ბათუმელები
სამუშაო ადგილი: ქობულეთი;
სამუშაო გრაფიკი: დილის 9 საათიდან 18 საათამდე. კვირაში ერთი დასვენების დღე.
ხელფასი: ანაზღაურება დამოკიდებულია შესრულებულ სამუშაოზე – 250-350 დოლარის ფარგლებში;
გამოსაცდელი ვადა: 1 თვე;
ასაკი: 30-დან 42 წლამდე ქალი;
საცხოვრებელი ადგილი: ქობულეთი (აუცილებელია);
სამუშაო გამოცდილება და უმაღლესი განათლება მისასალმებელია.
ნაციონალური მოძრაობის ბათუმის ოფისის ინფორმაციით, ქობულეთის გამგებელმა აპრილის თვეში პრემიისა და ხელფასის სახით 8 ათასი ლარი აიღო. იგივე წყაროს თქმით, პრემიისა და ხელფასი სახით 8 ათასი ლარი მიუღია ქობულეთის მუნიციპალიტეტის საკრებულოს თავმჯდომარესაც. ქობულეთის გამგებელი ამბობს, რომ აპრილში აიღო არა 8, არამედ 6 ათასი ლარის ოდენობის ხელფასი და პრემია. სულხან ოქროპირიძის თქმით კი, აიღო ხელფასი, პრემია და პრემია.
ბათუმში, რამდენიმე სკვერში წითელი ნეკერჩხლის ნერგები დარგეს, მათ შორის ისეთ სკვერებშიც, სადაც აქამდე პალმები და სხვა დეკორატიული ნარგავებია იყო განთავსებული, მაგალითად საკონსტიტუციო სასამართლოს გვერდით, ევროპის მოედანზე, ასევე ბაგრატიონის ქუჩის გამყოფ ზოლში. წელს 15 ახალი სკვერი გაკეთდა ბათუმის სხვადასხვა უბანში, სადაც ამ დროისთვის 1500 ნერგია შეტანილი.
წუხელ, გვიან ღამით, შერიფ ხიმშიაშვილის ქუჩაზე მდებარე ერთ-ერთი კორპუსის მე-8 სართულიდან 29 წლის მამაკაცი გადმოვარდა. მამაკაცი საავადმყოფოში, ოპერაციის ჩატარების დროს გარდაიცვალა.
გუშინ, 17 აპრილს მომხდარ ტრაგედიასთან დაკავშირებით კომპანია ,,აგე ბათუმის“ განცხადება ავრცელებს. გუშინ, ხულოში, ჰესის მშენებლობაზე ორი ადამიანი დაიღუპა, მათ შორის ერთ-ერთი საქართველოს მოქალაქე, ხულოში, სოფელ ღურტაში მცხოვრები 25 წლის პაატა იაკობაძეა. მეორე გარდაცვლილი თურქეთის მოქალაქეა. ,,აგე ბათუმი“ ჰესების მშენებარე კომპანია „აჭარისწყალი ჯორჯიას“ კონტრაქტორი კომპანიაა. „აგე ბათუმის“ განცხადებას უცვლელად გთავაზობთ:
ხულოს, ქედისა და ხელვაჩაურის სხვადასხვა საჯარო სკოლის მოსწავლეებისთვის ვანო ჩხიკვაძემ _ საქართველოში ევროინტეგრაციის პროექტის ხელმძღვანელმა, ,,თავისუფალ ჟურნალისტთა სახლის“ ორგანიზებით, დისკუსია გამართა თემაზე -,,ევროკავშირი და ნატო’’.
გუშინ ხულოში, ჰესის მშენებლობაზე ორი ადამიანი დაიღუპა, მათ შორის ერთ-ერთი საქართველოს მოქალაქე, ხულოში, სოფელ ღურტაში მცხოვრები 25 წლის პაატა იაკობაძეა. მეორე გარდაცვლილი თურქეთის მოქალაქეა. დღეს გუშინ მომხდარ ტრაგედიასთან დაკავშირებით მშენებარე კომპანია „აჭარისწყალი ჯორჯია განცხადებას ავრცელებს. განცხადების ტექსტს უცვლელად გთავაზობთ:
რელიგია და მშვიდობა – ბათუმში უკვე მეორე დღეა საერთაშორისო ფორუმი მიმდინარეობს, რომლის ორგანიზატორიც ქართველ მუსლიმთა კავშირია. ფორუმში მონაწილეობას იღებს ევროპიდან და ამერიკიდა ჩამოსული არაერთი სასულიერო პირი, ასევე ცნობილი თეოლოგები. სპეციალურად ფორუმზე დასასწრებად ბათუმში იმყოფება ნორვეგიის ყოფილი პრემიერ-მინისტრი.
