Tag Archives: საზოგადოება

აჭარის ჯანდაცვის სამინისტრო დღეს, სამ მარტს, დედის დღესთან დაკავშირებით აგვისტოს ომში და ავღანეთში დაღუპული მებრძოლების ოჯახებს ათას ლარს გადასცემს. 

ბათუმში, ჭავჭავაძის ქუჩაზე არსებულ სამკერვალო ფაბრიკაში დასაქმებული 80 ქალი შესაძლოა სამუშაოს გარეშე დარჩეს. ქალები, რომლებიც მამაკაცის პერანგების განყოფილებაში მუშაობენ, მარტის ბოლოდან დაკვეთებს ვეღარ მიიღებენ. ორგანიზაციის პროფკავშირების თავმჯდომარის თქმით, შემცირების მიზეზი განყოფილების ბულგარეთში გადატანა შეიძლება გახდეს. 

შინაგან საქმეთა სამინისტროს საინფორმაციო-ანალიტიკური დეპარტამენტის  მონაცემებით, საქართველოს სახელმწიფო საზღვარზე გადაადგილებულ ვიზიტორთა რაოდენობა  2015 წლის თებერვლის თვეში 290 929 ვიზიტით განისაზღვრა, რაც 2014 წლის იგივე პერიოდის მაჩვენებელზე 1%-ით ნაკლებია. 

დღეს, 3 მარტს, დედის დღესთან დაკავშირებით, ბათუმის მერია მრავალშვილიან დედებს ფულად საჩუქარს გადასცემს. პროგრამის ფარგლებში, მრავალშვილიან და სოციალურად დაუცველ დედებს, რომელთაც სამი და მეტი შვილი ჰყავთ, მერია 400-500 ლარს გადასცემს, ხუთ და მეტშვილიან ოჯახებს კი – ათას ლარს.  

ქობულეთის სოფელ კვირიკეში  მოსახლეობამ აქცია გამართა. მოსახლეობა აცხადებს, რომ 300 მეტრის დაშორებით მდებარე კლდის აფეთქებებმა 100-მდე ოჯახის საცხოვრებელი სახლი დააზიანა.

ქობულეთის შემოვლითი გზის მშენებლობის გამო მუნიციპალიტეტის სოფლებში მცხოვრებ ხუთ ოჯახს ქონებას იძულებით [ექსპროპრიაციით] ჩამოართმევენ. შესაბამის ბრძანებას ხელი საქართველოს ეკონომიკისა და მდგრადი განვითარების მინისტრმა უკვე მოაწერა. ამ ოჯახებს მთლიანობაში 8431 კვ/მ მიწის ფართობს და მასზე განთავსებულ შენობა-ნაგებობებს ჩამოართმევენ.

მესხეთის ქუჩიდან გადაყვანილი რვა თვის მდედრობითი სქესის ბავშვი ამ დროისთვის სოციალური მომსახურების სააგენტოს მზრუნველობის  ქვეშ იმყოფება. შს სამინისტროს მიერ გავრცელებული ინფორმაციით, ის დედამ მიატოვა და თურქეთში წავიდა. სახლის მეპატრონე, სადაც მიტოვებული ქალი შვილებთან ერთად ცხოვრობდა, ამბობს, რომ ქალს მეორე შვილიც უნდა ჰყავდეს. სოციალური მომსახურების სააგენტოში აცხადებენ, რომ მეორე არასრულწლოვნის შესახებ მათ ინფორმაცია არ აქვთ.  

დღეს, 27 თებერვალს, რვა თვის ბავშვი დედის გარეშე მიიყვანეს ანგისაში მდებარე “დედათა და ბავშვთა“ ცენტრში.  ინფორმაცია „ბათუმელებს“ სასწრაფო სამედიცინო სამსახურში და ანგისის დედათა და ბავშვთა სახლში დაუდასტურეს, სადაც ბავშვი საპატრულო პოლიციამ გადაიყვანა.  

ამ წუთებში ქობულეთის საკრებულოს სხდომა იპოთეკარების თანდასწრებით მიმდინარეობს. იპოთეკარებმა ძალის გამოყენებით შეაღწიეს გამგეობის შენობაში. თვითმხილველის თქმით, პოლიციასთან დაპირისპირების დროს ჩაიმტვრა შენობის მთავარი შესასვლელის შუშები. „პოლიციამ ფეხებში ჩაგვიგდო, მაგრამ მერე გამგებელი ჩამოვიდა და შეგვიყვანა შენობაში“, – ყვება თვითმხილველი.

საქართველოს სტატისტიკის ეროვნულმა სამსახურმა მოსახლეობის 2014 წლის საყოველთაო აღწერის საველე სამუშაობიდან მიღებული მონაცემების დამუშავება დაიწყო. მონაცემთა საბოლოო დამუშავების შედეგად ცნობილი გახდება მოსახლეობის რიცხოვნობა, მათი სქესობრივ-ასაკობრივი სტრუქტურა, ეთნიკური შემადგენლობა, დასაქმების, განათლების, ჯანმრთელობის მდგომარეობა, საარსებო წყაროები, საცხოვრებელი პირობებისა და სასოფლო-სამეურნეო აქტიურობის შესახებ ინფორმაცია. 

