Batumelebi | წითელი ნეკერჩხლები ბათუმის სკვერებში წითელი ნეკერჩხლები ბათუმის სკვერებში – Batumelebi
RU | GE  

წითელი ნეკერჩხლები ბათუმის სკვერებში

 

ბათუმში, რამდენიმე სკვერში წითელი ნეკერჩხლის ნერგები დარგეს, მათ შორის ისეთ სკვერებშიც, სადაც აქამდე პალმები და სხვა დეკორატიული ნარგავებია იყო განთავსებული, მაგალითად  საკონსტიტუციო სასამართლოს გვერდით, ევროპის მოედანზე, ასევე ბაგრატიონის ქუჩის გამყოფ ზოლში. წელს 15 ახალი სკვერი გაკეთდა ბათუმის სხვადასხვა უბანში, სადაც ამ დროისთვის 1500 ნერგია შეტანილი. 

 

ბათუმის მერიის გამწვანებისა და ლანდშაფტური დაგეგმარების სამსახურის დირექტორის, ეთერ მაჭუტაძის განმარტებით, წითელი ნეკერჩხლის ნერგები, რომლებიც იმ სკვერებშია გადარგული, სადაც აქამდე ძირითადად პალმები იყო განთავსებული (მაგალითად ევროპის მოედანი, ბაგრატიონის ქუჩის გამოყოფი ზოლი) ვერ დაჩრდილავს პალმებს, რადგან „ეს არის პარკის სტილის ნეკერჩხლები“, ანუ ეს ნეკერჩხლები პალმებზე მაღალი ვერ გაიზრდება.

 

ეთერ მაჭუტაძის ინფორმაციით, ნეკერჩხლების სიმაღლე, რომლებიც ამ დროისთვის არის დარგული, მაქსიმუმ 4 მეტრია.

 

„100 ათასი ლარის ნერგები – 485 ცალი თურქეთიდან შემოვიტანეთ (ტენდერის გზით), ხოლო დანარჩენი ადგილობრივ სანერგეებშია გამოყვანილი. წლის ბოლომდე კიდევ 4000 ნერგი გამოვა სანერგეებიდან“, – ამბობს ეთერ მაჭუტაძე.

 

გარდა ამისა, ბათუმის მერიის ბათუმის მერიის გამწვანებისა და ლანდშაფტური დაგეგმარების  სამსახური 1,2 მილიონი ერთწლიანი ჩითილის დარგვას აპირებს წელს, მათგან 600 ათასი ცალი ჩითილი არის გაზაფხული-ზაფხულის სეზონის, ამდენივე შემოდგომა-ზამთრის სეზონის.

 

ნეტგაზეთის მასალების სხვა გამოცემებში გადაბეჭდვის წესი
ბათუმელები