ბათუმელები
ჟუჟუნა საითაძე 10 შვილის დედაა. მისი შვილები უკვე გაიზარდნენ, მხოლოდ სამი მათგანიღაა არასრულწლოვანი. ჟუჟუნა ამბობს, რომ ძალიან გულდაწყვეტილია – ის 3 მარტს, ანუ დედის დღეს ელოდა, რომ საჩუქარს მიიღებდა. ვარაუდობდა, რომ მას გაიხსენებდა სახელმწიფო, ან სულაც ხელვაჩაურის მუნიციპალიტეტი – ხელვაჩაური იმიტომ, რომ სოფელ ახალშენში ცხოვრობს.
ბათუმში, „დემოკრატიული ჩართულობის ცენტრში“, საქართველოს პირველი პრეზიდენტის ზვიად გამსახურდიას პარტიის, „მრგვალი მაგიდა საქართველოს“ წევრებმა და მხარდამჭერებმა, 1991 წლის 31 მარტის რეფერენდუმიდან 24 და საქართველოს პირველი პრეზიდენტის დაბადებიდან 76-ე წელი აღნიშნეს.
საქართველოს შინაგან საქმეთა სამინისტროს 112-ის დეპარტამენტის სერვისის პრეზენტაცია დღეს 31 მარტს, ბათუმშიც გაიმართება. სერვისი სმენადაქვეთებულ პირებს SMS და ვიდეო ზარის მეშვეობით ინფორმაციებს მიაწვდის.
ბათუმის რუსთაველის უნივერსიტეტი 3 აპრილს რექტორის მოვალეობის შემსრულებელს ირჩევს. კანდიდატების რეგისტრაცია დღეს 16:00 საათზე შეწყდა. უნივერსიტეტის რექტორის მოვალეობის შემსრულებლობისთვის 5 კანდიდატი იბრძოლებს.
ბათუმში, ბინათმესაკუთრეთა „ამხანაგობები“ ამ დროისთვის სახურავების გამოცვლას 16 სახლზე მოითხოვენ. „ბათუმის კორპუსში“ არ გამორიცხავენ, რომ ეს რიცხვი რამდენიმე კვირაში 30-მდეც გაიზარდოს. „ამხანაგობებს“ განაცხადების შეტანის ვადა, წლის ბოლომდე აქვთ.
თუ მდინარე ჭოროხისა და მაჭახელას შესართავიდან მარცხნივ გადაუხვევთ და მაჭახლის ხეობას შეუყვებით, გზად ერთი უცნაური ძეგლი შეგხვდებათ – მაჭახლის ხეობის მცხოვრებლებმა მაჭახელას თოფს ძეგლი დაუდგეს. აჭარაში კაჟ-ჩახმახიან თოფებსა და დამბაჩებს რამდენიმე ადგილას ამზადებდნენ, თუმცა თოფით განთქმული იყო მაჭახლის ხეობა. მაჭახელას თოფი მაჭახლის ხეობაში არსებულ სამჭედლოებში მზადდებოდა. სამჭედლოები სოფლებში იყო განთავსებული. ხელობის მემკვიდრეობით გადაცემა მამიდან შვილზე …
ბათუმის შოთა რუსთაველის უნივერსიტეტის იმ სტუდენტებს, რომლებმაც სავალდებულო საბაკალავრო პროგრამა ოთხ წელიწადში ვერ დაასრულეს, დამატებითი კრედიტების გავლა მოუწევთ.
შვეიცარიის განვითარებისა და თანამშრომლობის სააგენტომ, ცხრა ეკომიგრანტისთვის საქართველოს სხვადასხვა კუთხეში საცხოვრებელი სახლები შეიძინა. მიმდინარე წელს, ეკომიგრანტებისთვის სულ 23 სახლის შეძენაა გათვალისწინებული, რომელსაც ასევე შვეიცარიის განვითარებისა და თანამშრომლობის სააგენტო შეისყიდის. პროექტის მთლიანი ღირებულება 550 ათასი შვეიცარული ფრანკია. ერთი სახლის შეძენაზე კი მინიმუმ 20 ათასი ლარია გათვალისწინებული. ამ ოჯახების ტრანსპორტირებას კი აჭარის მთავრობა უზრუნველყოფს. რისთვისაც მთავრობის სარეზერვო ფონდიდან 13 500 ლარი გამოიყო.