სასტუმრო “შერატონში” საერთაშორისო ფორუმი “რელიგია და მშვიდობა” მიმდინარეობს. ფორუმში მონაწილეობენ სხვადასხვა რელიგიური აღმსარებლობის მქონე სასულიერო პირები, თეოლოგები, ჟურნალისტები, სტუდენტები სხვა მოქალაქეები.
თუ ოდესმე აჭარულ ქორწილში მოხვდებით, სადილის შემოტანის რიტუალი აუცილებლად მიიქცევს თქვენს ყურადღებას. საგანგებოდ მორთული ხუთი დიდი კალათი შუა ქორწილის დროს ხუთ ბიჭს შემოაქვს მხარზე შედგმული. კალათებით საქორწინო სუფრებს მოივლიან და მერე მეფე-დედოფლის მაგიდის წინ დადებენ. სადილი, რომელიც ტკბილეულისგან შედგება (ბაქლავა და შაქარლამა), გათხოვილი გოგოსთვის ოჯახის წევრებს მიაქვთ. ხალხურ თქმულებას თუ დავუჯერებთ, სადილის მიტანის ტრადიცია აჭარაში …
თურქეთიდან საქართველოში, ორი წლის განმავლობაში, 17 ათას ტონა ნარჩენს – აქროლად ნაცარს შემოიტანენ. ნარჩენი რადიაციულია და მას მდინარე ჭოროხზე მშენებარე ჰესებისთვის გამოიყენებენ. რამდენად უსაფრთხოა ეს ნაცარი, რომლის საქართველოში შემოტანა მშენებელი კომპანიის მოთხოვნით კანონის დონეზე დაუშვეს?
სოფელ ქობულეთში მელაძეების ხუთშვილიანი ოჯახი უკიდურეს სიღარიბეში ცხოვრობს. ხუთი ბავშვიდან ორი – 16 და 17 წლის გოგონები სამი თვეა სკოლაში მხოლოდ იმიტომ ვერ დადიან, რომ ფეხსაცმელი არ აქვთ. ბავშვები ამბობენ, რომ ცუდი ჩაცმულობის გამო მათ სკოლაში თანატოლები დასცინიან. სახელმწიფო ვალდებულია უზრუნველყოს ბავშვის განათლება, თუმცა სამი თვის განმავლობაში მელაძეების მდგომარეობით სოციალური მომსახურების სააგენტო არ დაინტერესებულა. მსგავსი ფაქტების შემთხვევაში რა პასუხისმგებლობა ეკისრება მშობელს, საზოგადოებას და სოციალური მომსახურების სააგენტოს? „ბათუმელების“ კითხვებს სოციალური მომსახურების სააგენტოს მეურვეობისა და მზრუნველობის სამმართველოს უფროსმა ეთერ ცხაკაიამ უპასუხა.
სამ ვაკანტურ თანამდებობაზე აჭარის ფინანსთა და ეკონომიკის სამინისტრომ კონკურსი გამოაცხადა. კონკურსში გამარჯვებული – ორი ეკონომიკური ექსპერტი და ერთიც ექსპერტთა ჯგუფის ხელმძღვანელი, ბათუმში შტატგარეშედ იმუშავებენ. თითოეულის ხელფასი თვეში 1500 ლარი იქნება. განცხადებების წარდგენის ბოლო ვადა 2015 წლის 24 აპრილია.
20 და 21 აპრილს ბათუმის 30-ე (ბარცხანის დასახლება) და მე-8 (ინასარიძის ქ. #4 ა) საბავშვო ბაღების გახსნა იგეგმება. ბარცხანის საბავშვო ბაღი რვა ჯგუფისგან შედგება, რომელიც 280 აღსაზრდელზეა გათვლილი. ამავე ბაღში მე-16, მე-17 და მე-18 საბავშვო ბაღებიდან, მშობლების სურვილიდან გამომდინარე, სასკოლო, უფროსი ჯგუფის აღსაზრდელები გადანაწილდებიან. დარჩენილ ადგილებს ბარცხანაში მცხოვრები აღსაზრდელები შეავსებენ.
