Batumelebi | გურიაში „ლელოს“ თამაშის დროს ერთი ადამიანი გარდაიცვალა გურიაში „ლელოს“ თამაშის დროს ერთი ადამიანი გარდაიცვალა – Batumelebi
RU | GE  

გურიაში „ლელოს“ თამაშის დროს ერთი ადამიანი გარდაიცვალა

 

ტრადიციული შეჯიბრის – „ლელოს“ დროს დღეს, 12 აპრილს, გურიაში, ლანჩხუთის მუნიციპალიტეტის სოფელ შუხუთში ერთი ადამიანი გარდაიცვალა. შეჯიბრის დროს დაზარალებული ორი მოქალაქე კი ლანჩხუთის საავადმყოფოშია გადაყვანილი. ექიმების თქმით, მათი ჯანმრთელობის მდგომარეობა დამაკმაყოფილებელია.

 

სოფელ შუხუთის მკვიდრი, შუა ხნის მამაკაცი, სავარაუდოდ, თამაშის დროს, ჭყლეტის შედეგად გარდაიცვალა. გარდაცვლილის გვამს ექსპერტიზა უტარდება, რის შემდეგაც გარდაცვალების ზუსტი მიზეზი დადგინდება.

 

შინაგან საქმეთა სამინისტროში “ბათუმელებს” განუცხადეს, რომ მოქალაქის გარდაცვალების ფაქტზე გამოძიება დაწყებულია სისხლის სამართლის კოდექსის 116-ე მუხლით. აღნიშნული მუხლი გულისხმობს სიცოცხლის გაუფრთხილებლობით მოსპობას.

 

“ლელო” სოფელ შუხუთში, ტრადიციულად, აღდგომის დღესასწაულზე იმართება.

 

[ფოტოებზე – “ლელო” შუხუთში, 12 აპრილი, 2015]

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"