მრავალბინიანი საცხოვრებელი სახლების მშენებლები ვალდებული არიან, საცხოვრებელი სახლის პროექტში ავტომანქანებისთვის პარკინგი გაითვალისწინონ. თუმცა, სანებართვო დოკუმენტის მიღების შემდეგ, მშენებლები შეთანხმებას ცვლიან, რის შემდეგაც პარკინგის ტერიტორიას სხვა დატვირთვა ეძლევა. როგორც ბათუმის არქიტექტურის სამსახურში აცხადებენ, არც ერთი საკანონმდებლო ნორმა არ იძლევა იმის შესაძლებლობას, რომ მშენებელს დარღვეული პირობის გამო სანქცია დააკისროს.
საქველმოქმედო ფონდი „საქართველოს საქმიანი ქალები ქველმოქმედებისათვის“ სოციალურად დაუცველი და უკიდურეს სიღარიბეში მყოფი ბავშვების დასახმარებლად პროექტს – „შვილობილები“ – იწყებს. აქციის ფარგლებში, ორგანიზაცია სოციალურად დაუცველ ოჯახებს კვირაში ერთხელ საკვებ პროდუქტს მიაწვდის.
აჭარის ოფიციალური დელეგაცია ევროპის საბჭოს ადგილობრივ და რეგიონალურ ხელისუფლებათა 28-ე კონგრესს დაესწრო. როგორც მთავრობის პრესსამსახური იუწყება, 3 დღის განმავლობაში ევროპის საბჭოს ფოიეში აჭარის ავტონომიური რესპუბლიკის ისტორიულ-კულტურული სიმდიდრის და ტურისტული პოტენციალის ამსახველი სპეციალური სტენდი იყო წარმოდგენილი.
ერთ-ერთი მასშტაბური ჰიდროენერგეტიკული პროექტის – „შუახევიჰესის“ მშენებლობის მესამე ფაზის დაფინანსების ხელშეკრულებას 19 მარტს ოფიციალურად მოეწერა ხელი. ცერემონიას სასტუმრო „შერატონში“ საქართველოს პრემიერ-მინისტრი ირაკლი ღარიბაშვილი და საგანგებოდ ამ დღისთვის ჩამოსული კომპანიის წარმომადგენლები ესწრებოდნენ. რა სარგებელს მიიღებს ადგილობრივი მოსახლეობა 400-მილიონიანი პროექტიდან, რომელიც 2016 წელს უნდა დასრულდეს და რამდენით გაიზრდება თვითმმართველი ორგანოების ბიუჯეტი? „ბათუმელების“ კითხვებს შპს „აჭარისწყალი ჯორჯიას“ იურიდიულმა მრჩეველმა თორნიკე რიჟვაძემ უპასუხა.
შეზღუდული შესაძლებლობის მქონე პირმა რამინ მაჭარაშვილმა საკრებულოს ღია კარის დღეზე შშმ პირებს პრობლემებთან დაკავშირებით საკრებულოს წევრებს რეკომენდაცია მისცა. მისი თქმით, ეტლით მოსარგებლეები ვერ ახერხებენ ქუჩებსა და შენობებში კომფორტულად გადაადგილებას.
ფოტორეპორტაჟი მომზადებულია ბათუმში მდებარე ცხოველთა თავშესაფარში “უტყუარი მეგობარი”.