„ბათუმელების“ რედაქცია თავის მკითხველს, ბეჭდური ვერსიის ხელმომწერებს აცნობებს, რომ ამ კვირის ნომერს ნაცვლად 13 აპრილისა, მიიღებენ 15 აპრილს. რედაქცია ძალიან წუხს მომხდარის გამო და ბოდიშს უხდის გაზეთის ხელმომწერებს.
18 აპრილი ძეგლებისა და ისტორიული ადგილების საერთაშორისო დღეა. ამ დღესთან დაკავშირებით აჭარის კულტურული მემკვიდრეობის დაცვის სააგენტო საგანმანათლებო-საინფორმაციო კვირეულს (15-18 აპრილი) გამართავს. სააგენტო სხვადასხვა მუნიციპალიტეტში მცხოვრები სკოლის მოსწავლეებისთვის გეგმავს შემეცნებით ტურს.
დღეს, 14 აპრილს, ბათუმში „სოკარ ჯორჯიას“ შვილობილი კომპანია „პროჯექტ გაზ ჯორჯია“-ს 40-მდე თანამშრომელი გაიფიცა. ისინი დაგვიანებულ და ჩამოჭრილ ხელფასებს აპროტესტებენ.
ტრადიციული შეჯიბრის – „ლელოს“ დროს დღეს, 12 აპრილს, გურიაში, ლანჩხუთის მუნიციპალიტეტის სოფელ შუხუთში ერთი ადამიანი გარდაიცვალა. შეჯიბრის დროს დაზარალებული ორი მოქალაქე კი ლანჩხუთის საავადმყოფოშია გადაყვანილი. ექიმების თქმით, მათი ჯანმრთელობის მდგომარეობა დამაკმაყოფილებელია.
რუსთაველის ქუჩაზე მდებარე ბათუმის სამშობიარო სახლში, ბავშვთა განყოფილების მონაცემით, დღეს, 12 აპრილს, ოთხი ბავშვი დაიბადა – 2 გოგო, 2 – ბიჭი.
ბავშვის შვილად აყვანა, როგორც საიდუმლოება, დღემდე არის საზოგადოებაში სტიგმის, ბულინგის, შანტაჟის, სხვადასხვა ტრაგიკული შემთხვევისა და პირველ რიგში, ბავშვის უფლებების დარღვევის მიზეზი. სპეციალისტების შეფასებით, სახელმწიფომ შვილად აყვანის კანონი უნდა შეცვალოს: „წინააღმდეგ შემთხვევაში, ჩვენ ბევრ ბავშვს შევწირავთ თვითდინებას“. განვითარებულ ქვეყნებში საზოგადოების დიდი ნაწილი შეთანხმდა იმაზე, რომ ბავშვის შვილად აყვანა საიდუმლოებას არ უნდა წარმოადგენდეს.
ბოლო ექვსი წლის განმავლობაში საქართველოში მოქმედ საწარმოებში სამუშაო ადგილებზე მომხდარი უბედური შემთხვევების შედეგად 300-მდე ადამიანი დაიღუპა, 500-მდე დასაქმებული კი, მძიმედ დაშავდა. შრომითი უსაფრთხოების გასაუმჯობესებლად საქართველოს მთავრობამ გასულ თვეში შრომის პირობების მონიტორინგის სახელმწიფო პროგრამა დაამტკიცა, რომლის მიხედვითაც საწყის ეტაპზე მონიტორინგის ჯგუფი საწარმოს მხოლოდ მისივე მოთხოვნის საფუძველზე შეამოწმებს, დარღვევების აღმოჩენის შემთხვევაში კი, მითითებებითა და რეკომენდაციებით შემოიფარგლება.
მაქმანების სამოთხე, ასე ეძახიან თურქეთში, მარმარილოს ზღვის სანახებში მდებარე ბალიქესირის რაიონის გონენის მხარეს. გონენელებს არ ახსოვთ, როდის დაიწყეს ნემსითა და ძაფით მაქმანების ქსოვა, თუმცა რაც თავი ახსოვთ, ეს ხელსაქმე იციან, სულ პატარაობაშივე ასწავლიან უფროსები გოგონებს.
