გაჟონვა არ ნიშნავს დარღვევას.

გამონაკლისი აღმოჩნდა მხოლოდ თეთრიწყაროს რაიონული სასამართლოს მოსამართლე ვლადიმერ ხუჭუა, რომელმაც სასამართლო პროცესზე არჩევნების ტექნიკური ნაწილები დეტალურად გამოიკვლია, ხმის მიცემის აპარატები სასამართლო დარბაზში გადაამოწმა და საიას სარჩელი დააკმაყოფილა.

ცენტრალურმა საარჩევნო კომისიამ მოსამართლე ვლადიმერ ხუჭუა მიკერძოებაში დაადანაშაულა. ამის დასასაბუთებლად ცესკო სააპელაციო სასამართლოში ხუჭუას ცოლის, ელზა გურგენიძის ფეისბუქ პოსტები წარადგინა.

სასამართლო სისტემაში კიდევ ერთი განსხვავებული პირი აღმოჩნდა მოსამართლე ნინო გერგაული. მოსამართლემ „სამართლიანი არჩევნების“ (ISFED) სარჩელი ნაწილობრივ დააკმაყოფილა. ორგანიზაცია ითხოვდა 15 საარჩევნო უბნის შედეგების ხელახლა დათვლასა და ამ უბნების თავმჯდომარეებისა და მთვლელებისთვის დისციპლინური პასუხისმგებლობის დაკისრებას.

„თქვით მისი სახელი, დაანახეთ მსოფლიოს მისი უშიშრობა“ – ირანელი სტუდენტი ქალის მდგომარეობა უცნობია. გასულ კვირას სოციალური ქსელები ირანელი ქალი სტუდენტის ამბავმა მოიცვა. სოციალურ ქსელებში გავრცელებულ ვიდეოში ჩანს, როგორ გამოდის ახალგაზრდა ირანელი ქალი საცვლებში და გაშლილი თმით უნივერსიტეტის კამპუსის წინ, როგორ გადადის გზაზე და მიუყვება ტრასას, სადაც ცოტა ხანში მანქანა ჩერდება და კაცების ჯგუფი ქალს მანქანაში ტენის.

სტუდენტი ქალის ვინაობა ოფიციალურ წყაროებს არ დაუდასტურებიათ, თუმცა ვრცელდება ინფორმაცია, რომ ის 30 წლის აჰუ დერიაია, რომელიც თეირანში, აზადის ისლამურ უნივერსიტეტში ფრანგულ ენას სწავლობდა. მისი პროტესტი კი უნივერსიტეტში მოხალისე პარამილიტარისტებთან კონფლიქტს მოჰყვა, რომელთაც მისი ჩაცმულობა შარიათთან შეუსაბამოდ მიიჩნიეს.

„თავისი სიმამაცით ის უთვალავი ქალის სახელით ლაპარაკობს, ქალების, რომლებიც უარს ამბობენ მდუმარებაზე, როცა რეპრესიული სისტემა მათ ღირსებასა და უფლებებს თელავს.

უკიდურესად ვღელავთ მის უსაფრთხოებაზე – მისი ბედი უცნობია, შიშის საფუძველი იზრდება. თქვით მისი სახელი ხმამაღლა. გააზიარეთ მისი ამბავი. აჩვენეთ მსოფლიოს მისი უშიშრობა“, – წერს X-ზე ირანელი ქალების გაერთიანება, „სპარსეთის შვილები“.

მკითხველებს კარგად გახსოვთ, ნათია აბულაძე, ქალი ხულოდან, რომელიც მარტო უვლის 30 სულ პირუტყვს და ოცნებობს ჰქონდეს პატარა მიწა, სადაც ცალკე სახლი და ბოსელი ექნება. ნათია „ბათუმელებმა“ მკითხველებს წელს, აგვისტოში გააცნო. მის შესახებ მომზადებულ სტატიას და ვიდეომასალას მკითხველის დიდი გამოხმაურება მოჰყვა, დახმარების სურვილი ათასობით ადამიანმა გამოთქვა.

ნათია აბულაძეს „ბათუმელების“ მკითხველმა, ჯამში, 97 742 ლარი შეუგროვა.

8 ნოემბერს კი ირმა ხეცურიანმა ეტლით ფარიკაობაში მსოფლიოს თასზე ოქროს მედალი მოიპოვა.

დიდი პოლიტიკური პროცესების ფონზე, კვირის ამბავი ქალთა ბრძოლაა სიცოცხლისთვის, უკეთესი შესაძლებლობებისთვის, უსამართლობის წინააღმდეგ და სამართლიანობის მხარდასაჭერად. გასული კვირის ამბებიდან მოსამართლე ვლადიმერ ხუჭუას ცოლის, ელზა გურგენიძის საჯაროდ დაპირებული მარწყვის ტორტიც დაგვამახსოვრდება. ეს ჯილდო მოსამართლეს სამართლიანობის გამო ერგო. ამ თემაზე ბევრი დაიწერა.

არავინ იცის, რა დაახვედრეს ოჯახის წევრებმა თბილისის და ქუთაისის სააპელაციო სასამართლოს მოსამართლეებს ცესკოს სასარგებლო გადაწყვეტილებებისთვის. ცნობილია, მხოლოდ უარყოფითი შიდა და საერთაშორისო შეფასებები.

„ბათუმელების“ და „ნეტგაზეთის“ ჟურნალისტების ნამუშევრებში გადაამოწმებთ, თუ როგორ ირეკლება საქართველოში მიმდინარე პროცესები მსოფლიოს პოლიტიკურ ტენდენციებში.