საქართველოს მთავრობის სარეზერვო ფონდიდან წელს აჭარის მთავრობას ერთი მილიონი დოლარი და ორი მილიონ 263 ათასი ლარი გამოეყო. ამ თანხით აჭარის მთავრობამ ბათუმში, ანგისის დასახლებაში, სამუფთო სამმართველოს ორი შენობა შეუსყიდა. ერთი შენობა მედრესესთვისაა განკუთვნილი, მეორე შენობაში კი, აჭარის სამუფთო სამმართველოს რეზიდენცია განთავსდება. აჭარის მთავრობა აპირებს სამუფთოსთვის შენობების მიმდებარედ არსებული მიწის ნაკვეთიც შეისყიდოს. რა არის მედრესე, რატომ ხედავენ ქართველი მუსლიმები მისი გახსნის აუცილებლობას და რა განათლებას მისცემს ის მოზარდებს? – ამ თემაზე „ბათუმელებთან“ დასავლეთ საქართველოს მუფთი ბეგლარ ქამაშიძე საუბრობს.
ბათუმში, „დემოკრატიული ჩართულობის“ ოფისში, 14 მარტს მომხდარ ინცინდენტთან დაკავშირებით „სამოქალაქო საზოგადოების განვითარებისა და მოქალაქეების ჩართულობის“ პროექტი განცხადებას ავრცელებს, რომელსაც „ბათუმელები“ უცვლელად გთავაზობთ.
აჭარის განათლების, კულტურისა და სპორტის მინისტრის გია თავამაიშვილის განმარტება მედიასა და უნივერსიტეტში გავრცელებული ინფორმაციის – მის მიერ ბსუ-ს რექტორობის ერთ-ერთი კანდიდატის მხარდაჭერაზე:
ინფორმაცია იმის შესახებ, რომ ბათუმის საკრებულოს თავმჯდომარე ირაკლი ჭეიშვილი ბსუ-ს რექტორობის ერთ-ერთ კანდიდატს ლობირებს, უნივერსიტეტში განხილვის საგანია. ამაზე საუბრობენ სტუდენტები, პროფესორ-მასწავლებლები და თვით აკადემიური საბჭოს წევრებიც კი. ირაკლი ჭეიშვილი ამ საკითხზე „ბათუმელებთან“ განმარტებას აკეთებს:
ბათუმში 5 ბაღი მუშაობას აჩერებს. მშობლების თქმით, რომელთათვისაც ეს სერიოზული გამოწვევაა, განსაკუთრებით დასაქმებულებისთვის, ბაღების გაერთიანებამ ეს გადაწყვეტილება იმიტომ მიიღო, რომ ვერ ახერხებს ბაღების საკვებით უზრუნველჰყოფას. ბაღების გაერთიანებაში კი ამბობენ, რომ ეს სარემონტო სამუშაოებს უკავშირდება.
ბათუმის რუსთაველის უნივერსიტეტის რექტორობის კანდიდატმა როსტომ ბერიძემ კანდიდატურა მოხსნა. როგორც როსტომ ბერიძე „ბათუმელებთან“ საუბარში აცხადებს, ის ახალ პროექტში იღებს მონაწილეობას.
საქართველოს მთავარი პროკურატურა მებაღჩეობასთან დაკავშირებული მომსახურებების შესყიდვას გამარტივებული ელექტრონული ტენდერით განახორციელებს. გამარჯვებულმა უნდა უზრუნველყოს მთავარი პროკურატურის (თბილისი, გორგასლის 24) და ქ. თბილისის პროკურატურის (აღმაშენებლის ხეივანი 8), შენობებში და მათ ტერიტორიაზე არსებული მწვანე საფარისა და მცენარეების მოვლა-პატრონობა ერთი წლით. ამ სამუშაოს შესყიდვის სავარაუდო ღირებულებაა 110 ათასი ლარი.
27 მარტიდან ბათუმში, პუშკინის ქუჩაზე, კომუნალური ინფრასტრუქტურის რეაბილიტაციის სამუშაოები დაიწყება. შესაბამისად, გადაიკეტება პუშკინისა და მიმდებარე ქუჩების გარკვეული მონაკვეთები. სამუშაოები, პროექტის მიხედვით, ერთი წლის განმავლობაში, 2016 წლის მარტის თვის ჩათვლით, გაგრძელდება.
