Batumelebi | ძლიერი ქარის გამო ადამიანი „დრიმლენდ ოაზისის“ მშენებლობაზეც დაზიანდა ძლიერი ქარის გამო ადამიანი „დრიმლენდ ოაზისის“ მშენებლობაზეც დაზიანდა – Batumelebi
RU | GE  

ძლიერი ქარის გამო ადამიანი „დრიმლენდ ოაზისის“ მშენებლობაზეც დაზიანდა

 

გუშინ ძლიერი ქარით გამოწვეული ზიანი ჯერ დათვლილი არ არის. ცნობილია, რომ ყველაზე მეტად დაზარალდნენ სამშენებლო ობიექტები. მაგალითად, გუშინ ქარის შედეგად მთლიანად მოიშალა ჩაქვში, კომპანია „დრიმლენდ ოაზისის“ სამშენებლო ობიექტის ის სართული, რომელიც დასასხმელად იყო გამზადებული.

 

„გუშინ, როდესაც ქარი ამოვარდა, სამშენებლო ობიექტზე იმყოფებოდნენ მუშები, რომლებმაც მოასწრეს მშენებლობიდან ჩამოსვლა. მაგრამ ერთ მუშას ფეხი გაეჭედა, რის გამოც ვერ ახერხებდა ჩამოსვლას. ფეხი სწორედ მან დაიზიანა“, – უთხრა „ბათუმელებს“ ოაზისის ერთ-ერთმა მენეჯერმა. „ბათუმელების“ ინფორმაციით, ამ მუშას ფეხი აქვს მოტეხილი.

 

„ბათუმელებმა“ ჯერჯერობით ვერ დაადგინა „დრიმლენდ ოაზისის“ მშენებელმა კომპანიამ აღმოუჩინა თუ არა დაზარალებულ თანამშრომელს დახმარება. ტელეფონის ნომერზე, რომელიც წესით კომპანია „იმერეთი 98“-ის (მშენებელი კომპანია) მფლობელს უნდა ეკუთვნოდეს, სატელეფონო ზარებს არ პასუხობენ.

 

ნეტგაზეთის მასალების სხვა გამოცემებში გადაბეჭდვის წესი
ბათუმელები