დღეს სოფელ ლაითურში აჭარიდან ჩასახლებულმა ოჯახებმა საპროტესტო აქცია გამართეს. ეს ოჯახები საკუთარ თავს ეკომიგრანტებს უწოდებენ. არასამთავრობო ორგანიზაცია „ჩვენი უფლებებისათვის“ თავმჯდომარის, თამაზ ბაკურიძის ინფორმაციით, რომელიც აქციაზე იმყოფება, მოსახლეობა სოფელში შექმნილი გაუსაძლს მდგომარეობას აპროტესტებს.
გუშინ ძლიერი ქარით გამოწვეული ზიანი ჯერ დათვლილი არ არის. ცნობილია, რომ ყველაზე მეტად დაზარალდნენ სამშენებლო ობიექტები. მაგალითად, გუშინ ქარის შედეგად მთლიანად მოიშალა ჩაქვში, კომპანია „დრიმლენდ ოაზისის“ სამშენებლო ობიექტის ის სართული, რომელიც დასასხმელად იყო გამზადებული.
ამ დროისთვის ბათუმსა და აჭარის მუნიციპალიტეტებში 4 ათას ოჯახს ელექტროენერგია არ მიეწოდება. კომპანია „ენერო-პრო ჯორჯიას“ ინფორმაციით, ამის მიზეზი დღევანდელი ძლიერი ქარია. ამ აბონენტების დიდ ნაწილ, სავარაუდოდ დილამდე, ელექტროენერგიის გარეშე დარჩება.
სამაშველო სამსახურის ინფორმაციით, ამ დროისთვის მათთან ზუსტად 25 გამოძახება შევიდა. სამაშველო სამსახურის ერთ-ერთი თანამდებობის პირის ხუსეინ სირაბიძის თქმით, ქარმა ძირითადად ხეები მოგლიჯა და სახლების სახურავები გადახადა.
ბათუმის რეფერალური საავადმყოფოს ინფორმაციით, პაციენტის ჯანმრთელობის მდგომარეობა, რომელიც ძლიერი ქარის შედეგად მოგლეჯილმა ხემ დააზიანა, არის სტაბილური და სიცოცხლისთვის სახიფათო მდგომარეობა პირველად შეფასებით არ ჩანს.
განვითარებულ კულტურებში შვილად აყვანა ჩვეულებრივ მოვლენას წარმოადგენს და არ ითვლება ოჯახური ცხოვრების არასრულფასოვან წესად. ამ კულტურებში აზრს მოკლებულია მტკიცებულება, რომ ასეთი ბავშვი ნაკლები ან უარესია ბიოლოგიურ შვილზე. მიუხედავად გენეტიკური კავშირის არ არსებობისა, აყვანილი ბავშვები იღებენ უფროსებისგან სიყვარულს და მზრუნველობას. ამერიკიის შეერთებულ შტატებში აღინიშნება შვილად აყვანის ნაციონალური დღე. ჰოლივუდის ვარსკვლავები თამამად აქვეყნებენ შვილად აყვანილ ბავშვებთან ერთად გადაღებულ ფოტოსურათებს.
ზაზა იაკობაძე ცხინვალთან დაჭრეს 2004 წელს. მისმა მშობლებმა დაჭრის ზუსტი თარიღი არ იციან. თავდაცვის მინისტრის ხელმწერილ ბრძანებაში წერია, რომ ის 23 აგვისტოს, ანუ მისივე დაბადების დღეს, 23 წლის ასაკში დაიღუპა, მშობლებს უთხრეს, რომ ჭრილობების გამო. ზაზას მშობლებს სახელმწიფომ 2014 წლიდან ყოველთვიურად 500-ლარიანი კომპენსაცია დაუნიშნა, მაგრამ გასული წლის 12 დეკემბერს მათ აცნობეს, რომ თანხა, რომელიც მათ მიღებული აქვთ კომპენსაციის სახით, სახელმწიფოს უკან უნდა დაუბრუნონ.