ამ წუთებში ეგრეთ წოდებულ „ოცნების ქალაქში“ მცოხვრებლებმა ბათუმი-ახალციხის საავტომობილო მაგისტრალი გადაკეტეს. აქციის მონაწილე ამბობს, რომ მათ ორი დღის წინ ელექტროენერგიის მიწოდება შეუწყვიტეს.

ბათუმის საკრებულომ წყალდიდობის შედეგად დაზარალებული მოქალაქის კომპენსირების საკითხი განიხილა. ამ მოქალაქეს ბათუმის მერიამ დახმარებაზე უარი იმიტომ უთხრა, რომ მას ალტერნატიული საცხოვრებელი აღმოაჩნდა. 

 ირინე გივიაშვილი პროფესიით ხელოვნებათმცოდნეა, ოცი წელია თურქეთის საზღვრებში არსებულ ქართულ შუა საუკუნეების არქიტექტურას იკვლევს, ამჟამად იგი ანკარაში ცხოვრობს და მიწვეული ლექტორის სტატუსით ანკარის ბილკენტის უნივერსიტეტში არქეოლოგიის ფაკულტეტზე ასწავლის. მისი საქმიანობა ამით არ შემოიფარგლება, ირინე თურქეთში საქართველოს სრულუფლებიანი და საგანგებო ელჩის, ირაკლი კოპლატაძის მეუღლეა და მისი საქმიანობა დიპლომატიასაც უკავშირდება. 

ამ წუთებში გონიოს მოსახლეობა,  საპროტესტო აქციას მართავს.  აქციის მონაწილეები აჭარის მთავრობის თავმჯდომარესთან შეხვედრას და თავიათი საკუთრების დაბრუნებაზე პასუხს ელოდებიან.  

შ.პ.ს. ,,სავაჭრო ცენტრმა 2009“-მ, ეგრეთ წოდებულ ხოფის ბაზრობის ტერიტორიაზე ხანძრის შედეგად დამწვარი მე-5 სექციის აღდგენით სამუშაოებზე ელექტრონული ტენდერი გამოაცხადა. ტენდერის სავარაუდო ღირებულება 211 617 ლარია და ითვალისწინებს ხანძრის დროს დამწვარი მაღაზიების აშენებასა და კეთილმოწყობას.

ის იყო ოთხმა მოგზაურმა მთის ფერდობზე აივაკა, რომ ძველი წაბლის ხით ნაშენი სახლის კარი გაჭრიალდა. აივანზე ქალი გამოვიდა. მოგზაურები შინ შეიპატიჟა. უარის მიღების შემდეგ  დალოდება ითხოვა. ხუთ წუთზე უფრო ნაკლებ დროში, ხელში ვერცხლისფერი სინითა და სინზე დალაგებული ოთხი დიდი ჭიქით დაბრუნდა. ჭიქები ახალშედედებული მაწვნით იყო სავსე.  

ბათუმის იახტკლუბში კერძო საკუთრებაში მყოფი ტვირთსაზიდი გემი სახელად „სტრანნიკი“ (STRANNIK) დღეს დილით ჩაიძირა.

ქედაში, დღეს, 21 თებერვალს, მოსახლეობის მიერ გამართული აქციის საპასუხოდ, მუნიციპალიტეტის გამგებელმა დავით დუმბაძემ განაცხადა, რომ 2014 წლის მარტში  მოყინული მოსავლის სანაცვლოდ კომპენსაცია ქედის არც ერთ სოფელში არ გაცემულა და იგი მხოლოდ 2014 წლის მაისში მოსული სეტყვით მიყენებული ზარალის ასანაზღაურებლად გასცეს. 

ქედის სოფელ კოკოტაურში, კოკოტაურის წყლის ჩამოსასხმელ საამქროსთან, ბათუმი-ახალციხის მაგისტრალზე ოთხი სოფლის მოსახლეობა ამ წუთებში აქციას მართავს.

ბორშჩი, სოსისი, წიწიბურა, პური და კომპოტი – დაახლოებით ასე გამოიყურება უფასო სადილის მენიუ ერთი დღისათვის. მენიუ ყოველ დღე იცვლება, ერთი ადამიანის გამოსაკვებად დღეში 1 ლარი და 80 თეთრია გათვალისწინებული.  უფასო სადილის მისაღებად ბათუმში მდებარე ხუთ სასადილოს ყოველდღიურად 3042 ადამიანი აკითხავს. აიპი „ბათუმის მუნიციპალური სასადილოს“ ხელმძღვანელის, ბადრი გოგიძის ინფორმაციით, 2015 წლიდან მუნიციპალური სასადილოთი მოსარგებელთა რიცხვი 400 ადამიანით გაიზარდა, ასამდე სოციალურად დაუცველი კი რიგს ელოდება.