„აჭარის ბიუჯეტი წალკაში მცხოვრები ეკომიგრანტებისთვის საცხოვრებელი სახლების შესაძენად თანხას ვერ გამოჰყოფს. ეს აჭარის ჯანდაცვისა და სოციალური დაცვის სამინისტროს ფუნქციებში შედის და ჩვენ ვმუშაობთ ამ მიმართულებით.
2014 წლის ბიუჯეტიდან დაახლოებით 30-მდე სახლის შეძენა უნდა მოხდეს. როგორც ვიცი ღორჯომელაძეების ოჯახი წალკაში 2000 წლიდან ცხოვრობდა და ჩაწერილები არიან იქ, მახარაძეების ოჯახი კი ქობულეთშია ჩაწერილი და წალკაში თვითნებურად წავიდნენ. შესაბამისად, მინისტრის მოადგილე ჩავიდა წალკაში, გაეცნო სიტუაციას და ჩვენ ოპერატიულად გადავწყვეტთ, თუ რა სამუშაოები და რა მიმართულება უნდა იყოს შერჩეული“-აცხადებს ხაბაძე.
წალკის მუნიციპალიტეტიდან გუშინ ღამით, ორი, ღორჯომელაძის და მახარაძის ოჯახები გამოასახლეს. ისინი ადგილობრივი ბერძნების კუთვნილ სახლებში ცხოვრობდნენ. ხელისუფლება ეკომიგრანტებს სახლების შეძენას რამდენიმე წელია ჰპირდება.
გამოსახლების საფრთხის წინაშე, წალკაში ათეულობით ოჯახი დგას.