უნივერსიტეტის მართვა ავტონომიურობის შეზღუდული ხარისხის პირობებში არაეფექტურია. ავტონომიურობა უნივერსიტეტს აძლევს თავისუფლად მოქმედების საშუალებას და ზრდის მის კონკურენტუნარიანობას. მაგრამ დამოუკიდებლობა არ უნდა გავიგოთ, როგორც უპასუხისმგებლობა: უნივერსიტეტების ავტონომიურობის პარალელურად უნდა არსებობდეს ანგარიშვალდებულების მექანიზმებიც. უნივერსიტეტები პასუხისმგებლები არიან არა (მარტო) სახელმწიფოს, არამედ საზოგადოების წინაშე.
დღეს, 11 მარტს, ბათუმის ბოტანიკურ ბაღში კამელიების გამოფენა-გაყიდვა გაიმართება. ღონისძიების ორგანიზატორები ფიქრობენ, რომ ეს იქნება კარგი შესაძლებლობა როგორც კამელიაზე მომუშავე სპეციალისტების კამელიის სახეობებისა და ჯიშების პოპულარიზაციისთვის, ისე დაინტერესებული პირებისთვის მათი გაცნობის თვალსაზრისით.
ირმა ნაკაშიძე ბაღის დირექტორია. მის დაქვემდებარებაში 50 თანამშრომელი და ასზე მეტი აღსაზრდელია. დირექტორის პოსტზე თავდაპირველად მისი ხელფასი 30 ლარი იყო. „როცა ასი ლარი გახდა, ძალიან მიხაროდა“, – გვეუბნება ის. ირმას თანამდებობრივი პასუხისმგებლობის გარდა ოჯახზე ზრუნვაც უწევდა. მისი შრომის ანაზღაურებამ 500 ლარს სულ ახლახან მიაღწია.
ბათუმის შოთა რუსთაველის სახელმწიფო უნივერსიტეტის სტრატეგიული განვითარების სამოქმედო გეგმა (2015-2021 წწ)
საზოგადოების კეთილდღეობის, სტაბილური პოლიტიკური, ეკონომიკური და კულტურული განვითარების, საერთაშორისო სივრცეში ჰარმონიული ინტეგრირების აუცილებელი პირობაა ქვეყანაში განათლების მაღალი დონე, ხარისხიანი განათლების მიღების შესაძლებლობა. აღნიშნულის მისაღწევად აუცილებელი პირობაა ინოვაციების სწრაფად ათვისება და დანერგვა, ტექნოლოგიების განახლება, მუდმივად განვითარებად და ცვალებად საერთაშორისო გარემოსთან ადაპტაცია.
ბათუმის რუსთაველის სახელობის უნივერსიტეტის რექტორობისთვის რვა კანდიდატი იბრძვის. „ბათუმელებმა“ ოთხი მათგანის – მარინა გიორგაძის, რამაზ ხალვაშის, ირაკლი ბარამიძისა და მალხაზ ნაკაშიძის მოსაზრებები უნივერსიტეტის განვითარებაზე უკვე შემოგთავაზათ. ამჯერად რექტორობის კიდევ ოთხი კანდიდატის მოსაზრებას გაგაცნობთ თემაზე: როგორ უნდა განვითარდეს ბათუმის შოთა რუსთაველის სახელობის უნივერსიტეტი. რექტორის არჩევნები უნივერსიტეტში 2015 წლის 16 მარტს ჩატარდება. რექტორს აკადემიური საბჭოს 9 წევრი აირჩევს ოთხი წლის ვადით.
„ბათუმელების“ ინფორმაციით, აჭარაში სუსი-ს უფროსად გიორგი პაპუაშვილი დაინიშნა. „ქართული ოცნების“ ხელისუფლებამ გიორგი პაპუაშვილი 2013 წლის 10 ნოემბერს სამცხე-ჯავახეთის ოლქის პროკურორად დანიშნა. მან ამ თანამდებობაზე 2014 წლის ნოემბრის ბოლომდე იმუშავა. გაზეთ “სამხრეთის კარიბჭეს” ცნობით ოლქის პროკურორად დანიშვნამდე გიორგი პაპუაშვილი „ქართუ ბანკში“ პრობლემური სესხების განყოფილებაში ექსპერტად მუშაობდა.