„7-8 აპრილს, 12:30 საათზე, ქობულეთში აგროსერვის ცენტრის ვაზისა და ხეხილის სანერგე მეურნეობაში მოსწავლეებისთვის პრაქტიკული გაკვეთილი ჩატარდება. ერთსაათიან გაკვეთილზე სპეციალისტები მოსწავლეებს პრაქტიკულად აჩვენებენ და აუხსნიან თუ როგორ ხდება ვაზის მყნობა და რა ბიოლოგიური პროცესები მიმდინარეობს ამ დროს“, – ამ ინფორმაციას დაინტერესებული მოსწავლეებისთვის აგროსერვისცენტრის პრესსამსახური ავრცელებს.
დღეს, 7 აპრილს, დილის 10 საათიდან გონიოს მოსახელობის ერთმა ჯგუფმა საპროტესტო აქცია გაანახლა. აქციის მონაწილეები ამობობენ, რომ აჭარის მთავრობა მათ უკვე „ემასხარავება“, რადგან კიდევ ერთხელ არ შეასრულა თავისი დანაპირები – იანვრის ბოლოსთვის მიწების დაკანონების პროცედურის დაწყება. აქციის მონაწილეების თქმით მათ თანხა შეაგროვეს და თბილისში მიდიან აქციის გასამართად.
ინფორმაციას ქედის ბეთლემის კაპიტნისა და თავდამსხმელის, 28 წლის არჩილ ფარტენაძის სტადიონზე გარდაცვალების შესახებ ადასტურებს გუნდის მთავარი მწვრთნელი. წინასწარი ინფორმაციით, ფეხბურთელს ვარჯიშის დროს გული გაუჩერდა.
ბათუმის ერთ-ერთი გამორჩეული ისტორიული ნაგებობის, ნიკოლოზ ბარათაშვილისა და მემედ აბაშიძის კუთხეში მდებარე ძველი ფოსტის შენობისაგან 2012 წლის სექტემბრის დასაწყისში მხოლოდ დაბზარული და დაზიანებული ფასადები იყო შემორჩენილი. ქალაქის ისტორიული ნაწილის დაცვით ზონაში მდებარე ურბანული მემკვიდრეობის ამ ქრესტომათიული ძეგლის ნანგრევებად ქცევა არც ომს და არც სტიქიურ უბედურებას გამოუწვევია – იგი დაანგრიეს.
დღეს, 3 აპრილს, ქედის მუნიციპალიტეტის საკრებულომ რიგგარეშე სხდომა დახურულ ფორმატში ისე ჩაატარა, რომ ამის თაობაზე არც ბიუროს უმსჯელია და არც სხდომის დაწყებამდე გამოუქვეყნებია საკრებულოს სხდომის დახურულად ჩატარების გადაწყვეტილება. „ბათუმელების“ ინფორმაციით, სხდომა ერთადერთი მიზეზით დახურეს – საკრებულოს უმრავლესობას არ სურდა სხდომას დასწრებოდა „ბათუმელების“ ჟურნალისტი. საკრებულოს წევრების გაღიზიანება უკავშირდება გასულ კვირას „ბათუმელების“ მიერ გავრცელებულ ვიდეო მასალას, სადაც დეპუტატების დაპირისპირებაა ასახული.
სოციალურად დაუცველ სამშვილიან ოჯახს 27 მარტს ღამის 11 საათზე სახლი დაეწვა. ხანძარი ქობულეთის მუნიციპალიტეტის სოფელ გელაურში მაშინ გაჩნდა, როდესაც შაინიძეების ოჯახს ეძინა. მამამ სამივე მცირეწლოვანი შვილის გამოყვანა მოახერხა, მაგრამ სახლი მთლიანად გადაიწვა.
2 აპრილი აუტიზმის შესახებ ინფორმაციის გავრცელების საერთაშორისო დღეა. ბათუმის „დემოკრატიული ჩართულობის ცენტრში“ არასამთავრობო ორგანიზაცია „ცვლილებები თანაბარი უფლებებისთვის“ მიერ ორგანიზებული საინფორმაციო ხასიათის შეხვედრა გაიმართა. დისკუსიაში მონაწილეობდნენ ფსიქოლოგი შორენა მამულაძე და აუტიზმის სპეციალისტი ქეთი გოგიტიძე, აგრეთვე სამოქალაქო საზოგადოების, მედიის წარმომადგენლები და სტუდენტები.