„ბათუმელების“ ინფორმაციით, აჭარის პოლიციის მთავარი სამმართველოს უფროსად ბესიკ ამირანაშვილი ინიშნება. ქონებრივი დეკლარაცია ბესიკ ამირანაშვილს 2014 წელს შევსებული აქვს როგორც კახეთის სამხარეო მთავარი სამმართველოს უფროსს. 2014 წლის ბოლოს ბესიკ ამირანაშვილი იმერეთის სამხარეო მთავარი სამმართველოს უფროსის პოზიციაზე დაინიშნა.
16:00 საათზე დასრულდა ბათუმის რუსთაველის უნივერსიტეტის რექტორობის კანდიდატების რეგისტრაცია. არჩევნებში მონაწილეობას სუ 8 კანდიდატი მიიღებს, მათ შორის ერთი ქალია.
ფინანსთა სამინისტროს საგამოძიებო სამსახურმა დღეს გაავრცელა განცხადება, რომლის მიხედვითაც ბათუმში მშენებარე „ჟილინის არხის“ ერთ-ერთი კომპანიის დირექტორი დააკავეს.
„მთავარია ბავშვების სწორად აღზრდა, 18 წლის რომ გახდება და უკვე დამოუკიდებელ ცხოვრებაში უნდა შეაბიჯოს, მას უნდა ჰქონდეს ის უნარ-ჩვევები და მოცემულობა, რომ იცხოვროს ისე, როგორც ღირსეულმა მოქალაქემ“, – განაცხადა საქართველოს ჯანდაცვის მინისტრმა დავით სერგეენკომ პანსიონში მცხოვრები ბავშვების მისამართით. რას სთავაზობს სახელმწიფო პანსიონებში მცხოვრებ ბავშვებსა და მათ ოჯახებს; რა არჩევანის წინაშე დგანან ოჯახები საქართველოში და რაში ხედავენ მშობლები გამოსავალს – „ბათუმელები“ პანსიონში მცხოვრებ რამდენიმე ბავშვის ოჯახს ეწვია და სახელმწიფო პოლიტიკაზე მშობლების პოზიცია მოისმინა.
სოფელ ხუცუბანში ათობით ოჯახი მიწის ნაკვეთებით მესამე წელია ვერ სარგებლობს. მიზეზი ავტობანის მშენებლობაა, რის გამოც მშენებელმა კომპანიამ ნაკვეთების დამცავი ღობე დააზიანა. გასულ წელს მიყენებული ზარალის საკომპენსაციო თანხას მოსახლეობა დღემდე ითხოვს და გზის გადაკეტვით იმუქრება.
კვირას, რვა მარტს, საქართველოს 25 ქალაქში დღის სამ საათზე ქალთა უფლებების მხარდასაჭერად აქცია გაიმართება. აქციის ორგანიზატორია “ქალთა მოძრაობა”. ორგანიზაცია საქართველოს ყველა დიდ ქალაქში მოაწყობს მსვლელობას, რომლის მიზანია ხელი შეუწყოს ქალთა პოლიტიკურ აქტიურობას საქართველოში.
საქართველოს სასჯელაღსრულებისა და პრობაციის სამინისტროს სასჯელაღსრულების დეპარტამენტის მონაცემებით, 2015 წლის იანვრის მდგომარეობით, პატიმრობისა და თავისუფლების აღკვეთის დაწესებულებებში განთავსებული იყო სულ 10 525 პირი. მათგან, 10 234 კაცი და 291 ქალი.
საჯარო და კერძო დაწესებულებებში პერსონალურ მონაცემთა დამუშავების კანონიერებას შეამოწმებენ. შემოწმება იქნება როგორც გეგმიური, ასევე თემატური და არაგეგმიურიც. დაწესებულებებში პერსონალურ მონაცემთა დამუშავების კანონიერების შემოწმების მიზნით, პერსონალურ მონაცემთა დაცვის ინსპექტორმა თამარ ქალდანმა სპეციალური წესი ახლახან დაამტკიცა. შემოწმებას პერსონალურ მონაცემთა დაცვის ინსპექტორის აპარატი განახორციელებს.
